Dagblaðið Vísir - DV - 13.03.2009, Side 14

föstudagur 13. mars 200914 Fréttir
Nafn: guðlaugur Þór Þórðarson.
Aldur: fæddur 1967, 41 árs.
Starf: alþingismaður.
Menntun: Ba-próf í stjórnmálafræði.
Fjölskylduhagir: giftur Ágústu Johnson. Við
eigum tvö börn saman en hún átti tvö fyrir.
Augnlitur: Blár.
Mottó: að vera sjálfum mér samkvæmur.
Áhugamál: mörg og fjölbreytt og eiga það
sameiginlegt að ég hef lítinn tíma til að sinna
þeim. fer þó alltaf á hreindýraveiðar með föður
mínum og fleirum á hverju sumri. stjórnmál eru
líka áhugamál. flest getur orðið að áhugamáli
þegar maður kemst inn í það.
Þú varst heilbrigðisráðherra í síðustu ríkis-
stjórn. Hefur þú áhuga á heilbrigðismálum?
Ég heillaðist af heilbrigðismálum. tækifærin þar
og sú hugsun að hjálpa sjúku fólki er göfug og
kristileg hugmyndafræði. Þarna eru endalaus
viðfangsefni.
Er til eitthvað sem heitir læknamafía og
lyfjamafía?
Ekki í mínum huga. menn eru ekki alltaf sammála
og stundum eru menn að gæta hagsmuna.
stundum hugsar fólk of þröngt.
Þú varst við stjórnvölinn þegar bankakerfið
hrundi. Ertu með sektarkennd?
Ég held að ég hafi verið fyrsti stjórnmálamaður-
inn sem gerði grein fyrir mér að þessu leyti og
baðst afsökunar í Kastljósþætti í byrjun ársins.
Ég lít svo á að við sjálfstæðismenn berum mikla
ábyrgð og við eigum að gangast við henni.
Hrunið kennir mér að vera gagnrýninn í hugsun.
sömuleiðis eigum við að vera málefnaleg.
Einkarekstur eða opinber rekstur?
sem heilbrigðisráðherra var það mitt hlutverk
að fá eins mikla þjónustu út úr fjárveitingum
og hægt var. Ég gerði hvort tveggja; færði úr
opinberum rekstri í einkarekstur og einnig hið
gagnstæða eftir því sem hagkvæmast þótti. Ég
held að rétttrúnaður sé ekki af hinu góða í þessu
sambandi.
Er alþjóðafjármálakreppan kreppa frjáls-
hyggjunnar?
Ég er sjálfstæðismaður og stefnan sem flokkur-
inn hefur fylgt frá 1929 á vel við mig. stétt með
stétt sem þýðir að hér býr ein þjóð í einu landi og
okkur er ekki sama um minnstu meðborgarana.
svo er það frelsið sem er forsenda framfara og
lífshamingju. Því verður að fylgja ábyrgð. sextíu
ára gamalt regluverk alþjóðafjármálakerfisins
stóðst ekki áraunina og það þarf að skera upp.
Viltu sækja um aðild að ESB?
Við verðum að svara tveimur spurningum; um
peningamálastefnu og hvaða gjaldmiðil við
ætlum að hafa. EsB er einn af kostunum sem við
eigum að skoða. Ég er ekkert hræddur við að-
ildarviðræður. Ég veit að ef við kjósum um þetta
skiptist sjálfstæðisflokkurinn í tvær fylkingar. Það
er allt í lagi. Það gera allir stórir flokkar.
Með hverjum viltu stjórna eftir kosningar?
með þeim sem fara næst okkar skoðunum og
áherslum. Það voru mistök að fara í kosningar nú
og þær verða okkur dýrkeyptar. En nú er ekkert
annað að gera en að klára verkefnið.
DV sagði um daginn frá Andrési Pétri Rúnars-
syni sem komist hefur í kast við lögin en hefur
þjónað þér sem stuðningsmaður. Hvað hefur
þú um málið að segja?
