Morgunblaðið - 03.06.2015, Blaðsíða 14
14 FRÉTTIRInnlent
MORGUNBLAÐIÐ MIÐVIKUDAGUR 3. JÚNÍ 2015
BAKSVIÐ
Baldur Arnarson
baldura@mbl.is
Reykjavíkurborg hefur auglýst
breytingu á gildandi deiliskipulagi í
Suður-Mjódd og felur það meðal ann-
ars í sér frekari uppbyggingu á
íþróttasvæði ÍR. Deiliskipulagið er í
samræmi við gildandi aðalskipulag.
Raunhæft þykir að skipulagið verði
samþykkt fyrir áramót.
Breytingin á deiliskipulaginu er
unnin á vegum Reykjavíkurborgar
og hefur Hermann Georg
Gunnlaugsson, landslagsarkitekt hjá
Teiknistofunni Storð, unnið að
breytingartillögunni á svæðinu fyrir
borgaryfirvöld.
Samkvæmt upplýsingum frá
Reykjavíkurborg gætu fram-
kvæmdir hafist að hluta til á þessu
ári og því næsta. Svæðið í heild af-
markast af Reykjanesbraut í norðri,
Breiðholtsbraut í austri og Skógar-
seli í suðri. Fyrirhugað uppbygging-
arsvæði er þrískipt.
Frjálsíþróttavöllur byggður
Í fyrsta lagi er um að ræða íþrótta-
svæði ÍR, svæði A. Á vestasta hluta
svæðisins er áformað að byggja upp
frjálsíþróttavöll ásamt áhaldahúsi og
mögulegum áhorfendastæðum.
Á svæðinu er áfram gert ráð fyrir
fjölnota íþróttahúsi sem yrði tengt
við núverandi ÍR-hús og fótboltavelli.
Mun það geta rúmað allt að tvo hand-
boltavelli. Suðvestan við ÍR-húsið og
fjölnotahúsið er gert ráð fyrir áhalda-
húsi og norðan við fjölnotahúsið gæti
risið stúka fyrir allt að 1.500 áhorf-
endur. Stúkan verður við aðal-
keppnisvöll félagsins í knattspyrnu,
norðaustur af gervigrasvellinum sem
nú er í notkun. Felur þessi tilhögun í
sér að aðalkeppnisvöllur félagsins
færist til norðausturs á svæðinu. Þá
hafa lóðarmörk alls svæðisins verið
endurskoðuð og lóðin stækkuð.
Í öðru lagi er um að ræða svæði B,
svonefnt miðsvæði og stofnanasvæði,
sem Árskógar til-
heyra. Á því
svæði munu rísa
fjögur fjögurra til
fimm hæða fjöl-
býlishús með
húsnúmerunum
Árskógar 1 til 7
(hvítlituð hús fyr-
ir miðju neðri
myndarinnar á
þessari síðu). Þar
er gert ráð fyrir 104 íbúðum og verð-
ur fimmta hæðin inndregin, en í gild-
andi deiliskipulagi er gert ráð fyrir
100 íbúðum. Bílakjallarar verða und-
ir húsunum.
Íbúðir fyrir eldri borgara
Hluti íbúðanna í Árskógum 1 til 7
verður fyrir eldri borgara og er gert
ráð fyrir að nýir íbúar geti nýtt sér
aðstöðuna í þjónustumiðstöðinni við
Árskóga, handan götunnar. Hafa
borgaryfirvöld nýverið lýst yfir vilja
til að úthluta lóð til Félags eldri borg-
ara með byggingarrétti fyrir fjöl-
býlishús með allt að 50 íbúðum.
Byggt verður við núverandi
þjónustumiðstöð í Árskógum. Sú
bygging verður á einni hæð og suð-
vestan við þjónustumiðstöðina. Þá
verður reist þriggja hæða álma með
hjúkrunarrýmum norðaustan við nú-
verandi hjúkrunarheimili.
Hvað varðar svæði ÍR er uppbygg-
ing á frjálsíþróttavellinum framar-
lega í röðinni. Einnig liggur fyrir að
töluverð eftirspurn er eftir íbúðum á
þessu svæði og má út frá því leiða lík-
ur að því að uppbyggingu íbúða á
svæðinu verði hraðað.
