Húnavaka - 01.05.1985, Page 172

170
HÚNAVAKA
tius er einnig prýddur kirkjulegum dyggðum sem sæma honum vel
sem kirkjuhöfðingja, svo sem myndugleika, guðhræðslu og brjóst-
gæðum.18 Hann er auk þess hlýðinn yfirboðurum sínum. Það má
hugsa sér að Einari hafi þótt nauðsyn bera til að halda til haga
minningunni um „farsælan“ embættisrekstur Laurentiusar þegar út-
lendur biskup sat á Hólum um miðja öldina og olli megnri óánægju og
upplausn meðal landslýðsins. Það má þó vara sig á að draga miklar
ályktanir af þessum hugsanlega hvata að ritun sögunnar eða ritunar-
tíma hennar. Það er mjög erfitt að skorða hann nákvæmlega af og það
eina sem er nokkurn veginn víst er að sögunni er ekki lokið í núverandi
mynd fyrr en eftir 1346.19
Árið 1345 fór Einar Hafliðason utan til Frakklands. Páfinn sat þá í
Avignon, og þangað og til Parísar var ferðinni heitið. Ferðasaga Einars
er í Lögmannsannál og er samtals 60 orð ef allt er talið. Þar af fer drjúgur
hluti í að segja frá hverjir voru með Einari á skipi og brotlendingu við
heimkomuna þar sem fjárhlutur týndist mjög en allir menn höfðu líf.
Einar hefði gjarnan mátt segja svolítið nánar frá ferðinni sjálfri. Einu
upplýsingarnar um Frakklandsveruna eru þær að hann var 9 nætur í
Avignon, fór um Frakkland aftur og fram og var í París um tíma.
Einar kom úr þessari ferð 1346. Ekkert er vitað um í hvaða erinda-
gjörðum hann fór þessa ferð.
Eftir dauða Orms Áslákssonar tók annar Norðmaður, Jón skalli
Eiríksson, við biskupsdómi á Hólum. Árið 1370 fór Jón biskup suður í
lönd til Rómar og á meðan var Einar officiales. Einar var enginn
nýgræðingur í þessu starfi þvi hann hafði áður gegnt þessu embætti
eftir dauða Egils Eyjólfssonar eins og fyrr er getið. Eftir 1370 er hann
oft titlaður officiales í fornbréfum20 og er fullljóst að seinustu áratugi
lífs síns hefur hann verið náinn samstarfsmaður Jóns biskups. Einar
virðist um tíma bæði hafa verið ráðsmaður og officiales in spiritu-
alibus en 1376 lét hann ráðsmannsstöðuna lausa.
Jón Eiríksson átti í útistöðum við landsmenn eins og Ormur
Ásláksson. Hann var upphaflega skipaður Grænlandsbiskup en hon-
um hefur sennilega ekki þótt girnilegt að setjast að í Görðum og beið
því eftir að Hólastóll losnaði. Hann fékk þá að skipta um embætti.
Þessari ráðstöfun vildu menn ekki hlíta athugasemdalaust. Þegar það
fór að spyrjast að Jón væri ef til vill ekki löglegur Hólabiskup tók
Þorsteinn nokkur Hallsson prestur að beita sér í málinu um haustið