Dagblaðið Vísir - DV - 14.04.2010, Qupperneq 2

2 MIÐVIKUDAGUR 14. apríl 2010
Þó svo að útrásarvíkingar og eigendur
og stjórnendur viðskiptabankanna færi
lögheimili sín til annarra landa kem-
ur það þeim ekki undan íslenskri rétt-
vísi, hafi þeir gerst brotlegir við lög hér á
landi.
Pálmi Haraldsson, oftast kenndur
Þó svo að útrásarvíkingar og eig-
endur og stjórnendur viðskipta-
bankanna færi lögheimili sín til
annarra landa kemur það þeim
ekki undan íslenskri réttvísi, hafi
þeir gerst brotlegir við lög hér á
landi.
Pálmi Haraldsson, oftast kennd-
ur við Fons og einn af aðaleigend-
um Glitnis fyrir bankahrun, hefur
flutt lögheimili sitt úr landi, nán-
ar til tekið til Bretlands. Það gerði
hann í desember síðastliðnum
með formlegri tilkynningu til Þjóð-
skrár og gekk breytingin í gegn 31.
desember.
Þar með bættist Pálmi í glæstan
hóp útrásarvíkinga og lykilpersóna
í aðdraganda íslenska bankahruns-
ins sem flutt hafa lögheimili sín.
Skömmu síðar fluttu auðhjónin Jón
Ásgeir Jóhannesson, annar aðaleig-
enda Glitnis, og Ingibjörg Pálma-
dóttir lögheimili sitt til Bretlands.
Það gerðu þau formlega í janúar
síðastliðnum.
Samkvæmt Þjóðskrá færði Jón
Ásgeir lögheimili sitt þann 22. janú-
ar en Ingibjörg skráði breytinguna
viku síðar. Þessi breyting á lögheim-
ili þeirra hjóna gæti orðið til þess
að ekki verði hægt að stefna þeim
hérlendis vegna riftunar fjármála-
gjörninga eða koma þeim í gjald-
þrot hjá dómstólum hér á landi.
Þannig gæti Pálmi líka sloppið.
Glæstur hópur
Fyrir í breska konungsveldinu var
að finna bankamennina Ágúst
Guðmundsson, starfandi stjórnar-
formann Exista og stóran hluthafa
í Kaupþingi, Ármann Harra Þor-
valdsson, fyrrverandi bankastjóra
Kaupthing Singer & Friedlander í
London, Björgólf Thor Björgólfs-
son, athafnamann og einn aðal-
eiganda Landsbankans fyrir hrun,
Hannes Smárason, fyrrverandi for-
stjóra FL Group og einn eigenda
Glitnis, Jón Þorstein Jónsson, fyrr-
verandi stjórnarformann Byrs, Lár-
us Welding, fyrrverandi forstjóra
Glitnis, Lýð Guðmundsson, for-
stjóra Exista og stóran hluthafa í
Kaupþingi, og Sigurð Einarsson,
fyrrverandi bankastjóra Kaupþings.
Íslensku bankamennina er að
finna víðar í veröldinni en á Bret-
landi. Þannig býr Halldór J. Krist-
jánsson, fyrrverandi bankastjóri
Landsbankans, í Kanada, Hreið-
ar Már Sigurðsson, fyrrverandi
bankastjóri Kaupþings, býr í Lúx-
emborg, Ólafur Ólafsson, einn af
kaupendum Búnaðarbankans í
einkavæðingu ríkisbankanna, í
Sviss og Magnús Þorsteinsson, einn
af aðaleigendum Landsbankans, í
Rússlandi.
Ofurlaunamenn
Stærstu eigendur allra stóru bank-
anna fengu óeðlilega greiðan að-
gang að lánsfé hjá þeim banka sem
þeir áttu, að því er virðist í krafti
eignarhalds síns. Á sama tíma
greiddu stjórnendur bankanna sér
ofurlaun og bónusa. Bankastjór-
TRAUSTI HAFSTEINSSON
blaðamaður skrifar: trausti@dv.is
ÍSLAND
n 48 MILLJÓNIR Á MÁNUÐI
Bjarni Ármannsson var með nærri 50 milljónir
króna á mánuði sem bankastjóri Glitnis. Flutti
til Noregs fyrir bankahrunið en býr nú á
Íslandi. Festi kaup á súkkulaðiverksmiðju
en lítið annað er vitað um ferðir hans. Hluti
skulda hans var afskrifaður við fall Glitnis,
eða rúmlega 800 milljónir króna, og lýsti hann
því þá yfir að það hefði verið óábyrg meðferð á
fé hefði hann borgað skuldina.
