Dagblaðið Vísir - DV - 03.02.2009, Blaðsíða 12

Þriðjudagur 3. febrúar 200912 Fréttir
Tamíl-tígrar á barmi ósigurs
Mahinda Rajapaksa, forseti Sri
Lanka, sagði í gær að herir hans
væru um það bil að sigra Tamíl-
tígrana og binda enda á tuttugu
og fimm ára átök. Ummæli forset-
ans komu í kjölfar harðrar sóknar
stjórnarhersins sem náði landsvæð-
um og bæjum af valdi Tamíl-tígra
og náði að þvinga uppreisnarmenn
niður á landsvæði sem er brot af því
sem áður var á valdi þeirra.
Sérfræðingar telja að fullyrðing-
ar forsetans séu ekki úr lausu lofti
gripnar, og að ekki sé loku fyrir það
skotið að ósigur Tamíl-tígra sé í
nánd, en þeir hafa á stundum ráðið
lögum og lofum á stórum landsvæð-
um á norðausturhluta Sri Lanka.
Aung San Suu Kyi, leiðtogi lýðræðis-
sinna í Mjanmar sem hefur eytt mest-
um hluta síðustu nítján ára í stofufang-
elsi, sagði sendifulltrúa Sameinuðu
þjóðanna að Ban Ki-moon, aðalritari
SÞ, ætti ekki að heimsækja landið fyrr
en búið væri að sleppa öllum pólitísk-
um föngum úr fangelsi.
Sendimaður Sameinuðu þjóð-
anna, Ibrahim Gambari, hitti Suu Kyi
í fyrsta skipti í í tæpt ár, en hann kom
til Mjanmar á laugardaginn í fjögurra
daga heimsókn. Suu Kyi tjáði Gamb-
ari að lögleysa viðgengist í landinu
og vísaði til harðra fangelsisdóma yfir
aðgerðasinnum. Haft var eftir Suu Kyi
að hún væri „viljug og reiðubúin til að
hitta hvern sem er, en hún gæti ekki
samþykkt fundi án þess að þeir hefðu
einhver áhrif“.
Nyan Win, talsmaður lýðræðis-
flokks Suu Kyi, beindi þeim tilmæl-
um Suu Kyi til Ban Ki-moon að hann
skyldi ekki heimsækja Mjanmar fyrr
en eftir að hún sjálf, aðstoðarleiðtogi
flokksins og aðrir pólitískir fangar
hefðu hlotið frelsi.
„Hún benti á langa fangelsis-
dóma, til dæmis til sextíu og fimm
ára og eitt hundrað ára, sem dæmt
væri til án þess að nokkrir verjend-
ur eða lögfræðingar væru viðstaddir
– jafnvel sjálfir lögfræðingarnir hljóta
dóma,“ sagði Win, og skírskotaði til
ummæla Suu Kyi.
Lýðræðisflokkur Suu Kyi sigraði
í kosningum 1990 en herforingja-
stjórnin meinaði flokknum að taka
sinn sess. Mótmæli eru brotin niður
af hörku og árið 2007 voru mótmæli
að undirlagi munka barin niður. Að
sögn mannréttindasamtaka hefur
pólitískum föngum fjölgað síðan þá
og eru þeir nú um tvö þúsund og eitt
hundrað. Herforingjastjórnin segist
ætla að efna til kosninga á næsta ári
samkvæmt endurskoðaðri stjórnar-
skrá.
Suu Kyi telur lítinn árangur af heimsóknum sendimanna SÞ:
Vill ekki árangurslausa fundi
Mál Richards Williamson biskups, sem
Benedikt XVI páfi veitti nýlega upp-
reisn æru, hefur vakið mikla athygli.
Williamson var á sínum tíma útskúfað
úr kirkjulegu samfélagi vegna afar um-
deildra skoðana sinna á helför gyðinga
á tímum síðari heimsstyrjaldarinn-
ar. Williamson hefur ekki farið í laun-
kofa með það mat sitt að frásagnir af
helförinni séu stórlega ýktar og full-
yrðir að gasklefar hafi verið notaðir,
en eingöngu til sótthreinsunar. Einnig
báru nasistar ábyrgð á dauða „aðeins“
300.000 gyðinga, að mati Williamson.
