Dagblaðið Vísir - DV - 13.04.2011, Qupperneq 8

8 | Fréttir 13. apríl 2011 Miðvikudagur
DV fær góða gjöf frá fyrrverandi útgefendum:
Gáfu borkjarna
Fyrrverandi útgefendur DV, Hörð­
ur Einarsson og Sveinn R. Eyjólfs­
son, færðu ritstjórn DV góða gjöf á
dögunum í tilefni 100 ára afmæl­
is blaðsins í fyrra. Um er að ræða
borkjarna úr vegg sem skyldi að
ritstjórnir Dagblaðsins og Vísis í
Síðumúla 12–14 sem var brotinn
niður haustið 1981 þegar síðdegis­
blöðin tvö voru sameinuð. Útgef­
endur hins sameinaða blaðs voru
þeir Sveinn, sem hafði verið út­
gefandi og stofnandi Dagblaðsins
og Hörður, sem gegndi sama hlut­
verki hjá Vísi. Ritstjórar hins sam­
einaða blaðs voru Jónas Kristjáns­
son og Ellert Schram.
Hörður og Sveinn heimsóttu
ritstjórnarskrifstofu DV í byrjun
vikunnar. Sveinn hafði haldið bor­
kjarnanum til haga frá því opnað
var á milli ritstjórna síðdegisblað­
anna fyrir tæpum 30 árum. Silfur­
skjöldur með áletrun var festur við
gripinn. Áletrunin vísar til upp­
runa kjarnans. Þá er letrað á grip­
inn að DV hafi orðið 100 ára í fyrra.
Þeir Hörður og Sveinn voru út­
gefendur DV á blómatíma blaðs­
ins eftir sameininguna og þóttu
einstaklega samhentir. Árið 1983
var lestur DV kominn í 64 prósent,
meðan Morgunblaðið var í 70 pró­
sentum.
Í janúar árið 1995 seldi Hörður
sinn hlut í útgáfunni og hætti. Mik­
ill hagnaður var af rekstrinum sem
var með miklum ágætum allt til
ársins 2001 þegar fjárfestar undir
forystu Ágústs Einarssonar og Óla
Björns Kárasonar keyptu útgáfuna.
Lauk þá afskiptum Sveins R. Eyj­
ólfssonar af rekstrinum. Tveimur
árum síðar varð útgáfa DV gjald­
þrota.
Bæjarlind 6, Kópavogi, sími 517 6067. Opið mán. - fös. 10 -18, laug. 11-16.
10% afsláttur
hjá F&B þýðir
FRÁBÆRT VERÐ
til neytenda!
Flísa & Baðmarkaður­
inn er eins árs!
Þökkum
frábærar
vitökur!
Í tilefni afmælisins er 10% afsláttur af
öllum vörum vikuna 11. til 16. apríl.
Gerðu góð kaup!
„Ég var í sjónum í einhverjar fimm
til tíu mínútur og var orðinn nokk­
uð kaldur,“ segir Heimir Harðarson,
stýrimaður á hvalaskoðunarbátn­
um Knerrinum og einn af eigendum
Norðursiglingar á Húsavík. Heimir
lenti í sjávarháska aðfaranótt mánu­
dags þegar hann féll útbyrðis í vondu
veðri skammt frá Húsavík.
Hjálparbeiðni barst frá skútunni
Áróru um kvöldmatarleytið á sunnu­
dag en vegna mikils hvassviðris átti
skútan í erfiðleikum með að komast
til hafnar. Því var ákveðið að senda
hvalaskoðunarbátinn til móts við
skútuna og var hún tekin í tog og
dregin áleiðis til hafnar.
Var í flotúlpu
Allt gekk eins og í sögu til að byrja
með en þegar komið var í hafnar­
mynnið dundi ógæfan yfir. Þegar ver­
ið var að losa spottann á milli báts­
ins og skútunnar fékk Áróra spottann
í skrúfuna. Við það kom slinkur á
spottann, eins og Sigurður Jóns­
son, skipstjóri á Áróru, lýsti í samtali
við DV.is á mánudag. Í kjölfarið féll
Heimir útbyrðis og annar skipverji á
Knerrinum fótbrotnaði illa.
„Ég var í svona flotúlpu sem hélt
mér að vísu ekki þurrum. Hún er
samt ágætt öryggistæki og hélt mér á
floti,“ segir Heimir sem náði að synda
í áttina að bátnum og ná taki á taug.
Hann var svo dreginn um borð á
nokkrum mínútum.
Tveir slæmir kostir
Heimir slasaðist á fæti þegar hann féll
útbyrðis en sem fyrr segir fótbrotnaði
kollegi hans á Knerrinum illa. Heimir
segir að hann hafi haft um tvennt að
velja – fótbrotna eða henda sér í sjó­
inn. „Það sem gerðist var svipað og
hjá félaga mínum. Ég klemmdist og
það voru í raun ósjálfráð viðbrögð að
henda sér í sjóinn til að bjarga fætin­
um. Ég fann að hann var að gefa sig
en mér tókst sem betur fer að snúa
mér yfir rekkverkið á bátnum og
henda mér í sjóinn. Það var annað­
hvort að gera það eða sjá hvort fótur­
inn myndi mölbrotna.“ Félagi Heimis
fótbrotnaði þegar hann festi fótinn í
lykkju sem var hluti af dráttarbúnað­
inum milli bátanna. Hann fór í að­
gerð á mánudag og er á batavegi.