Í þriðja lagi er um að ræða svæði
C, sem liggur að hluta meðfram
Reykjanesbraut til norðurs. Nyrst á
því svæði, norður af fyrirhuguðum
aðalkeppnisvelli ÍR, er gert ráð fyrir
samhangandi háreistum húsum,
fimm til sjö hæða, og verða þau tengd
með tengibyggingum og einnar hæð-
ar byggingum. Þessar byggingar eru
skilgreindar sem skrifstofu- og at-
vinnuhúsnæði.
Gjörbreytir aðstöðu ÍR-inga
Reykjavíkurborg kynnir breytingu á deiliskipulagi fyrir Suður-Mjódd Áformað er að byggja
frjálsíþróttavöll og fjölnota íþróttahús á svæði ÍR Sjö háhýsi munu rísa meðfram Reykjanesbraut
Tölvuteikning/Teiknistofan Storð
Drög að nýrri Suður-Mjódd Fyrirhugaður frjálsíþróttavöllur er lengst til vinstri á myndinni. Fjölnota íþróttahúsið
er sýnt sem grátt hús við knattspyrnuvellina. Stúkan verður tengd við húsið. Núverandi íþróttahús ÍR er á sömu lóð.
Mannvirki Hér má sjá hvernig fyrirhuguð stúka verður suður af kappvellinum. Fjær á myndinni er fyrirhugað
skrifstofu- og atvinnuhúsnæði meðfram Reykjanesbraut. Fyrir miðju myndarinnar eru áformuð fjölbýlishús (hvít).
Hermann Georg
Gunnlaugsson
Baldur Arnarson
baldura@mbl.is
Tveir fyrrverandi þingmenn VG
taka undir þau ummæli Lilju Mós-
esdóttur að Steingrímur J. Sigfús-
son, þáverandi formaður VG, hafi
ekki leitað samþykkis þingflokksins
við framsal á eignarhlut ríkisins í Ís-
landsbanka og Arion banka.
Lilja tjáði sig um málið í Morgun-
blaðinu í gær í tilefni af þeirri um-
fjöllun Bankasýslu ríkisins að Stein-
grímur J. hafi sem þáverandi
fjármálaráðherra ekki haft laga-
heimild til að framselja hlutinn til
slitabúa föllnu bankanna.
„Steingrímur J. fór aldrei fram á
að þingflokkur VG samþykkti fram-
sal eignarhluta ríkisins í Arion
banka og Íslandsbanka til slitabúa
föllnu bankanna,“ sagði Lilja sem
var þingmaður VG og formaður við-
skiptanefndar Alþingis 2009 til 2011.
„Hans stíll, ær og kýr“
Atli Ingibjargar Gíslason hæsta-
réttarlögmaður var þingmaður VG
frá 2007 og þar til í mars 2011 er
hann og Lilja sögðu sig úr þingflokki
VG og urðu óháðir þingmenn.
Atli segir Steingrím J. ekki hafa
borið málið fyrirfram undir þing-
flokk VG til umræðu. „Hann lék ein-
leik sem var hans stíll, ær og kýr,“
segir Atli og rifjar upp þessa þýð-
ingarmiklu ákvörðun.
„Þegar ákvörðunin var kynnt [20.
júlí 2009] var boðað til skyndifundar
hjá þingflokki VG í alþingishúsinu.
Þangað mættu Þorsteinn Þorsteins-
son og Steingrímur J. Þá var búið að
taka ákvörðunina. Manni var eins og
oft áður og síðar stillt upp við vegg
og gert til málamynda að samþykkja
þegar teknar ákvaðanir,“ segir Atli.
„Þessi ákvörðun var þvert á
stefnu flokksins. Steingrímur boðaði
það ávallt að við myndum fara
norsku leiðina í bankamálunum,
þ.e.a.s. að ríkið ætti allavega hlut
sem myndi skipta máli, til dæmis
þriðjungs hlut. Það var talað um
þessa norsku leið. Svo allt í einu
birtist tillaga um að tveir bankar
skyldu fara til slitabúa en ríkið halda
einum, þ.e. Landsbankanum. Ég
heyrði síðar að ástæðan hefði meðal
annars verið sú að Landsbankinn
hefði ekki verið góð söluvara, að
engin hefði boðið í bankann,“ segir
Atli og svarar því aðspurður til að
tenging Landsbankans við Icesave-
reikningana kunni að hafa átt þátt í
máli. „Þetta var því þvert á norsku
leiðina sem Steingrímur boðaði.
