Dagblaðið Vísir - DV - 27.06.2012, Blaðsíða 6

Undan skotið hús
Lýðs veðsett MP
Þurfa að skila dagpeningum
n Sveitarstjórnarmenn þurfa að skila inn evrunum
S
veitarstjórnarmenn sem fengu
dagpeninga greidda í evrum í
boðsferð Evrópusambands­
ins til Brussel þurfa að standa
skil á peningunum. Samkvæmt lög­
um um gjaldeyrishöft er skýrt kveðið
á um að skila eigi öllum erlendum
gjaldeyri til fjármálastofnunar
minnst þremur vikum eftir að gjald­
eyririnn kemst í hendur íslenskra
einstaklinga. Boðsferðin var farin 18.
til 20. júní og er gert ráð fyrir að farið
verði í aðra svipaða boðsferð í haust.
Í svari gjaldeyriseftirlits Seðla­
banka Íslands við fyrirspurn DV
um málið kom fram að almenna
reglan kveði á um þetta og að einu
undantekningarnar eigi við um Ís­
lendinga sem búsettir eru erlend­
is. Engar upplýsingar fengust þó hjá
gjaldeyris eftirlitinu um dagpeninga­
greiðslur sveitarstjórnarmannanna.
„Seðlabankinn getur ekki gefið upp
afstöðu til einstakra mála fyrirfram
en afgreiðir mál í samræmi við atvik
eins og þau liggja fyrir hverju sinni,“
segir í svari eftirlitsins.
DV greindi frá því í síðustu viku
að sveitarstjórnarmenn sem þáðu
boð Evrópusambandsins um kynn­
isferðina gátu fengið dagpeninga­
greiðslur sínar afhentar í peninga­
seðlum í umslögum. Sú regla hefur
tíðkast innan Evrópusambandsins
undanfarin ár til að koma í veg fyrir
að greiðslurnar séu gerðar upptækar
af aðilum sem ekki eiga að njóta
þeirra, eins og af yfirmönnum eða
stjórnendum þeirra fyrirtækja eða
stofnana sem gestirnir eru fulltrúar
fyrir.
adalsteinn@dv.is
6 Fréttir 27. júní 2012 Miðvikudagur
Lýðræðisalda
gegn forseta
Alda, félag um sjálfbærni og lýð­
ræði, sendi nýlega frá sér tilkynn­
ingu þar sem fram kemur að
félagið telji rétt að leggja forseta­
embættið niður. „Sú hugmynd að
fela einum einstaklingi umfangs­
mikil völd, eins og gert er í nú­
gildandi stjórnarskrá og tillögum
stjórnlagaráðs, er fremur í anda
konungsveldis en lýðræðis,“ segir
meðal annars í tilkynningunni. Þá
segir að félagið telji að almenning­
ur sjálfur eigi að að hafa tæki og
tól til að hafa eftirlit með fulltrú­
um sínum á þingi.
Skýrar reglur Einu undantekningarnar
sem gjaldeyriseftirlitið lítur til er þegar
gjaldeyrir er afhentur Íslendingum sem
búsettir eru erlendis. Mynd Stefán KarlSSon
Par á sjötugsaldri og
maður um tvítugt:
Smyglarar
í Leifsstöð
Íslendingur um tvítugt var að­
faranótt mánudags stöðvaður
í Flugstöð Leifs Eiríkssonar við
reglubundið eftirlit. Við leit fund­
ust á honum fíkniefnapakkn­
ingar sem innihéldu kókaín og
ecstasy­töflur. Hann reyndist
einnig vera með fíkniefni inn­
vortis. Samtals voru þetta um
500 ecstasy­töflur og rúmlega
sextíu grömm af kókaíni. Málið
er til rannsóknar hjá Lögreglunni
á Suðurnesjum.
Þann 25. maí síðastliðinn var
par á sjötugsaldri stöðvað við
komuna til landsins. Þau voru
með mikið magn af kókaíni með­
ferðis en efnið var vandlega falið
í ferðatösku þeirra. Málið hefur
verið í rannsókn síðan það kom
upp og hafa tveir Íslendingar
til viðbótar verið handteknir í
tengslum við málið, kona á þrí­
tugsaldri og karlmaður á fertugs­
aldri. Þau hafa setið í gæsluvarð­
haldi síðan.
Að auki er þriðja mannsins
leitað erlendis í tengslum við
málið og gefin hefur verið út al­
þjóðleg handtökuskipun vegna
hans. Hald var lagt á nokkurt
magn fíkniefna við húsleitir
vegna rannsóknar málsins.
n Eignirnar metnar á milljarð n Stofnar til skulda við MP banka
Ingi Freyr Vilhjálmsson
fréttastjóri skrifar ingi@dv.is
T
æplega 340 fermetra
einbýlis hús Lýðs Guð­
mundssonar, sem kenndur
er við matvælafyrirtækið
Bakkavör, á Starhaga 12
í Reykjavík er veðsett MP banka.
