Fréttablaðið - 12.11.2015, Page 56

ufc Um helgina fer fram einstakur við-
burður í UFC-heiminum. Á hinum risa-
vaxna Etihad-velli í Melbourne í Ástral-
íu munu 70 þúsund manns fylgjast með
UFC 193. Stærsta kvöld í sögu UFC og
aðalbardagarnir eru kvennabardagar.
Það er keppt í tveim þyngdarflokk-
um hjá konunum í UFC og bæði beltin
verða undir í Melbourne. Næststærsti
bardagi kvöldsins er í strávigt á milli
pólska meistarans, Joanna Jedrzejc-
zyjk, og kanadísku stúlkunnar Valerie
Letourneau.
Aðalbardaginn er síðan á milli meist-
arans í bantamvigt, Rondu Rousey, og
Holly Holm. Tvær frábærar stúlkur sem
aldrei hafa tapað. Rousey þó mun sigur-
stranglegri enda haft ótrúlega yfirburði
í íþróttinni og er að klára sína bardaga á
um 30 sekúndum að meðaltali.
Hún er rosalegur íþróttamaður
Júdódrottning Íslands, Anna Soffía Vík-
ingsdóttir, þekkir aðeins til Rousey eftir
að hafa glímt við hana í tvígang. Anna
Soffía hefur unnið 23 Íslandsmeistara-
titla í júdó og hún er líka fjórfaldur
Íslandsmeistari í brasilísku jiu jitsu.
„Ég keppti tvisvar við Rondu árið
2007. Það var á opna bandaríska
og opna sænska meistaramótinu
í júdó. Er ég mætti á bandaríska
mótið var ég nýbúin að heyra af
henni í fyrsta skipti enda hafði hún
nælt í silfur á HM,“ segir Anna Soffía
en hún fékk að finna fyrir styrk
Rousey.
„Það gekk ekkert sérstaklega vel í
fyrri bardaganum þar sem ég tapaði
eftir um eina og hálfa mínútu. Ég fann
þar hversu rosalegur íþróttamaður
hún er. Hún kemur inn í mann af fullu
afli strax frá fyrstu sekúndu. Ef maður
er ekki viðbúinn þá bregður manni
svolítið. Þetta er stíll sem fólk þekkir
ef það hefur horft á hana í MMA. Hún
byrjaði snemma með þennan agress-
íva stíl,“ segir Anna Soffía en í seinni
bardaganum í Svíþjóð gekk betur. „Þá
tapaði ég fyrir henni í gólfinu þegar það
var svona mínúta eftir.“
Ronda er lokuð týpa
Eftir mótið í Svíþjóð fóru margar af
júdóstelpunum saman í æfingabúðir
í viku. Þar á meðal voru Anna Soffía og
Ronda. Þar náði Anna að fylgjast betur
með henni.
„Ég náði nú ekkert að kynnast henni
persónulega. Hún var frekar lokuð týpa
og það virtist vera erfitt að kynnast
henni. Þegar hún var bæði að æfa og
keppa þá var hún svolítið ein úti í horni
að hugsa um sitt,“ segir Íslandsmeistar-
inn og bætir við að það hafi stundum
verið kostulegt að fylgjast með líklega
þekktustu og vinsælustu íþróttakonu
heims í dag.
„Hún
v a r
ekki alltaf sú vinalegasta við stelpurn-
ar sem hún var að glíma við. Ef henni
gekk ekki vel þá fór hún stundum að
láta illa. Ég man sérstaklega eftir einu
atviki þar sem hún var að glíma við
góða, þýska stelpu. Það gekk ekki vel
og þá fór Ronda að sparka í
hana. Þjálfarinn þurfti
að stoppa hana og
þá rauk hún út.
Hún var með
stórt skap
greinilega og
tók ekki allt-
af í höndina
á andstæð-
ingnum sem
er ekki vel
séð.“
Ber meiri virð-
ingu fyrir henni
Anna Soffía hefur fylgst
vel með uppgangi Rondu í UFC
á síðustu árum og er ánægð með það
sem Ronda er að gera og ekki síst með
það sem hún hefur fram að færa.
