Morgunblaðið - 03.06.2015, Blaðsíða 38

38 MENNING
MORGUNBLAÐIÐ MIÐVIKUDAGUR 3. JÚNÍ 2015
Helgi Snær Sigurðsson
helgisnaer@mbl.is
Tónlistarkonan Lára Rúnars sendi í síðustu
viku frá sér fimmtu sólóplötu sína, Þel, sem hún
vann í samstarfi við tónlistarmanninn Stefán
Örn Gunnlaugsson sem gefið hefur út tónlist
undir listamannsnafninu Íkorni. Lára syngur á
íslensku á plötunni, ólíkt fyrri plötum, og mun
fagna útgáfu hennar með tónleikum í Fríkirkj-
unni í Reykjavík annað
kvöld, 4. júní, kl. 21 og á
Græna hattinum á Ak-
ureyri degi síðar, kl. 22,
ásamt hljómsveit. Lára
mun auk þess fara í tón-
leikaferðalag um landið í
sumar til að kynna plöt-
una og leika eldra efni. Á
útgáfutónleikunum skipa hljómsveit Láru, auk
hennar, Arnar Þór Gíslason á trommur, Birkir
Rafn Gíslason á gítar, Guðni Finnsson á bassa,
Þorbjörn Sigurðsson á hljómborð og Rósa Guð-
rún Sveinsdóttir og Valdimar Guðmundsson
leika á blásturshljóðfæri og syngja. Margrét
Rúnarsdóttir, Rakel Pálsdóttir, Guðrún Ragna
Yngvadóttir og Ásta Björg syngja bakraddir.
Dásamleg meðferð
Lára segir samstarf þeirra Stefáns þannig
komið til að hún hafi eignast plötu hans, Íkorna,
sem kom út fyrir þremur árum, og hlustað mik-
ið á hana. „Mér þótti hún svo undursamlega
fögur að ég ákvað að biðja hann að vinna með
mér þessa plötu. Ég hafði ekki hugsað mér að
gefa út þessi lög þar sem mér þótti þau svo frá-
brugðin öðru sem ég hafði gert en sem betur
fer fengu þau þessa dásamlegu meðferð. Mig
hafði alltaf langað að gera plötu á íslensku og
því gott tækfæri til þess að feta nýjar slóðir,“
segir hún.
– Hvaða áhrif hafði Stefán á útkomuna?
„Hann setti rólegu kassagítarslögin mín í
blástur og yfirhalningu. Þau fengu ævintýra-
legan og fallegan blæ. Tilfinning laganna held-
ur sér og engu er ofaukið að mínu mati. Það má
því segja að samstarfið hafi virkað vel.“
– Plötunni er í tilkynningu lýst sem draum-
kenndri og ævintýralegri. Geturðu útskýrt
frekar hvað er átt við með því?
„Hljóðheimur plötunnar dregur mann inn í
eitthvert ævintýri, finnst mér. Stemningin er
þannig draumkennd og gefur hlustendum færi
á að láta sig dagdreyma og gleyma sér um
stund. Ég mæli því með að fólk taki sér 38 mín-
útna pásu frá dagsins amstri, setji á sig heyrn-
artól og komi með mér á vit ævintýranna,“
svarar Lára.
Kryfur eigið sjálf
– Lagatextarnir eru mjög ljóðrænir, nátt-
úrustemningar áberandi og einhvers konar
innri leit eða sjálfsskoðun, eða hvað? Hvernig
myndir þú lýsa þeim og yrkisefnunum?
„Ég hef lesið ljóð síðan ég var lítil stelpa og
byrjaði að skrifa ljóð mjög snemma. Þetta er
því einhver órjúfanlegur partur af mér. Oft var
ég að reyna að vera ekki ljóðræn og nota frem-
ur talmál en mér tókst það illa. Ég ákvað því
bara að leyfa mér að dvelja í flæðinu. Ég ber
ómælda virðingu fyrir móður jörð og ég er allt-
af í innri leit og alltaf að uppgötva eitthvað nýtt
um sjálfa mig og fólkið mitt,“ segir Lára. Það sé
markmið hennar í lífinu að halda áfram og
kryfja eigið sjálf.
„Þegar ég var að semja og taka upp plötuna
var ég bæði í kennaranámi í jógafræði og í
kynjafræði í háskólanum og því margt úr þess-
um frábæru og ólíku þekkingarheimum sem lit-
ar líf mitt og sjálf á þessum tíma.“
– Plöturnar þínar hafa verið hver annarri
ólík, myndir þú lýsa þér sem tilraunaglöðum
tónlistarmanni?
„Já, en þessar miklu breytingar eru kannski
ágætis lýsing á persónu minni. Ég get oft tapað
mér í háloftunum og á erfitt með endurtekn-
ingar,“ segir Lára.
Meira jafnvægi og ró
– Hvernig er Þel frábrugðin síðustu plötunni
þinni, Moment?
