Morgunblaðið - 23.01.2015, Page 23

Í átta vikna ferðalagi blaðamanna Morgunblaðsins um
hverfin í Reykjavík og sveitarfélögin á höfuðborgarsvæðinu
er fjallað ummannlíf og menningu, atvinnulíf og opinbera
þjónustu, útivist og umhverfi og skóla og skipulag með
sérstakri áherslu á það sem einkennir hvern stað.
nema tvær mínútur að ganga í
leikskólann á Hörðuvöllum þar
sem sonur okkar er. Við leigjum
ágæta íbúð hér í hjarta bæjarins.
Líkar það vel, við treystum okkur
ekki í eignakaup í bráð,“ segir
Edyta. „Þá finnst mér bæjar-
yfirvöld koma vel til móts við fólk
af erlendum uppruna sem hér býr
og þarf þjónustu. Sjálf var ég
spurð að því í fyrra hvað mætti
bæta í þeirri þjónustu og þar benti
ég á að upplýsingar þyrftu að vera
á fleiri tungumálum og úr því á
víst að bæta,“ segir Edyta og bæt-
ir við að fjölskylda sín sé komin til
að vera á Íslandi. Í heimsóknum
sínum til Póllands nú finni þau að
ræturnar séu hér.
Hefur vegnað vel á Íslandi
Edyta er í hálfu starfi á bóka-
safninu í Hafnarfirði auk þess sem
hún rekur lítið hreingerninga-
fyrirtæki með eiginmanni sínum.
Starfsemin, sem hófst síðasta sum-
ar, hefur farið ágætlega af stað.
„Við unnum áður við þrif sem
launafólk en fórum svo í eigin
rekstur. Verkefnin eru næg, launin
ágæt og vinnutíminn sveigjan-
legur. Okkur hefur vegnað vel á
Íslandi,“ segir bókavörðurinn –
kona sem er með allt á hreinu.
Morgunblaðið/Sigurður Bogi
Bókaormar Staðan könnuð. Valdemar Pálsson og Edyta með Yrsu á pólsku.
æfingar í húsinu niður meðan á
leik stendur. Þetta segir allt til
sín.“
Körfuboltakrakkar
úr öllum bænum
Aðstaða Hauka á Ásvöllum,
sem tekin var í notkun árið 2001,
er glæsileg. Þar er stórt íþróttahús
og knattspyrnuvöllur með gervi-
grasi. Nú er svo komið að bæta
þarf við. Nauðsynlegt þykir nú, að
sögn Ívars, að byggja íþróttasal
sem væri að minnsta kosti löglegur
körfu- og handknattleiksvöllur,
það er 40 x 20 metrar að stærð.
Slíkt telja menn að yrði mikil lyfti-
stöng fyrir allt starfið, hvort held-
ur fyrir meistaraflokka félagsins
eða barna- og unglingastarfið. Á
þeim vettvangi er fótboltinn vin-
sælastur; iðkendur þar eru um 400,
í handboltanum eru um 280 krakk-
ar og nærri 200 í körfunni.
„Jú, vissulega vinna ytri að-
stæður alltaf með ákveðnum
íþróttagreinum og auka vinsældir
þeirra. Val á Jóni Arnóri Stef-
ánssyni sem íþróttamanni ársins
2014 hefur aukið áhuga krakkanna
á körfu og ef Íslendingum gengur
vel á HM í handbolta í Katar gerist
hið sama þar,“ segir Ívar, sem er
reyndur þjálfari í körfuboltanum
og enn að.
Frístundaskólinn vinsæll
Vellirnir eru barnahverfi
Hafnarfjarðar en flestir Hauka-
krakkar koma þaðan af Hvaleyr-
arholti og úr Áslandi. Körfubolta-
krakkar koma hins vegar úr því
sem næst öllum bænum.
En sannarlega er nær-
umhverfið áherslumál og í vetur
standa Haukar fyrir rekstri frí-
stundaheimilis á Ásvöllum. Það er
opið alla virka daga fyrir nem-
endur í Hafnarfirði þó svo að að-
allega séu þetta krakkar af Völl-
unum, í 1. og 2. bekk. Börnin eru
sótt í skólann og komið á Ásvelli,
en heimilið er opið frá 13 til 17:00 –
og alveg frá morgni séu einhver
frávik í hefðbundnu skólastarfi. Á
frístundaheimilinu er farið í ýmsa
leiki, glímt við þrautir, spilað, púsl-
að, farið í útileiki og svo framvegis.
„Tveir lærðir kennarar annast
þetta starf og í vetur hafa um 30
krakkar komið á Ásvelli á degi
hverjum til að vera með. Eins og
staðan er núna þá er kominn bið-
listi og áhuginn eykst sífellt,“ segir
Ívar að síðustu
Morgunblaðið/Sigurður Bogi
Sportið Körfuboltamaðurinn Ívar
Ásgrímsson er íþróttastjóri Hauka.
