Dagblaðið Vísir - DV - 25.08.2009, Side 8

8 þriðjudagur 25. ágúst 2009 fréttir
Framundan er spennandi dagskrá
sem hentar þér fullkomlega
www.badhusid.is
MAGNÚS ÞORSTEINSSON
KRAFINN UM 25 MILLJARÐA
Kröfulýsingar í þrotabú athafnamannsins Magnúsar Þorsteinssonar nema meira en 25 milljörðum króna.
Landsbankinn er stærsti kröfuhafinn í þrotabúið en Magnús fjármagnaði kaup sín á Eimskip með láni frá
bankanum. Hann skuldar bankanum um 24 milljarða. Magnús á eignir í Englandi og Rússlandi sem erfitt
gæti verið að sækja. Fullyrða má að lánardrottnar muni þurfa að afskrifa kröfur sínar að hluta því eignir
Magnúsar duga líklega ekki upp í þær.
Kröfur upp á rúmlega 25 milljarða
króna hafa borist í þrotabú athafna-
mannsins Magnúsar Þorsteinssonar,
samkvæmt heimildum DV. Lands-
bankinn er langstærsti kröfuhafinn
með kröfu upp á um 24 milljarða.
Magnús var úrskurðaður gjald-
þrota í byrjun maí á þessu ári eft-
ir að fjárfestingabankinn Straumur-
Burðarás stefndi athafnamanninum
fyrir vangoldinnar skuldar við bank-
ann upp á rúman milljarð króna.
Magnús varð þar með fyrsti útrásar-
víkingurinn til að verða úrskurðaður
gjaldþrota.
Líklega eru því aðeins tveir kröfu-
hafar í þrotabúið eins og er: Lands-
bankinn og Straumur. Frekari kröfur
gætu þó borist í þrotabú Magnúsar
þar sem kröfulýsingafresturinn renn-
ur ekki út fyrr en í lok september.
Magnús Þorsteinsson varð þjóð-
kunnur þegar hann keypti kjölfestu-
hlut í Landsbankanum ásamt Björg-
ólfi Guðmundssyni og syni hans,
Björgólfi Thor Björgólfssyni, árið
2002 en þremenningarnir mynd-
uðu Samson-hópinn svokallaða.
Þeir ráku saman bruggverksmiðjuna
Bravo í Rússlandi sem þeir seldu síð-
an til Heineken fyrir um 400 milljónir
dollara árið 2002.
Reynt að ná samkomulagi við
skilanefndina
Skuldir Magnúsar við Landsbank-
ann eru tilkomnar vegna þess að fé-
lag í hans eigu, Avion Group, fékk
lán til að kaupa rúmlega 94 prósenta
hluta Straums-Burðaráss í Eimskipa-
félagi Íslands árið 2005. Kaupverðið
nam tæpum 22 milljörðum króna.
Skömmu áður en Magnús keypti
Eimskip seldi hann hlut sinn í Sam-
son til Björgólfsfeðga og var því ekki
lengur hluthafi í Landsbankanum
þegar lánið var veitt. Því má reikna
með að langstærsti hluti kaupverðs-
ins á Eimskip hafi verið fenginn að
láni frá Landsbankanum.
Samkvæmt heimildum DV hef-
ur Magnús ítrekað reynt að ná sam-
komulagi við skilanefnd Landsbank-
ans um greiðslu á hluta kröfunnar.
Þetta á bæði við áður en hann var
settur í þrot og eins eftir. Skilanefnd
Landsbankans hefur hins vegar ekki
viljað komast að slíku samkomulagi
við Magnús, samkvæmt heimildum
DV.
Ekki er vitað til þess að einhverjar
forgangskröfur hafi borist í þrotabúið
en sumar kröfur eiga forgang á aðr-
ar samkvæmt gjaldþrotalögum. Þetta
á til dæmis við ef þrotabúið skuld-
ar launagreiðslur til starfsmanna og
annað slíkt. Allir kröfuhafarnir í þrota-
búið er því jafnréttháir eins og er.
Eignir í Englandi og Rússlandi
Ekki eru miklar eignir inni í þrotabúi
Magnúsar. Verðmætasta eign hans
var líklega þriðjungshlutur í Eimskip.
En hlutafé hans í Eimskip var skrúf-
að niður í núll þegar félagið var end-
urfjármagnað í lok júní til að bjarga
því frá gjaldþroti. Skilanefnd Lands-
bankans tók þá hlut hans yfir og mun
væntanlega ráðstafa hlutnum til að ná
upp í kröfu sína gegn honum.
Einu eignir Magnúsar hér á landi
um þessar mundir eru fasteignir á
Akureyri, þar sem hann var með lög-
heimili sitt þar til nýlega þegar hann
fluttist til Rússlands, og í Reykjavík.
Einnig er vitað að Magnús á ein-
hverjar eignir í Rússlandi, þar sem
hann hefur dvalið langdvölum síð-
ustu ár. Þar er meðal annars um að
ræða einhverjar fasteignir, prent-
smiðju og hafnarbakka í Sankti Pét-
ursborg. Samkvæmt heimildum DV
hefur Magnús meðal annars boð-
ið þessar eignir upp í kröfur gamla
Landsbankans en án árangurs. Magn-
ús á líka nokkrar fasteignir í London
þar sem hann hefur einnig verið bú-
settur. Búast má við því að Magnús
eigi því meiri eignir í útlöndum en hér
heima og að þær muni skila meiru
inn í þrotabúið ef það tekst að ganga
að þeim.
Afskriftir óhjákvæmilegar
Erfiðlega gæti hins vegar reynst fyr-
ir skiptastjóra þrotabús Magnúsar,
Ingvar Þóroddsson, að leysa til sín
þessir eignir til að eiga upp í kröf-
urnar sem berast munu í þrotabúið.
En gera má ráð fyrir því að það verði
reynt til þrautar. Allsendis óvíst er því
hversu miklar eignir nást inn þrota-
búið til að greiða kröfuhöfum Magn-
úsar Þorsteinssonar þá tugi milljarða
sem hann skuldar. Reikna má hins
vegar með að eignirnir í þrotabúinu
muni hvergi nærri duga upp í kröf-
urnar og muni því þurfa að afskrifa
hluta af lánum Magnúsar þegar þar
að kemur.
IngI F. VIlhjálMsson
blaðamaður skrifar ingi@dv.is
Allsendis óvíst er því
hversu miklar eignir
nást inn í þrotabúið til
að greiða kröfuhöfum
Magnúsar Þorsteins-
sonar þá tugi milljarða
sem hann skuldar. gjörbreytt staða Fyrir fáein-
um árum var Magnús meðal
helstu eigenda Landsbankans.
Nú er Landsbankinn stærsti
kröfuhafinn í þrotabú hans.
25 milljarða kröfur 25 milljarða króna kröfur
hafa borist í þrotabú Magnúsar Þorsteinssonar.
Magnús var fyrsti útrásarvíkingurinn sem
úrskurðaður var gjaldþrota eftir bankahrunið í
haust. Hann sést hér með Björgólfi Guðmunds-
syni, fyrrverandi stjórnarformanni Landsbank-
ans og félaga hans í Samson.