Breiðholtsblaðið - 01.05.2006, Blaðsíða 8
MAÍ 20068 Breiðholtsblaðið
Vorið er að ganga í garð og þá
fer fólk að huga að görðum sínum.
Vorverkin hefjast gjarnan með
hreinsun, að rífa upp mosann og
koma kalkinu í jörðina og því
næst gróðursetningu þar sem fólk
er að rækta eða auka við gróður
umhverfis heimili sín. Gísli Sig-
urðsson í Garðheimum í Mjódd er
einn þeirra sem fylgst hefur með
vorverkum borgarbúa og ekki síst
Breiðhyltinga á undanförnum
árum. Gísli festi kaup á verslun
Sölufélags garðyrkjumanna á sín-
um tíma, flutti hana í Mjóddina og
nefndi Garðheima. Þar er hann
búinn að starfa á sjötta ár að upp-
byggingu fyrirtækis í ræktun og
verslun með gróður og garðavör-
ur. Hann segir þeirri uppbyggingu
langt í frá lokið. „Maður verður
alltaf að hafa augun opin fyrir nýj-
ungum og garðyrkjan tekur breyt-
ingum eins og annað. Áhugasvið
fólks og þarfir eru aðrar en þegar
ég byrjaði og því er ekki að leyna
að fólk er farið að sinna görðum
sínum af mun meiri alúð og natni
en áður var. Garðurinn og umönn-
un hans er orðin stærri hluti af
heimilinu og fjölskyldulífinu en
áður var þegar það þótti jafnvel
kvöð á heimilisfólkið að fara út
með sláttuvélina nokkrum sinnum
yfir sumarið.“
Grænar rætur
Gísli er Hríseyingur að ætt og á
grænar rætur sínar að rekja til
Listigarðsins á Akureyri en Anna
Schiöth, sem var upphafsmann-
eskja að þeirri bæjarprýði var
langamma hans. „Það var alltaf
nokkurt ræktunarstarf á æsku-
heimili mínu í Hrísey og við rækt-
uðum ýmis konar grænmeti sem
ég held að fólk hafi ekki almennt
ræktað á þeim tíma. Þetta var arf-
ur frá gömlu konunni og þegar ég
horfi á starf mitt þá er þessi arfur
ákaflega nærri,“ segir Gísli og bíð-
ur tíðindamanni kaffi í rúmgóðri
kaffistofu Garðheima áður en þeir
færa sig yfir á hitt loftið í bygging-
unni þar sem skrifstofuaðstaða
þeirra hjóna og starfsfólks er til
húsa. Gísli segir að þurft hafi að
stækka kaffistofuna vegna þess að
hún sé einnig notuð sem kennslu-
stofa og fyrir námskeiðahald sem
Garðheimar standa fyrir á vet-
urna.
Húsnæði og garður sem
ein heild
Gísli segir að vorverkin séu
heldur seinna á ferðinni en venju-
lega. Kuldarnir í apríl eigi sinn
þátt í því og fólk fari almennt ekki
að huga að görðum sínum fyrr fari
að sjást í græna litinn og gróður-
inn að taka við sér. „Garðyrkjan er
orðin mun almennara áhugamál
en áður var og fólk er einnig farið
að tengja garðinn mun meira
heimilinu en áður. Hann er orðinn
stærri hluti af heimilislífinu og
meira af heimilishaldinu tengist
honum með einhverjum hætti.
Grillmenningin á án efa nokkuð
stóran þátt í því og hlýnandi veðr-
átta og aukið skjól undanfarinna
ára hefur aukið áhuga fólks á all-
skyns útivist þar sem heimilis-
garðurinn er ekki undanskilin.
