Húnavaka - 01.05.1982, Page 64

62
HÚNAVAKA
IV. Saga sveitarfélaga, kirkna og kirkjustaða
Mennta- og félagsmál
1. Saga sveitarfélaga
Um sögu einstakra sveitarfélaga í Austur-Húnavatnssýslu hefur
lítið verið ritað og hér verður aðeins bent á þrjár ritgerðir. Byggðasaga
sveitahreppanna hefur lítið verið rannsökuð og þar er stór óplægður
akur sem bíður ötulla handa. Við Háskóla fslands hafa þó verið unnar
rannsóknarritgerðir um þessi efni en engin þeirra verið birt ennþá.
Tveir menn hafa ritað öðrum betur um byggð á Blönduósi. Kristinn
Pálsson minntist aldarafmælis staðarins í Húnavöku 1976 og Pétur
Sæmundsen skrifaði drög að sögu hans í Húnaþing. Um Höfðakaup-
stað skrifuðu Páll Jónsson o.fl. i Húnaþing. Auk þess hefur allnokkuð
verið skrifað um verslun á báðum þessum stöðum, en hún tengist sögu
þeirra á órjúfanlegan hátt eins og fyrr er sagt. Hér er sleppt öllum
greinum, sem tengjast aðeins byggð á einni jörð, enda eru þær alla
jafna mjög stuttar.
Kristinn Pálsson: Aldarafmæli Blönduóss. Húnavaka 16 (1976) 9-22.
Páll Jónsson o.fl.: Höfðakaupstaður. Húnaþing I, 507-559.
Pétur Sæmundsen: Blönduós. Drög að sögu fram um 1940. Húnaþing I, 420-466.
2. Saga kirkna og kirkjustaða
Það er mjög miklum annmörkum háð að fjalla um sérstaka kirkju-
sögu eins héraðs. Bæði vegna þess að kirkjusaga tengist allri annarri
sögu oft órjúfanlegum böndum og eins vegna þess að hún er mjög oft
sögð í formi persónusögu, en hér er öllum ævisögum sleppt. Aðeins
verða nefndar örfáar greinar um sögu einstakra kirkna og kirkjustaða
en e.t.v. er þetta yfirlit hið ófullkomnasta í þessari ritgerð.
Um Þingeyrar skrifaði Guðmundur Þorsteinsson í Húnavöku 1965
og Guðrún Jónsdóttir í Húnvetning 1979. Lýsing Þingeyrakirkju er
hins vegar til í sérstöku hefti, samin og útgefin af Asgeiri Einarssyni
1878. Hún hefur verið ljósprentuð. Aðrar greinar um kirkjustaði eru
t.d. erindi Jónatans J. Líndal í Kirkjuritinu 1957 um Holtastaðakirkju
og grein Þorsteins B. Gíslasonar um Blönduósskirkju í Húnavöku
1969. í Húnavöku hafa birst ræður og þættir um margar aðrar kirkjur