Breiðholtsblaðið - 01.05.2006, Blaðsíða 2

MAÍ 20062 Breiðholtsblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Auglýsingasími: 511 1188 • 561 1594 • 895 8298
Netfang: borgarblod@simnet.is
Ritstjóri: Þórður Ingimarsson, Sími: 551 1519 • 893 5904
Netfang: thord@itn.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Prentsmiðja Morgunblaðsins
Dreifing: Íslandspóstur
5. tbl. 13. árgangur
Breiðholtsblaðið er gefið út í 9000 eintökum og dreift
frítt í hvert hús í Breiðholtinu.
Einstaklingsmiðuð
jafnaðarmennska
S T U T T A R
B O R G A R F R É T T I R
Ánægja með þjónustu
borgarinnar
Í nýrri þjónustukönnun sem
Gallup hefur unnið fyrir Reykja-
víkurborg kemur fram að mikill
meirihluti viðskiptavina þjónustu-
miðstöðva borgarinnar eru
ánægðir með þjónustu miðstöðv-
anna. Könnunin náði til sjö þjón-
ustuaðila í 16 starfstöðvum og
töldu um 85% aðspurðra sig mjög
ánægða.
Um 92% foreldra barna á leik-
skólum töldu þjónustu leikskól-
ans góða eða frekar góða og um
95% foreldra töldu að barni eða
börnum þeirra liði vel í leikskól-
anum. Um 87% foreldra töldu
þjónustu frístundaheimilanna
góða og sérstaka athygli vakti að
foreldrar barna með annað móð-
urmál en íslensku töldu þjónust-
una yfirleitt mjög góða. Þegar
spurt var um heimsendan mat og
viðmót starfsfólks komu sam-
bærilegar tölur í ljós. Um 92%
töldu matinn góðann og 95%
hældu viðmóti starfsfólks. Þá má
geta þess að vaxandi ánægja er
með þjónustu símavers Reykja-
víkurborgar en hlutfall þeirra sem
töldu hana góða hækkaði úr 62% í
73% á milli kannanna.
600 milljónir fyrir
byggingarétt
Þýska verslanakeðjan Bauhaus
mun greiða 600 milljónir króna
fyrir byggingarétt í landi Úlfars-
fell. Lóð Bauhaus verður í svo-
nefndum Höllum við rætur Úlfars-
fells vestan Vesturlandsvegar.
Verðið sem greitt verður fyrir
byggingaréttinn nemur um 30.800
krónum á hvern fermetra en gert
er ráð fyrir allt að 20 þúsund fer-
metra byggingu á lóðinni.
Byggt yfir 1400 hross
á Hólmsheiði
Hestamannafélagið Fákur hefur
fengið úthlutað lóðum fyrir hest-
hús og aðstöðu til hrossaíþrótta í
Almannadal á Hólmsheiði.
Gert er ráð fyrir að byggja megi
yfir allt að 1400 hross á hinu nýja
hesthúsasvæði en auk þess verð-
ur gert ráð fyrir reiðskemmu, fé-
lagsheimili, gæðingavelli með
áhorfendasvæði, skeiðbraut og
tamningagerði á skipulagi svæðis-
ins. Þá er einnig gert ráð fyrir sér-
stöku beitarhólfi á Hólmsheiði í
tengslum við hesthúsabyggðina.
Fimm milljarða
afgangur
Rekstur borgarsjóðs og fyrir-
tækja Reykjavíkurborgar skilaði
5.140 milljóna króna afgangi árið
2005 en ætlanir höfðu gert ráð
fyrir 417 milljóna króna rekstrar-
halla. Skýra má þessa breytingu
annarsvegar með gengishagnaði
en lægri rekstrarkostnaður en
gert var ráð fyrir á einnig þátt í
betri afkomu.
Hreinar skuldir borgarsjóðs
Reykjavíkurborgar lækkuðu um
1.484 milljónir króna á síðasta ári.