Verslun með garðvörur hefur ein-
nig tekið miklum breytingum þar
sem þurft hefur að sinna eftir-
spurn eftir hlutum sem fólk sóttist
ekki eftir áður. Í því sambandi get
ég nefnt ýmiskonar húsgögn,
hitara, dælur og fleiri vörur sem
tengjast garðlífinu. Hlýrri sumur
þýða einnig að hægt er að velja
fjölbreyttari plöntutegundir til
ræktunar heldur en var og einnig
hefur ræktunartækninni fleygt
fram þannig að nú er unnt að búa
til afkvæmi af trjám og runnum
sem eru þolnari gagnvart kulda.
Þetta þýðir að fólk á kost á mun
fjölbreyttari ræktun en var og er
tilbúið til þess að nýta sér hana.
Mér finnst að ákveðin vakning
hafa orðið hjá fólki til að rækta og
skreyta í kringum sig með falleg-
um runnum og blómum. Einnig er
að aukast áhuga fyrir að hafa
rennandi vatn í görðum og nú eru
fáanlegar litlar og handhægar dæl-
ur til þess að dæla vatni og
mynda garðtjarnir með sírennsli
þar sem hægt er að nota sama
vatnið aftur og aftur. Fólk byggir
síðan umhverfi þessara garð-
tjarna með allskyns skrauti, stytt-
um og öðru slíku. Ef ég ætti að
lýsa þeim breytingum sem orðið
hafa á heimilisgörðum fólks og
notkun þeirra í einni setningu
mynd ég segja að fólk væri farið
að líta á heimilið, húsnæðið og
garðinn, meira sem eina heild en
áður var.“
Erum alveg miðsvæðis
Gísli var inntur eftir hvort hann
hefði haft Breiðholtið sérstaklega
í huga þegar hann ákvað að stað-
setja Garðheima í Mjóddinni mið-
bæ Breiðhyltinga. Hann segir það
hafa ráðið staðsetningunni að
nokkru en ákveðinn hluti af starf-
seminni hafi alltaf verið að veita
ræktuninni í landinu þjónustu án
tillits til staðsetningar. „Áður en
við komum hingað þá var sá hluti
starfseminnar aðalatriðið í rekstr-
inum en eftir að Garðheimar voru
opnaðir hefur einnig verið lögð
áhersla á þjónustu við borgarbú-
ana, heimilin í Reykjavík og á höf-
uðborgarsvæðinu vegna þess að
við erum ákaflega miðsvæðis þeg-
ar litið er á hvernig byggðin er
sett saman og dreifð. Mjóddin
tengist raunar öllum byggðunum
á Höfuðborgarsvæðinu. Leiðin til
Kópavogs, Garðabæjar og Hafnar-
fjarðar liggur hér næstum við hús-
vegginn og Breiðholtið er hér fyrir
ofan. Staðsetningin gæti ekki verið
betri.“
Hefur áhuga á að opna
kaffihús
Gísli segist hafa áhuga á að efla
starfsemina í Garðheimum enn
frekar með hina góðu staðsetn-
ingu í huga. Hann hefur áhuga á
að opna kaffihús í tengslum við
Garðheima í framtíðinni. „Við
verðum að vinna þetta í áföngum
og taka hvern dag fyrir sig eins og
sagt er en ég held að rekstur kaffi-
húss ætti að geta hentað á þessu
svæði.“ Er hann þá að tala um
einskonar Eden í Breiðholtinu
eins og landsmenn þekkja úr
Hveragerði.? „Það yrði ekki eins
en umhverfið gæti þó orðið líkt.
Það myndi tengjast gróðrinum
með sterkum hætti ekkert síður
en fyrir austan.“ Á liðnum vetri
var vínbúð ÁTVR flutt í Garð-
heima. Málið olli nokkrum titringi
vegna þess að verið var að flytja
þessa þjónustu úr sambyggðum
verslanakjarna sunnar í Mjódd-
inni þar sem aðkoma og einkum
aðstaða innanhúss var ekki talin
jafn góð og við Garðheima. Gísli
segist hafa rætt við starfsfólkið í
vínbúðinni sem telji sig ánægt
með skiptin. „Ég held að því hafi
komið mest á óvart hversu mikil
söluaukning hefur orðið við þess
breytingu. Ég held að það helgist
af auðveldri aðkomu og rúmgóð-
um bílastæðum hér fyrir utan.
