Dagblaðið Vísir - DV - 12.03.2012, Blaðsíða 4

S
igurjón Þ. Árnason, fyrrver-
andi bankastjóri Landsbank-
ans, segir að hann hafi komið
að að því að kaupa trygginga-
umboð svissneska trygg-
ingafyrirtækisins Swiss Life af Guð-
laugi Þór Þórðarsyni, þingmanni
Sjálfstæðis flokksins, í júní árið 2003.
Hann segir að Guðlaugur Þór hafi ekki
grætt mikið á viðskiptunum. Sigurjón
man nokkuð vel eftir viðskiptunum
við Guðlaug Þór og samhenginu sem
þau voru gerð í og svarar spurningum
um málið greiðlega.
„Ég kom ekki að viðskiptunum að
öðru leyti en því að Landsbankinn
keypti þetta af honum. Það er alveg
rétt. Hann keypti þetta á 30 milljónir
plús og seldi þetta svo á eitthvað um
33 milljónir. Mismunurinn var eitt-
hvað 1 eða 2 milljónir, ég man það
ekki lengur […] Landsbankinn keypti
þetta og ég var bankastjóri þannig að
sjálfsögðu kom ég að þessu. Hvort
þetta gerðist á bankaráðs- eða banka-
stjóraleveli man ég ekki nákvæmlega.
En þetta var auðvitað ekki há fjárhæð,“
segir Sigurjón.
Einn versti díllinn
DV greindi frá því í lok febrúar að
eignarhaldsfélag í eigu Guðlaugs
Þórs, Bogmaðurinn ehf., hefði feng-
ið greiddar tæpar 33 milljónir króna
fyrir tryggingamiðlunina frá Lands-
banka Íslands í júní 2003. Guðlaugur
Þór, sem var borgarfulltrúi á þessum
tíma, sagðist hafa keypt trygginga-
miðlunina með skammtímaláni frá
Búnaðarbankanum, bankanum sem
hann vann hjá þar til á vormánuðum
2003. Guðlaugur Þór hafði verið kjör-
inn á þing í fyrsta skipti einum mán-
uði áður.
Þeir Guðlaugur og Sigurjón unnu
saman hjá Búnaðarbankanum áður
en Sigurjón flutti sig til Landsbank-
ans á vormánuðum 2003, þegar fyrir
lá að Búnaðarbankinn og Kaupþing
væru að fara að sameinast. Guðlaug-
ur hafði náð í umboðið fyrir Swiss Life
sem starfsmaður Búnaðarbankans og
keypti umboðið út úr bankanum eft-
ir sameininguna við Kaupþing. Sigur-
jón, sem var framkvæmdastjóri rekstr-
arsviðs Búnaðarbankans og yfirmaður
Guðlaugs Þórs, þekkti tryggingar
Swiss Life því vel. „Þetta eru langbestu
tryggingar sem hafa nokkurn tíma
komið til Íslands.“
Í samtali við DV sagði Guðlaugur
að viðskiptin hefðu verið slæm þar
sem hann hefði grætt svo lítið á þeim.
„Þetta er væntanlega einn versti díll
sem nokkur maður hefur gert.“
Hræringar eftir
einkavæðinguna
Sigurjón segist aðspurður ekki hafa
komið að því að selja Guðlaugi Þór
umboðið út úr Búnaðarbankanum,
þetta hafi verið gert eftir að hann
hætti þar. „Swiss Life er búið til inni
í Búnaðarbankanum. Þegar bankinn
er tekinn yfir af Kaupþingi vildu þeir
ekki lengur vera með þessa þjónustu
af því þeir voru með sitt eigið trygg-
ingafélag. Á sama tíma er Landsbank-
inn að selja helminginn úr LÍFÍS út úr
bankanum og til VÍS. Þar af leiðandi
vantaði Landsbankann trygginga-
starfsemi og þess vegna verða við-
skiptin. Þetta er framhald af einka-
væðingunni. Þú manst að hluti af
einkavæðingunni var að VÍS var selt
út úr Landsbankanum. Eftir sat hins
vegar þessi hlutur í LÍFÍS sem VÍS vildi
svo eignast, á sama tíma vildi Kaup-
þing losna við þessa tryggingastarf-
semi sem hafði verið í Búnaðarbank-
anum.“ Sigurjón segir að söluverðið
á LÍFÍS hafi verið margfalt hærra en
kaupverðið á Swiss Life.
