Dagblaðið Vísir - DV - 10.09.2012, Blaðsíða 14

Sandkorn
Ö
gmundur Jónasson innanrík-
isráðherra er uppvís að því að
hafa brotið jafnréttislög þegar
hann skipaði karl í embætti
sýslumanns á Húsavík en snið-
gekk konu. Kærunefnd jafnréttismála
komst að þeirri niðurstöðu að Halla
Bergþóra Björnsdóttir hafi í fjölmörg-
um atriðum verið hæfari til að gegna
stöðunni. Svavar Pálsson, sem var ráð-
herranum þóknanlegur, þótti einung-
is standa Höllu framar í einum þætti
af átta sem metnir voru. Ráðherr-
ann vísaði í vörn sinni meðal annars
til persónulegra kosta Svavars í rök-
stuðningi fyrir ráðningunni.
Það sorglega við þetta mál er að
Ögmundur ráðherra virðist ekki iðrast
að marki né ætla að axla sína ábyrgð
með þeim eðlilega hætti að segja af
sér. Ögmundur fylgir þarna þeirri
spillingarlínu sem forverar hans hafa
fylgt. Þegar þeir hafa verið dæmdir fyr-
ir afglöp eða frændhygli hafa þeir yppt
öxlum og látið sem ekkert væri. Ríkis-
sjóður hefur þurft að leggja út stórfé
fyrir sektum og málskostnaði en hin-
ir dæmdu og spilltu sitja áfram. Við-
brögð Björns Bjarnasonar, fyrrverandi
dómsmálaráðherra, í svipuðu máli
voru þau að jafnréttislögin væru barn
síns tíma og niðurstaða um brot hans
því léttvæg. Þetta eru sömu viðbrögð
og annarra ráðherra sem hafa verið
sekir fundnir.
Eitt helsta meinið í íslensku samfé-
lagi er að menn taka ekki ábyrgð. „Shit
happens“ eru hefðbundin viðbrögð.
Þannig láta lögbrjótar af öllu tagi eins
og það séu mistök hvernig þeir gengu
fram. Og það þurfi ekki frekari um-
ræðu við. Jóhanna Sigurðardóttir for-
sætisráðherra var á dögunum dæmd
fyrir brot á jafnréttislögum. Hennar
viðbrögð voru ekki ólík því sem gerðist
hjá Birni Bjarnasyni. Hún lét þó í ljósi
iðrun með skilyrtri afsökunarbeiðni.
Ögmundur iðrast einskis. Og hann
situr sem fastast eins og allir hin-
ir ráðherrarnir sem brutu lög. Þetta
er sérstaklega sorglegt í því ljósi að
innanríkisráðherra er yfirlýstur bar-
áttumaður fyrir betra siðferði í sam-
félaginu. Hann er einn þeirra sem hef-
ur verið óþreytandi að benda á þær
meinsemdir sem urðu Íslandi að falli.
Ef Ögmundur hefði sýnt þann mann-
dóm að segja af sér ráðherraembætti
hefði hann verið sjálfum sér sam-
kvæmur. Hann hefði getað sett ný við-
mið hvað varðar ábyrgð manna í æðstu
stöðum. Leið hans í ráðherrastól á
næsta kjörtímabili hefði verið opin.
Hann hefði stækkað af ákvörðun sinni.
En hann hefur kosið að stinga höfðinu
í sandinn og bregðast við eins og hinir
spilltu. Lögin má brjóta, af því að þau
eru barn síns tíma, er viðhorfið.
Þetta er ömurlegt viðhorf Ögmund-
ur. Þú hefur brugðist þjóðinni og sjálf-
um þér.
Stríð í Reykjavík
n Á meðal þeirra sem hyggja
á framboð innan Sjálfstæð-
isflokksins í Reykjavík er
Kjartan Magn-
ússon borg-
arfulltrúi.
Kjartan er
ekki líklegur
til stórræða
en víst er að
hann á góða
möguleika á þingsæti. Þá er
fullyrt að Hanna Birna Krist-
jánsdóttir fari fram en bíði
eftir rétta tækifærinu til að
tilkynna framboð sitt. Þar
með er ljóst að mikið fjör
verður í toppslagnum. Illugi
Gunnarsson mun reyna að
verja vígi sitt líkt og Guðlaug-
ur Þór Þórðarson. Guðlaugur
glímir við kolsvarta styrkja-
fortíð sína og á minnsta
möguleika á að lifa af próf-
kjör. Það léttir þó á mestu
spennunni á toppnum að
Ólöf Nordal hefur staðfest að
hún muni hætta eins og sagt
var frá í sandkorni.