Húsið er verðmetið á tæpar 93
milljónir króna. Lýður færði húsið
yfir í einkahlutafélagið GT1 ehf.
þann 22. október 2008, eftir íslenska
bankahrunið. Félagið er alfarið í
eigu sjóðsins GT One sem skráður
er í Bretlandi. Fyrir þetta var húsið í
eigu Lýðs og eiginkonu hans. Eign­
irnar voru færðar inn í GT1 ehf. sem
hlutafjáraukning upp á rúmlega
770 milljónir króna.
Stöð 2 flutti frétt af færslu Lýðs
á húsinu inn í félagið í febrúar árið
2010. Þar kom fram að þar sem
Lýður hefði fært húsið yfir í einka­
hlutafélag í október gætu lánar­
drottnar Lýðs ekki rift sölunni að
liðnum tveimur árum ef svo bæri
undir. Sá tími er nú liðinn og heldur
einkahlutafélagið ennþá utan um
eignarhald hússins. Þá færði Lýður
einnig sumarhús í Fljótshlíð og íbúð
á Hagamel yfir í einkahlutafélagið.
Bróðir Lýðs, Ágúst, flutti einnig
fasteignir inn í annað eignarhalds­
félag á sama tíma, GT2 ehf. sem er í
eigu bresk sjóðs sem heitir GT Two.
Bræðurnir hafa verið í kastljósi fjöl­
miðla hér á landi síðustu daga vegna
kauptilboðs þeirra í hlutafé Bakkavar­
ar Group. Freista þeir þess nú að
kaupa 75 prósenta hlut í félaginu.
MP banki með veð í húsinu
Þann 1. febrúar síðastliðinn veitti
Lýður svo MP banka veð í húsinu
á Starhaga samkvæmt þinglýstu
skjali sem DV hefur undir höndum.
Um er að ræða svokallað „negati­
ve pledge“ á ensku en samkvæmt
veðsetningarskjalinu má Lýður ekki
selja, veðsetja eða afsala sér húsinu
á Starhaga og öðrum fasteignum
GT1 ehf. nema með skriflegu leyfi
MP banka.
Þá segir að eignirnar inni í fé­
laginu séu veð vegna skuldbindinga
sem GT1 ehf. hefur gengist í eða
muni gangast í við MP banka. Jafn­
framt segir í skjalinu að í yfirlýs­
ingunni felist að félag Lýðs muni
ekki veita öðrum aðila en MP banka
betri veðrétt í eignunum.
tengslin við lúxemborg
Skjalið þýðir að GT1 ehf. sé komið
í viðskipti við MP banka og hafi
stofnað til skuldbindinga við þann
banka. Nokkra athygli vakti í fyrra
þegar hin breska Rowland­fjöl­
skylda, sem einnig er eigandi
Banque Havilland í Lúxemborg,
ákvað að koma inn í hlutahafahóp
MP banka þegar Skúli Mogensen
eignaðist bankann ásamt fleiri fjár­
festum. Banque Havilland er reistur
á rústum Kaupþings í Lúxemborg.
Lýður og Ágúst Guðmundssynir
voru stærstu hluthafar Kaupþings,
og þar með Kaupþings í Lúxem­
borg, á árunum fyrir hrunið. Fyrri
eigendur og stjórnendur Kaup­
þings, meðal annars Sigurður
Einarsson og Hreiðar Már Sigurðs­
son, hafa löngum verið sagðir tengj­
ast núverandi eigendum Banque
Havilland og sagt að aðkoma þeirra
að rekstri bankans sé meiri en látið
hefur verið uppi. Þetta hefur þó
aldrei verið sannað.
eignir upp á milljarð
Í ársreikningi GT1 ehf. fyrir árið
2010 kemur fram að eignir félagsins
hafi verið metnar á milljarð króna í
lok þess árs. Skuldir félagsins námu
þá rúmlega 260 milljónum króna en
voru aðeins tæplega 60 milljónir við
lánastofnanir. Félagið stofnaði til
nýrra lána upp á tæplega 64 milljón­
ir króna á árinu 2010. Líklegt verður
að teljast að skuldsetning félagsins
við MP banka hafi aukist eftir þetta.
Í viðskiptum við MP Lýður Guðmundsson er í viðskiptum við MP banka og
hefur veðsett bankanum húsið sitt á Starhaga. Bræðurnir reyna nú að kaupa
Bakkavör af eigendum félagsins, Arion banka og nokkrum lífeyrissjóðum.
„Þann
1. febrú-
ar síðastliðinn
veitti Lýður
svo MP banka
veð í húsinu á
Starhaga