Húnavaka - 01.05.1982, Side 31

HÚNAVAKA
29
Hefur þú tekið þátt ífélagslífi hér?
Ég er nú kannski ekkert félagslynd í eðlinu, en sá að það var mjög
hagkvæmt að taka þátt í því. Lengi var ég mjög hlédræg, þó að enginn
tryði því núna og ég sá að ég mundi aldrei kynnast konunum nema
vera í félagsskap með þeim. Við það lærði ég heilmikið og þroskaðist.
Ég hef tekið nokkurn þátt í starfi manns míns og barnastarfið hefur
veitt mér ákaflega mikla ánægju. Núna kalla krakkarnir á okkur — hæ
Dómhildur, hæ — og þau þurfa að segja mér allt mögulegt og eins við
Pétur. Við erum eins og afi og amma krakkanna hér á staðnum og afi
og amma eru alltaf í sérflokki.
Fyrst var ég í kvenfélagi Höskuldsstaðasóknar. Þá fór ég einu sinni
sem fulltrúi á sambandsfund austur-húnvetnskra kvenna. Ég var látin
hafa skjal með mér sem ég átti að lesa upp. Áður en ég fór á fundinn
tók ég til í töskunni og gleymdi skjalinu heima. Næsta ár fór ég í annað
sinn á sambandsfund og var kosin formaður, þegar Þuríður
Sæmundsen gaf ekki kost á sér lengur. Á framansögðu má sjá að ég var
lítt undir þetta starf búin.
Ég var formaður Sambands austur-húnvetnskra kvenna í 6 ár.
Hulda Á. Stefánsdóttir var um hríð formaður Sambands norðlenskra
kvenna, en þegar hún hættir er ég kosin formaður. Eg var svo lasin
þegar ég var kosin að mér datt ekki í hug að hræsna og sagði ekki eitt
einasta orð til þakkar fyrir stuðninginn. Þar var ég líka formaður í 6 ár.
Eg hef alltaf haft góðar konur með mér, svo að þetta blessaðist allt.
Hvemig hefur þérfallið á Skagaströnd?
Ég var nú lengi gestur hér, en eftir að ég kom í þetta hús hefur mér
liðið mjög vel. Það er besta heimilið sem ég hef átt. Nú er ég orðin
Húnvetningur þegar ég er að fara.