Morgunblaðið - 17.12.2014, Síða 6

Þórunn Kristjánsdóttir
thorunn@mbl.is
Skrifstofa eigna og atvinnuþróunar
Reykjavíkurborgar hefur fengið
heimild til að ganga til samninga við
Faxaflóahafnir sf. um að kaupa land í
Gufunesi. Það er þó með fyrirvarara
um endanlegt kaupverð.
Lóðin sem um ræðir er á Gufunesi
og Eiðsvík þar sem áburðarverk-
smiðjan stendur en borgin á eignir á
lóðinni.
Fengu lóðina í makaskiptum
Faxaflóahafnir sf. eignuðust lóð-
ina árið 1997 í makaskiptum sem þá
áttu sér stað við Reykjavíkurborg.
Borgin eignaðist á móti ákveðnar
lóðir og eignir í miðborginni.
Á aðalskipulagi Reykjavíkurborg-
ar, sem var í gildi árið 1997 þegar
Faxaflóahafnir eignuðust lóðina, var
gert ráð fyrir að hafnarsvæði væri í
Eiðsvík, Gufunesi og við Geldinga-
nes.
Samkvæmt nýju aðalskipulagi
Reykjavíkurborgar er ekki gert ráð
fyrir hafnarstarfsemi á þessu svæði.
„Það er í sjálfu sér engin ástæða
fyrir okkur til að eiga þetta land
lengur,“ segir Gísli Gíslason, hafn-
arstjóri Faxaflóahafna sf.
Faxaflóahafnir eiga um 70 hektara
á Geldinganesi, 20 hektara í Gufu-
nesi og síðan tvær lóðir í Eiðsvík sem
eru samtals liðlega 20.000 fermetrar.
Ýmsar hugmyndir hafa verið uppi
um notkun svæðisins eftir að rekstri
áburðarverksmiðjunnar var hætt ár-
ið 2002. Ríkið reisti verksmiðjuna og
rak hana frá 1954 til ársins 1999, en
þá var hún seld einkaaðilum.
Áhugi á að kaupa lóð
Faxaflóahafna í Gufunesi
 Hafnastarfsemi
ekki lengur á
aðalskipulagi Eiðsvik
20 hektara lóð í Gufunesi og Eiðsvík
200.172 m2
Hafnarmörk
Lóðir
Aðrar lóðir
2.061 m2
10.680 m2
10.617 m2
Gufunes Faxaflóahafnir sf. eign-
uðust lóðina árið 1997.
6 FRÉTTIRInnlent
MORGUNBLAÐIÐ MIÐVIKUDAGUR 17. DESEMBER 2014
Kringlan 4-12 | s. 577-7040 • loccitane.com
L’OCCITAN GJAFAKASSI - FYRIR HERRA
Jólatilboð: 8.990 kr.
Andvirði: 12.440 kr.
Sturtusápa 250 ml - 2.380 kr. | After Shave krem 30 ml - 1.870 kr.
Eau deToilette 100 ml - 7.590 kr. | Rakstursgel 30 ml - 600 kr.*
SVÍFÐU INN Í
JÓLAHÁTÍÐINA
*E
kk
is
el
t
íl
au
sa
sö
lu
.
Guðni Einarsson
gudni@mbl.is
Fuglar sem hafa hér vetursetu eru
margir mjög háðir matargjöfum. Í
hópi þeirra sem fóðra fugla reglu-
lega eru þeir Arnþór Garðarsson
dýrafræðingur og Guðmundur A.
Guðmundsson dýravistfræðingur
sem báðir stunda fuglarannsóknir.
Arnþór fóðrar fugla við heimili sitt
í austurborg Reykjavíkur. Aðallega
eru það starar, þrestir og hrafnar
sem koma í matinn. Hann gefur
fuglunum á tvo palla nær daglega og
eykur gjöfina þegar frostið herðir.
Fuglarnir fá mör sem Arnþór
hamstraði í sláturtíðinni og eins
mikið af matarleifum frá heimilinu.
Hann segist ekki henda mat, nema
stórum beinum. Fiskroð er saxað
smátt og þrestir og starar gera sér
gott af því. Krummarnir fá feitan af-
skurð, fiskafganga og kjúklingabein.
Arnþór sagði að oft kæmu um 200
starar í einu, allt að 30 skógarþrestir
auk svartþrasta, auðnutittlinga og
sjaldgæfari fugla.
