Morgunblaðið - 21.05.2015, Blaðsíða 16

16 FRÉTTIRErlent
MORGUNBLAÐIÐ FIMMTUDAGUR 21. MAÍ 2015
Öflugir greinakurlarar sem taka allt að 45 mm stofna
Greinakurlarar
Öflugir greinakurlarar sem taka
allt að 45 mm stofna
Einfasa rafmótor, tvær stærðir fáanlegar:
2500 eða 2800 w
Sjálfbrýnandi kurlaravals.
Hljóðlátir, meðfærilegir og
auðveldir í allri notkun.
Koma með safnkassa
ÞÓR HF
Reykjavík:
Krókháls 16
110 Reykjavík
Sími 568-1500
Akureyri:
Lónsbakka
601 Akureyri
Sími 568-1555
Vefsíða:
www.thor.is
Tianjin. AFP. | Þegar vindurinn
næðir um hálfkaraða skýjakljúfa og
mannlaus breiðstræti á byggingar-
svæði, sem kallað hefur verið Man-
hattan Kína, virðist það standa
fyllilega undir nafni sem drauga-
borg.
Kínverskir embættismenn vona
að himingnæfir turnar Yujiapu-
viðskiptahverfsins í hafnarborginni
Tianjin, um 150 km frá Peking,
verði að viðskiptamiðstöð sem jafn-
ist á við Wall Street í New York og
Canary Wharf í Lundúnum þegar
fram líða stundir.
Þremur árum eftir að fram-
kvæmdirnar hófust virðast þó allar
byggingarnar nema ein vera ófull-
gerðar. Margar bygginganna eru
án útveggja og á sumum lóðunum
hefur ekkert verið byggt.
Ríkisfjölmiðlar í Kína segja að
framkvæmdirnar kosti alls 200
milljarða jena, jafnvirði 42.400
milljarða króna, en nú þegar hægt
hefur á hagvextinum í landinu eftir
mjög hraðan vöxt síðustu áratugi
hafa vaknað efasemdir um að
byggingaráformin séu raunhæf.
Á meðal hálfköruðu bygginganna
er skýjakljúfur sem lýst hefur verið
sem stærstu hótelbyggingu Asíu en
framkvæmdirnar virðast hafa
stöðvast algerlega. Verkamenn
vinna enn í nokkrum bygginganna
en aðeins ein hefur verið tekin í
notkun. Þar er nú rekin versl-
anamiðstöð en í grennd við hana
eru ófullgerðar byggingar sem hafa
verið girtar af í varúðarskyni og fá-
ir eru á ferli á breiðstrætunum.
Engin skýjaborg?
Það er því engin furða að svæðinu
skuli hafa verið lýst sem drauga-
borg í fréttum fjölmiðla. Embættis-
menn segja þó að Yujiapu sé engin
skýjaborg og benda á að margir litu
á Podong-viðskiptahverfið í
Sjanghæ sem peningasóun fyrir síð-
ustu aldamót áður en það var reist,
en hrakspárnar rættust ekki.
Framkvæmdirnar í Yujiapu njóta
stuðnings Zhang Gaoli, sem var
æðsti embættismaður Tianjin áður
en hann var hækkaður í tign og
skipaður í fastanefnd framkvæmda-
stjórnar kínverska komm-
únistaflokksins árið 2012.
Zhu Guzhong, aðstoðarprófessor
í hagfræði við Peking-háskóla, telur
að framkvæmdirnar í Yujiapu séu
„mjög heillavænlegar“ ef kínversku
stjórninni tekst að tengja Peking
og Tianjin saman efnahagslega eins
og hún stefnir að.
AFP
Ófullgerð Verkamenn að störfum við eina af fáum byggingum í Yujiapu þar sem framkvæmdir hafa ekki stöðvast.
Svar Kínverja við Man-
hattan líkist draugaborg
 Hægari hagvöxtur seinkar metnaðarfullri uppbyggingu
AFP
Skýjaborg? Margar byggingar í viðskiptahverfinu fyrirhugaða eru hálf-
karaðar og breiðstrætin mannlaus. Starfsemin átti að hefjast þar fyrir ári.
Bogi Þór Arason
bogi@mbl.is
Giorgi Margvelashvili, forseti
Georgíu, sagði í gær að leiðtogar
Evrópusambandsins mættu ekki
láta yfirgang Rússa í Úkraínu aftra
sér frá að koma á nánari tengslum
við fyrrverandi sovétlýðveldi.
Margvelashvili sagði þetta fyrir
tveggja daga fund sem leiðtogar
ESB-ríkja halda í Riga í Lettlandi í
dag og á morgun með leiðtogum
sex fyrrverandi sovétlýðvelda –
Armeníu, Aserbaídsjans, Georgíu,
Hvíta-Rússlands, Moldóvu og
Úkraínu.
