Breiðholtsblaðið - 01.08.2006, Blaðsíða 6
Krakkarnir í Breiðholtinu hafa
verið dugleg að sækja sér lesefni í
Gerðubergssafn í sumar. Í hvert
sinn sem 12 ára og yngri fá bækur
að láni fá þau mynd af ávexti og
festa á vegg í barnadeildinni.
Ávöxturinn er jafnframt happ-
drættismiði og svignar ávaxta-
hlaðborðið undan ávöxtunum,
sem nálgast nú þúsundið. Enn
gefst tækifæri til að taka þátt í
leiknum sem lýkur með upp-
skeruhátíð laugardaginn 2. sept-
ember kl 13.30. Þá munu 10
heppnir þátttakendur hreppa
vinning og Jón Víðis töframaður
sýnir töfrabrögð. Allir velkomnir!
Sumarlestur ber ávöxt, segir í
frétt frá safninu.
Að þessu sinni voru um 2.700
nemendur skráðir í Vinnuskóla
Reykjavíkurborgar sem heldur
lægri tala en undanfarin ár. Um
300 leiðbeinendur störfuðu við
skólann. Nemendum var boðin
ein vinnuvika til viðbótar og
nýtti um helmingur þeirra sér
hana.
Að sögn Guðrúnar Þórsdóttur
skólastjóra var jákvæð hvatning
lykilhugtak í starfinu í sumar og
birtist það meðal annars í aukn-
um afköstum sem mætti því að
færri voru að störfum. Dæmi um
afköst nemenda má nefna að í
Hestabrekkum voru lagðir 250
metrar af stígum, 1000 metrar á
Nesjavallarleið, 400 metrar í Stór-
holti, 400 metrar á skotsvæði
borgarinnar og 900 metrar í Mið-
mundardal. Einnig voru tugir
metra lagðir í grenndarskógi Ár-
túnsskóla. Útskrift Vinnuskólans
verður 30. ágúst en þá fá fyrir-
myndarnemendur elsta árgangs-
ins viðurkenningu.
ÁGÚST 20066 Breiðholtsblaðið
Heimahjúkrun aukin, biðlistum
náð niður og ýmsar breytingar á
lífeyrismálum aldraðra
Nefnd sem fjallað hefur um líf-
eyrismál og búsetu- og þjónustu-
mál aldraðra hefur lagt til að
heimahjúkrun verði aukin veru-
lega og að stefnt að því að kvöld-
og næturþjónusta heimahjúkrun-
ar standi til boða um allt land.
Nefndin hefur einnig lagt fram
ýmsar tillögur um lífeyrismál
aldraðra. Í þeim er m.a. gert ráð
fyrir að heimilisuppbót einstak-
lings hækki um 4.361 krónu á
mánuði og að skerðingarhlutfall
tekjutryggingar verði lækkað úr
45% í 38,35%. Í tillögunum nefnd-
arinnar kemur fram að frítekju-
mark vegna atvinnutekna ellilíf-
eyrisþega verði 200 þúsund krón-
ur frá og með 1. janúar 2009 og
300 þúsund frá og með 1. janúar
2010. Nefndin leggur til að vasa-
peningar við dvöl á stofnun
hækka um 25%.
Nefndin hefur einnig lagt til að
framlög til bygginga hjúkrunar-
heimila verði aukin til að mæta
fjölgun aldraðra og ná biðlistum
eftir slíku húsnæði niður en nú
eru yfir 400 einstaklingar á
biðlista eftir innlögn. Nefndin
leggur til, að sú fjárhæð, sem nú
fer til heimahjúkrunar aldraðra,
verði á næstu fjórum árum aukin
í þrepum úr 540 milljónum á ári í
1.440 milljónir.
Gert er ráð fyrir að sérstök
1.300 milljóna króna fjárveiting
verði til framkvæmda við hjúkr-
unarheimili, þar af komi 700 millj-
ónir á árinu 2008 og 600 milljónir
á árinu 2009. Til viðbótar komi ár-
legt 100 milljóna króna framlag
árin 2008, 2009 og 2010 sem gangi
sérstaklega til breytinga og end-
urbygginga hjúkrunarheimila um-
fram það sem gert er ráð fyrir nú
í langtímaáætlunum heilbrigðis-
ráðuneytisins til að breyta eldri
hjúkrunarrýmum úr fjölbýli í ein-
býli.
