Dagblaðið Vísir - DV - 11.04.2012, Blaðsíða 12

12 Fréttir 11. apríl 2012 Miðvikudagur
n Forsvarsmenn Já Ísland og Heimssýnar svara spurningum um kosti og ókosti aðildar að ESB
Evrópuher eða
aukin samvinna
T
vö helstu hagsmunafélög
vegna aðildarviðræðna Ís­
lands að Evrópusamband­
inu eru Heimssýn, sem
er alfarið á móti aðild að
sambandinu, og Já Ísland, sem
er félag sem berst fyrir aðild að
ESB. Framkvæmdastjórar þeirra,
þau Bryndís Ísfold Hlöðversdóttir
hjá Já Ísland og Páll Vilhjálmsson
hjá Heimssýn, eru því á eins önd­
verðum meiði í þessum málum og
hugsast getur.
DV fékk þau til þess að svara
spurningum um kosti og ókosti
þess að Ísland gangi í ESB. Það er
fróðlegt að heyra Pál nefna kosti
við aðild Íslands að ESB á sama
tíma og það er athyglisvert að
heyra Bryndísi benda á ókosti við
aðild að ESB.
Páll telur það kost við aðild að
ESB að þá hverfi flest leiðinlegasta
fólkið á Íslandi úr landi – væntan­
lega til Brussel. Hann varar hins
vegar við óstofnuðum Evrópuher,
en þess ber þó að geta að sam­
eiginleg yfirlýsing Íslands og ESB
hefur verið gefin út sem tryggir að
Ísland verður áfram herlaust land,
þó við göngum í sambandið.
Bryndís telur það hins vegar
ókost við aðild að ESB að Brussel,
miðstöð Evrópusambandsins, sé
ekki eins skemmtileg borg og til
dæmis París.
Valgeir Örn Ragnarsson
blaðamaður skrifar valgeir@dv.is
Hverjir eru fimm stærstu kostir við
aðild Íslands að Evrópusambandinu?
1 Að losna við krónuna og fá almennilega mynt sem mun
spara okkur milljónir á hverju
ári. Þetta segi ég ekki út í bláinn
því ef fólk ber saman kostnað
við húsnæðislán hér og í evru­
löndum þá kemur í ljós að við
borgum mörgum milljónum
meira í vexti en frændur okkar
sem njóta góðs af evrunni. Auk
þess mun verðtryggingin heyra
sögunni til ef við göngum í ESB.
2 Lægra matvælaverð og meira vöruúrval! Við niðurfellingu
tolla á landbúnaðarvörum
munu bændur í Evrópu geta
selt okkur afurðir sínar hér á
landi. Það þýðir að samkeppnin
muni aukast og vöruverð mun
lækka og úrvalið mun aukast.
Þetta hafa margar skýrslur sýnt
fram á, en nýlegasta dæmið er
skýrsla Bændasamtakanna.
3 Aukið fullveldi. Ef við göngum í ESB þá fáum við loks að taka
þátt í að semja lögin þar á bæ,
lögin sem hafa bein áhrif á okk­
ur hér á Íslandi. Í dag tökum við
upp mjög stóran hluta þessa
laga á Íslandi, án þess þó að
hafa nokkuð tækifæri til að sitja
við borðið þar sem þessi lög eru
samin og samþykkt. Þetta mun
auka sjálfstæði okkar og bæta
fullveldið. Í nýrri skýrslu sem
fjallar um EES­samstarfið, sem
unnin var af norskum sérfræð­
ingum og álitsgjöfum, og kom
út í Noregi nýlega, kemur fram
að Noregur hefur tekið upp
meiri löggjöf ESB í gegnum
EES­samninginn en sum ríki
sem eru fullgildir aðilar Evr­
ópusambandsins. Í skýrslunni
er sagt að lýðræðishallinn í
EES sé meiri en í ESB. Þetta er
slæm þróun enda ljóst að ríki
sem ekki semur eigin lög né
tekur þátt í að semja þau, hefur
gefið frá sér hluta af sjálfstæði
sínu. Þess vegna er alltaf dálítið
kostulegt að hlusta á nei­sinna
segja að við töpum fullveldinu
með því að ganga í ESB, þessu
er auðvitað öfugt farið, því með
aðild fáum við loksins sæti við
borðið þar sem ákvarðanirnar
er teknar, ákvarðanir sem við
fylgjum hér á Íslandi, en núna
sitjum við úti á gangi!
4 Almennilega stefnu fyrir byggð­
irnar og sveitirnar í landinu.
Það er ekki að ástæðulausu
sem Björn Bjarnason, sem er
mikið á móti inngöngu í ESB,
hafi risið upp á afturlapp­
irnar þegar sjónvarpsþátturinn
Landinn sýndi á dögunum þátt
sem fjallaði um byggðastefnu
ESB og hvað slík stefna þýddi
fyrir Íslendinga ef við gerðumst
aðilar að ESB. Með byggða­
stefnu ESB má finna gríðarlega
mörg tækifæri fyrir byggðir
landsins til að þróa nýjar
atvinnugreinar, bæta menntun,
uppbyggingu og fleira og fleira.
Að mínu mati er hér um að
ræða kistu af tækifærum sem
kæmi sér einstaklega vel í landi
sem hefur skort almennilega
byggðastefnu í áratugi.