Á sama tíma jukust eignir borgar-
innar um 2,8 milljarða. Þetta kem-
ur fram í ársreikningi Reykjavík-
urborgar, sem nýverið var til um-
ræðu í borgarstjórn. Samkvæmt
ársreikningnum var rekstur mála-
flokka borgarinnar 1,2 milljörðum
króna undir ráðstöfunarheimild-
um en hækkun lífeyrisskuldbind-
ingar var 1,3 milljarði umfram
áætlun. Heildarskuldir lækkuðu
um 605 milljónir króna úr 6,6
milljörðum króna í 5,1 milljarð.
Afkoma borgarsjóðs varð 651
milljón króna betri á árinu 2005,
en fjárhagsáætlun gerði ráð fyrir.
Skuldbindingarnar bókfærast á
það ár sem til þeirra er stofnað
þó þær séu greiddar á löngu ára-
bili. Rekstur málaflokka var hins-
vegar 1.163 milljónir króna undir
fjárheimildum.
Heildarskuldir borgarsjóðs
lækkuðu á árinu 2005 um 605
milljónir og námu í árslok 21.073
milljónum. Það svarar til þess að
heildarskuldir á íbúa nemi 184
þúsund krónum. Meðalskuldir
bæjarsjóða á íbúa í þeim þremur
sveitarfélögum sem næst koma
Reykjavík að mannfjölda nema
334 þúsund krónum.
Heildarskuldir samstæðu
Reykjavíkurborgar, þar sem lán-
tökur Orkuveitunnar vegna virkj-
anaframkvæmda vega þungt eru
um 10,1 milljarður króna og nema
nú 78,4 milljörðum króna.
Eignir borgarsjóðs eru nú
metnar á 88,8 milljarða króna en
eignir samstæðunnar nema 214,4
milljörðum.
Áslaug og Sigrún
hlutu barnabókaverð-
launin
Áslaug Jónsdóttir og Sigrún
Árnadóttir hlutu barnabókaverð-
laun menntaráðs Reykjavíkur-
borgar. Áslaug hlaut barnabóka-
verðlaun fyrir bókina Gott kvöld
sem bestu frumsömdu barnabók-
ina og Sigrún fékk verðlaun fyrir
bestu þýddu bókina en það var
Appelsínustelpan eftir norska
barnabókahöfundinn Jostein
Gaardner.
Í bókinni Gott kvöld segir Ás-
laug Jónsdóttir í máli og myndum
frá litlum strák sem er skilinn eftir
einn heima á meðan pabbi
skreppur frá til að sækja mömmu.
Það væri nú ekki svo slæmt ef
bangsinn hans væri ekki hræddur
við þjófa og vofur og myrkur og
skrýtin hljóð. Í Appelsínustelp-
unni segir frá Georg sem er
fimmtán ára strákur sem býr með
móður sinni, stjúpföður og litlu
systur. Lífið er gott og allt gengur
vel en þá berst honum bréf frá
föður sínum sem dó þegar Georg
var fjögurra ára. Bréfið hafði faðir
hans skrifað þegar hann var orð-
inn veikur og beið dauðans. Þar
segir faðirinn fallega sögu og
hjálpar Georg að horfast í augu
við lífið og tilveruna en þó fyrst
og fremst dauðann.
A ð tíu dögum liðnum ganga landsmenn til sveitarstjórnarkosninga.Aðdragandi kosninganna hefur fyrst og fremst mótast af hógværð.
Hann hefur mótast af verkefnum sveitarfélaganna og þeirri margvís-
legu og lögbundnu þjónustu við íbúana sem þeim er skylt að veita. Tekjur
sveitarfélaga eru ákveðnar af löggjafanum og allt að 90 af hundraði tekna
margra sveitarfélaga er ráðstafað til þessara verkefna með lögum. Hendur
sveitarstjórna eru því að miklu leyti bundnar lögskipuðum og fyrirfram
ákveðnum verkefnum. Þær hafa takmarkað svigrúm til að breyta eða
brydda á nýjungum.