Það er ekkert leyndarmál að ég hef verið
mjög ósáttur við umfjöllun dV um mín mál og
blaðið hefur ekki gætt sanngirni. Ég á fjölda
stuðningsmanna og ég get ekki borið ábyrgð á
gjörðum þeirra. Ég harma þegar mönnum verður
á í tilverunni, en ég get aðeins borið ábyrgð á
mínum gjörðum.
Fjölmiðlar hafa farið yfir fjárveitingar þínar í
heilbrigðisráðuneytinu vegna sérfræðiþjón-
ustu. Hvað segir þú um þann kostnað?
Það var nú aðeins ráðuneyti mitt sem tekið var
fyrir af rÚV og dV sérstaklega. Ég fékk til liðs við
mig besta fólkið og þess vegna náði ég árangri.
Þetta er hins vegar einn lægsti kostnaðurinn
af þessum toga. Í engu ráðuneyti var hann
sundurliðaður eins og í heilbrigðisráðuneytinu
og því er heildarmyndin ekki sanngjörn.
Hvers vegna ættu sjálfstæðismenn að velja
Guðlaug Þór í fyrsta sæti Reykjavíkurlistans?
Það er vegna þess að ég hef tekið ákvarðanir
sem aðrir hafa ekki þorað að taka. Ég lækkaði til
dæmis lyfjakostnað um 1,5 milljarða króna og
náði tökum á rekstri Landspítalans. Biðlistar eftir
hjartaaðgerðum hafa styst og sumarlokanir eru
ekki til vandræða. Þetta og margt fleira var gert á
aðeins 20 mánuðum. Við þurfum nú að geta tek-
ið erfiðar ákvarðanir í kjölfar bankakreppunnar.
Nafn: Illugi gunnarsson.
Aldur: 41, fæddur 1967.
Menntun: Hagfræðingur frá HÍ og mBa frá
London Business school.
Starf: alþingismaður.
Fjölskylduhagir: Í sambúð með Brynhildi
Einarsdóttur, barnlaus.
Augnlitur: Blágrænn.
Mottó: maður reynir að lifa lífi sínu vel, sjálfum
sér og öðrum til heilla.
Áhugamál: mörg; tónlist, sagnfræði. Ég er
stjórnarformaður sinfóníuhljómsveitar Íslands
og er í stjórn sögufélagsins. Ég spila smávegis
á píanó. Jú, ég hef verið organisti á flateyri og
leysti þar af síðastliðin jól. Það má ekki gera of
mikið úr þessu en þetta var yndislegt. Veit ekki
með söfnuðinn.
Kostnaður við prófkjörsþátttöku og kosning-
ar 2007? Framlög frá hverjum?
reglur eru mjög skýrar um þetta nú og ég mun
gefa þetta allt upp. ríkisendurskoðandi sendi
okkur bréf um daginn um þær skyldur sem á
okkur hvíla. Varðandi prófkjör 2007 var þetta
varla minna en 8 milljónir króna samtals eftir
minni. Ég fór eftir settum reglum.
Þú varst í stjórn peningamarkaðssjóða Glitn-
is. Mönnum er borið á brýn að hafa tekið fé
frá ríkinu þegar Glitnir féll til þess að kaupa
ónýt bréf í Stoðum fyrir 11 milljarða úr Sjóði
9 með vitund forsætis- og fjármálaráðherra.
Hvað segir þú um þetta?
til þess að taka pening úr ríkissjóði þarf
samkvæmt stjórnarskrá að gera það samkvæmt
fjárlögum eða fjáraukalögum. Þú tekur ekki
ellefu milljarða út úr ríkissjóði án þess að það sé
fært til bókar. Það var ekki gert. Það sem gerðist
var það að stjórn einkabankans glitnis tók
ákvörðun um að kaupa bréfin í stoðum eftir að
bankinn lenti í vandræðum og þar með stoðir
líka. tilboði ríkisins í bankann hafði ekki verið
tekið á þessum tíma – og það varð aldrei – og
þetta voru peningar bankans sjálfs.
