Dagblaðið Vísir - DV - 07.03.2012, Blaðsíða 8

8 Fréttir 7. mars 2012 Miðvikudagur
Engar vítur á
Jón Baldvin
O
f seint er að áminna eða
víta Jón Baldvin Hanni-
balsson, fyrrverandi sendi-
herra, vegna notkunar hans
á hálfopinberu bréfsefni
sendiráðs Íslands í Bandaríkjunum
í kynferðislegum bréfaskriftum
til Guðrúnar Harðardóttur, ungr-
ar systurdóttur Bryndísar Schram
eiginkonu Jóns. Þetta kemur fram í
svari utanríkisráðneytisins við fyrir-
spurn DV um afskipti ráðuneytisins
af málinu. Þar kemur einnig fram
að ráðuneytinu hafi ekki verið ljóst
á fyrirspurn dóms- og kirkjumála-
ráðuneytis að fyrrverandi starfsmað-
ur þess ætti í hlut. Jón Baldvin sagði í
samtali við DV á sínum tíma að hann
hafi haft milligöngu um að gagnaöfl-
un yrði flýtt.
Hefur látið af störfum
Sendiherrann fyrrverandi er ekki
lengur opinber starfsmaður og því er,
að mati utanríkisráðuneytisins, ekki
hægt að veita honum vítur hafi hann
á sínum tíma brotið gegn lögum um
réttindi og skyldur starfsmanna ríkis-
ins. Í lögunum segir: „Ef starfsmaður
hefur sýnt í starfi sínu óstundvísi eða
aðra vanrækslu, óhlýðni við löglegt
boð eða bann yfirmanns síns, van-
kunnáttu eða óvandvirkni í starfi,
hefur ekki náð fullnægjandi árangri
í starfi, hefur verið ölvaður að starfi
eða framkoma hans eða athafnir í
því eða utan þess þykja að öðru leyti
ósæmilegar, óhæfilegar eða ósam-
rýmanlegar starfinu skal forstöðu-
maður stofnunar veita honum skrif-
lega áminningu.“ Tekið er fram í
lögunum að starfsmanni skuli gefinn
kostur á að tala sínu máli.
DV sendi fyrirspurn á ráðuneytið
þar sem spurt var hvort á sínum
tíma hafi komið til greina eða hvort
það komi í dag til greina að ávíta Jón
Baldvin fyrir það sem ráðuneytið
sjálft hefur sagt „fullkomlega óeðli-
lega“ notkun á bréfsefni ráðuneytis-
ins. „Ákvæði þetta á aðeins við um
starfsmenn ríkisins en ekki þá sem
látið hafa af störfum. Umræddur
starfsmaður lét af störfum hjá ríkinu
árið 2005,“ segir í svari ráðuneytis-
ins.
Jón Baldvin hafði afskipti
Þá var ráðuneytið spurt að hvaða
leyti málið kom á borð þess. Í svarinu
segir að ráðuneytið hafi svarað erindi
dóms- og kirkjumálaráðuneytis frá
mars 2006 þar sem óskað var aðstoð-
ar við öflun gagna um lagaákvæði
í Bandaríkjunum og Venesúela. Þá
segir ennfremur að upplýsingar um
að fyrirspurnin tengdist fyrrverandi
starfsmanni ráðuneytisins hafi ekki
legið fyrir á þeim tíma enda hafi slíkt
ekki komið fram í erindinu til utan-
ríkisráðuneytisins.
Í samtali DV við Jón Baldvin
Hannibalsson skömmu eftir að bréf-
in birtust á dögunum sagði Jón að
hann hefði sjálfur haft afskipti af mál-
inu í þeim tilgangi að flýta svörum.
„Ég hafði samband við ræðismann-
inn í Caracas og útlistaði fyrir hon-
um málið og bað hann um að senda
þessi gögn til utanríkisráðneytisins,“
sagði Jón Baldvin við blaðamann
þegar bréfin birtust fyrst. Hann gaf
þá skýringu að hann hafi viljað að-
stoða við að flýta málinu. Hann hafi
því rætt við sendiráðið í Washington
með sama tilgang í huga. „Sakborn-
ingur útvegaði þessi gögn því það var
ráðuneytinu um megn,“ sagði Jón
Baldvin ennfremur.
Ekki í opinberu umboði
Af þessu að dæma höfðu aðilar í ís-
lenskri utanríkisþjónustu vitneskju
um að Jón Baldvin tengdist málinu
eða væri tengdur aðilum þess. Það er
þó ekki víst að þeir hafi skráð slík af-
skipti eða tilkynnt til ráðuneytisins.