Ekki eru glæður þessa máls kulnað-
ar þegar Benedikt páfi bætir um bet-
ur með skipan afar íhaldsams prests í
embætti biskups í Austurríki.
Harry Potter og hóruhús
Austurríski presturinn sem um ræðir
er Gerhard Maria Wagner sem hefur
verið sóknarprestur í Windischgarsten
í Austurríki síðan 1988, en hann lýsti
hvirfilbylnum Katrinu, sem gekk yfir
New Orleans 2005, sem refsingu Guðs
vegna syndsamlegs lífernis og óhófs í
kynferðismálum í borginni.
Gerhard Maria Wagner sagði í
fréttabréfi í sókn sinni að dauðinn og
eyðileggingin sem Katrina olli fyrir
fjórum árum hafi verið „réttlát refsing
Guðs“ fyrir óhóflega undanlátssemi í
kynferðismálum, þar með talið um-
burðarlyndi gagnvart samkynhneigð, í
New Orleans.
Wagner benti sérstaklega á að ekki
aðeins hefðu næturklúbbar og hóru-
hús orðið eyðileggingunni að bráð
heldur einnig fimm þeirra fóstureyð-
ingastofa sem var að finna í borginni
og lýsti yfir gleði sinni vegna þess. „Sið-
leysið í þessari borg er ólýsanlegt,“
sagði Wagner.
En það er fleira sem fer fyrir brjóst-
ið á Wagner, sem páfi skipaði í embætti
aðstoðarbiskups í Linz í Austurríki, því
Harry Potter er honum mikill þyrnir í
augum og hefur hann sakað bækur og
kvikmyndir um þessa vinsælu söguper-
sónu um að „breiða út djöfladýrkun“.
„Andleg umhverfismengun“
Gerhard Maria Wagner er umdeildur
í augum bæði lærðra og leikra í Linz
og sagði það vera íhugunarefni hvort
ekki ætti að líta á náttúrulegar hamfar-
ir sem afleiðingar „andlegrar umhverf-
ismengunar“, og skírskotaði til ham-
faranna í New Orleans sem „guðlegrar
refsingar“.
„Það er sannarlega engin tilvilj-
un að fimm af fóstureyðingastofum
New Orleans eyðilögðust, auk næt-
urklúbba,“ sagði Wagner í grein sinni.
„Það er ekki bara einhver gömul borg
sem hefur fallið, heldur draumaborg
fólks með „bestu hóruhúsunum og fal-
legustu hórunum“,“ sagði Wagner enn-
fremur.
Hamfarir af náttúrulegum toga eru
Wagner greinilega hugleiknar. Einar
verstu hamfarir síðari ára áttu sér stað
undir lok desembermánaðar 2004,
þegar gríðarmikil flóðbylgja skall á
Taílandi og nálægum löndum. Wagner
sagði það enga tilviljun að hamfarirnar
riðu yfir í desember. Í því tilfelli var að
hans mati um að ræða refsingu gegn
„auðugum vestrænum ferðamönnum“
sem hefðu „flúið til fátæka Taílands“.
Að kaþólsku
háhirðinni forspurðri
Eitt er það sem farið hefur fyrir brjóst-
ið á þeim sem gagnrýna forfrömun
Wagners, en það er að páfi gekk að mati
hinnar kaþólsku háhirðar í Austurríki
freklega framhjá henni. Einn þeirra er
Franz Wild, sóknarprestur í Traun. „Ég
er sleginn vegna þessarar ákvörðunar.
Það er undarlegt að sá sem er þekktur
fyrir jafnöfgafull sjónarmið í svo mörg-
um málum sé skipaður í stöðu sem
ætlað er að sameina fólk,“ sagði séra
Wild. „Þróun þessa máls er svo sann-
arlega hrikaleg,“ bætti hann við.