„Næringargildið skiptir máli.
Fuglarnir þurfa mikla fitu og mikið
prótein,“ sagði Arnþór. „Fólk er allt-
af að gefa snjótittlingum en það eru
starar og þrestir sem koma að éta.
Borgin er að verða að skógi og það
eru engir snjótittlingar í kjarrinu.“
Þrestirnir og stararnir, að ekki sé
talað um hrafninn, eru á allt öðru
fæði en snjótittlingar. Arnþór sagði
að fuglarnir væru sólgnir í feitmeti.
Þurfi fólk að losna við gamla sósu er
upplagt að setja t.d. haframjöli út í
hana og gefa fuglum.
Gefur fuglunum smjörlíki
Guðmundur A. Guðmundsson
fóðrar fugla við heimili sitt í miðborg
Reykjavíkur. Hann sagði að fugla-
fóður, bæði hveitikorn og maískurl,
nýttist aðallega snjótittlingum. Þeir
kæmu helst til borgarinnar þegar
væru jarðbönn. Hann sagði að þétt-
býlisfuglar eins og þrestir ætu fyrst
og fremst ávexti og fíngert korn eins
og sólblómafræ og sólblómakjarna.
Auðnutittlingar sækja mikið í sól-
blómakjarna og ráða líka við
sólblómafræin. Til hans sækja um
150 starar, tugir skógarþrasta,
svartþrestir og auðnutittlingar, oft í
um 50 fugla hópum. Í haust hefur
hann merkt um 850 auðnutittlinga í
garðinum sínum.
Guðmundur sagði að fuglarnir
gerðu sér að góðu það sem væri í
boði hverju sinni. „Starinn tekur allt
og þrösturinn er meira í ávöxtunum
og brauðinu. Ég hef hengt epli á
trjágreinar.“ Guðmundur stingur
kjarnann úr eplunum, sker þau í
tvennt og smeygir eplahelming-
unum á trjágreinar. Fuglarnir sjást
vel þegar þeir kroppa í eplin.
Guðmundur sagði að margir flæk-
ingsfuglar myndu ekki komast af án
matargjafa í tíðarfari eins og verið
hefði undanfarið. Hann kaupir líka
smjörlíki handa fuglunum. Ýmist
leggur hann stykkin á jörðina eða
sker þau í tvennt, gatar og smeygir
upp á greinar. Ef fuglamat er dreift
á jörðina þarf að gera það á fremur
opnu svæði vegna katta.
„Stararnir eru kannski fyrst og
fremst í smjörlíkinu. Krumminn
kemur líka og stelur smjörlíki. Safn-
ar bitunum af jörðinni og fer með þá.
Þess vegna fór ég að hengja smjör-
líkið í runna.“
Auk þess að fóðra spörfugla gefa
margir gæsum og öndum við tjarnir
og víðar í borginni. Gæsirnar sem
dvelja hér yfir veturinn eru talsvert
háðar brauð- og korngjöfum, að
sögn Guðmundar.
Smáfuglar háðir matargjöfum
 Margir fóðra smáfuglana yfir veturinn  Tveir fuglafræðingar eru duglegir við að gefa fuglunum
 Fóður fyrir snjótittlinga hentar síður fyrir borgarfuglana  Fuglarnir eru sólgnir í feitmeti
Morgunblaðið/Árni Sæberg
Borgarfuglar Skógarþrestir og starar eru algengastir í borginni sem er orðin skógi vaxin. Snjótittlingarnir sjást helst þegar jarðbönn eru á bersvæðum.
Þeir sem vilja fóðra borgarfuglana ættu að gefa
þeim epli og fínna korn en snjótittlingafóðrið.
Þar má nefna korn eins og sólblómafræ og sól-
blómakjarna. Hægt er að gefa kornið á jörðina en
einnig er gott að vera með fóðrunarstauka. Þeir
hafa bæði fengist í sumum byggingavöruversl-
unum og hjá Fuglavernd.
Fuglarnir þurfa bæði fitu og prótein til að fá
næga orku. Gott er að gefa feitmeti með korn-
metinu eins og mör, feitar sósur og smjörlíki.
Mikilvægt er að gefa fuglunum reglulega. Þegar fuglarnir hafa lært að
rata á fóðurstaðina eru þeir fljótir að nýta sér fóðrið.
Fjölbreyttur matseðill
MIKILVÆGT ER AÐ FÓÐRA FUGLANA REGLULEGA