Þú varst við stjórnvölinn þegar bankakerfið
hrundi. Ertu með sektarkennd?
Já, ég er það. Ef maður horfir á allt stjórnkerfið
tókst okkur ekki að bregðast nægilega snemma
við til þess að koma í veg fyrir verstu hamfar-
irnar. staða mála var orðin þannig snemma árs
2007 að ekki var hægt að komast hjá því að það
yrðu veruleg vandamál. Ef gripið hefði verið til
ráðstafana þá hefði mátt koma í veg fyrir versta
skaðann. Það var ekki gert. Við sjálfstæðismenn
berum okkar ábyrgð. Hún snýr meðal annars
að því hvernig bankarnir voru einkavæddir og
hvernig við leyfðum ríkisútgjöldunum að vaxa.
Ég hef lengi gagnrýnt peningamálastefnuna.
Við Bjarni Benediktsson skrifuðum grein í morg-
unblaðið í febrúar 2007 þar sem við sögðum að
mesta hættan sem vofði yfir okkur væri hrun
bankanna, mun hættulegra mál heldur en verð-
bólgan. Það dregur ekki úr ábyrgð minni sem
stjórnmálamanns. Nú spyr maður sig á hverjum
degi: af hverju hrópaði maður ekki hærra? af
hverju barði maður ekki fastar í borðið?
Er heimskreppan skipbrot frjálshyggjunnar?
mannlegri heimsku og græðgi eru engin
takmörk sett. Þess vegna er mjög mikilvægt að
öll kerfi utan um svona starfsemi, kauphvatar og
þess háttar, séu skilvirk. síðan er hitt að þegar
þetta er skoðað náið, tryggingar, lánveitingar
til þrautavara og fleira, þá er þetta þannig að
þegar vel árar geta bankarnir hirt ágóðann en
velt tapinu og áhættunni yfir á aðra þegar illa
árar vegna ábyrgða seðlabanka eða ríkissjóðs.
margt má segja um frjálshyggjuna en þetta er
ekki hluti af þeirri hugmyndafræði.
Með hverjum viltu stjórna landinu eftir
kosningar?
sjálfstæðisflokkurinn hefur alltaf farið óbund-
inn til kosninga. Við viljum sjá hvaða flokkar fá
brautargengi. Ég vona að sjálfstæðisflokkurinn
verði í ríkisstjórn. Leiðin til fjölgunar starfa er
í gegnum stefnu sjálfstæðisflokksins, að ýta
undir framtak manna á markaði, reyna eitthvað
nýtt og stækka. sjálfstæðisflokkurinn hefur
mikið til málanna að leggja í þeim efnum og
við að ná tökum á ríkisfjármálunum.
Á heimasíðu þinni stendur: „Frekar en að
umræðan vomi óljóst yfir okkur í mörg ár
enn finnst mér tímabært að við Íslendingar
tökum Evrópuspurninguna fyrir og svari
henni hátt og skýrt. Til þess að ljósir kostir
liggi fyrir tel ég einfaldast að sækja um
aðild og fá það allt á borðið.“ Stendur þú
enn við þetta?
Ég stend við þetta. fyrr eða síðar verður þjóðin
að fá að taka afstöðu til EsB. flokkarnir geta
ekki endalaust haldið málinu í gíslingu.
yfirheyrsla
að þora að taka
ákvarðanir
„Ég er ekkert hræddur við
aðildarviðræður. Ég veit að
ef við kjósum um þetta skipt-
ist Sjálfstæðisflokkurinn í tvær
fylkingar. Það er allt í lagi. Það
gera allir stórir flokkar.“
Ég átti að berja
fastar í borðið
„Þú tekur ekki ellefu
milljarða út úr ríkissjóði
án þess að það sé fært til
bókar … þetta voru pening-
ar bankans sjálfs.“
M
yN
D
H
Eið
A
H
ElG
A
D
ó
TTiR