Húnavaka - 01.05.1982, Page 180

178
HÚNAVAKA
Hólma sem var varla tvíbýlisjörð. Sveinbjörn var heimakær og sinn-
ugur maður og vakinn og sofinn yfir búskapnum er hann var í fullu
fjöri og gerði eigi víðreist um dagana. En síðustu árin var Sveinbjörn
mjög heilsutæpur og mátti oft dvelja á Héraðshælinu á Blönduósi.
Börn hans stunduðu þá búið með móður sinni, en Svanlaug var alla
tíð hin ágætasta búkona.
Þá var það mikil búskaparbót þessu fólki og þeim systkinum að þau
keyptu Króksel og fluttu þangað búferlum, jókst þá landrými, bæði
ræktað land og óræktað. En Króksel mun hafa verið best þeirra
fjögurra selja sem tilheyrðu jörðum undir Brekku.
Mér virtist Sveinbjörn Sigvaldason ávallt hlédrægur maður, vel viti
borinn og hafði oft mátt ganga erfið ævispor sem höfðu sett sitt
svipmót á hann. En hann átti með sér góðvild og hlýju til samferða-
fólks síns, var hófsamur og hafði stóiska ró í hugsun.
Hann var jarðsettur á Hofi 25. júlí 1981.
Hallgrímur Lárus Valdimar Sigurðsson, vélstjóri, Dvergabakka 8,
Reykjavík andaðist þann 1. ágúst 1981. Hann var fæddur 7. ágúst
1928 á Asbergi Skagaströnd. Voru foreldrar hans Sigurður Sölvason
verslunarmaður, síðar kaupmaður, og kona
hans Ragnheiður Árnadóttir Hallgrimsson-
ar.
Ragnheiður var mikil fríðleikskona. Þau
hjón bjuggu lengi á Ásbergi og Melstað og
voru myndarhjón. En móðir Hallgríms and-
aðist árið 1935 og varð faðir hans þá að koma
barninu í fóstur. Dvaldi Hallgrímur þá
fyrstu árin að Lækjarbakka hjá Pétri Stef-
ánssyni og Mörtu Guðmundsdóttur en svo
dvaldi hann frá 11 ára aldri að Víkum á
Skaga hjá Önnu Tómasdóttur frændkonu
sinni og allt til 17 ára aldurs.
En Sigurður Sölvason kaupmaður giftist Margréti Konráðsdóttur
og bjuggu þau á Skagaströnd. Margrét reyndist Hallgrimi vel í alla
staði.
Hugur Hallgríms Sigurðssonar hneigðist til sjómennsku og var
hann fyrst háseti og síðan vélstjóri og tók vélstjórapróf. Árið 1970
komst hann að útgerð Einars Þorgilssonar í Hafnarfirði sem er þjóð-