Fréttablaðið - 06.10.2015, Page 6

Bíða í röð eftir gististað í Berlín
félagsmál „Forræðishyggja og
skert sjálfræði er því miður daglegur
veruleiki hjá allt of mörgum einstak-
lingum með þroskahömlun og við
höfum barist fyrir því um árabil að
við því verði brugðist með viðeigandi
hætti og mögulegum úrræðum,“ segir
Bryndís Snæbjörnsdóttir, formaður
Landssamtakanna Þroskahjálpar,
spurð um nýja rannsókn sem sýnir
hversu mjög sjálfræði fólks með
þroskahömlun er skert og Frétta-
blaðið sagði frá á föstudag.
Rannsóknin sýnir svart á hvítu að
skerðing sjálfræðis nær til allra dag-
legra athafna, fjármála, búsetu og
persónulegra sambanda við aðra.
Bryndís bendir á baráttumál
Þroskahjálpar sem er að húsnæði og
þjónusta verði aðskilin og að fólk hafi
val um með hverjum það býr, en sé
ekki skikkað til að búa í þar til gerðu
húsnæði „með fólki sem það kærir sig
jafnvel alls ekki um að búa með“.
Í desember 2010 var samþykkt
á Alþingi reglugerð 1054/2010 um
þjónustu við fatlað fólk á heimili.
Samkvæmt reglugerðinni á fólk að
hafa val um hvar það býr og með
hverjum.
„En því miður eru allt of mörg
dæmi um að svo sé alls ekki. Okkur
finnst því mjög brýnt að skoðað verði
hver er framfylgd þessarar mikilvægu
reglugerðar og að ríki og sveitarfélög
tryggi að fatlað fólk njóti í raun þeirra
lagalegu réttinda sem þar er mælt
fyrir um,“ segir Bryndís og bætir við
að í samningi Sameinuðu þjóðanna
um réttindi fatlaðs fólks sé jafnframt
kveðið á um þennan rétt á mjög
afgerandi hátt.
„Leiðarstefið í samningnum er
réttur fatlaðs fólks til að lifa sjálf-
stæðu lífi og fá að taka ákvarðanir um
eigið líf. Við eigum enn mjög langt í
land með að uppfylla þessi ákvæði.
Það er alveg ljóst að það þarf að eiga
sér stað hugarfarsbreyting í samfé-
laginu til að þessi markmið samn-
ingsins verði uppfyllt,“ segir Bryndís.
„Ráðamenn þjóðarinnar þurfa að
viðurkenna þennan rétt og jafnhliða
því að tryggja nægilegt fjármagn til
þjónustu við fatlað fólk. Fyrr verður
ekki hægt að uppfylla þessi sjálfsögðu
mannréttindi. Fyrr er alls ekki hægt
að líta svo á að manngildi fólks með
þroskahömlun njóti viðurkenningar
og virðingar í samfélaginu. Þetta
þurfa stjórnvöld að horfast í augu
við og grípa til nauðsynlegra aðgerða
með lögum og reglum, fjárveitingum,
stjórnsýsluframkvæmd og skilvirku
eftirliti með framkvæmdinni.“
svavar@frettabladid.is
Stjórnvöld verða að
grípa til aðgerða strax
Samtökunum Þroskahjálp koma niðurstöður rannsóknar um verulega skert
sjálfræði fólks með þroskahömlun ekkert á óvart. Stjórnvöld verði að grípa til
nauðsynlegra aðgerða með lögum og reglum, fjárveitingum og skilvirku eftirliti.
Höfum ekki fullgilt
samninginn
• Ísland undirritaði samning
Sameinuðu þjóðanna um réttindi
fatlaðs fólks (CRPD)  30. mars
2007. Markmið samningsins er að
efla, verja og tryggja full og jöfn
mannréttindi og grundvallarfrelsi
fyrir allt fatlað fólk til jafns við
aðra.
• Af þeim 155 aðilum sem undir-
rituðu samninginn hafa 132 aðilar
fullgilt hann. Í þeim hópi eru Dan-
mörk, Svíþjóð og  Noregur ásamt
flestum öðrum Evrópuþjóðum.
• Alþingi samþykkti hinn 11. júní
2012 framkvæmdaáætlun um
málefni fatlaðs fólks. Á grundvelli
hennar hefur innanríkisráðuneytið
leitt vinnu samstarfsnefndar ráðu-
neyta við að undirbúa fullgildingu
samningsins.
Leiðarstefið í
samningnum er
réttur fatlaðs fólks til að lifa
sjálfstæðu lífi og fá að taka
ákvarðanir um eigið líf. Við
eigum enn mjög
langt í land
með að
uppfylla
þessi ákvæði.
Bryndís Snæbjörnsdóttir,
formaður Þroskahjálpar
Göngugreining
Pantaðu
tíma
í síma
5173900
Orkhúsinu / Suðurlandsbraut 34 / 517 3900
Vandamál sem göngugreining Flexor getur
