Húnavaka - 01.05.1982, Page 99

HÚNAVAKA
97
Mjólkurbíll safnaði fólki saman af bæjum 17. júní. Á bílpallinum voru
málin rædd og spáð um sennilega sigurvegara. Þar heyrði ég fyrst
Pálma á Akri nefndan sem íþróttamann, þá nýkominn úr Hólaskóla
og til alls líklegur. Hann sannaði það þá og enn betur síðar að þar var
á ferðinni eitt mesta íþróttamannsefni er fram hefur komið hjá USAH.
Mikil keppni var á þessum mótum og fjöldi áhorfenda hreint ótrú-
legur. Mér er nær að halda að V4-V3 sýslubúa hafi verið mættur á
völlinn þegar mest var.
Eitt minnisstætt atvik kemur upp í huga minn. Eg hafði verið
snoðaður eins og títt var í þá daga. Reyndar var það misskilningur sem
réði að það var gert fyrir þessa stórhátíð. Kaskeiti átti ég gott sem ég
notaði til að hylja skallann. En svo illa vildi til að vindkviða þeytti því
af mér einmitt þegar ég stóð fyrir framan hóp stelpna á flissaldrinum.
Þvílík vanlíðan, ég heyri enn óm af hlátrinum sem nísti inn í bein, og
þó ég hefði nokkrar áhyggjur vegna rauða hársins hefði ég þá mikið
viljað vinna til að vera kominn með það aftur.
Það leið nú að því að ég færi sjálfur að taka þátt í keppni. Ætli ég
hafi ekki verið 14 ára þegar ég keppti i 3000 m. hlaupi. Ekki vann ég
önnur afrek í því hlaupi en velta Stefáni á Kagaðarhóli um koll. Eg
kom síðastur í mark, en huggaði mig við að vera á undan þeim sem
gáfust upp. Eftir þetta hóf ég æfingar í stangarstökki, til þess notaði ég
PÁLMI GlSLASON er fæddur 2. júlí
1938 að Bergsstöðum í Svartárdal, sonur
Helgu Einarsdóttur og Gisla Pálmasonar
bónda þar. Pálmi missti föður sinn
þriggja ára og ólst að mestu upp á
Blönduósi til 9 ára aldurs er hann flutti
með móður sinni og stjúpa Kristmundi
Stefánssyni að Grænuhlíð á Ásum. Árin
1959-1961 var hann verslunarstjóri hjá
K.H. en flutti þá úr héraði. Er nú útibússtjóri Samvinnubankans i Rvik. Hefur
tekið mikinn þátt i félagsstörfum og er nú formaður Ungmennafélags Isiands.
Pálmi er kvæntur Stellu Guðmundsdóttur skólastjóra og eiga þau 3 börn.
7