Þá er lagt til að sérstakt rekstr-
arframlag komi vegna fjölgunar
hjúkrunarheimila, samtals rúmir
1,7 milljarðar, sem samsvari
kostnaði við rekstur 200 rýma til
viðbótar því sem nú er gert ráð
fyrir í langtímaáætlunum.
Uppskeruhátíð
2. september
Ýmis þjónusta er í boði fyrir eldri borgara. Hér eru eldri borgarar úr Breiðholti að leggja af stað í
ferðalag.
Um 2.700 í
vinnuskólanum í sumar
Breiðholtsdagurinn verður
haldinn hátíðlegur í fjórða sinn
laugardaginn 16. september.
Eins og undanfarin ár er stefnt
að því að kynna menningar,
félags- og íþróttastarfið í hverf-
inu með líflegum hætti. Ýmis
skemmtiatriði frá íbúum
hverfisins verða á dagskrá auk
listsýninga.
Þessa dagana er unnið að því
að móta dagskrá Breiðholtsdags-
ins og nú þegar er fyrirhuguð sýn-
ing á ljósmyndum sem sendar
voru inn í ljósmyndasamkeppn-
ina sem Þjónustumiðstöð Breið-
holts stóð fyrir í júlí og ágúst. Að
sögn Þráins Hafsteinssonar,
frístundaráðgjafa var mjög góð
þátttaka í deginu í fyrra en þá
komu um 2000 manns í göngugöt-
una í Mjódd og skemmtu sér við
fjölbreytt skemmtiatriði sem að
lang mestum hluta voru úr Breið-
holtinu. Þráinn segir að íbúar og
þeir sem starfa í Breiðholti séu
sérstaklega hvattir til að koma
með tillögur og uppástungur um
atriði sem ættu heima í dagskrá
Breiðholtsdagsins 16. september
n.k. Hugmyndir og ábendingar
má senda til Þráins Hafsteinsson-
ar, frístundaráðgjafa í Þjónustu-
miðstöð Breiðholts, Álfabakka 12,
109 Reykjavík eða á netfangið:
betrabreidholt@reykjavik.is
Breiðholtsdagurinn
verður 16. september
Sumarfrí grunnskólanna eru á
enda og n.k. þriðjudaginn 22.
ágúst verða allir grunnskólarnir í
Breiðholti settir.
Nánar má lesa um skólasetning-
ar og skólastarf á á heimasíðum
skólanna; Fellaskóla, Hólabrekku-
skóla, Breiðholtsskóla, Seljaskóla
og Ölduselsskóla.
Grunnskólarnir
byrja á þriðjudaginn
Sambýlið Skagaseli 9 óskar eftir að ráða starfsfólk.
Um er að fullt starf og hlutavinnu.
Leitað er að metnaðargjörnu fólki til að taka þátt í starfinu,
með jákvæð viðhorf og góðan starfsanda sem leiðarljós.
Um er að ræða vaktavinnu, annars vegar fullt starf , þar sem
eru morgunvaktir kvöldvaktir og önnur hver helgi.. Hins vegar
hlutastarf (35% eða eftir samkomulagi) helgarvaktir og kvöld-
vaktir, gæti hentað vel sem vinna með námi.
Starfið felst í því að veita fötluðu fólki stuðning á heimili sínu
við athafnir daglegs lífs og aðstoða þau við þátttöku í samfélag-
inu.
Skipulögð aðlögun og stuðningur fyrir nýtt starfsfólk er
fyrir hendi.
Launakjör eru eftir samningum ríkis og viðkomandi
stéttarfélags.
Á SSR er unnið í samræmi við jafnréttisáætlun
Umsóknarblöð liggja frammi á aðalskrifstofu en einnig hægt
að sækja um beint á netinu, www.ssr.is
Nánari upplýsingar um störfin veitir Þóroddur Þórarinsson
forstöðuþroskaþjálfi í síma 5870582, netfang: skagasel@ssr.is
Starfsfólk óskast
borgarblod.is