„Helsti munurinn á Þeli og Moment er lík-
lega tungumálið og hljóðheimurinn. Einnig
lagasmíðarnar, en Moment er samin á píanó en
Þel á gítar. Síðan var ég að taka á öðrum málum
á Moment. Þel einkennist af meira jafnvægi og
ró myndi ég segja.“
– Hvaðan færðu innblástur sem tónlist-
armaður, hvernig verða lög og textar helst til?
„Oftast út frá einhverri tilfinningu. Hún má
hvorki vera of veik né of sterk, þ.e. tilfinningin,
því ef hún er að bera mig ofurliði næ ég ómögu-
lega að fanga hana í tónum. Ég fylgi síðan því
sem kemur en er ofsalega óþolinmóð þannig að
ef það kemur ekki strax hætti ég bara. En inn-
blásturinn þarf oft að sækja og það geri ég í
gegnum samskipti og tengingu við mína nán-
ustu. Einnig þykir mér gott að keyra út á land
og fá mér göngutúr, fara í jógatíma, gufu eða
sund. Að lesa góðar bækur og hlusta á tónlist er
það sem gefur mér mest,“ segir Lára.
Mikill dýravinur
Plötuumslagið prýðir mynd af hesti sem
landslagi er skeytt við. Lára er spurð hvers
vegna hestur sé á plötunni, hvort hún sé hesta-
kona.
„Þetta er mynd eftir vinkonu mína Gígju
Einars og þegar ég sá hana fyrir tilviljun var ég
handviss um að mig langaði að nota hana sem
umslag. Mér finnst hesturinn og stemningin
mjög lýsandi fyrir innihald plötunnar. Mér
finnst ég sjá sjálfa mig í hestinum. Ég er ekki
hestakona, nei, en mikill dýravinur.“
„Á erfitt með endurtekningar“
 „Hljóðheimur plötunnar dregur mann inn í eitthvert ævintýri,“ segir Lára Rúnars um fimmtu
breiðskífu sína, Þel  Stefán Örn „Íkorni“ setti rólegu kassagítarslögin í blástur og yfirhalningu
Ljósmynd/Matthías Árni Ingimarsson
Sveit Lára með Birki Rafni Gíslasyni, Þorbirni Sigurðssyni, Arnari Þór Gíslasyni og Guðna Finnssyni.
„Ég er búinn að selja 120 þúsund
ljóðabækur. Af hverju ætti ég ekki
að geta fengið 10-20 þúsund manns
til að kjósa mig?“ spyr ljóðskáldið og
samfélagsrýnirinn Yahya Hassan í
viðtali við fréttastofu DR, en þing-
kosningar fara fram í Danmörku eft-
ir rétt rúmar tvær vikur eða 18. júní.
Spurður hvort hann sjái engan eðl-
ismun á því að vera ljóðskáld og póli-
tíkus svarar Hassan því neitandi.
Hassan tilkynnti 7. apríl sl. að
hann yrði í framboði fyrir hið ný-
stofnaða Nationalpartiet (Þjóð-
arflokkinn), en seint í síðasta mánuði
varð ljóst að flokknum myndi ekki
takast að fá þau 20 þúsund meðmæli
sem þyrfti til að hann yrði gjald-
gengur í næstu kosningum. Þess í
stað hafa Hassan og sex aðrir með-
limir flokksins ákveðið að bjóða sig
fram hver í sínu kjördæmi, en þó
undir nafni flokksins. Meðal þeirra
eru Kashif Ahmad, formaður flokks-
ins, sem býður sig fram á Kaup-
mannahafnarsvæðinu meðan Hass-
an býður sig fram á Austur-Jótlandi.
Hassan tilkynnti 27. maí sl. að
hann frábæði sér lífverði frá Dönsku
leyniþjónustunni (PET) sem elt hafa
hann eins og skugginn sl. hálft ann-
að ár. „Það hefur ítrekað verið ráðist
á mig þótt ég væri með lífverði. Þeir
hafa ekki getað verndað mig. Ég er
orðinn leiður á því að vera sífellt með
tvo lögreglumenn í eftirdragi sem
eru ófærir um að vinna vinnuna sína.
Ég hef því valið að taka framvegis
ábyrgð á eigin öryggi,“ sagði Hassan
í samtali við TV2.
Aðeins örfáum dögum síðar var
Hassan handtekinn um miðja nótt í
Árósum þegar hann neitaði að gefa
upp heimilisfang sitt, en að sögn
Hassans er hann tæknilega heim-
ilislaus samkvæmt öryggiskröfu
PET. Hassan sakar lögregluna um
harðræði við handtökuna og hefur
lögmaður hans lagt fram formlega
kæru vegna málsins. silja@mbl.is
Sannfærður um að
hann komist á þing
 Yahya Hassan frábiður sér lífverði
Morgunblaðið/Golli
Metsöluskáld Hassan sótti Ísland
heim sl. haust og las þá víða upp.
Faxafeni 14, 108 Reykjavík | Sími 551 6646 | Laura Ashley á Íslandi | Opið virka daga 10-18
Veggfóðursdagar
20% afsláttur 2.–12. júní