„Ég fór að bera meiri virðingu fyrir
henni er hún fór að tjá sig almennilega.
Ég er einmitt að lesa ævisögu hennar
líka núna. Mér finnst frábært að hún
sé að nýta nafn sitt og frægð til þess
að tala fyrir og gegn ákveðnum mál-
efnum. Það var flott er hún lét til að
mynda Floyd Mayweather heyra
það. Hún hefur líka talað opin-
skátt um líkamsímyndina
sem er gott. Hún sagði
að allir vöðvarnir hefðu
sinn tilgang er hún var
gagnrýnd fyrir að vera
of mössuð. Svo er hún
auðvitað rosalegur
íþróttamaður og einn
sá besti sem ég hef séð.“
Anna Soffía er líka
hæstánægð með hvað
Ronda hefur gert fyrir
kvennaíþróttir. „Hún er að sýna
að við getum gert þetta jafn vel og
karlarnir og jafnvel betur,“ segir Anna
Soffía en hún bíður spennt eftir bar-
dagakvöldinu um helgina sem verður
í beinni á Stöð 2 Sport.
„Ég er búin að vera að telja niður í
keppnina. Báðar stelpurnar eru rosa-
lega flottar og góðir íþróttamenn. Ég
held að Ronda vinni og Holly sé ekki
tilbúin en ég vona að bardaginn standi
í meira en lotu,“ segir Anna og hlær.
henry@frettabladid.is
Slegist um að
sjá stelpurnar
Áhorfendamet verður sett hjá UFC um helgina og það eru sterkar stelpur sem hafa selt 70 þúsund aðgöngumiða í Melbourne. Helsta
aðdráttaraflið er þó hin ótrúlega Ronda Rousey sem hefur glímt tvisvar við Önnu Soffíu Víkingsdóttur, Íslandsmeistarann í júdó.
Tíu staðreyndir um
Rondu Rousey
l Hún á metið yfir fljótasta sigur
í búrinu. Það er 14 sekúndur og
hún vann annan bardaga á 16
sekúndum.
l Hún hefur aðeins einu sinni
barist lengur en í fyrstu lotu.
l Hún er kvikmyndastjarna og lék
í The Expendables 3, Furious 7
og Entourage.
l Hún var fyrsta konan sem fékk
samning hjá UFC.
l Hún vann bronsverðlaun í júdó
á ÓL í Peking árið 2008.
l Móðir hennar varð heimsmeist-
ari í júdó árið 1984 fyrst allra
Bandaríkjamanna.
l Hún er fyrsta konan sem kemst
á forsíðu blaðsins Men’s Fitness.
l Faðir hennar lamaðist og svipti
sig lífi þegar hún var 8 ára.
l Kærastinn hennar er UFC-kapp-
inn Travis Browne.
l Hún var fyrsta konan sem fékk
að vera gestastjórnandi í
íþróttaþætti ESPN, Sports-
Center.
Ronda
Rousey
Aldur 28 ára
Hæð 170 cm
Þyngd 61 kíló
Árangur 12-0-0
Holly
Holm
Aldur 34 ára
Hæð 173 cm
Þyngd 61 kíló
Árangur 9-0-0
1 2 . n ó v e m b e r 2 0 1 5 f I m m T u D A G u r40 s p o r T ∙ f r É T T A b L A ð I ð
Anna Soffía hefur
tvívegis glímt við
Rousey.
1
2
-1
1
-2
0
1
5
1
5
:5
4
F
B
0
8
0
s
_
P
0
5
6
K
.p
1
.p
d
f
F
B
0
8
0
s
_
P
0
4
5
K
.p
1
.p
d
f
F
B
0
8
0
s
_
P
0
2
5
K
.p
1
.p
d
f
F
B
0
8
0
s
_
P
0
3
6
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
6
E
E
-A
4
E
4
1
6
E
E
-A
3
A
8
1
6
E
E
-A
2
6
C
1
6
E
E
-A
1
3
0
2
7
5
X
4
0
0
.0
0
1
6
A

F
B
0
8
0
s
_
1
1
_
1
1
_
2
0
1
C
M
Y
K