Dagblaðið Vísir - DV - 23.06.2009, Blaðsíða 17
þriðjudagur 23. júní 2009 17Sport
Hættur Hjá Newcastle Michael Owen hefur gefið það út
að hann muni ekki framlengja samning sinn við newcastle sem féll
nýverið úr ensku úrvalsdeildinni. „Ég vill frekar spila með liði í efsta
deild á Englandi eða einhvers staðar annars staðar,“ sagði Owen
á blaðamannafundi í gær. „Ég er leikmaður newcastle aðeins
í nokkrar vikur enn.“ Owen fer því frítt frá félaginu sem
keypti hann á 16 milljónir punda á sínum tíma.
Fram mætir
GriNdavík
dregið var í 16 liða úrslit ViSa-
bikarsins í gær. Stórleikur umferðar-
innar verður þegar Fram tekur á
móti grindavík á Laugardalsvelli.
Bæði lið virðast vera að komast á
skrið en grindvíkingar komu sér úr
fallsæti í síðustu umferð með sigri á
Fylki í Árbænum og Framarar unnu
Kr sannfærandi 3-0 á Laugardals-
velli. íslandsmeitarar FH sækja íBV
heim á Hásteinsvöll og bikarmeist-
arar Kr Víði í garði. þá verður
spennandi að fylgjast með leik
Fylkis og Fjarðabyggðar en þeir
síðarnefndu hafa verið á miklu
skriði í 1. deildinni og til alls líklegir.
Leikirnir í 16 liða úrslitum
Fram - grindavík
Breiðablik - Höttur
íBV - FH
Fylkir - Fjarðabyggð
Valur - Ka
Víðir - Kr
HK - reynir
Keflavík - þór
saNta cruz til
maNcHester city
Manchester City hefur fest kaup á
paragvæska framherjanum roque
Santa Cruz frá Blackburn rovers.
Cruz gerði fjögurra ára samning við
City en liðið hefur lengi verið á
höttunum eftir honum. Hinn 27 ára
gamli Cruz stóðst læknisskoðun hjá
félaginu í gær en kaupverð er talið í
kringum 18 milljónir punda. Mark
Hughes, stjóri City, keypti hann til
Blackburn á sínum tíma en undir
hans stjórn skoraði hann 23 mörk í
43 leikjum.
uMSjón: ÁSgEir jónSSOn, asgeir@dv.is
Lið Fjarðabyggðar í 1. deild karla
í knattspyrnu hefur heldur betur
verið á siglingu undanfarið. Eftir að
hafa tapað fyrstu tveimur leikjum
sínum í deildinni hefur liðið unn-
ið fjóra og gert eitt jafntefli í síðustu
fimm. Ekki nóg með það heldur hef-
ur liðið skorað 14 mörk í fimm leikj-
um. Fjarðabyggð var spáð næst-
neðsta sæti fyrir tímabilið en getur
með sigri í næsta leik kemst upp að
hlið Selfoss á toppnum með 16 stig.
Trúin alltaf til staðar
„Menn höfðu engar stórar áhyggjur
eftir fyrstu tvo leikina og við höfum
alltaf haft trú á þessu,“ segir Heimir
Þorsteinsson, annar þjálfari Fjarða-
byggðar, en hann stýrir liðinu ásamt
Páli Hagberti Guðlaugssyni. „Við
settumst niður eftir fyrstu tvo leik-
ina og ræddum málin. Við höfum
samt haldið okkar skipulagi en vor-
um ekkert að hlaupa upp til handa
og fóta og breyta öllu.“
Heimir segir liðið hafa hald-
ið sínu striki og að það hafi borgað
sig eins og gengið í undanförnum
leikjum sýni. Hann nefnir þó eina
breytingu sem gerð var á liðinu sem
hefur skilað þeim miklu. „Við tók-
um smá áhættu fyrir leikinn gegn
ÍA.“ Það var þriðji leikur liðsins og
sá sem markaði upphaf sigurgöng-
unnar. „Þá færðum við fyrirliðann
okkar, Hauk Ingva Sigurbergsson,
úr vörninni og upp á miðjuna og
settum inn ungan strák, Daníel Frey
Guðmundsson, sem hefur staðið
sig með prýði.“
Farið að taka í
Heimir segir markaskorun liðsins
hafa komið sér nokkuð á óvart en
Fjarðabyggð leggur mesta áherslu
á varnarleikinn. „Markafjöldinn
kemur mér á óvart. Ég verð að við-
urkenna það. Við höfum notað þá
taktík að sitja aðeins til baka og
spila skyndisóknir. Við höfum lagt
mikið upp úr föstum leikatriðum og
verið grimmir í þeim.“ Heimir seg-
ir það líka ánægjulegt hversu mikið
markaskorunin hafi dreifst á liðið
sem sé alltaf jákvætt.
