Dagblaðið Vísir - DV - 14.02.2011, Síða 17

Erlent | 17Mánudagur 14. febrúar 2011
Vændiskonur í New York nýta sér Facebook til að finna viðskiptavini:
Facebook í stað dólga
Melludólgar munu brátt heyra for-
tíðinni til ef marka má niðurstöður
úr rannsókn um vændi sem gerð var
í Columbia-háskólanum í New York.
Nú er svo komið að vændiskonur
notast mikið við Facebook og slíka
miðla, og sleppa þannig afskiptum
þriðja aðila. Þá gagnast Facebook
einnig vel til að vændiskonur geti
kynnt sér nýja viðskiptavini með því
að skoða síður þeirra áður en fyrsti
fundur á sér stað. Það var Sudhir
Venkatesh, prófessor í félagsfræði,
sem stýrði rannsókninni. Hann
fylgdist með 290 vændiskonum í
Manhattan á 12 mánaða tímabili
og komst að því að átta af hverjum
tíu notast við Facebook til að verða
sér úti um nýja viðskiptavini. „Þetta
er ný viðskiptagrein. Nú geta þær
stjórnað ytri ímynd sinni, birt verð-
skrá og komist hjá því að eiga sam-
skipti við dólga eða maddömur sem
hafa af þeim peninga,“ sagði Venkat-
esh. „Starfsemin er sífellt að verða
hættuminni og er nú vettvangur sem
margar konur úr millistétt nýta sér til
að drýgja tekjurnar.“
Lítið hefur hins vegar heyrst frá
Facebook vegna þessa, en vændi
er ólöglegt í flestum ríkjum Banda-
ríkjanna – hvað sem tautar og raul-
ar. Talsmaður Facebook sagði í við-
tali við fréttastöðina Fox News að
fyrirtækið gerði hvað það gæti til
að koma í veg fyrir ólöglega starf-
semi hvers konar. „Við tökum niður
efni eða heilu síðurnar ef það leik-
ur grunur á ólöglegri starfsemi. Við
notum framvirkar rannsóknir og
notendaskýrslur til að vera á varð-
bergi og látum lögregluyfirvöldum
upplýsingar í té ef um ólöglega starf-
semi er að ræða.“
„ÉG FINN TIL
ÁBYRGÐAR“
n Faðir fjöldamorðingja dæmdur fyrir manndráp af gáleysi
n Sonurinn gekk berserksgang í bænum Winnenden í Þýskalandi, 16
féllu n Átti að hafa byssuskápinn læstan samkvæmt vopnalögum
Dómstólar í Stuttgart hafa dæmt
Jörg Kretschmer, 52 ára Þjóðverja frá
Leutenbach í Baden-Würthemberg, í
skilorðsbundið fangelsi til eins árs og
níu mánaða. Kretschmer er dæmdur
fyrir manndráp af gáleysi og alvarleg-
ar líkamsmeiðingar. Það var hins veg-
ar ekki Kretschmer sem framdi glæp-
ina á beinan hátt. Hann er faðir Tims
Kretschmers sem í mars árið 2009
gekk berserksgang í bænum Winn-
enden í útjaðri Stuttgart. Tim hafði
tekið Beretta-skammbyssu föður síns
ófrjálsri hendi og áður en yfir lauk
lágu 16 manns í valnum, bæði í fyrr-
verandi gagnfræðiskóla Tims – auk
einstaklinga sem urðu á vegi hans í
æsilegri eftirför lögreglu. Er þetta í
fyrsta skiptið í þýskri réttarsögu sem
foreldri morðingja er dæmt ábyrgt
fyrir gjörðum barns síns.
Skápurinn átti að vera læstur
Dómstólar staðfestu þar með ábyrgð
föðurins en hann geymdi byssur sínar
ekki í læstum skáp eins og lög kveða
á um í Þýskalandi. Þar er reyndar al-
menn byssueign háð mjög ströngum
skilyrðum. Jörg Kretschmer var aftur
á móti meðlimur í skotklúbbi í Leut-
enbach og hafði því tilskilin leyfi til
að eiga skotvopn, með því skilyrði að
þau væru ávallt geymd í læstum skáp.
Skápurinn var ekki læstur þegar
hinn 17 ára gamli Tim gekk inn í her-
bergi föður síns þann 11. mars árið
2009. Fann hann þar hálfsjálfvirka
Beretta-skammbyssu og ómælt magn
skotfæra. Tim Kretschmer náði að
skjóta 111 sinnum úr byssunni áður
en hann beindi henni loks að sjálfum
sér og hleypti af 112. skotinu og batt
þar með enda á líf sitt.