Jón starfaði á þessum tíma ekki fyrir
utanríkisþjónustuna. Því hefði þeim
sem tóku tilmælin af Jóni Baldvini
átt að vera ljóst að aðkoma hans væri
ekki í umboði utanríkisráðuneytisins.
Í umfjöllun Nýs Lífs sem upphaflega
birti bréf Jóns Baldvins til Guðrúnar
segir að ráðuneytið hafi tafið málið í
tæpt ár. Við er bætt að Jón Baldvin hafi
starfað fyrir ráðuneytið árum saman.
„Það skal áréttað að Jón Baldvin starf-
aði fyrir utanríkisráðuneytið í 18 ár og
þekkti vel til. Þó hann hafi á þessum
tíma látið af störfum. Einmitt þar tafð-
ist málið í heilt ár „þrátt fyrir að erind-
ið væri ítrekað,“ líkt og segir í ákvörð-
un ríkissaksóknara.“ Af orðum Jóns að
dæma telur hann það ekki hafa verið
sér til happs að málið tafðist.
Skortur á formfestu
Í skýrslu þingmannanefndarinnar
sem fjallaði um niðurstöður skýrslu
rannsóknarnefndar Alþingis segir
að hún sé áfellisdómur fyrir ís-
lenska stjórnsýslu, verklag hennar
og skort á formfestu. Skýrslan sem
skrifuð er vegna efnahagshruns-
ins lýsir hugarfari ábyrgðarleysis
og skort á aga. Séu samskipti Jóns
Baldvins við sendiráð og ræðis-
mann skoðuð í því er ljóst að hætta
er á að Jón Baldvin hafi getað nýtt
sér aðstöðumun og vinatengsl sín,
sem fyrrverandi utanríkisráðherra
og sendiherra í máli þar sem hann
var sjálfur grunaður um refsivert
athæfi.
Ekki náðist í sendiráð Íslands
í Bandaríkjunum né ræðismann í
Caracas við vinnslu fréttarinnar.
n Fór framhjá utanríkisráðuneytinu þegar hann var til rannsóknar„Ég hafði samband
við ræðismanninn
í Caracas og útlistaði fyrir
honum málið.
Hafði afskipti Jón Baldvin Hannibalsson segist sjálfur hafa haft samband framhjá utan-
ríkisráðneytinu til að flýta fyrir svörum í rannsókn er varðaði hann.
Atli Þór Fanndal
blaðamaður skrifar atli@dv.is
Danir styðja
Íslendinga
Össur Skarphéðinsson utanríkis-
ráðherra fundaði á mánudags-
kvöld með Nicolai Wammen, Evr-
ópumálaráðherra Danmerkur. Á
fundinum gerði Össur grein fyrir
stöðu aðildarviðræðna Íslands og
Evrópusambandsins sem hleypt
var af stokkunum um mitt síðasta
ár og lýsti þeim vilja íslenskra
stjórnvalda að helstu hagsmuna-
mál Íslands; sjávarútvegur, land-
búnaður, byggðamál og myntsam-
starf, yrðu tekin fyrir sem fyrst.
Þetta kemur fram í tilkynningu frá
utanríkisráðuneytinu.
Evrópumálaráðherrann ítrekaði
stuðning Danmerkur við aðild Ís-
lands að ESB en Danir gegna for-
mennsku í Evrópusambandinu
fram á mitt þetta ár. Ráðherrarnir
ræddu meðal annars stöðuna á
evrusvæðinu og sagði Wammen
Evrópusambandið hafa gripið til
róttækra ráðstafana til að auka aga
og aðhald í efnahagsstjórn aðildar-
ríkjanna. Hann sagði Dani styðja
nýjan sáttmála um fjármálastöðug-
leika sem undirritaður var í síðustu
viku en danska krónan er fasttengd
evrunni í gegnum sérstakt sam-
komulag um þátttöku Danmerkur í
gengissamstarfinu ERM II.
Hnökkum
stolið
á Selfossi
Brotist var inn í níu hesthús við
Norðurtröð á Selfossi aðfaranótt
þriðjudags. Í tilkynningu frá lög-
reglunni á Selfossi kemur fram að
úr einu húsinu hafi sex hnökkum
verið stolið. Í fyrstu verður ekki séð
að stolið hafi verið úr öðrum hest-
húsum. Hins vegar voru unnin
eignaspjöll svo sem á hurðum og
gluggum. Talið er að verðmæti
hnakkanna sem var stolið sé allt að
einni og hálfri milljón króna miðað
við verð í verslun. Lögreglan biður
alla þá sem veitt geta upplýsingar
um óeðlilegar mannaferðir í hest-
húsahverfinu eða búa yfir öðrum
upplýsinum um málið að hafa sam-
band við lögreglu í síma 480 1010.