Dagblaðið Vísir - DV - 12.03.2012, Qupperneq 15

Erlent 15Mánudagur 12. mars 2012
n Margaret Page var villt í skógi í þrjár og hálfa viku
Þ
að sem kemur fram í þessu
myndbandi er að mörgu
leyti rangt og það getur búið
til fleiri vandamál en það
leysir,“ segir Beatrice Mpora,
forstöðumaður Kairos, heilbrigðis-
samtaka í bænum Gulu í Úganda.
Beatrice á þarna við 30 mínútna
myndband um skæruliðaforingjann
Joseph Kony í Úganda.
Óhætt er að segja að myndbandið
hafi vakið mikla athygli en það hefur
farið sem eldur í sinu um netheima
undanfarna daga. Í myndbandinu
er ljósi varpað á skæruliðaforingj-
ann og fylgismenn hans í samtök-
unum Andspyrnuher drottins. Talið
er að Kony og fylgismenn hans hafi
rænt hátt í 70 þúsund börnum frá því
að samtökin voru stofnuð árið 1987.
Börnin voru látin taka þátt í skæru-
hernaði og fjölmörg voru notuð sem
kynlífsþrælar. Þrátt fyrir að mikil leit
hafi verið gerð að Kony gengur hann
enn laus.
Vill frekar aðstoð
Bærinn Gulu, þar sem höfuðstöðvar
Kairos-samtakanna eru í Úganda, var
eitt sinn þétt setinn af skæruliðum úr
Andspyrnuher drottins. Beatrice segir
hins vegar að það hafi verið fyrir löngu
og nú hafist skæruliðarnir við í skóg-
um nágrannaríkja Úganda. „Hingað
hefur enginn meðlimur samtakanna
komið frá árinu 2006. Hér ríkir friður
og fólk sem bjó hér áður er aftur farið
að tínast í bæinn. Fólk ætti frekar að
aðstoða okkur en hitt,“ segir hún.
Kony hefur verið einn alræmdasti
skæruliðaforingi Afríku undanfarna
þrjá áratugi. Markmið hans var upp-
haflega að gera Úganda að eins kon-
ar klerkaríki. Í fyrstu hélt Andspyrnu-
her drottins til í norðurhluta Úganda
en talið er að hann hafi fært sig um set
og nú séu hópar skæruliða í Súdan og
Kongó meðal annars. Talið er að sam-
tök Konys hafi myrt þúsundir manna
á undanförnum 25 árum og hrakið
tugi þúsunda frá heimilum sínum.
Gríðarlegt áhorf
Það eru samtökin Invisible Children
sem standa fyrir myndbandinu sem
sýnt var fyrst á vefjum YouTube og
Vimeo síðastliðinn mánudag. Á að-
eins tæpri viku hafa um 40 milljónir
manna horft á myndbandið en mark-
mið þess er að gera Kony „frægan“ án
þess þó að upphefja það sem hann
hefur á samviskunni. Þá vonast sam-
tökin til þess að hægt verði að senda
hundrað sérþjálfaða hermenn til
Afríku til að halda leitinni að Joseph
Kony áfram.
„Að mínu mati er það rangt að
svarið sé að auka hernaðarleg umsvif
á svæðum þar sem uppreisnarmenn-
irnir halda til,“ segir Javie Ssozi, einn
vinsælasti bloggari Úganda um málið.
Hann bætir því við að þó að málefnið
sé göfugt geti það styrkt Joseph Kony
og fylgismenn hans að gera hann
„frægan“. „Þetta gæti hrætt hann. Þá
er möguleiki að hann ræni fleiri börn-
um til að styrkja lið sitt,“ segir Javie.
Fleiri taka í svipaðan streng og Jav-
ie Ssozi og Beatrice Mpora.
„Það er mjög afvegaleiðandi að
halda því fram að það sé enn stríð í
Úganda,“ segir Fred Opolot, talsmað-
ur ríkisstjórnar Úganda. „Ég tel að
markmið Invisible Children sé ein-
göngu að fá peninga til að halda starf-
semi sinni áfram.“
Óánægja með
mynd um Kony
n Íbúar í Úganda eru óánægðir með Joseph Kony-herferð Invisible Children„Hingað hefur
enginn meðlimur
samtakanna komið frá
árinu 2006.
Einar Þór Sigurðsson
blaðamaður skrifar einar@dv.is
Frægur Herferðin miðar að því
að gera Joseph Kony frægan. Ekki
eru þó allir á eitt sáttir og segja að
herferðin geti hreinlega eflt Kony
og fylgismenn hans. Mynd ReuteRs
sækja í peninga Fred Opolot, talsmaður
ríkisstjórnar Úganda, segist telja að In-
visible Children-samtökin séu eingöngu að
sækjast eftir peningum.
Ekki fleiri
nektarmyndir
Þýska dagblaðið Bild hefur ákveðið
að hætta að birta myndir af nöktu
kvenfólki á fyrstu opnu blaðsins.
Um er að ræða 28 ára hefð en frá
árinu 1984 hefur blaðið birt yfir
fimm þúsund myndir af nektarfyrir-
sætum. Síðasta myndin birtist hins
vegar á föstudag og var það pólska
fyrirsætan Eva sem kvaddi lesendur
blaðsins undir yfirskriftinni: „Ég er
sú síðasta.“
Ákvörðunin var tekin á alþjóð-
legum baráttudegi kvenna, þann
8. mars síðastliðinn. „Hugsan-
lega er þetta lítið skref fyrir kon-
ur en stórt fyrir Bild og karlkyns
lesendur blaðsins,“ sagði í umfjöll-
un sem birtist undir myndinni á
föstudag. Talsverð umræða hefur
verið í Þýskalandi að undanförnu
um stöðu kvenna í landinu. Þær
eiga undir högg að sækja til dæmis
í stjórnum fyrirtækja. Samkvæmt
umfjöllun breska ríkisútvarpsins,
BBC, eru hlutfallslega mun færri
konur í stjórnum fyrirtækja í Þýska-
landi en til dæmis í Bretlandi sem
Þjóðverjar bera sig gjarnan saman
við.
Auk þess að hætta að birta
myndir af nöktum konum á fyrstu
opnu blaðsins ákváðu forsvars-
menn dagblaðsins að gefa öllum
konum sem starfa á fjölmiðlunum
frí á fimmtudag til að sýna þeim
stuðning. Þó svo að nektarmyndirn-
ar hætti að birtast fremst í blaðinu
verða áfram birtar myndir af nöktu
kvenfólki inni í blaðinu.
n Helsti andstæðingur bandaríska heilbrigðistryggingakerfisins gjaldþrota
Þúsundum
bjargað
Kínverska lögreglan bjargaði yfir
24 þúsund konum og börnum
árið 2011. Öll áttu þau það sam-
eiginlegt að vera fórnarlömb
mansals.
Í frétt BBC kemur fram að
sum þeirra barna sem bjargað
var hafi verið seld til ættleiðing-
ar eða seld í kynlífsþrældóm. Er
jafnvel talið að sum barnanna
hafi verið seld til Afríku.
Kínverjar hafa lagt aukna
áherslu á að berjast gegn mansali
en talið er að um þrjú þúsund
glæpagengi, sem stunda mansal,
hafi verið upprætt á síðasta ári.