Kafbátur
þingmanns
n Stuðningsmenn Guðlaugs
Þórs Þórðarsonar leggja nú
nótt við dag til að tryggja
að uppstill-
ing verði í
Reykjavík en
ekki prófkjör.
Vilja þeir
að fulltrúa-
ráðið skipi
á listana.
Þannig er talið að tryggja
megi Guðlaugi áfram-
haldandi þingsetu. Foringi
herráðs Guðlaugs er Óttarr
Guðlaugsson, starfsmaður
Símans. Sá rær nú lífróður í
þessu skyni til að bjarga fé-
laga sínum. Óttarr er af gár-
ungunum gjarnan kallaður
kafbátur Gulla. Hugmyndir
um uppstillingu leggjast illa
í aðra flokksmenn.
Þrýst á Gunnar
n Gunnar Birgisson, fyrrver-
andi bæjarstjóri í Kópa-
vogi, er kominn á fremsta
hlunn með
að stökkva
í þingfram-
boð. Eins og
sagt var frá
í sandkorni
fyrir nokkru
er lagt að
honum að taka slaginn með
það fyrir augum að komast í
forystusveit flokksins. Gunn-
ar hefur meðal annars verið
hvattur af þungavigtarfólki úr
stjórnmálum og viðskiptum.
Margrét og Ingvi
n Margir stjórnmálamenn
hafa lagst á árar með Ingva
Hrafni Jónssyni, sjónvarpsstjóra
ÍNN, með
því að stýra
umræðu-
þáttum hjá
honum. Ingvi
Hrafn var ný-
lega dæmd-
ur í fangelsi
fyrir að hafa fé af ríkissjóði.
Nýjasti þáttastjórnandinn er
Margrét Tryggvadóttir, þing-
maður Hreyfingarinnar, sem
er einn ötulasti baráttumaður
Alþingis fyrir réttlæti og gegn
spillingu.
Hann er fæddur
í þetta
Ég var
með kvíða
Jóhanna Pálsdóttir er kærasta tískulöggunnar Arnars Gauta Sverrissonar. – DVJónas Sigurðsson notaði áfengi til að deyfa kvíðann. – DV
Lögbrot ráðherra„Ögmundur ráðherra
virðist ekki iðrast
U
ndirritaður var til umfjöllun-
ar í sandkorni DV nýverið. Þar
var ýmislegt látið flakka, eins og
von er til í slíkum dálki. Þetta
sandkorn fjallaði um ímynd mína sem
stjórnmálamanns. Fyrir það fyrsta þá
held ég að stjórnmálamenn eigi ekki
að vera of áhyggjufullur út af ímynd
sinni. Við búum í fámennu landi og
kostir manna og gallar spyrjast hratt
út manna á meðal. Íslenskir stjórn-
málamenn eru því ekki eins ofurseld-
ir fjölmiðlum eins og gjarnan er í fjöl-
mennari ríkjum. Á sama tíma eiga
stjórnmálamenn erfiðara um vik hér
á landi að draga upp einhverja glans-
mynd af sjálfum sér. Svo dæmi sé tekið
þá hafa margir vinir mínir bent mér á
að ég þurfi nauðsynlega að láta taka af
mér betri myndir en þær sem reglu-
lega birtast í blöðum og á netinu. En
vandinn er auðvitað sá að myndirn-
ar eru nokkuð nærri fyrirmyndinni
og til lítils að reyna að breyta því, að
minnsta kosti úr þessu. Það gengur
ekki að það sé of mikið frávik frá því
sem raunverulegt er og því sem haldið
er að almenningi.
Málið loðir við
Að þessu sögðu þá er rétt að vinda sér
í efni sandkornsins. Titill kornsins var
„Ímynd Illuga“ og því fylgdi auðvitað
mynd af undirrituðum. Efni korns-
ins var meðal annars það að undirrit-
aður burðist með það að hafa „tekið
þátt í óheiðarlegu peningabralli með
eigur Sjóðs 9 sem var innan Glitnis.