hjálpað til við að leysa eru til dæmis:
• þreytuverkir og pirringur í fótum
• verkir í hnjám
• sársauki eða eymsli í hælum
(hælspori, „plantar fasciitis“ o.fl.)
• beinhimnubólga
• óþægindi eða verkir í baki
og/eða mjöðmum
• verkir í tábergi og/eða iljum
• hásinavandamál
• óþægindi í ökklum
• þreytu- og álagsverkir
hjá börnum og unglingum
lögreglumál Fólksbíll sem lög-
reglan lagði hald á síðastliðinn
mánudag vegna gruns um að fíkni-
efni væru í honum var vaktaður af
fíkniefnalögreglunni í nokkra daga
þar sem hann stóð óhreyfður á
bílaplani.
Fréttablaðið greindi frá því í gær
að lögreglan á höfuðborgarsvæð-
inu hefði lagt hald á tugi kílóa af
sterkum fíkniefnum sem fundust
í bílnum. Fjórir einstaklingar sitja
nú í gæsluvarðhaldi vegna máls-
ins. Tveir þeirra eru Íslendingar
og tveir Hollendingar. Þeir eru á
þrítugs- og fertugsaldri.
Samkvæmt heimildum Frétta-
blaðsins eru efnin sem um ræðir
kókaín og amfetamín og hleypur
götuverð efnanna á hundruðum
milljóna.
Tveir Hollendingar komu með
bifreiðina hingað til lands með
Norrænu þann  22. september
síðastliðinn.
Tollverðir á Seyðisfirði leituðu
í bifreiðinni eftir að fíkniefna-
hundur tollgæslunnar sýndi bíln-
um athygli. Engin efni fundust þó
í bílnum við leitina og hélt fólkið
sína leið.
Samkvæmt heimildum Frétta-
blaðsins gerði tollgæslan lögreglu
þó viðvart um að grunur léki á að
fíkniefni væru í bifreiðinni. Í kjöl-
farið vaktaði lögregla bílinn.
Hollendingarnir yfirgáfu bíl-
inn í nokkra daga og stóð hann
óhreyfður á bílaplani.
Einstaklingarnir fjórir voru
handteknir eftir að Hollending-
arnir fóru af stað á bílnum og hittu
annan móttakanda efnanna.
Við leit lögreglu í bílnum fund-
ust fíkniefnin. Það má því gefa sér
að efnin hafi verið vel falin þar sem
efnin fundust ekki við fyrstu leit.
Lögreglan vill ekki veita upp-
lýsingar um málið að svo stöddu
vegna rannsóknarhagsmuna. Aldís
Hilmarsdóttir, aðstoðaryfirlög-
regluþjónn á höfuðborgarsvæð-
inu, sagði í samtali við Fréttablað-
ið í gær að um væri að ræða mjög
stórt mál á íslenskan mælikvarða.
Þetta er þriðja stóra fíkniefna-
málið sem komið hefur upp á
Íslandi á stuttum tíma. Tollverðir
á Seyðisfirði fundu 80 kílógrömm
af MDMA í húsbíl sem kom einn-
ig með Norrænu til Seyðisfjarðar
í byrjun september síðastliðins.
Hollenskt par situr nú í gæslu-
varðhaldi vegna málsins. Bæði
málin eru með stærstu fíkniefna-
málum sem komið hafa upp hér
á landi.
Þá voru hollenskar mæðgur
stöðvaðar með tæplega tuttugu
kíló af fíkniefnum í Leifsstöð um
páskana.
„Skjólstæðingur minn lýsir yfir
sakleysi sínu. Hann hefur aldrei
komist í kast við lögin og veit ekk-
ert hverjir hinir einstaklingarnir
eru,“ segir Hólmgeir Elías Flosa-
son, verjandi eins þeirra grunuðu
sem ekki var á staðnum við mót-
töku efnanna.
nadine@frettabladid.is
Fylgst var með hollenska
bílnum í nokkra daga
Tveir Hollendingar komu með bifreiðina hingað til lands með Norrænu þann 22.
september síðastliðinn. FréTTablaðið/gva
Bíða skráningar Hundruð flóttamanna biðu skráningar fyrir utan skrifstofu útlendingamála í Berlín í gær.
Yfirvöld í Þýskalandi reikna með að allt að ein og hálf milljón flóttamanna komi til landsins á þessu ári.
FréTTablaðið/epa
6 . o k t ó b e r 2 0 1 5 Þ r I Ð J u D a g u r6 f r é t t I r ∙ f r é t t a b l a Ð I Ð
0
2
-1
1
-2
0
1
5

1
0
:3
1
F
B
0
4
8
s
_
P
0
4
3
K
.p
1
.p
d
f
F
B
0
4
8
s
_
P
0
4
2
K
.p
1
.p
d
f
F
B
0
4
8
s
_
P
0
0
6
K
.p
1
.p
d
f
F
B
0
4
8
s
_
P
0
0
7
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
C
3
-5
9
7
0
1
6
C
3
-5
8
3
4
1
6
C
3
-5
6
F
8
1
6
C
3
-5
5
B
C
2
7
5
X
4
0
0
.0
0
1
5
B

F
B
0
4
8
s
_
5
1
0
2
0
1
5
C
M
Y
K