Dagblaðið Vísir - DV - 02.03.2011, Blaðsíða 16

16 | Erlent 2. mars 2011 Miðvikudagur
Bresk stjórnvöld vilja sjá breytingar á fiskveiðistefnu ESB:
Bretar berjast gegn brottkasti
Bresk stjórnvöld ætla sér að berjast
gegn því gífurlega brottkasti sem tíðk-
ast innan sameiginlegrar fiskveiði-
stefnu Evrópusambandsins. Telja þeir
núverandi kerfi í raun hvetja til brott-
kasts. Kerfið er þannig uppbyggt að
gefinn er út kvóti fyrir hvern fiskistofn
fyrir sig. Þegar fiskveiðiskip veiða
aðrar tegundir en þær sem kvótinn
er gefinn út fyrir, neyðast þau til að
henda „aukategundum“ fyrir borð –
þar sem þau hafa ekki leyfi til að landa
þeim. Sjávarútvegsráðherra Bret-
lands, Richard Benyon, er nú staddur
á neyðarfundi ásamt öðrum sjávarút-
vegsráðherrum aðildarríkja ESB, en
það var framkvæmdastjóri fiskveiði-
mála, Maria Damanaki, sem boðaði
til fundarins. Verða þar ræddar leiðir
sem fara megi til að stemma stigu við
brottkastinu. Benyon segir að Bretar
séu leiðandi í baráttunni: „Það vilja
allir binda enda á þessa hræðilegu
sóun sem tíðkast innan núverandi
kerfis og við í Bretlandi höfum tekið
forystu í baráttunni gegn vandanum.
Við þurfum nýja og vistvænni stefnu
sem tryggir bæði verndun stofna sem
og lífsviðurværi sjómanna.“
Um þessar mundir hafa bæði ensk
og skosk fiskveiðiskip í Norðursjó
prófað sig áfram með nýtt kerfi, sem
gæti reynst vel gegn brottkasti. Kerf-
ið er komið til að frumkvæði Skota,
en þrátt fyrir það var sjávarútvegs-
ráðherra Skotlands, Richard Loch-
head, ekki boðið á fund Damanaki.
Lochhead var mjög ósáttur við það
og skilur ekki afhverju ráðherrar frá
landluktum löndum eins og Tékk-
landi eða Austurríki fá að sitja fund-
inn – en ekki hann. Hann bindur þó
miklar vonir við nýja kerfið. Sam-
kvæmt því geta fiskveiðiskip veitt
afla sinn óáreitt, en þær aukategund-
ir sem veiðast verða þá taldar upp í
kvóta þess stofns sem til stóð að veiða.
Þar með minnkar hvatinn til að henda
dauðum fiski fyrir borð.
bjorn@dv.is
Forsætisráðherra Tyrklands, Recep
Tayyip Erdogan, hlaut sannkallað-
ar rokkstjörnuviðtökur á stjórnmála-
fundi sem haldinn var í Düssel dorf
á sunnudag. Rúmlega 10 þúsund
manns hlýddu á forsætisráðherrann,
en langflestir þeirra voru tyrkneskir
innflytjendur eða Þjóðverjar af tyrk-
neskum uppruna. „Þið eruð hluti af
Þýskalandi, en þið eruð einnig hluti
af hinu mikilfenglega Tyrklandi,“
sagði Erdogan við mikinn fögnuð við-
staddra.
Tyrkir í Þýskalandi hafa verið mik-
ið í umræðunni þar sem hægrisinn-
aðir stjórnmálamenn hafa kvart-
að undan því að þeim hafi mistekist
að aðlagast þýsku samfélagi. Þar bar
hæst gagnrýni Thilo Sarra zin, fyrrver-
andi seðlabankastjóra Þýskalands.
Sarrazin skrifaði bókina „Þýskaland
gerir út af við sjálft sig,“ þar sem hann
kvartaði undan innflytjendum og þá
sérstaklega múslimum. Fullyrti Sar-
razin meðal annars að múslimar
væru ekki jafn greindir og annað fólk.
„Þið eruð ekki ein“
Erdogan er nú á ferð um Þýskaland
þar sem hann mun hitta fyrir kanslar-
ann Angelu Merkel. Markmið Erdog-
ans með ferðinni er að blása löndum
sínum í Þýskalandi baráttu í brjóst og
hvetja þá til að láta ekki deigan síga
þrátt fyrir mótlæti síðustu mánaða.
„Ég er hingað kominn til að sýna að
ég finn til með ykkur, ég er kominn
hingað til að spyrjast fyrir um ykkar
velferð. Ég er kominn til að sýna að
þið eruð ekki ein.“
En það er líklega fleira sem býr
undir. Kosningar eru á næsta leiti
í Tyrklandi og hefur myndast hefð
fyrir því að tyrkneskir innflytjend-
ur í Þýskalandi ferðist til Tyrklands
til að nýta kosningarétt sinn. Erdog-
an vonast því líklega eftir atkvæðum
frá Tyrkjum í Þýskalandi, en þeir eru
rúmlega þrjár milljónir talsins. Er-
dogan minnti á, að búseta skipti ekki
höfuðmáli. „Þeir kalla ykkur farand-
verkamenn, útlendinga eða þýska
Tyrki. Það skiptir engu máli hvað þeir
kalla ykkur. Þið eruð samborgarar
mínir, þið eruð þjóðin mín, þið eruð
bræður mínir og systur.“
Aðlagast, ekki samlagast
Erdogan lagði áherslu á að Tyrkir í
Þýskalandi ættu að halda í menningu
sína. Hann hvatti þá til að gera sitt
besta til að aðlagast þýsku samfélagi,
án þess þó að samlagast því. „Enginn
hefur rétt á því að svipta okkur menn-
ingu okkar og sjálfsmynd.“ Erdogan
sagðist gera sér grein fyrir því að þýsk-
ir fjölmiðlar myndu setja þessi orð
hans í fyrirsagnir blaðanna, en sagði
jafnframt að það yrðu mistök hjá fjöl-
miðlum.