Þrátt fyrir frábært gengi undan-
farið segir Heimir lið sitt á jörðinni.
„Við erum ekkert uppi í skýjunum.
Okkur er ennþá spáð 11. sæti og 13
stig duga aldrei til að halda sér uppi
í þessari deild. En við erum stað-
ráðnir í að sýna okkur og sanna.
Við erum ekkert á leiðinni niður og
höldum bara okkar striki.“
Eitt af því sem nefnt hefur ver-
ið sem veikleiki Fjarðabyggðar er
skortur á breidd og Heimir viður-
kennir að það sé farið að segja til
sín. „Við erum ekki með mjög stór-
an hóp, reyndar líkt og margir aðr-
ir, en þetta er farið að taka aðeins í.
Menn eru að detta í bönn og smá-
meiðsli. Hingað til hefur maður
komið í manns stað sem er jákvætt.
En hvað við gerum í glugganum er
óráðið.“
Toppsætið í augsýn
Á laugardaginn sækir Fjarðabyggð
Selfoss heim en Selfyssingar eru
sem fyrr sagði á toppi deildarinnar.
Sigri Fjarðabyggð jafnar það Selfyss-
inga að stigum en sigri Haukar gegn
Víkingi verða öll þrjú lið með 16
stig. Heimir segir sitt lið undirbúa
sig fyrir leikinn eins og alla aðra.
„Við höfum ekki verið að leggja upp
leikina með andstæðinginn í huga.
Við erum bara trúir okkar skipu-
lagi og mætum bara rétt stemmdir
til leiks.“
Heimir segir það litlu máli skipta
þótt Selfyssingar hafi tapað síðustu
tveimur leikjum sínum, einum í
bikar og öðrum í deild. „Þeir eru
ekki á toppnum að ástæðulausu og
eru með hörkulið. Það skiptir engu
máli hvort við mætum þeim eftir
tapleik eða sigurleik, Þetta er bara
allt spurning um hugarfar og dags-
form.“
Heimir segir deildina vera gríð-
arlega jafna og þegar upp er stað-
ið muni breiddin spila mikið inn í.
„Alveg frá Aftureldingu í fyrsta leik
og til HK í þeim síðasta er ekki mik-
ill munur á þessum liðum. Það sem
á eftir að skipta sköpum er hvort
maður sé heppinn með meiðsli
og hvort maður nái að halda lyk-
ilmönnum í liðinu. Ekki skemmir
heldur fyrir að hafa sterkan heima-
völl og stuðningurinn sem við höf-
um fengið í síðustu leikjum hefur
verið frábær. Mikil framför í því.“
Lið Fjarðabyggðar hefur skorað 14 mörk í síðustu fimm leikjum og er komið í 3. sæti
1. deildar. Liðinu var spáð næstneðsta sæti og falli fyrir tímabilið en getur með sigri
í næsta leik jafnað topplið Selfoss að stigum. Heimir Þorsteinsson, þjálfari liðsins,
segir markafjöldann koma sér nokkuð á óvart enda áherslan lögð á varnarleikinn.
„markaskoruNiN
kemur á óvart“
ásgeir jónsson
blaðamaður skrifar asgeir@dv.is
Heimir Þorsteinsson, þjálfari Fjarðabyggðar Segir liðið enn þurfa að sanna sig
til að halda sæti sínu í deildinni.
Mynd gunnar gunnarsson
Haukur ingi sigurbergsson
Fyrirliðinn hefur leikið á miðjunni í
síðustu leikjum.
Mynd gunnar gunnarsson