Kaþólska kirkjan hefur átt á bratt-
ann að sækja undanfarin ár eftir að yf-
irmaður kirkjunnar var rekinn í kjölfar
hneykslismáls sem varðaði samkyn-
hneigða presta sem störfuðu við
kennslu.
Útskúfun aflétt
Sem fyrr segir hefur gustað um Bene-
dikt XVI páfa undanfarið enda sýn-
ist sitt hverjum með þann gjörning að
veita uppreisn æru Richard Williams-
on biskupi og þremur starfsbræðrum
hans í félagi sem kennt er við Pius X,
hvað þá að taka í sátt um fimm hundr-
uð presta sem tilheyra sama félags-
skap. Samfélag Piusar X var stofnað
af frönskum erkibiskupi, Marcel Lef-
ebvre, árið 1970.
Helsti ásteytingarsteinninn er
áframhaldandi tregða lefebvrista til
að samþykkja ályktun um endurbæt-
ur sem var samþykkt á annarri ráð-
stefnu Páfagarðs upp úr 1962, þar á
meðal „Nostra Aetate“-yfirlýsingunni
um tengsl kristinnar trúar við önnur
trúarbrögð þar sem lögð var áhersla á
böndin á milli kristinnar trúar og gyð-
ingdóms, gyðingar voru hreinsaðir af
sök á dauða Jesú og gyðingahatur var
fordæmt í hvaða mynd sem það birt-
ist.
Vilja snúa Páfagarði
Það verður að teljast hæpið að Páfa-
garði takist með viðleitni sinni að snúa
fylgismönnum Lefevbre. Fyrrnefndur
Richard Williamson virðist eiga skoð-
anabræður innan reglunnar og má þar
nefna Floriano Abrahamowicz, yfir-
mann samfélags Píusar X í Treviso á
Ítalíu.
Þvert á viðleitni samfélagsins til að
draga úr þeim skaða sem samband
kristinna og gyðinga hlaut af ummæl-
um Williamsons kvaddi Abraham-
owicz sé hljóðs í dagblaði í Treviso.
Ummæli hans í dagblaðinu gefa tilefni
til vangaveltna um sannfæringu hans
hvað snertir helförina gegn gyðing-
um. „Ég veit um tilvist gasklefa til sótt-
hreinsunar. En ég get ekki fullyrt hvort
einhver hafi verið drepinn í þeim, því
ég hef ekki kannað málið,“ sagði Abra-
hamowicz. Abrahamowicz telur að
ummæli Williamsons, sem sagði að
„aðeins“ 200.000 til 300.000 gyðingar
hafi dáið í einangrunarbúðum nas-
ista og „enginn þeirra í gasklefum“ séu
skrumskæld og séu notuð til að koma
höggi á Páfagarð.
Einn þeirra lefebvrista sem fengu
uppreisn æru á dögunum er Bern-
ard Tissier de Mallerais biskup. Hann
sagði að þeir myndu ekki skipta um
skoðun hvað varðaði ályktun annarr-
ar ráðstefnu Páfagarðs og vonaðist
öllu heldur til þess að þeim tækist að
snúa Páfagarði á sveif með skoðunum
þeirra.
Það ríkir lítil lognmolla í kringum Benedikt XVI páfa þessa dagana.
Nýlega veitti hann uppreisn æru fjórum biskupum, þeirra á meðal
Richard Williamson sem vill gera minna úr óhæfuverkum nasista
en almennt er talið við hæfi. Einnig skipaði páfi afar íhaldssaman
og umdeildan prest í embætti aðstoðarbiskups í Linz í Austurríki.
KolBeInn þoRSteInSSon
blaðamaður skrifar: kolbeinn@dv.is
Wagner benti sérstak-
lega á að ekki aðeins
hefðu næturklúbbar
og hóruhús orðið eyði-
leggingunni að bráð
heldur einnig fimm
þeirra fóstureyðinga-
stofa sem var að finna
í borginni og lýsti yfir
gleði sinni vegna þess.
GusTar um páfaGarð
Ibrahim Gambari og Suu Kyi, 2007 Suu Kyi segir frelsi pólitískra fanga forsendu
heimsóknar aðalritara SÞ.