Húnavaka - 01.05.1985, Qupperneq 51

HUNAVAKA
49
Sölvatunga í um 150 ár. Það er dálítið merkilegt að það nafn skuli hafa
tollað svona lengi við bæinn, sem hét Finnstunga bæði fyrir og eftir, og
alla jafnan kallaður Tunga. Hér uppfrá er Finnadalur og Finnagil
þannig að þetta er gamalt og rótgróið nafn.
Varst þú byrjaður að byggja hérna áður en þú fluttir?
Já, við Jónas bróðir byggðum húsið i félagi og byrjuðum á því 1947
og áttum það í félagi þar til hann fluttist alfarinn til Blönduóss 1958.
Guðmundur bróðir minn byggði mikið á þessum árum og hann sá um
bygginguna. Hann teiknaði húsið og var sú teikning samþykkt. Ég
vann svo að hans búi í staðinn þannig að um töluverð vinnuskipti var
að ræða og við töldum ekki alltaf tímana nákvæmlega.
Húsið var ekki svipað þvi frágengið þegar flutt var i það. Þetta var
rétt um fjárskiptin og ekkert fé, en ég held að við höfum átt þrjár eða
fjórar kýr.
Hvernig var hœgt að byggja án þess að hafa tekjur af fjárbúinu?
Vegna fjárleysisins hafði ég góðan tíma á þessum árum til þess að
vinna við bygginguna, og keypti mjög litla vinnu að. Ég múraði t.d.
allt sjálfur, en ég fékk Bóas Magnússon til þess að kenna mér. Hann
hafði verið handlangari hjá múrara um hálfsmánaðar skeið og þekkti
þetta.
Húsið var steypt upp í flekum og hestur látinn draga tunnuna eins
og tiðkaðist á þeim tímum. Húsið er allt einangrað með torfi, og þegar
skipt var um glugga fyrir örfáum árum, þá sást hvergi nokkur gloppa í
torfinu. Það getur haldist þannig endalaust á meðan raki kemst ekki i
það.
Þegar ég skipti um gluggana kostaði hver gluggi jafnmikið i krónu-
tölu og allt húsið þegar ég byggði það, 140 þúsund krónur. Ég fékk 70
þúsund króna lán út á húsið og ég er ekki búinn að borga það upp
ennþá.
Byggðir þú fjárhúsið og fjósið fljótlega á eftir?
Eg var búinn að byggja það mest allt 1953, og fyrst og fremst var
það vegna þess að rýmri tími var frá bústörfum á mæðiveikiárunum.
Hvernig var háttað skólagöngu þinni?
Eg var i barnaskóla í fjóra vetur 2-3 mánuði á vetri, svo var ég einn
vetur á Hólum og hálfan vetur hjá Sigurði Greipssyni í Haukadal í
íþróttaskólanum. Eg fór þangað aðallega til þess að fara eitthvað.
Eg hitti Sigurð fyrir fáum árum. Þeir komu hér til mín sr. Hjálmar
4