5 Friður og samvinna. Evrópu­sambandið var stofnað til
að tryggja frið í Evrópu eftir
seinni heimsstyrjöldina. Það er
stærsta afrek sambandsins, að
tryggja frið í álfunni. Samvinna
þjóðanna hefur tryggt að hags­
munir þeirra eru samofnir í
gegnum viðskipti og fjölbreytta
samvinnu á mörgum sviðum
sem hefur orðið til þess að stríð
borgi sig ekki og hefur friður
verið tryggður í tugi ára.
Hverjir eru fimm stærstu ókostir við
aðild Íslands að Evrópusambandinu?
1 Evrópusambandið vinnur eftir settum reglum og lögum og
hefur skýrar verklagsreglur,
hlutirnir taka því oft lengri tíma
að fara í gegnum stjórnsýsluna.
Það er ekkert sem fær haggað
fyrirfram ákveðnum reglum
og þetta held ég að eigi eftir að
vera erfitt fyrir suma Íslendinga
sem vilja getað „græjað“ hlut­
ina hratt. En á sama tíma þá
veit fólk að hverju það gengur
og kerfið er gegnsætt.

2 Ef ekki væri fyrir sameiginlega stjórn fiskveiðimála ESB, þá
held ég að flestir Íslendingar
myndu vilja ganga í ESB strax í
dag, en óttinn við að missa fisk­
inn er þó óþarflega mikill. Það
skilja allir að við viljum halda
fullum yfirráðum yfir fiskinum
okkar, en með aðild yrði þetta
vald að hluta til fært til Brussel,
en þrátt fyrir það bendir lítið
til að það myndi hafa áhrif á
hvað við gætum veitt mikið,
en reglan um hlutfallslegan
stöðugleika tryggir úthlutun
á grundvelli veiðireynslu. Þá
hafa samningar við aðrar fisk­
veiðiþjóðir gefið tilefni til bjart­
sýni en þar hafa þessi mál verið
leyst með sanngjörnum hætti.
Það er þó grundvallaratriði að
íslensku samninganefndinni
takist að semja einstaklega vel
um þennan kafla við ESB.

3 Sú málamiðlun sem var gerð þegar ákveðið var að
Evrópuþingið myndi funda
bæði í Brussel og í Strassborg
er auðvitað arfavitlaus, enda
kostnaðarsöm og ekki til að
gera stjórnsýsluna skilvirkari.
Sem betur fer vinna menn
innan Evrópuþingsins hörðum
höndum við að semja um
breytingar á þessu.

4 Margir telja það galla að ef við göngum í ESB falli niður
þeir viðskiptasamningar sem
við höfum gert við önnur ríki.
Þess verður þó að geta að við
göngum í staðinn í þá við­
skiptasamninga sem sam­
bandið hefur gert við önnur
ríki, en þeir samningar eru
mjög viðamiklir og eru enginn
ókostur. Einnig er nauðsynlegt
að geta þess að hingað til hefur
EFTA verið í forsvari þegar
kemur að gerð viðskiptasamn­
inga okkar, sem margir hverjir
byggja á samningum sem ESB
hefur gert. Við, Íslendingar,
höfum því ekki verið ein og sér
að semja við önnur lönd.

