Dagblaðið Vísir - DV - 26.11.2012, Blaðsíða 20

20 Sport 26. nóvember 2012 Mánudagur
Einvígið sem ekkert varð úr
n Luke Donald og Rory McIlroy mættust á lokadegi World Tour-meistaramótsins
V
iðlíka spenna og var fyrir
lokadaginn á World Tour-
meistaramótinu í golfi hefur
sennilega ekki verið meðal
golfáhugamanna síðan Rory McIl-
roy mætti Tiger Woods í Kína í ein-
vígi þeirra tveggja.
Um helgina mættust nefnilega
lokadaginn tveir efstu kylfingarnir á
heimslistanum í golfi; Rory McIlroy
og Luke Donald, en þeir eru vanari
að spila saman í Ryder-liði Evrópu
en mætast sem andstæðingar í
lokaráshóp.
Þeir félagar voru efstir og jafn-
ir á sautján höggum undir pari
fyrir lokadaginn í gær og léku báð-
ir afbragðs golf. Var því mikil spenna
fyrir lokadaginn enda þessir tveir
eins ólíkir kylfingar og frekast er
unnt að.
En það var Norður-Írinn ungi
sem stóð í lappirnar þegar til kom
en hann vann sigur á mótinu með
tvö högg á næsta mann eftir frá-
bærar lokaholur þar sem hann tók
fimm fugla á síðustu fimm holun-
um. Þegar upp var staðið var það
ekki einu sinni Luke Donald sem
veitti honum mesta keppni heldur
Englendingurinn Justin Rose sem
setti vallarmet og spilaði á 62 högg-
um. Það dugði ekki til að hafa sigur-
inn af McIlroy. n
H
afi stjóri Real Madrid,
Jose Mourinho, haft
mikla drauma fyrir þetta
keppnis tímabil á Spáni
um enn meiri frægð og
frama er hætt við að þeir draum-
ar verði ekki að veruleika. Þetta
dýrasta knattspyrnulið heims tap-
aði enn einum leik í spænsku
deildinni um helgina og er bilið
í erkifjendurna frá Barcelona svo
breitt orðið að spænskir fjölmiðl-
ar tala um að keppnistímabilinu á
Spáni sé formlega lokið.
Slíkar upphrópanir kunna að
hljóma kjánalega í nóvember þegar
meirihluti keppnistímabilsins er
enn eftir en þeir hafa söguna með
sér. Hún sýnir nokkuð glögglega
að þegar annað tveggja stórlið-
anna, Real Madrid eða Barcelona,
ná afgerandi forskoti snemma vetr-
ar helst sá munur að mestu. Þrátt
fyrir að það sé ekkert lögmál þá er
afar fátt sem bendir til að Barcelona
gefi þumlung eftir. Raunar hefur
Barcelona aldrei byrjað betur í sögu
félagsins.
Bullandi fýla Mourinho
Jose Mourinho kunni ýmsar skýr-
ingar á 1–0 tapi liðs síns gegn Real
Betis á útivelli um helgina. Það
var vellinum að kenna, dómaran-
um, gengi Barcelona og tómu rugli
í eigin leikmönnum. Hélt karlinn
langan reiðilestur eftir leikinn á
blaðamannafundi en kom þar ekki
einu sinni inn á eigin sök.
Engum dylst sem með leikjum
Real Madrid hefur fylgst þessa leik-
tíðina að fyrir utan undantekningar-
tilfelli er ekkert flæði og gleði í leik
liðsins. Að sjá leik með Barcelona
annars vegar og Real Madrid hins
vegar er svipað og að horfa á flatskjá
í háskerpu og gamla svarthvíta im-
bann. Bæði tæki virka en munurinn
er himinn og haf og vel það.
Innanbúðarkróníka
Hvað svo sem segja má um Mo-
urinho, þjálfarastíl hans og leik-
aðferðir, er vandamálið að lík-
indum ekki einskorðað við hann.
Blindur maður fær séð að leikmenn
liðsins ná margir ekki vel saman.
Fyrst varð þetta áberandi fyrr í
haust þegar stærsta stjarna liðsins
fékk skyndilegt þunglyndiskast og
vændi liðsfélaga sína og aðdáend-
ur liðsins um of lítinn stuðning. Þá
stigu nokkrir liðsfélagar hans fram
og gáfu í skyn að Cristiano Ron-
aldo væri að leika. Í síðustu viku
birtist svo viðtal við Xabi Alonso,
hinn reynda landsliðsmann Real
Madrid, sem sagði blátt áfram að
hann og Ronaldo væru hreint engir
vinir.
Of margar stjörnur í einu herbergi
Slíkt er ekki alveg nýtt af nálinni.
Ekki er langt síðan liðsfélagar Ron-
aldo hjá Manchester United báru
honum illa söguna og að þar hefði
Portúgalinn heldur ekki verið í
neinu uppáhaldi hjá öðrum leik-
mönnum þess liðs. Sjálfur Wayne
Rooney sagði Ronaldo eyða meiri
tíma fyrir framan spegil en í nokk-
uð annað.