Selt í stuttan tíma
Sigurjón segir að tryggingaumboðið
hafi verið rekið áfram inni í Lands-
bankanum eftir þetta. Það hafi hins
vegar ekki verið mjög lengi, eitt til
tvö ár, þar sem Swiss Life í Sviss rifti
samningum við millilið Landsbank-
ans í viðskiptunum, skrifstofur Swiss
Life í Bretlandi. „Þeir vildu loka bresku
einingunni. Eftir það var ekki hægt
að selja tryggingar þessa félags. Sá
kúnnagrunnur sem var kominn var
svo bara þjónustaður áfram. Það er
ennþá fullt af fólki með þessar trygg-
ingar. Okkur gekk mjög vel að selja
þessar tryggingar. Þetta var ágætis bis-
ness enda voru þetta frábærar trygg-
ingar, frábærar tryggingar.“
Landsbankinn var því aðeins sölu-
aðili Swiss Life í skamman tíma eft-
ir að Guðlaugur Þór seldi bankanum
umboðið.
Völdu Swiss Life saman
Sigurjón segir að hann hafi komið að
því með Guðlaugi Þór inni í Búnaðar-
bankanum að eiga í viðskiptum við
Swiss Life. „Ég kom að því með Guð-
laugi í Búnaðarbankanum að velja
þann mótaðila sem ákveðið var að
vinna með eftir ítarlega skoðun á mjög
mörgum aðilum sem Guðlaugur var í
samskiptum við. Það var stillt upp val-
möguleikum um að vinna með þess-
um, þessum eða þessum og það end-
aði með því að okkur leist best á þetta.
Það var margra mánaða undirbún-
ingur áður en þetta var ákveðið […]
Ég þekkti þessa vöru því mjög vel; ég
var yfirmaður Gulla þegar hann var að
vinna að þessu innan Búnaðarbank-
ans,“ segir Sigurjón.
Ekki náðist í Guðlaug Þór Þórðar-
son við vinnslu fréttarinnar.
„Að sjálfsögðu
kom ég Að þessu“
4 Fréttir 12. mars 2012 Mánudagur
Ella Dís greind með genagalla
n Dómur fellur í máli Rögnu í London í vikunni
H
eimildir DV herma að bresk-
ir læknar hafi greint Ellu Dís,
dóttur Rögnu Erlendsdóttur,
með afar sjaldgæfan gena-
galla sem gæti hafa orsakað veikindi
hennar. Gallinn veldur því að líkami
hennar getur illa unnið úr vítamín-
um. Hún er nú farin að fá B2-vítam-
ín beint í magann og vonast læknar
til að hún komi til með að jafna sig að
einhverju leyti. Erfitt er þó að segja til
um batann vegna þess hve langt sjúk-
dómurinn er genginn án meðferðar.
Ragna er stödd hér á landi um þessar
mundir en Ella Dís er þó enn í Lond-
on, samkvæmt heimildum DV.
Ragna fór af landi brott með dætur
sínar þrjár þann 22. desember síðast-
liðinn. Hún var þá búin að fá sig full-
sadda af Íslandi og sagðist í raun ekki
eiga annarra kosta völ en að fara til
London með dóttur sína þar sem hún
fengi þá læknishjálp sem hún þyrfti.
Þá var hún við að missa íbúðina sem
fjölskyldan bjó í hér á landi.
Barnsfaðir Rögnu fór þó með tvær
dætra þeirra til Íslands í janúar. Það
gerði hann án hennar samþykkis,
en í samvinnu við nánustu ættingja
stúlknanna hér á landi.