n KVIKNAÐI Í KOKTEILBOÐI
Björgólfur Guðmundsson, fyrrverandi stjórn-
arformaður Landsbankans, segir hugmyndina
að kaupum bankans hafa kviknað í kokteilboði
í Lundúnum. Hann hefur verið úrskurðaður
gjaldþrota í Héraðsdómi Reykjavíkur vegna 96
milljarða króna skulda. Þegar staða Björgólfs
var sem best voru eignir hans metnar á 169 millj-
arða en þær þurrkuðust nær upp í bankahruninu.
n ENN VIÐ VÖLD
Jóhannes Jónsson, kaupmaður í Bónus og
einn eigenda Glitnis, er meðal þeirra sem
rannsóknarnefnd Alþingis telur að hafi
fengið óeðlilega fyrirgreiðslu hjá bönkunum
í skjóli eigendavalds síns. Sjálfur hefur hann
fullyrt að hann og fjölskylda hans ætli að
borga allar sínar skuldir. Baugur Group var
úrskurðað gjaldþrota í mars
síðastliðnum og fjallað hefur verið um
gífurlegar skuldir fyrirtækisins.
n 30 MILLJÓNIR Á MÁNUÐI
Ef tekið er mið af nafnbreytingu launa
hækkuðu laun Sigurjóns Þ. Árnasonar,
fyrrverandi bankastjóra Landsbankans,
áttfalt á fjögurra ára tímabili. Árið 2004
hafði hann rúmar 40 milljónir í laun
á meðan árslaun hans árið 2008 voru
komin upp í rúmar 355 milljónir króna.
Hann stofnaði ráðgjafarfyrirtæki og
kenndi námskeið í háskólum
eftir bankahrunið. Er undir
rannsókn hjá Fjármála-
eftirlitinu vegna kúlu-
láns og hjá sérstökum
saksóknara vegna
Ímon-málsins.
ENGLAND
n ÓEÐLILEG FYRIRGREIÐSLA
Jón Ásgeir Jóhannesson, fyrrverandi forstjóri
Baugs og einn aðaleigenda Glitnis, er talinn
hafa misnotað eigendavald sitt og hefur
honum verið stefnt af þeim sökum. Sjálfur
hefur hann sagst hafa verið að grínast þegar
hann lét skína í vald sitt. Sem eigandi banka
telur rannsóknarnefnd Alþingis hann hafa
notið óeðlilegrar lánafyrirgreiðslu líkt og aðrir
eigendur bankanna.
n STEFNT AF ÞROTABÚI
Áhættuskuldbindingar vegna Fons og tengdra
félaga þess, í eigu Pálma Haraldssonar, eins
af aðaleigendum Glitnis, námu 24 milljörðum
króna við bankahrunið. Það kom rannsóknar-
nefnd Alþingis á óvart hversu viljugur Glitnir
var að lána félögum Pálma, án trygginga. Pálmi
stendur höllum fæti eftir að eignarhaldsfélag
hans, Fons ehf., var úrskurðað gjaldþrota með tuttugu
milljarða á bakinu. Efnahagsbrotadeild rannsakar hvort Pálmi hafi
grætt milljarða á kostnað hluthafa í FL Group.
n RYKSUGUÐU BANKANA
Starfandi stjórnarformaður Exista, Ágúst Guð-
mundsson, var stór hluthafi í Kaupþingi en
eigendur stóru bankanna eru sakaðir um að
hafa ryksugað bankana innan frá. Þannig hafi
eigendurnir hlotið óeðlilega lánafyrirgreiðslu
en auk þess að vera eigendur bankanna var þá
flesta að finna meðal stærstu skuldara bankanna.
n ÁTTI AÐ KÆRA TIL LÖGREGLU
Kæra átti Landsbankann til lögreglu. Það er mat
rannsóknarnefndar Alþingis vegna brota á
lögum um fjármálafyrirtæki þar sem skuld-
bindingar Björgólfs Thors Björgólfssonar
gagnvart bankanum hafi verið allt of háar.