Jafnvel þótt lögfræðiálit gefi til kynna
sakleysi loðir málið við hann.“ Engum
vafa er undirorpið að stjórnarseta mín
í peningamarkaðssjóðum Glitnis hef-
ur skaðað mig pólitískt. Því fæ ég ekki
breytt, ekkert frekar en ég get breytt
myndum af mér og vitanlega hafa
þessir atburðir áhrif á ímynd mína,
annað hvort væri nú. En ég er sann-
færður um að ímynd manna ráðist
ekki síður af því hvernig þeir bregðast
við áföllum og ágjöfum og þess vegna
langar mig að árétta nokkur atriði.
Af þingi og aftur á þing
Ég ákvað að víkja af þingi eftir að
skýrsla rannsóknarnefndar Alþing-
is kom út. Það gerði ég vegna þess að
þar var lagt til að sérstakur saksóknari
skoðaði mál allra peningamarkaðs-
sjóðanna. Það var ekki ánægjuleg
ákvörðun, en fljóttekin. Ég taldi að
hægt væri að draga trúverðugleika
minn gagnvart kjósendum í efa og við
slíkt gæti ég ekki búið. Um einu og
hálfu ári eftir að ég tók mér leyfi frá
þingstörfum sneri ég aftur til minna
starfa. Og nú kemur loksins að þeim
punkti sandkornsins sem ég ætla að
ræða um sérstaklega. Í sandkorni var
gefið í skyn að það hafi ég gert vegna
þess að lögfræðiálit gæfi til kynna sak-
leysi mitt. Þetta er einungis hluti af
þeim ástæðum sem lágu að baki því að
ég sneri aftur til minna starfa.
Ekki bara lögfræðiálit
Ein af ástæðum þess að ég beið
þetta lengi með að snúa aftur var sú
að það var höfðað skaðabótamál á
grundvelli niðurstöðu skýrslu rann-
sóknarnefndarinnar. Þar með reyndi á
þær fullyrðingar sem þar höfðu kom-
ið fram. Niðurstaða málsins varð sú
að þeir sem höfðuðu málið drógu til
baka öll ákæruatriði nema eitt, eftir að
þeir höfðu fengið í hendurnar svör-
in við þeim fullyrðingum sem birtust
í skýrslu nefndarinnar. Það atriði sem
stóð eftir, fór fyrir dóm, en var vísað
frá. Þessi niðurstaða skipti mig aug-
ljóslega miklu máli. En henni til við-
bótar var unnið lögfræðiálit af einum
virtasta lögmanni landsins á þessu
sviði um þær athugasemdir sem gerð-
ar eru í skýrslu rannsóknarnefndarinn-
ar. Niðurstaða þess álits er sú sem rak-
in er í sandkorni.
Þessu til viðbótar liggur það fyrir,
skjalfest frá fjármálaráðherra, að engir
peningar fóru úr ríkissjóði vegna upp-
gjörs þessa sjóðs sem ég sat í stjórn hjá.
Sú staðreynd skiptir auðvitað miklu
máli, því það var fullyrt ranglega, aft-
ur og aftur, að peningar skattborgar-
anna hefðu verið notaðir í því uppgjöri.
Þegar þetta var allt saman komið fram
og orðið opinbert, þá tók ég ákvörðun
um að snúa aftur til starfa minna.
Það er alveg rétt hjá sandkornsritara
að þetta mál allt hefur skaðað ímynd
mína. En viðbrögð mín voru þessi, að
víkja til hliðar og bíða þess að fram
kæmu gögn sem sanngjarnt fólk gæti
lagt mat á og tekið afstöðu til hvort ég
hafi gert rétt eða rangt. Svo er bara að
sjá til, gera sitt besta og leggja verk sín í
dóm kjósenda.
Ímyndarmál
Leiðari
Reynir Traustason
rt@dv.is
Útgáfufélag: DV ehf. Stjórnarformaður: Ólafur M. Magnússon Ritstjóri: Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is) Umsjón helgarblaðs: Ingibjörg
Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri og vefstjóri DV.is: Jón Trausti Reynisson (jontrausti@dv.is)
Sölu- og markaðsstjóri: Heiða B. Heiðarsdóttir (heida@dv.is) Umbrot: DV Prentun: Landsprent Dreifing: Árvakur DV á netinu: www.dv.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
14 10. september 2012 Mánudagur
Kjallari
Illugi
Gunnarsson
„Þessu til viðbót-
ar liggur það fyrir,
skjalfest frá fjármálaráð-
herra, að engir peningar
fóru úr ríkissjóði vegna
uppgjörs þessa sjóðs sem
ég sat í stjórn hjá.