S tjórnhættir sveitarfélaga mótast af þessum aðstæðum. Takmarkaðrúm er fyrir flokkspólitískar áherslur í starfi þeirra. Víða um land riðl-
ast flokkslínur og framboð verða til á öðrum forsendum en á pólitísk-
um áherslum stjórnmálaflokkanna. Það er fyrst og fremst í stærstu sveit-
arfélögunum, og þá einkum í Reykjavíkurborg sem stjórnmálaflokkarnir
leitast við að leggja beinar áherslur í sveitarstjórnarmálum.
Þ ótt lýðræðishugsunin sé þungamiðja borgar- og sveitarstjórnarkosn-inga þá fara þær engu að síður fram innan þeirra marka sem störfum
sveitarstjórna og rekstri sveitarfélaga eru sett. Þessi takmörk hafa
komið í ljós með greinilegum hætti í aðdraganda þeirra kosninga sem
bráðum fara fram. Áherslur stjórnmálaflokkanna eru um margt líkar. Efl-
ing skólastarfs. Efling íþróttalífs og útivistar. Betri aðstæður eldri borgara
og bætt almennt umhverfi eru málefni sem allir vilja vinna að.
S érkenni Íslendinga má m.a. finna í áhuga þeirra á að búa afskekkt íborg. Þessi sérkenni hafa oft komið í ljós þegar þétting byggðar hefur
verið til umræðu. Þá rísa upp raddir sem sjá ofsjónum yfir aukinni
umferð í nágrenni heimila sinna og að útsýni kunni að glatast hvert svo
sem það er. Ef til vill hafa landsmenn aldrei lært að búa í því sem kallast
mætti eðlilegt borgarumhverfi samkvæmt þéttleikastuðli og með þjónustu
innan göngumarka. Litlar líkur eru til þess að umtalsverð breyting verði á
skipulagsmálum í Reykjavík hver sem heldur um stjórnvölin. Ný hverfi
verða áfram að veruleika utan þeirra sem nú verið að reisa. Stjórnvöld
leggja ekki til atlögu við viðurkennda dreifbýlisborgarmenninguna eða dýr
leikföng landans sem fara um borg og byggð á fjórum hjólum.
Umræðurnar sem spunnist hafa um Reykjavíkurflugvöll í aðdragandakosninganna eru eðlilegar. Völlurinn stendur á dýru byggingarlandi
og nauðsynlegu borgarþróuninni og verður að öllum líkum að víkja
af þeim sökum í framtíðinni. Frambjóðendur treysta sér á hinn bóginn
ekki til að taka af skarið um að sú starfsemi sem þar fer nú fram flytjist til
Keflavíkurflugvallar. Þeir bera nú á borð hugmyndir um að byggja innan-
landsflugvöll, jafnvel út á sjó eða í grennd við vatnsból borgarbúa. Ekki
hefur komið fram af þeirra hálfu hvort þeir telja Reykjavíkurborg hafa svo
sterka hagsmuni af því að hafa innanlandsflugvöll innan borgarmarkanna
eða í landi Setjarnarneskaupstaðar að þeir telji slíka framkvæmd fjármun-
anna virði. Eða eru þeir að beygja sig fyrir þrýstingi frá byggðasinnuðum
samgönguyfirvöldum og frá landsbyggðinni sem telur sig afskipta komist
byggðabúar ekki á fimm mínútum frá flugvelli á Austurvöll eða á Lindar-
götu.
K osningarnar í næstu viku munu einkum snúast um tvo póla líkt og ámeðan R-listinn var og hét. Önnur framboð virðast njóta takmarkaðr-
ar athygli ef tekið er mark á skoðanakönnunum. Pólitískur munur er
þó hvergi afgerandi. Að einhverju leyti vegna þeirrar þröngu stöðu sem
sveitarstjórnarmál bjóða. En einnig vegna þess að ákveðin miðjupólitík
eða einstaklingsmiðuð jafnaðarmennska er hvarvetna sett á oddinn.
Smiðjuvegi
Hér
er ég!