Dagblaðið Vísir - DV - 12.03.2012, Page 19

10 bestu notuðu bílarnir
Neytendur 19Mánudagur 12. mars 2012
n Honda Jazz, Hyundai Getz og Nissan Almera eru dæmi um góða notaða bíla sem kosta undir einni milljón
Hvað skal skoða
n Það sem þú þarft að skoða vel þegar
þú kaupir notaðan bíl:
n Lakkið: Tengist oftast árekstrartjóni.
n Dældir: Sé bíllinn tiltölulega nýr
ættir þú að fá afslátt vegna dælda á
honum.
n Ryð: Athugið sérstaklega sílsa,
brettakanta og neðri hluta hurða. Einnig
innan á skottlokinu.
n Mynsturdýpt dekkja: Lágmarks-
dýpt á vetrardekkjum á að vera 3
millimetrar eða meira en 1,6 á sumar-
dekkjum.
n Vél: Athugið hvort vélarrúmið líti vel
út. Rafskautin eiga að vera hrein. At-
hugið hvort það séu sjáanleg merki um
olíu- eða kælivatnsleka. Munið að at-
huga hvort skipt hafi verið um tímareim
sé hún í bílnum.
n Skottið: Athugið hvort skottlokið
helst opið.
n Hurðir: Athugið hvort allar hurðir
ásamt rennihurðum lokist vel. Eins hvort
allar rafdrifnar rúður fari alla leið upp og
alla leið niður.
n Áklæði: Leitið eftir rifum,
brunagötum og sliti á áklæði. Þetta
segir heilmikið um notkunina á bílnum.
Athugið hvort það sé samhengi milli
kílómetramælis og slits.
n Hnappar og rofar: Snúið og ýtið á
alla takka og rofa til að sjá hvort þeir
virki. Athugið einnig loftkælingu og öll
önnur tæki.
n Smurbók: Regluleg ábyrgðarskoðun
bendir til að bíllinn sé í góðu standi.
n Reynsluakstur: Fer bíllinn
auðveldlega í gang? Ef kúplingin grípur
of hátt eða er ójöfn bendir það til þess
að hún sé slitin. Prófaðu alla gírana,
frá fyrsta til fimmta eða sjötta og til
baka aftur. Ef þú átt í vandræðum með
það, ef það er erfitt að koma bílnum í
einhvern af gírunum, getur slík viðgerð
orðið kostnaðarsöm fyrir þig. Prófaðu
að hemla snögglega. Ef bíllinn leitar
til hliðar er það einnig merki um dýra
viðgerð fyrir þig.
n Rúður og gler: Athugaðu hvort
framrúða og allt gler í ljósum sé heilt.
Þetta eru hlutir sem getur verið dýrt að
skipta um í reglulegri skoðun.
Renault Clio
Eins og aðrir notaðir Renault-bílar er þessi á góðu verði. Það er erfitt að hrista af sér
slæmt orðspor og það á einnig við um Renault. Clio er lítill bíll sem er gott að keyra
og lítur ennþá vel út. Þurfir þú aðeins stærri bíl ættir þú að athuga Megane.
Árgerð: 2002 og eldri
Kostir: Skemmtilegur og snar í snúningum
Gallar: Tiltölulega lítill og einfaldur og gæðin eftir því
Athugaðu: Bremsur og rafkerfi
Viðmiðunarverð: 187.000 krónur
Reunault Clio, RT H/B, bensín, beinskiptur, ekinn 100.000 km
Ford Transit Connect
Ford Transit Connect er einn af þessum sendibílum sem býður upp á smá þægindi
fyrir lítinn pening. Hann er stærri en Partner, Berlingo og Kangoo. Þar sem
sendibílar eru gerðir til að aka með hlass þá verða þeir býsna hastir tómir.
Árgerð: 2005 og eldri
Kostir: Ríkulegt pláss og gott umhverfi fyrir ökumann
Gallar: Hefur ekki þægindi einkabíls
Athugaðu: Ryð, eigenda- og þjónustusögu
Viðmiðunarverð: 889.000 krónur
Ford Transit Connect, 220 L Van 75 hö., 1.800, dísill, beinskiptur, ekinn 100.000 km
Skoda Fabia
Fyrsta kynslóð Fabia er á margan hátt eins nálægt því sem við sjáum bíl í sinni
tærustu mynd. Hann gerir akkúrat það sem þú býst við af honum eða alla vega það
sem þú vonast til af honum, það er að segja, hann kemur þér á milli staða. Byggður
á sama grunni og Polo.
Árgerð: 2004 og eldri
Kostir: Bíllinn er upphafið að ímynd Skoda sem framleiðanda þar sem kaupandi
fær mikinn bíl fyrir peninginn
Gallar: Ódýrustu útgáfurnar eru sneyddar lúxus og hafa lítinn búnað
Athugaðu: Dempara og gírskiptingu.
Viðmiðunarverð: 499.000 krónur
Skoda Fabia Classic, 1.200, bensín, beinskiptur, ekinn 100.000 km
Rover Streetwise
Rover Streetwise er einnig á listanum en
svo virðist sem hann sé ekki á götum hér á
landi. Ekkert fannst um hann á bílasölum
eða vef Bílgreinasambandsins. Það sem
Verdens Gang hefur um bílinn að segja er:
Hvað gerir maður þegar ensk eftirlíking af
Honda er að verða úrelt? Nú, Rover setti
bara algjörlega óþarft plast á bílinn til
að gera hann flottari. Virkar það? Ekki
sérstaklega. En Streetwise er gæddur
japönskum gæðum. Þar sem hann er varla
það heitasta á markaðinum ætti maður að
fá hann á gjafvirði.
Árgerð: 2005 og eldri
Kostir: Mikil gæði, lítur vel út á ferð, sér í
lagi í myrkri
Gallar: Plastið, virðist vera að minnsta
kosti fimm árum eldri en hann er
Athugaðu: Þjónustu- og viðhaldssögu,
ryð, óhljóð í vél
Nissan Almera
Nissan hefur lengi verið þekkt fyrir að
framleiða góða og áreiðanlega bíla. Þrátt
fyrir að hafa verið vinsæll í mörg ár féll
síðasta týpa ekki neytendum í geð en ef
þú ert að leita að ódýrum bíl þá er þessi
örugglega fullkominn fyrir þig.
Árgerð: 2001 og eldri
Kostir: Auðveldur í akstri, áreiðanlegur og
praktískur
Gallar: Virðist eldri en hann er
Athugaðu: Bremsudælur
Viðmiðunarverð: 360.000 krónur
Nissan Almera, Comfort, 1.500, bensín,
beinskiptur, ekinn 105.000 km