Húnavaka - 01.05.2005, Side 144

142
HÚNAVAKA
sjoppur, Essoskálinn og Blönduskálinn. Núna er verið að byggja nýjan
Essoskála sem á að vera töluvert stærri og í honum á líka að vera lítil að-
staða íyrir Húnakaup svo að ekki vantar matvöruverslanir á Blönduósi.
Samgöngur
Búið er að gera góðan veg sem liggur yfir Þverárfjall og tengir þar saman
Húnavatnssýslu og Skagafjarðarsýslu. Við tilkomu þessa vegar fara flutn-
ingabílarnir, sem eru á leiðinni á Sauðárkrók og Siglufjörð, frekar yfir
Þverárfjall en fara Langadalinn.
Ekki má gleyma því að það er alltaf verið að tala um að stytta eigi
hringr'eginn. Talað hefur verið um að fara upp Reykjabraut og þaðan
yfir á Svínvetningabraut. Ef þessi hugmynd verður að veruleika myndi
hringvegurinn styttast um nokkra kílómetra.
Kjalvegur liggur upp á Auðkúluheiði og eftir honum aka margir }Tir
sumartímann. Eg myndi sjá fyrir mér að það yrðu gerðar miklar endur-
bætur á Kjalvegi, ef það yrði gert væri eiginlega ekkert mál að skjótast
suður á land héðan úr Húnavatnssýslu.
A Blönduósi er ágætur flugt'öllur og var hann notaður í áætlunarflug
en með komu Hvalfjarðarganganna var orðinn óþarfi að hafa áætlunar-
flug á Blönduós og þ\4 hætt. Nú er flugvöllurinn bara notaður af mönn-
um á Blönduósi sem finnst gaman að fljúga.
Landbúnaður
Hér í sýslunni er nyjög góð aðstaða fyrir landbúnað af öllum gerðum.
Innst inni í dölum er góð aðstaða til sauðfjárræktar en eftir því sem utar
kemur eru meiri möguleikar fyrir kúabú.
Á Blönduósi rekur Mjólkursamsalan mjólkurstöð sem öll mjólk í sýsl-
unni fer í. Það er gott að hafa þessa stöð hérna því að hún skapar mörg
störf, bæði við að vinna úr mjólkinni og fyrir mjólkurbílstjóra við að
keyra mjólkina í „Samlagið“ eins og við köllurn það.
YEir sumarið gengur féð á nokkrum heiðum sem eru: Eyvindarstaða-
heiði, Auðkúluheiði og Grímstunguheiði. Auk þess er féð uppi um öll
fjöll. Vegna þess að fólksfækkun er mikil í sýslunni þarf, oft eða alltaf,
sama fólkið að vera í göngum og getur það orðið erfitt fyrir marga að út-
vega nægilegan mannskap til þess að geta smalað vel og kembt öll svæð-
in. Til þess að bæta þetta væri hægt að auglýsa göngur fyrir almenning til
að fá mannskap að smala fénu.
Hestamennska er mikið stunduð í sýslunni, bæði hjá ungum sem öldn-
um. Fyrir nokkrum árum var byggð reiðhöll á Blönduósi og skipti það
miklu máli fyrir hestamennsku í héraðinu. Nokkrir bændur stunda skipu-
lagða hrossaræktun og selja góð reiðhross, aðrir ala upp hross til þess að
fá góða gangnahesta og enn aðrir rækta folöld til slátrunar.