Húnavaka - 01.05.1982, Blaðsíða 174

172
HÚNAVAKA
Sveinbjörn kvæntist ágætri konu árið 1945 Ásgerði Ólafsdóttur af
skagfirskum ættstofni. Var þeim 9 barna auðið er hafa reynst
myndarfólk. Hafa sum þeirra gengið langskólanám og hefur faðir
þeirra styrkt þau til þess er hann sjálfur fór á mis við. Lætur að
líkindum að nokkuð hefur kostað að koma til náms þessum fjölda
barna. En þar studdi þá kona Sveinbjarnar líka við er vann mikið utan
heimilis ásamt heimilisstörfum, hún er mjög hög til handa, stundaði
saumaskap enda lærð saumakona.
Sveinbjörn kom sér upp íveruhúsi í Kleppsholti en seldi það eftir
nokkur ár og reisti þá annað hús í Kópavogi 1952 en þá var sú byggð í
örum vexti. Þá kom hann hér norður til Blönduóss og fékkst við smíði
útibús Kaupfélags Húnvetninga.
Hann átti mikla tryggð til átthaganna og kaus sér leg í Blönduóss-
kirkjugarði hvar foreldrar hans liggja.
En af hinum helga reit má líta til Strandafjalla og út ströndina til
Spákonufells og Króksbjargs og suður milli fjalla Svínadals og hér yfir
Blönduóssborg.
Sveinbjörn Hannesson var jarðsettur 17. janúar 1981 í Blönduóss-
kirkjugarði.
Andvana meybarn:
Þann 3. febrúar 1981 fæddist andvana meybarn á fæðingardeild
Landspítalans í Reykjavík. Foreldrar þess voru Hrönn Árnadóttir og
Ólafur Ingibjörnsson. Þau hjón eru búsett á Túnbraut 5 Skagaströnd.
Barnið var jarðsett í Spákonufellsgarði 14. febr. 1981.
Ragna Hrafnhildur Friðriksdóttir, Sunnuvegi 5, Höfðakaupstað and-
aðist þann 5. febrúar 1981. Hún lést á Landspítalanum í Reykjavík.
Hún var fædd 1. okt. 1938 á Sauðárkróki, voru foreldrar hennar
Málfreð Friðrik Friðriksson og kona hans Rósa Pétursdóttir á Sauð-
árkróki. Frá 6 ára aldri ólst hún upp hjá Björgvin Brynjólfssyni spari-
sjóðsstjóra á Skagaströnd og móður sinni Rósu Pétursdóttur.
Ragna var myndarleg stúlka og góðlynd og snyrtileg í framgöngu.
Árið 1958 stofnuðu þau heimili sitt hér í bæ, Högni Jensson og Ragna
Friðriksdóttir og giftust síðan 2. júlí 1963. Hann var frá Hamri í
Svínavatnshreppi en lengra fram frá Hólmavík.