Hefði ríkið átt ráðandi hlut í Arion
banka og Íslandsbanka hefði það
haft betri vígstöðu í þágu heimil-
anna.“
Hagnast á kostnað almennings
Atli telur reynslu síðustu ára sýna
að ákvörðunin hafi verið röng. Bank-
arnir hafi hagnast „yfirgengilega“ á
kostnað almennings.
„Vel að merkja þurfti að bregðast
við. Það þurfti að endurreisa bank-
ana, fyrir utan þrotabúin, samhliða
því að þau færu í gjaldþrot. Hvort
þeir yrðu tveir eða þrír var ekki
mikið atriði. En það þurfti að end-
urreisa þetta kerfi,“ segir Atli.
Jón Bjarnason var sjávarútvegs-
og landbúnaðarráðherra þegar
ákvörðunin um framsalið var kynnt.
Hann tekur aðspurður undir með
Lilju og Atla að Steingrímur hafi
ekki leitað samþykkis þingflokksins
fyrir þessari þýðingarmiklu ákvörð-
un. „Um sumarið 2009 kemur þetta
mál án fyrirvara inn á ríkisstjórnar-
fund. Þá kom fram að til stæði að af-
henda tvo banka til kröfuhafa gömlu
bankanna. Rökin voru þau að í því
fælist minni áhætta fyrir ríkissjóð
og að kröfuhafarnir yrðu þannig líka
meira ábyrgir fyrir því hvernig úti-
standandi kröfur innheimtust, og
svo framvegis,“ segir Jón.
Samrýmdist ekki stefnu VG
„Ég lýsti strax yfir fullri andstöðu
minni við þetta mál og sagði að það
gengi þvert á þau markmið sem sett
höfðu verið og þær forsendur sem
gefnar voru fyrir stofnun þessara
nýju banka. Við værum hvorki búin
að setja ný bankalög né heldur gera
aðskilnað á milli fjárfestingabanka
og viðskiptabanka.
Auk þess væri fráleitt að afhenda
kröfuhöfum gömlu bankanna eign-
arhluti í þessum nýju bönkum sem
voru auk þess í raun að stórum hluta
með ríkisábyrgð. Það væri ekki einu
sinni ljóst hvort gömlu bankarnir
yrðu settir í gjaldþrot eða ekki. Að
þetta væri fráleit aðgerð sem sam-
rýmdist ekki stefnu VG.“
Segir Steingrím J. hafa „leikið
einleik“ í framsali til kröfuhafa
Atli Gíslason segir Steingrím J. hafa gengið gegn áformum um „norsku leiðina“
Atli Ingibjargar
Gíslason
Jón
Bjarnason
Kvikmyndavefurinn YouTube og ís-
lensku höfundarréttarsamtökin
STEF hafa gert með sér samning
þess efnis að meðlimir STEFs, sem
og erlendra systursamtaka, munu
geta fengið greitt fyrir notkun tón-
listar sinnar á YouTube hér á landi.
Í því felst að meðlimir STEFs og
tengdir aðilar munu geta fengið
greitt þegar tónlist þeirra aflar
tekna með spilun eða birtingu aug-
lýsinga á YouTube.
„Þessi nýja tekjuleið eykur
möguleika á fjárhagslegum ávinn-
ingi rétthafa af notkun verka þeirra
á YouTube á Íslandi. Það að ná
samningi við YouTube markar
þáttaskil í að skapa ný tækifæri
fyrir okkar rétthafa,“ er haft eftir
Guðrúnu Björk Bjarnadóttur, fram-
kvæmdastjóra STEFs, í fréttatil-
kynningu.
Þar er haft eftir Gudrun
Schweppe, framkvæmdastjóra leyf-
ismála hjá YouTube EMEA, að fyr-
irtækið sé mjög ánægt með samn-
inginn við STEF.
STEF
semur við
YouTube