Húnavaka - 01.05.1982, Page 177

HÚNAVAKA
175
Sigurður eignaðist Kúfustaði og byggði þar reisuleg peningshús og
kom þar fram að hann vildi vera sjálfs síns húsbóndi. Enda var hann
jafnan samgróinn sínu heimili og mér fannst ég skynja góðan heimil-
isanda í Stafni.
Sigurður var jafnlyndur maður, góðvilj-
aður og barngóður svo allir krakkar og ungl-
ingar hændust að honum. En út á við var
Sigurður hlédrægur og lét lítið á sér bera.
Hinn góði andi meðal Svartdæla, hefur
skapast við að menn sungu sig saman og
mynduðu karlakór sem er menningarfélag.
Sigurður var eigi hneigður til söngs. En víðar
er Guð en í Görðum segir í sunnlensku
máltæki.
Uppáhaldsiðja Sigurðar var að lesa sér til
lærdóms og dægradvalar. En hann var bæði fróður og minnugur.
Bóklestur auðgar hugsanir vorar, veitir oss innsýn í þær fræðigreinar
er vér höfum hneigð til og oft hafa útlendingar á ferð um byggðir
landsins undrast lærdóm íslenska bóndans.
Sjálfur gat hann sér eins og fyrr greinir gott orð meðal granna sinna
og fólks síns sem vandaður maður og vel hugsandi er var stoð síns
heimilis og átti líka þar gott skjól er hann var stundum heilsulítill og
að síðustu mátti kveðja dalinn sinn til að heyja sína síðustu lífsbaráttu
í Reykjavík.
Hann var lesinn til moldar 2. maí 1981 að Bergsstöðum í Svartár-
dal.
Guðbjörg Hallbera Guðjónsdóttir frá Höfðakaupstað andaðist þann 3.
júlí 1981 á ellideild Héraðshælisins á Blönduósi.
Hún var fædd 23. september 1891 í Furufirði Grunnavíkurhreppi
Norður-ísafjarðarsýslu. Voru foreldrar hennar Guðjón Jónsson og
Margrét Jónsdóttir hjón í Furufirði. Bær þeirra er með þeim af-
skekktustu á landinu, var þar stundum margbýli. Þar er gnótt reka-
viðar, fiskur fyrir landi, eggjataka mikil í nágrenninu og fugl. Þar er
því mörg matarholan en harðsótt mannlíf að hafa í sig og á, þó
girnilegar og grösugar væru bújarðir.
Þau hjón, foreldrar Guðbjargar, eignuðust 11 börn. Guðjón var með
stærstu mönnum, þrekmikill og sjósóknari góður og kona hans Mar-