Húnavaka - 01.05.1982, Qupperneq 172

170
HÚNAVAKA
Þá hefur hér verið rakin umgjörð um sögu forfeðra Baldvins
Jóhannessonar.
Snemma mun hann hafa fest tryggð við fósturforeldra sína og þau
við hann. En fleiri börn ólu þessi hjón upp.
Baldvin mun snemma hafa verið stór og gerðarlegur í uppvexti og
vel að manni er hann hafði aldur til. Ólst hann upp við hefðbundin
sveitastörf en stundaði aldrei sjó.
Hann þótti, sem faðir hans, mikill og góður hirðir og stóð yfir fé. Þá
var Baldvin afburða markglöggur maður og með þeim lærðustu i
markatöflunni. Um skeið var hann vetrarmaður á Selá og Hrauni.
Baldvin kvæntist einni af hinum myndarlegu dætrum Árna Hall-
grímssonar bróður Hallgríms bónda í Hvammi í Vatnsdal. Var það
Línbjörg Árnadóttir, sem Baldvin fékk til ekta 24. júlí 1914.
Þau hjón hófu búskap sinn að Steinnýjarstöðum en síðan fengu þau
Álfhól til ábúðar, en þeim varð ekki barna auðið. Þau slitu hjúskap
eftir 10 ára sambúð og flutti hún suður og giftist þar.
Baldvin var síðan ókvæntur alla æfi og vann sveitavinnu. Var hann
lengst af á Tjörn ráðsmaður um 10 ára skeið hjá ekkjunni Guðbjörgu
Rannveigu Kristmundsdóttur. Var margt barna á Tjörn, þá sum
vaxin en önnur að komast á legg.
Þessu starfi undi Baldvin vel. Mun það hafa hjálpað til að óvenju
góður heimilisandi var á Tjörn meðal barna og móður þeirra. Baldvin
var að upplagi barngóður og segir þar til sín að við gott atlæti og ástúð
hefur hann alist upp á Steinnýjarstöðum.
Baldvin fluttist síðan í Höfðakaupstað og var þar alls í 27 ár þar af
25 ár í Ásholti (1947-1972) hjá Jóhannesi Hinrikssyni og konu hans
Sigurlaugu Margréti Eðvarðsdóttur.
Stundaði hann þar frystihúsvinnu og hafði kindur, en er aldur
færðist yfir hann þá dró hann sig i hlé frá vinnu utan heimilis en síðar
hætti hann alveg við búsmalann. Baldvin átti miklu góðu að mæta hjá
þeim hjónum í Ásholti. Hann brá sér jafnan margar ferðir út að Tjörn.
Á sínum elstu árum dvaldi hann jafnan hjá Tjarnarsystkinum sem
búsett eru í Reykjavík, en á sumrin hjá Tjarnarbræðrum sem búa á
Tjörn. En þar er mikið myndarheimili.
Ef vér lítum yfir æfi Baldvins hefur hún lánast vel. Samferðafólk
hans kunni vel að meta hann og fann að hann hafði góðan mann að
geyma, þetta mun honum hafa verið mikils virði.
Um foreldra hans er það að segja að móðir hans Sesselja Helgadóttir