Vesturbæjarblaðið - 01.12.2005, Side 16

Á þessu ári eru 50 ár síðan
Skólahljómsveit Vesturbæjar
hélt sína fyrstu tónleika.
Gunnar Thoroddsen, sem þá var
borgarstjóri Reykjavíkur, hafði
haft kynni af slíku tónlistarstarfi
erlendis. Fyrstu tvær sveitirnar
voru stofnaðar samtímis í
Reykjavík, ein í Austurbænum
og önnur í Vesturbænum. Tveir
kunnir tónlistarmenn voru
fengnir til að stjórna þessum
nýstofnuðu sveitum, Páll
Pampichler Pálsson Vesturbæja-
sveitinni og Karl Ottó Rúnólfs-
son Austurbæjarsveitinni. Ekki
hafa verið tíð stjóraskifti í
Vesturbænum, því Lárus
Halldór Grímsson tónskáld og
núverandi stjórnandi, tók við af
Páli fyrir 13 árum síðan.
Í tilefni af afmælinu, mun Lárus
semja þrjú verk, eitt fyrir hverja
sveit af þeim þremur, sem eru
starfandi innan skólanns. Haldnir
verða þrennir „stórtónleikar“ á
þessum vetri og nýtt verk frum-
flutt á hverjum tónleikum.
Lárus segir að í vetur séu starf-
ræktar þrjár hljómsveitir, og
nemendafjöldi um 120. Næstu
tónleikar eru 10. desember nk. í
Grandaskóla. Á nýju ári verður
farið í flesta skóla sveitarinnar og
spilað fyrir nemendur. Í byrjun
maímánaðar verður hljóðfæra-
kynning í öllum skólum og tekið
við umsóknum nýrra nemenda
fyrir skólaárið 2006/2007.
„Skólahljómsveitin er tónlistar-
skóli, þar sem kennt er á öll
helstu blásturshljóðfæri og slag-
verk. Síðastliðin ár hafa um 120
nemendur verið í námi á ári við
hljómsveitina og 10 til 15 kennar-
ar hafa séð um einkakennslu
nemenda. Nemendum sem eru í
öðrum tónlistarskólum, er vel-
komið að mæta á samæfingar
hljómsveitarinnar sér að kostn-
aðarlausu, en þær fara fram í
Hljómskálanum við Tjörnina.
Mörg börn hljóðfæraleikara
Sinfóníuhljómsveitar Íslands og
annara þekktara tónlistarmanna,
hafa verið nemendur í skóla-
hljómsveitinni síðastliðin ár.
Einnig hafa nokkrir af meðlimum
„Sinfóníunar“ stigið sín fyrstu
skref á tónlistarbrautinni í Skóla-
hljómsveit Vesturbæjar. Ég var
sjálfur meðlimur fyrir u.þ.b. 40
árum síðan og lék á þverflautu.
Skólagjöld eru einungis 15.000
krónur á ári, en það er rúmlega
fimm til sex sinnum ódýrara en
allt annað tónlistarnám sem boð-
ið er upp á í Reykjavík. Nemend-
ur fá 40 til 60 mínúntna einka-
kennslu á viku auk tveggja
klukkustunda samæfingar.
Tónfræðikennsla er fyrir alla
nemendur sem taka áfangapróf.
Tónlistarnám við hljómsveitina
er því mjög góður kostur. Einka-
tímarnir fara fram í grunnskóla
hvers nemenda, oftast á skóla-
tíma. Skólarnir sem Skólahljóm-
sveit Vesturbæjar og miðbæjar
þjónar eru Melaskóli, Granda-
skóli, Vesturbæjarskóli, Austur-
bæjarskóli, Hagaskóli, Háteigs-
skóli og Hlíðaskóli,“ segir Lárus
Halldór Grímsson stjórnandi.
Til Worchester til
þátttöku á tónlistarhátíð
Tónleikaferðir til útlanda, þátt-
taka á landsmótum skólahljóm-
sveita og aðrar tónleikaferðir inn-
anlands, eru stór þáttur í starfi
hljómsveitarinnar. Við Skóla-
hljómsveit Vesturbæjar eru þrjár
til fjórar hljómsveitir starfræktar
á þessu skólaári. Nemendum er
raðað í hljómsveitir eftir aldri og
getu, því eiga allir að geta verið í
sveit sem passar þeirra kunnáttu.
Í lok maí, er fyrirhuguð tónleika-
ferð út á land með yngri sveitirn-
ar. Í júni fer elsta sveit skólans til
Worcester á Englandi og heim-
sækir Worcester City Brass
hljómsveitina. Í tilefni af komu
skólahljómsveitarinnar þangað
verður haldin tónlistarhátíð, sem
hljómsveitir úr nágreni Worcest-
er taka einnig þátt í. Elstu og
duglegustu börnin eru einnig
meðlimir í Lúðrasveit Reykjavík-
ur. Það er því mikið ferðast og
spilað í þessum félagsskap. ■
DESEMBER 200516 Vesturbæjarblaðið
Skólahljómsveit Vesturbæjar og Miðbæjar hefur starfað í hálfa öld:
Sex sinnum ódýrara
nám en við tónlistarskólana
Frá tónleikum Lúðrasveitar Reykjavíkur í Neskirkju nýverið. Elstu og
duglegustu börnin í Skólahljómsveit Vesturbæjar fá að spreyta sig
með hljómsveitinni.
Skólahljómsveit Vesturbæjar, B-sveit, á æfingu fyrir skömmu í
Hljómskólanum undir stjórn Lárusar Halldórs Grímssonar tónskálds.