Tyrkland hefur breyst
Erdogan lagði áherslu á að Tyrkland
væri ekki lengur hið frumstæða land-
búnaðarsamfélag sem það var áður
fyrr. Miklar lýðræðisumbætur hafi átt
sér stað og Tyrkland sé nú orðið að
nútímalegu ríki þar sem frjáls skoð-
anaskipti fari fram. Hann sagði að þeir
listamenn og rithöfundar sem hafa
flúið Tyrkland vegna ritskoðunar á
undanförnum áratugum, ættu nú að
snúa aftur til að njóta hins nýja Tyrk-
lands.
Erdogan biðlaði einnig til Angelu
Merkel um að skipta um skoðun, en
hún hefur verið andsnúin því að Tyrk-
land fái aðild að Evrópusambandinu.
Andstaða við aðild Tyrklands að ESB
helgast að miklu leyti á stöðu mann-
réttindamála í Tyrklandi sem Erdog-
an fullyrðir að séu nú í hávegum höfð.
„Aldrei hefur svo stór pólitísk hindrun
verið lögð fyrir land sem vill gerast að-
ildarríki,“ sagði Erdogan um andstöðu
Merkel.
n Recep Erdogan, forsætisráðherra Tyrklands, er á ferð um Þýskaland n Hvetur tyrk-
neska innflytjendur til að aðlagast þýsku samfélagi en halda jafnframt í tyrkneska
menningu n Biðlar til Angelu Merkel um að láta af andstöðu við aðild Tyrklands að ESB
ERDOGAN HVETUR TYRKI
Í ÞÝSKALANDI TIL DÁÐA
„Það skiptir engu
máli hvað þeir
kalla ykkur. Þið eruð
samborgarar mínir, þið
eruð þjóðin mín, þið eruð
bræður mínir og systur.
Björn Teitsson
blaðamaður skrifar bjorn@dv.is
Recep Erdogan Kastaði blóm-
um í mannhafið í Düsseldorf.
Erdogan var fagnað líkt og um
rokkstjörnu væri að ræða.
Richard Benyon og Maria Damanaki Benyon vill sjá breytingar á fiskveiðistefnu ESB
til að stemma stigu við brottkasti.
Ritstuldur kostar
ráðherrann
embætti
Karl Theodor zu Guttenberg, varn-
armálaráðherra Þýskalands, hefur
látið undan þrýstingi almennings
og sagt af sér ráðherraembætti.
Fyrir um tveimur vikum fóru þýskir
fjölmiðlar að fjalla um ritstuld sem
Guttenberg stundaði mögulega þeg-
ar hann vann doktorsverkefni sitt í
lögfræði við háskólann í Bayreuth.
Í byrjun vildi Guttenberg lítið tjá
sig um málið og lét spunameistara
Kristilegra demókrata um að búa til
afsakanir. Ekki leið á löngu þangað
til Guttenberg viðurkenndi að hafa
vissulega stundað ritstuld, en hann
sagði að vísu að hann hefði gert það
„óviljandi“. Guttenberg var í kjölfarið
sviptur doktorsgráðu sinni.
Madoff hittir
geðlækni
Bandaríski viðskiptamaðurinn og
svindlarinn Bernie Madoff veitti
sitt fyrsta viðtal á dögunum, en það
hefur hann ekki gert síðan hann var
dæmdur í fangelsi árið 2008. Mad-
off komst í heimsfréttirnar fyrir eitt
mesta fjármálamisferli sögunnar
en talið er að hann hafi haft um 65
milljarða dollara af saklausum við-
skiptavinum sínum. Sonur Madoffs
framdi sjálfsmorð í desember í fyrra
og síðan þá hefur Madoff hitt geð-
lækni einu sinni í viku. „Ég grét og
grét. Ég grét stanslaust í tvær vikur
án þess að tala við nokkurn mann.“
Madoff vildi einnig koma því á fram-
færi að hann væri ekki það skrímsli
sem fólk teldi hann vera, hann hefði
aðeins verið fórnarlamb aðstæðna.
NATO gæti ráðist
inn í Líbíu
Ekki er með öllu útilokað að vestur-
veldin, undir forystu Bandaríkjanna
og Bretlands, ráðist með hervaldi
inn í Líbíu til að koma Muammar
al-Gaddafi, leiðtoga landsins, end-
anlega frá völdum. Mikill ótti hefur
gripið um sig um að Gaddafi kunni
að beita efnavopnum gegn sinni eig-
in þjóð, en vitað er að Gaddafi hefur
yfir talsverðu magni af sinnepsgasi
að ráða. David Cameron, forsætis-
ráðherra Bretlands, sagði í viðtali á
þriðjudag að ekkert væri útilokað:
„Við getum ekki þolað þegar ríkis-
stjórn beitir hervaldi gegn sinni eig-
in þjóð.“