MORGUNBLAÐIÐ FÖSTUDAGUR 23. JANÚAR 2015
Þrátt fyrir verulegan samdrátt í
lönduðu magni bolfisks undanfarin
ár er Hafnarfjörður áfram einn af
stærstu útgerðarstöðum landsins.
Þar bárust á land 23.290 tonn af
afla á sl. ári sem kemur bænum í
4. sæti á landsvísu. Mest eru um-
svifin í Reykjavík, þá Grindavík og
Vestmannaeyjar eru í þriðja sæti.
Hafnarfjörður kemur næst.
Árið 2010 var landað um 50.200
tonnum af bolfiskafla í Hafnarfirði
en nú ríflega 50% minna. Helgast
þetta m.a. af því að útgerðar-
starfsemi Stálskipa hf. var hætt,
það er togari þess var seldur svo
og aflaheimildir. Að öðru marki
skýrist sam-
drátturinn, segir
Már Sveinbjörns-
son hafnarstjóri,
af því að sam-
dráttur hefur
orðið í veiðum á
karfa á Reykja-
neshrygg og
grálúðu við
Austur-
Grænland. Þá
koma skip hins þýska fyrirtækis
DFFU, sem er í eigu Samherja,
ekki í sama mæli og var í íslensk-
ar hafnir.
Frystigeymsla Eimskips við
Hafnarfjarðarhöfn er í byggingu
og á hún að taka um 10.000 tonn.
Hún er byggð með tilliti til þess að
aukning hefur orðið í veiðum á
uppsjávarfiski sem krefst frysti-
rýmis. sbs@mbl.is
Morgunblaðið/Sigurður Bogi
Sjórinn Mikil útgerð er í Hafnarfirði, bæði stórra togara og minni báta.
Minna landað úr
erlendum skipum
 Um 23 þúsund
tonn af bolfiski í
Hafnarfjörð í fyrra
Már
Sveinbjörnsson
Um 7% Hafnfirðinga eru erlendir ríkisborgarar, 13%
barna á leikskólum bæjarins eru af erlendum upp-
runa og tæp 10% grunnskólanema. Þetta kemur fram
í skýrslu samráðshóps Hafnarfjarðarbæjar sem kann-
aði stöðu innflytjenda í bænum. Eins og öðrum bæj-
arbúum er innflytjendum sinnt vel „en stundum veld-
ur lítil íslensku- og enskukunnátta erfiðleikum“, eins
og segir í skýrslunni sem kom út fyrir rúmu ári.
Algengt er að innflytjendabörn hafi ekki verið í ís-
lensku málumhverfi þegar þau koma í leikskólana í
Hafnarfirði. Aðlögun þeirra tekur því oft tíma. Sömu-
leiðis sé takmörkuð tungumálafærni foreldra hindrun
í samstarfi. Úr þessu öllu þurfi að bæta og í því efni
er íslenskukennsla efst á blaði.
Hvað varðar íþrótta- og tómstundastarf virðist
þátttaka barna frá útlöndum minni en annarra. Sam-
skipti við foreldra eru ekki jafngreið og vera skyldi –
og fyrir vikið skapast hætta á að börn fylgi ekki
hópnum. Einnig er nefnt að gefa þurfi stöðu útlend-
inga á vinnumarkaði gaum. Hlutfall útlendinga meðal
atvinnuleitandi fólks í bænum hefur verið allt að
18%. Í mörgum tilvikum er fólk sem á uppruna sinn á
fjarlægri slóð þó afskipt, enda þekkir það ekki rétt-
indi sín né veit hvar til dæmis félagshjálpar er að
leita sé þörf á slíku.
Í framhaldi af því að skýrslan kom út haustið 2013
hefur verið farið í ýmsar aðgerðir, að sögn Rann-
veigar Einarsdóttur, sviðsstjóra fjölskylduþjónustu
Hafnarfjarðar. Ráðinn var verkefnastjóri í forvörnum
sem m.a. hefur með málefni innflytjenda að gera.
Stofnaður var sjóður sem á að styrkja börn innflytj-
enda til tómstundaiðkunar og hópur um málefni inn-
flytjenda – vettvangur samráðs og tillagna – er tek-
inn til starfa.
Aðlögun að hópnum tekur sinn tíma
SAMRÁÐSHÓPUR UM MÁLEFNI ÚTLENDINGA ER TEKINN TIL STARFA
DREIFARAR • SNJÓTENNUR • SNJÓBLÁSARAR • SLITBLÖÐ
A. Wendel ehf | Tangarhöfða 1 | 110 Reykjavík | Sími 551 5464 | wendel.is
Tæki til
vetrarþjónustu
Stofnað 1957