Brast í grát
Það voru foreldrar og makar fórnar-
lamba árásarinnar sem höfðuðu mál
á hendur Kretschmer. Fljótlega eftir
að réttarhöld hófust varð Kretschmer
sér úti um vottorð frá lækni sem af-
sakaði hann frá viðveru í réttarsaln-
um, en hann taldi sig ómögulega geta
horfst í augu við aðstandendur fórn-
arlamba sonar síns. Hann var þó við-
staddur dómsuppkvaðninguna þar
sem hann las einnig upp yfirlýsingu.
„Ég finn til ábyrgðar yfir því sem son-
ur minn gerði. Ég biðst afsökunar á
því sem sonur minn gerði. Ég vil votta
öllum sem málið snertir mína dýpstu
samúð. Ég hefði viljað vera viðstadd-
ur réttarhöldin en við [fjölskyldan]
vorum í örvæntingarástandi. Við vilj-
um enga samúð,“ sagði Kretschmer í
þann mund sem hann brast í grát.
Umdeild réttarhöld
Réttarhöldin yfir Jörg Kretschmer
hafa verið talsvert umdeild í Þýska-
landi. Segja sumir að þau hafi ein-
ungis verið haldin til að sefa reiði
aðstandenda eftir árásina í Winn-
enden. Aðrir vilja meina að dóm-
urinn hefði átt að vera enn harð-
ari. Rökin fyrir því eru þau að Jörg
Kretschmer átti að vita að sonur
hans gæti farið sjálfum sér, sem og
öðrum, að voða. Tim hafði sagt for-
eldrum sínum árið 2008 að hann
þjáðist af geðhvarfasýki. Foreldr-
ar hans brugðust rétt við, að því
er sérfræðingar segja, með því að
senda hann tafarlaust á geðsjúkra-
hús til meðferðar. Jörg notaði hins
vegar ekki þessa vitneskju til að
gera syni sínum ómögulegt að
nálgast skotvopn, en þannig hefði
mátt koma í veg fyrir harmleikinn í
Winnenden.
Björn Teitsson
blaðamaður skrifar bjorn@dv.is
„Ég biðst afsökun-
ar á því sem sonur
minn gerði. Ég vil votta
öllum sem málið snertir
mína dýpstu samúð.
Albertville-gagnfræðaskólinn í
Winnenden Svona var umhorfs dagana eftir
fjöldamorðin. Þjóðarsorg var lýst yfir í Þýskalandi.
Mark Zuckerberg, stofnandi Facebook Nú hafa vændiskonur tekið samskiptasíðunni
opnum örmum.
Slagur í þinginu
Þingmenn í Venesúela létu hnefana
tala síðastliðinn fimmtudag. Máls-
atvik voru þau að Alfonso Marq-
uina, sem er þingmaður stjórn-
arandstöðunnar, fór upp í pontu
og kvartaði yfir því að þingsalur-
inn væri fullur af stuðningsmönn-
um Hugos Chavez, forseta lands-
ins. Eitthvað var annar þingmaður
ósáttur við kvörtun Marquina. Sá
gekk rakleiðis að Marquina og
hrinti honum niður stiga. Upphóf-
ust þá mikil slagsmál milli mann-
anna og þurftu hermenn að lokum
að ganga á milli þeirra. Atvikið
náðist allt á myndband, en bein
útsending var frá þingsalnum í Ven-
esúela.
Assange
hatar ketti
Daniel Domscheit-Berg, sem áður
var nánasti samstarfsmaður Dani-
els Assange, finnur nú fyrrverandi
vini sínum allt til foráttu. Doms-
cheit-Berg gaf nýverið út bók þar
sem hann segir frá sambandi sínu
við Wikileaks og Assange. Segir þar
að Assange hafi sjúklega stjórnun-
arþörf og hann eigi það til að stur-
last, fái hann ekki það sem hann
vill. Sturlun Assange hafi einnig
bitnað á ketti Domscheit-Berg, Herr
Schmitt. „Hann réðst að honum
og reyndi oft að kyrkja hann,“ sagði
Domscheit-Berg. Hann bætti því
við að kötturinn hafi stundum náð
að verja sig með því að klóra Ass-
ange til blóðs.
Konur gegn
Berlusconi
Konur fjölmenntu út á götur í
helstu borgum og bæjum á Ítalíu
á sunnudag. Konurnar söfnuðust
saman til að mótmæla stjórnar-
háttum Silvio Berlusconi, forsætis-
ráðherra Ítalíu. Konurnar kröfð-
ust þess að Berlusconi tæki poka
sinn, en hann var nýlega ákærð-
ur fyrir að hafa greitt ófullveðja
stúlku fyrir kynlíf og reynt síðan að
hylma yfir glæpinn. Ítalskar konur
segja hegðun forsætisráðherrans
vera hneyksli og líkar þeim ekki sú
ásýnd sem athæfi Berlusconis hef-
ur gefið Ítalíu. Samkvæmt frétta-
stofu Reuters skiptu mótmælendur
hundruðum þúsunda.