Ragna var að hluta til svipt forræð-
inu yfir Ellu Dís úti í Bretlandi og má
því ekki fara með hana til Íslands, en
hún er í umsjá lækna á barnaspítalan-
um við Great Ormond Street í Lond-
on. Ragna saknaði hinna dætra sinna
þó svo mikið að hún varð að koma og
eyða smá tíma með þeim þrátt fyrir að
standa í dómsmáli í London. Barna-
verndaryfirvöld þar í landi vilja svipta
hana forræðinu varanlega og koma
Ellu Dís fyrir á stofnun. Ragna mun þó
vera bjartsýn á að dómur falli henni í
vil og ætlar þá að flytja með dóttur
sína aftur til Íslands.
Ragna er í fjölmiðlabanni og má
sjálf því ekki tjá sig opinberlega um
Ellu Dís fyrr en eftir að dómur fellur í
máli hennar í vikunni. solrun@dv.is
Ostborgari
franskar og 0,5l gos
Máltíð Mánaðarins
Verð
aðeins
1.045 kr.
d
v
e
h
f.
2
0
12
/
d
av
íð
þ
ó
r
Stigahlíð 45-47 | Sími 553 8890
*gildir í mars
„Ég þekkti þessa
vöru því mjög vel;
ég var yfirmaður Gulla
þegar hann var að vinna
að þessu innan Búnaðar-
bankans.
n Segir hagnaðinn hafa verið 1 til 2 milljónir n Völdu Swiss Life saman
Sigurjón valdi Swiss Life Sigurjón Árnason segist hafa komið að því ásamt Guðlaugi Þór
að velja Swiss Life sem líftryggingafélag sem Búnaðarbankinn átti í viðskiptum við.
Hagnaðurinn 1 til 2 milljónir Sigurjón
segir að hann telji að hagnaðurinn af við-
skiptum Guðlaugs Þórs við Landsbankann
hafi numið á bilinu einni til tveimur millj-
ónum króna.
Ingi Freyr Vilhjálmsson
fréttastjóri skrifar ingi@dv.is
Nóg að gera hjá lögreglu:
Stunginn
í lærið
Karlmaður var stunginn í lærið
með hníf í Tryggvagötu í Reykjavík
aðfaranótt sunnudags. Tilkynn-
ing um atvikið barst lögreglu rétt
fyrir klukkan þrjú og var maður-
inn fluttur á slysadeild, samkvæmt
upplýsingum frá lögreglunni á
höfuðborgarsvæðinu.
Stuttu síðar var bifreið stöðvuð
í Lækjargötu og var einn maður
í henni með stungusár á andliti.
Hann var einnig fluttur á slysa-
deild. Ekki er vitað nánar um það
mál en það er í rannsókn hjá lög-
reglunni á höfuðborgarsvæðinu.
Þá gisti maður í fangaklefa á
lögreglustöðinni á Hverfisgötu
aðfaranótt sunnudags en sá hafði
ekið á bifreið á Hringbraut á gegnt
BSÍ, sem hafði svo kastast á aðra
bifreið. Ökumaðurinn er grunaður
um ölvun við akstur.
Tveir menn gistu fangaklefa
lögreglunnar þessa nótt en tals-
vert var um útköll vegna hávaða.
Aðfaranótt laugardags var til-
kynnt um hópslagsmál fyrir utan
veitingastaðinn Spot í Kópavogi
var einn úr þeim hópi fluttur á
slysadeild.
Skildu eftir
óhreina sokka
Brotist var inn í sundlaugina í
Ólafsvík um þar síðustu helgi. Að
því er fram kemur á heimasíðu
Snæfellsbæjar höfðu þjófarnir
ekki mikið upp úr krafsinu en ein-
hverjum peningum og varningi
var stolið.
Þeir sem urðu varir við grun-
samlegar mannaferðir á laugar-
dagskvöld eða sunnudagsmorgun
eru beðnir um að hafa samband
við lögreglu. Innbrotið hefur verið
kært til lögreglu.
Ein af vísbendingunum sem
þjófarnir skildu eftir sig voru
óhreinir sokkar. „…og nú er
spurning hvort að þeir verði send-
ir í DNA greiningu í anda erlendra
sakamálaþátta,“ segir á heimasíðu
Snæfellsbæjar um málið.
Með genagalla Samkvæmt heimildum
DV hefur Ella Dís verið greind með afar
sjaldgæfan genagalla.