Heimir marðist á fætinum og
þarf að styðjast við hækju í einhverja
daga.
Flensan versnaði
Aðspurður hvort hann hafi einhvern
tímann óttast um líf sitt segir Heimir
að hann hafi ekkert hugsað um það.
„Ég er flugsyndur og vanur að vera í
sjónum. Kuldinn var samt óbærileg­
ur,“ segir Heimir í samtali við DV og
bætir við að það sé ekki góð tilfinning
að detta í sjóinn í vondu veðri, kulda
og í myrkri. „Það er samt ekkert sem
ég sef ekki rólegur yfir. Ég var með
hálfgerða flensu þegar ég fór í þenn­
an leiðangur sem batnaði ekkert. Ég
er frekar rámur í dag.“
Sigurður Jónsson, skipstjóri á
Áróru, lýsti því í samtali við DV.is á
mánudag að hann væri miður sín
yfir því að vinargreiðinn hafi endað
svona. Skipverjar á Áróru og Knerr­
inum þekkjast vel og segir Heim­
ir að þeir hefðu gert nákvæmlega
það sama ef Knörrinn hefði lent í
vanda. „Þetta er eins og hann sagði
bara vinargreiði. Við fórum til móts
við þá sem okkar vini. Ég veit að þeir
myndu gera það sama ef við lentum í
vandræðum á þeirra heimaslóðum.“
n Heimir Harðarson féll í sjóinn í vondu veðri aðfaranótt mánudags n Hefði hann ekki
gert það hefði hann líklega fótbrotnað illa n Var með flensu sem versnaði eftir volkið
Henti sér í sjóinn til
að bjarga fætinum
Einar Þór Sigurðsson
blaðamaður skrifar einar@dv.is
Með flensu Heimir segir að hann hafi verið
með hálgerða flensu þegar hann fór í leiðangur-
inn. Hún hafi ekki batnað þegar hann féll í sjóinn.
Hús Jóhannesar í Bónus:
Lúxusvilla
til sölu
Skilanefnd Landsbankans hefur
ákveðið að selja 427 fermetra lúxus­
einbýlishús sem fjárfestingarfélagið
Gaumur átti og Jóhannes Jónsson,
kenndur við Bónus, bjó í þar til í
lok síðasta árs. Skilanefnd Lands­
bankans leysti til sín húsið en gamli
Landsbankinn átti tæplega 400
milljóna króna veð í húsinu.
Gaumur er
fjárfestingarfélag
í eigu Jóhannesar
og barna hans,
Jóns Ásgeirs Jó­
hannessonar
og Kristínar Jó­
hannesdóttur.
Félagið er tækni­
lega gjaldþrota
og skilur eftir sig skuldir upp á tugi
milljarða króna.
Samkvæmt auglýsingu sem birt­
ist á þriðjudag, bæði á fasteignavef
mbl.is og í Morgunblaðinu, er húsið
nú komið á sölu. Óskað er eftir til­
boðum í húsið og af myndunum að
dæma hefur ekkert verið til sparað
þegar húsið var byggt árið 2005.
Fasteignamat hússins er sagt
tæpar 88 til rúmlega 90 milljónir
króna og brunabótamatið rúmar 324
milljónir króna. Brunabótamatið
tekur til þeirra efnislegu verðmæta
húseignar sem eyðilagst geta í eldi
og miðast við byggingarkostnað að
teknu tilliti til aldurs, slits, viðhalds
og ástands eignar. Lúxusvillan er því
afar verðmæt og takist að selja hana
er ljóst að hún verður ekki selt á
brunaútsölu.
Fram kemur í lýsingu á eigninni
að húsið, nefnt Hrafnabjörg, stendur
á rúmlega sextán þúsund fermetra
eignarlóð. Húsið er á tveimur hæð­
um. Útveggir eru klæddir náttúru­
steini og sedrusviði. Stórir útsýnis­
gluggar og útsýni er yfir Akureyri,
Eyjafjörð og inn í Eyjafjarðarsveit.
Við húsið er 40 fermetra útisundlaug
og stór heitur pottur. Á neðri hæð
hússins er að finna líkamsræktarað­
stöðu, baðherbergi fyrir hvort kyn,
gufubað og tækjarými fyrir sund­
laug. Eins og DV greindi frá var hús­
ið fært frá Gaumi yfir til Landsbank­
ans þann 10. desember síðastliðinn.
mikael@dv.is
Borkjarni Sveinn hélt kjarnanum eftir
þegar opnað var á milli ritstjórna Dagblaðs-
ins og Vísis fyrir tæpum 30 árum.
Mynd RóBeRT Reynisson
Knörrinn á siglingu Heimir Harðarson féll
útbyrðis í vondu veðri skammt frá Húsavík.