Fólk sem er á lengri leið kemur
fremur vegna þeirra. Ef ég ætti að
leggja eitthvað til mála um vínsöl-
una þá fyndist mér að auka ætti
úrvalið af léttum vínum,“ segir
Gísli Sigurðsson að lokum.
Garðurinn er orðinn
stærri hluti af heimilinu
Gísli Sigurðsson við einn gróðurreitanna í Garðheimum.
Sólin skín inn um gluggannþessa dagana í Fella- ogHólakirkju. Hún er farin að
hækka á lofti og sumarið nálgast
óðfluga. Sumarið er einstakur
tími, þar sem birtan nær smátt
og smátt yfirhöndinni yfir
skammdegismyrkrinu. Sólina
getum við hugsað okkur sem
tákn alls hins góða, umhyggjunn-
ar, gleðinnar, alls þess sem gefur
líf, hlýjar, yljar og vermir og hef-
ur góð áhrif á okkur.
Hér í Fella- og Hólakirkju eru
margir sólargeislar, gleðigjafar
sem gleðja okkur. Það er m.a
eldra fólkið okkar hér í Efra-
Breiðholti. Fólk sem kemur sam-
an til að eiga samfélag hvert við
annað og við Guð. Það er spilað
og spjallað, hlýtt á fræðslu, tón-
list eða léttan fyrirlestur. Dag-
skráin er mjög fjölbreytt og allir
ættu að geta fundið eitthvað við
sitt hæfi. Boðið er upp á kaffi og
meðlæti og síðan er endað með
helgistund í kirkjunni. Það er
mikils virði að koma saman og
vera í góðum félagsskap. Það
hefur góð áhrif á andlega líðan
fólks og andleg vellíðan hefur
einnig áhrif á líkamlega líðan. Ég
vil hvetja eldri borgara í Fella- og
Hólabrekkusóknum til þátttöku í
þessu fjölbreytta starfi.
Bestu kveðjur með ósk um
gleðilegt sumar !
Ragnhildur Ásgeirsdóttir, djákni í
Fella- og Hólaprestakalli skrifar:
Eldra fólkið
er gleðigjafar
Ráðningarþjónustan hefur flutt
starfsemi sýna frá Háaleitisbraut
58-60 að Krókhálsi 5a og er nú
loksins komin slík þjónusta í aust-
urhluta borgarinnar.
Ráðningarþjónustan er þekkt
fyrirtæki sem sérhæfir sig í ráðn-
ingum starfsmanna til fyrirtækja.
Framkvæmdastjóri er María
Jónasdóttir sem tók við 10 ára
gömlu fyrirtæki í apríl á síðasta
ári og er því rúmt ár síðan hún
tók við rekstrinum.
Ráðningarþjónustan býður upp
á perónulega og faglega þjónustu
á samkeppnishæfu verði fyrir fyr-
irtæki í öllum stærðarflokkum og
gerðum um allt land. Fyrirtæki
leyta til Ráðningarþjónustunnar .
og vilja að Ráðningarþjónustan
sjái um allt ráðningarferlið og nýti
þá sérþekkingu og reynslu sem
fyrirtækið býr yfir. það sparar
bæði tíma og fyrirhöfn fyrir
stjórnendur sem og starfsmanna-
stjóra fyrirtækja.
Ráðningarþjónustan býður fyr-
irtæki í starfsmannaleit velkomin
sem og einstaklinga í atvinnuleit.
Þess má geta að lokum að allar
nánari upplýsingar er að finna inn
á heimasíðu fyrirtækisins
www.radning.is
Ráðningarþjónustan
flytur í austurborgina