5 Þegar Íslendingar verða orðnir fullgildir aðilar að ESB má gera
ráð fyrir að fleiri muni starfa í
Brussel til að tryggja hagsmuni
Íslendinga. Ef ég hefði fengið
að ráða þá hefði ég fremur
valið Berlín, París eða London
sem borg stjórnsýslu Evrópu,
einfaldlega af því það eru
miklu skemmtilegri borgir. En
hér eru örugglega margir mér
ósammála.
Aðild eykur fullveldi Íslands
Nafn: Bryndís Ísfold Hlöðversdóttir
Starf: Framkvæmdastjóri Já Ísland
Afstaða til ESB-aðildar: Aðhyllist aðild
Peningakassinn
fannst í höfninni
Lögreglan í Vestmannaeyjum fékk
tilkynningu um innbrot í verslun
N1 við Básaskersbryggju á öðrum
degi páska. Innbrotsþjófurinn
eða þjófarnir fóru inn með því að
spenna upp útidyrahurð verslun­
arinnar. Í tilkynningu frá lögregl­
unni í Vestmannaeyjum kemur
fram að einhverju af verkfærum
hafi verið stolið sem og peninga­
kassa sem í er sjóðsvél.
Peningakassinn fannst hins
vegar í höfninni skammt frá og
hafði þá verið reynt að spenna
hann upp en án árangurs. Lítið var
af peningum í kassanum, eða um
tvö til þrjú þúsund krónur. Ekki
er vitað hvenær innbrotið átti sér
stað en þeir sem einhverjar upp­
lýsingar hafa um hver eða hverjir
þarna voru að verki eru vinsam­
legast beðnir um að hafa samband
við lögreglu.
Þá var nokkuð um kvartanir
vegna hávaða í heimahúsum og
þá þurfti lögregla að hafa afskipti
af fólki vegna ölvunarástands
þess.
Eitt umferðaróhapp var til­
kynnt til lögreglu í vikunni en um
var að ræða slys á Kirkjuvegi þar
sem stjórnandi vélhjóls missti
stjórn á hjólinu með þeim afleið­
ingum að það féll á hliðina og
rann þó nokkurn spöl. Ökumað­
urinn og farþegi féllu af hjólinu.
Farþeginn kvartaði yfir eymslum
og leitaði sér aðhlynningar á Heil­
brigðisstofnun Vestmannaeyja.
Arion banki
fjármagnar
þýskt félag
Arion banki hefur lokið samning­
um um fjármögnun þýska félags­
ins TSP – The Seafood Processor
GmbH og dótturfélags þess, TST –
The Seafood Traders GmbH. Móð­
urfélag TSP er Leuchtturm Beteilig­
ungs­ und Holding Germany AG.
Í tilkynningu frá bankanum
kemur fram að um sé að ræða nýtt
framleiðslu­ og sölufyrirtæki á sviði
sjávarafurða. Fjármagnið verður
annars vegar notað í uppbyggingu
nýrrar og fullkominnar verksmiðju
sem framleiða mun vörur á neyt­
endamarkað og hins vegar afurða­
lán til að mæta sveiflum í rekstri.
Félagið verður fyrst og fremst með
starfsemi í Þýskalandi og meðal
viðskiptavina verða stærstu smá­
sölukeðjur Þýskalands.
Verksmiðjan verður búin fyrsta
flokks tækni í vinnslu sjávaraf­
urða og með henni stefnir félagið
á að verða leiðandi í framleiðni og
rekstrarhagkvæmni í Evrópu. Fram­
leiðsla hófst 1. mars 2012.
Félagið er að hluta í eigu lykil­
stjórnenda og Íslendinga en í
meirihlutaeigu japanska sjávarút­
vegsrisans Nippon Suisan (Nissui),
annars stærsta sjávarútvegsfyrir­
tækis heims, sem skráð er á hluta­
bréfamarkaðinum í Tókýó. Forstjóri
hins nýja fyrirtækis er Finnbogi A.
Baldvinsson.
„Aðkoma Arion banka að verk­
efninu er okkur mjög mikilvæg. Það
að okkar helsti lánveitandi hafi yfir­
gripsmikla þekkingu og skilning á
sjávarútvegsmálum skiptir miklu,
þess vegna leituðum við til Arion
banka. Verksmiðjan var gangsett 1.
mars síðastliðinn og sölusamning­
ar við smásölukeðjur í Þýskalandi
liggja fyrir þannig að við horfum
björtum augum til næstu ára með
þennan áfanga að baki,“ segir Finn­
bogi í tilkynningunni.