Fundurinn er haldinn í skugga
deilna við Rússa vegna innlimunar
Krímskaga í Rússland í fyrra og
stuðnings þeirra við aðskilnaðar-
sinna í átökunum í austurhéruðum
Úkraínu. Stefna Rússa í málefnum
Úkraínu er álitin sýna að þeir séu
staðráðnir í því að koma í veg fyrir
nánari tengsl sovétlýðveldanna
fyrrverandi við Evrópusambandið
og Atlantshafsbandalagið.
Evrópusambandið hóf árið 2009
áætlun, sem nefnist „samstarf til
austurs“ (Eastern Partnership) og
miðar að því að efla pólitískt sam-
starf og viðskiptatengsl við ríkin
sex. Mikið uppnám varð á síðasta
leiðtogafundi ESB og samstarfs-
ríkjanna sex í Vilníus í nóvember
2013 eftir að þáverandi forseti
Úkraínu, Viktor Janúkóvítsj, ákvað
að hætta við að undirrita sam-
starfssamning við ESB og koma í
staðinn á nánari tengslum við
Rússland. Sú ákvörðun leiddi til
fjöldamótmæla sem urðu til þess að
Janúkóvítsj hrökklaðist frá völdum.
Nýr forseti Úkraínu, Petro Poro-
sénkó, undirritaði síðan samstarfs-
samninginn í júní í fyrra.
Vilja bæta tengslin við Rússa
Embættismenn ESB segja að
engar þýðingarmiklar ákvarðanir
verði teknar á leiðtogafundinum í
Riga. Jean-Claude Juncker, forseti
framkvæmdastjórnar ESB, hefur
sagt að hugsanleg aðild ríkjanna
sex að sambandinu verði ekki rædd
næstu fimm árin. Elzbieta Kaca,
pólskur sérfræðingur í samstarfs-
áætluninni, segir að framkvæmda-
stjórnin leggi nú mesta áherslu á
að bæta tengslin við Rússland. Hún
vilji standa vörð um hagsmuni og
áform ESB en virða um leið hags-
muni Rússlands.
Margvelashvili sagði að yfirgang-
ur Rússa í Úkraínu mætti ekki
hræða leiðtoga ESB frá því að efla
tengslin við samstarfsríkin sex.
„Helstu leiðtogar ESB gáfu mér
skýr loforð um Rússland hefði ekk-
ert óformlegt neitunarvald sem
þeir gætu beitt gegn því frjálsa vali
Georgíu að verða hluti af Evrópu.“
Vill að ESB láti
ekki yfirgang
Rússa hræða sig
 Samstarf til austurs rætt á fundi í Riga
AFP
Forseti Georgíu Giorgi Margvela-
shvili vill efla tengslin við ESB.
Petro Porosénkó, forseti Úkraínu, sagði í gær að
handtaka tveggja rússneskra hermanna í Austur-
Úkraínu um helgina sýndi að landið ætti í „raun-
verulegu stríði við Rússland“. Þegar hermennirnir
voru yfirheyrðir sögðust þeir hafa farið til Austur-
Úkraínu fyrir tveimur mánuðum ásamt um 200
öðrum liðsmönnum GRU, leyniþjónustu rússneska
hersins. Rússar segja að hermennirnir hafi farið
þangað sem „sjálfboðaliðar“ og séu í leyfi frá
störfum.
Sögð eiga í stríði við Rússland
RÚSSNESKIR HERMENN TEKNIR TIL FANGA Í ÚKRAÍNU
Petro Porosénkó
Stjórnvöld í
Norður-Kóreu
hættu í gær við
að bjóða fram-
kvæmdastjóra
Sameinuðu þjóð-
anna, Ban Ki-
moon, til heim-
sóknar í landið,
daginn áður en
hann átti að koma
þangað.
Ban Ki-moon hafði verið boðið að
heimsækja iðnaðarsvæði í Kaesong
sem Kóreuríkin tvö stjórna
sameiginlega. „Engin ástæða var
gefin fyrir þessari breytingu á síð-
ustu stundu. Ákvörðun stjórnar-
innar í Pjongjang er dapurleg,“
sagði Ban, sem er fyrrverandi utan-
ríkisráðherra Suður-Kóreu. Rúm 20
ár eru liðin síðan framkvæmdastjóri
Sameinuðu þjóðanna fór síðast í
heimsókn til Norður-Kóreu.
N-Kóreuferð
aflýst á síð-
ustu stundu
Ban Ki-moon