Fulltrúar rannsóknarnefndarinnar telja ljóst
að kæra hefði mátt Landsbankann til lögreglu
fyrir brot sín. Samkvæmt lögum getur refsing við
slíkum brotum numið allt að tveggja ára fangelsisvist. Hann var
jafnframt meðal stærstu skuldara Landsbankans
við fall bankans.
n TUGMILLJARÐA SKULDIR
Skuldir Hannesar Smárasonar, fyrrverandi
forstjóra FL Group og eins eigenda Glitnis
fyrir hrun, nema hátt í 45 milljörðum króna.
Hann er til rannsóknar hjá efnahagsbrotadeild
vegna FL Group og skattalagabrota. Eignir Hannesar, sem námu 30
milljörðum fyrir aðeins einu og hálfu ári, eru nánast verðlausar í dag.
Í viðtali árið 2007, þegar allt gekk svo vel, sagði Hannes: „Kannski er
maður pínulítið að sýna umheiminum fram á það að við Íslendingar
getum gert eitthvað.“
n 33 MILLJÓNIR Á MÁNUÐI
Lárus Welding fékk greiddar 300 milljónir
króna fyrir að byrja í vinnunni sem forstjóri
Glitnis eftir að Bjarni Ármannsson hætti.
Skömmu fyrir hrun sagði hann að bankinn væri
í fínum málum en hreinsaði á sama tíma eigin
reikninga. Hann skipti um nafn eftir bankahrunið
og heitir nú Lárus W. Snorrason. Þegar undirmenn
Lárusar báðu ítrekað um launahækkanir svaraði hann meðal annars:
„Hættið þið bara að kaupa ykkur Porsche og drekka svona mikið
brennivín og þá líður ykkur betur, hættið að skipta um eiginkonur,
það mun spara ykkur mikla peninga.“
n STÓR SKULDARI
Forstjóri Exista og stór eigandi í Kaupþingi. Í
gegnum eignarhlutann í bankanum komst
Lýður Guðmundsson, og félagar hans hjá
Exista, yfir mikið lánsfé og við fall Kaupþings
var fyrirtækið annar stærsti skuldarinn við
bankann.
n ÓHEYRILEGA LÁG LAUN
Sigurður Einarsson, stjórnarformaður Kaup-
þings, ákvað launabónus undirmanns í stuttu
tölvuskeyti upp á tæpar 200 milljónir króna. Í
skýrslutöku hjá rannsóknarnefnd Alþingis lét
hann hafa eftir sér: „Við erum í samkeppni um
starfsmenn á sumum stöðvunum þar sem við
erum að borga mjög lág laun þó að þau, í samhengi
hér heima, þættu alveg óheyrilega há. Þau laun sem ég hef verið
með hjá þessum banka síðan 2003 hafa í öllum samanburði við þá
sem ég ber mig saman við verið óheyrilega lág. Það er nefnilega
þannig.“
KANADA
n 12 MILLJÓNIR Á MÁNUÐI
Fyrrverandi bankastjóri Landsbankans, Halldór
J. Kristjánsson, var með tæpar 34 milljónir í
árslaun 2004 en laun hans höfðu fjórfaldast
fjórum árum síðar. Þá var hann með nærri
140 milljónir króna í árslaun. Halldór
er farinn af landi brott og fluttur
til Kanada. Hann starfar þar sem
framkvæmdastjóri hjá kanadísku
orku- og fjárfestingafyrirtæki.
VÍKINGAR UM VÍÐA VERÖLD
Pálmi Haraldsson í Fons flutti nýverið lögheimili sitt til Bret-
lands. Það gerðu auðhjónin Ingibjörg Pálmadóttir og Jón Ás-
geir Jóhannesson líka í janúarmánuði síðastliðnum. Slíkur
flutningur gæti orðið til þess að ekki verði hægt að stefna þeim
hérlendis. Þau bætast þar með í glæstan hóp bankamanna sem
skráðir eru erlendis.
OFURLAUNAMENN FLÝJA LAND
Flutt Jón Ásgeir Jóhannesson og eigin-
kona hans Ingibjörg Pálmadóttir færðu
lögheimili sitt þann 22. janúar.