Vinsælir knattspyrnuspekingar
hjá dagblöðunum Marca og AS á
Spáni hafa talað um að Ronaldo hafi
slæm áhrif á lið sitt og enn fremur
bent á að hann sé ekki ómissandi
þrátt fyrir gríðarlega hæfileika.
Með þetta í huga eru þær fregn-
ir að forráðamenn PSG ætli sér að
kaupa Ronaldo og það strax eftir
jólin kannski ekki eins fráleitar. n
Tímabilið
búið á Spáni
n Uppnám í Madrid n Urrandi fýla Mourinho
Albert Örn Eyþórsson
blaðamaður skrifar albert@dv.is
Þjálfari Real Madrid
Þungt yfir Mourinho enda
gengur hvorki né rekur í
spænsku deildinni.
Luke Donald og Rory McIlroy
Norður-Írinn fór tiltölulega létt með
félaga sinn þegar til kom í Dúbaí.
Erfiðasta verkefnið
Harry Redknapp er loks mættur
aftur í enska boltann við stjórn
QPR eftir að Mark Hughes fékk
reisupassann. Redknapp er
enginn nýliði í bransanum og hef-
ur gert magnaða hluti með fjöl-
mörgum félagsliðum en meira að
segja hann sjálfur segir verkefnið
með QPR það erfiðasta sem hann
hafi tekið að sér. Hann getur þó
huggað sig við að staðan verður
ekkert verri. Liðið er neðst í ensku
úrvalsdeildinni með aðeins fjögur
stig eftir þrettán leiki.
Úrslit
Enska úrvalsdeildin
Swansea – Liverpool 0-0
Southampton – Newcastle 2-0
1-0 Lallana (34.), 2-0 Ramirez (60.)
Chelsea – Man City 0-0
Tottenham – West Ham 3-1
1-0 Defoe (44.), 2-0 Bale (58.), 3-0 Defoe (64.), 3-1
Carroll (82.)
Sunderland – WBA 2-4
0-1 Gera (30.), 0-2 Long (44.), 1-2 Gardner (73.), 1-3
Lukaku v. (81.), 2-3 Sessagnon (87.), 2-4 Fortune
(90.)
Everton – Norwich 1-1
1-0 Naismith (12.), 1-1 Bassong (90.)
Man Utd – QPR 3-1
0-1 Mackie (52.), 1-1 Evans (64.), 2-1 Fletcher (68.),
3-1 Hernandez (72.)
Stoke – Fulham 1-0
1-0 Adam (26.)
Wigan – Reading 3-2
0-1 Morrison (35.), 1-1 Gomez (58.), 2-1 Gomez (68.),
2-2 Habsi sjm. (80.) 3-2 Gomez (90.)
Aston Villa – Arsenal 0-0
Staðan
1 Man.Utd. 13 10 0 3 32:18 30
2 Man.City 13 8 5 0 25:10 29
3 WBA 13 8 2 3 23:15 26
4 Chelsea 13 7 4 2 24:13 25
5 Everton 13 5 6 2 23:17 21
6 Arsenal 13 5 5 3 23:13 20
7 Tottenham 13 6 2 5 23:22 20
8 West Ham 13 5 4 4 16:15 19
9 Swansea 13 4 5 4 18:16 17
10 Fulham 13 4 4 5 25:23 16
11 Liverpool 13 3 7 3 17:16 16
12 Stoke 13 3 7 3 11:11 16
13 Norwich 13 3 6 4 10:19 15
14 Newcastle 13 3 5 5 13:19 14
15 Wigan 13 4 2 7 15:23 14
16 Sunderland 12 2 6 4 12:16 12
17 Southampton 13 3 2 8 20:30 11
18 Aston Villa 13 2 4 7 10:22 10
19 Reading 12 1 6 5 16:22 9
20 QPR 13 0 4 9 10:26 4
Spænska úrvalsdeildin
Espanyol – Getafe 0-2
0-1 León (15.), 0-2 Mané (90.)
Betis – Real Madrid 1-0
1-0 Benat (16.)
Malaga – Valencia 4-0
1-0 Portillo (8.), 2-0 Saviola (75.), 3-0 Santa Cruz
(81.), 4-0 Isco (90.)
Valladolid – Granada 1-0
1-0 Manucho (63.)
Rayo – Mallorca 2-0
1-0 Baptistao (87.), 2-0 Delibasic (89.)
Real Sociedad – Osasuna 0-0
Athletic – Deportivo 1-1
1-0 Marcos (24.), 1-1 Aguilar (52.)
Atlético – Sevilla 4-0
1-0 Falcao v. (22.), 2-0 Spahic v. (40.), 3-0 Koke
(44.), 4-0 Miranda (90.)
Staðan
1 Barcelona 12 11 1 0 39:15 34
2 Atl.Madrid 13 11 1 1 29:11 34
3 Real Madrid 13 8 2 3 32:10 26
4 Málaga 13 6 4 3 19:9 22
5 Real Betis 13 7 1 5 20:22 22
6 Levante 12 6 2 4 15:16 20
7 Getafe 13 6 1 6 16:19 19
8 Rayo Vallecano 13 6 1 6 18:29 19
9 R.Valladolid 13 5 3 5 18:14 18
10 Sevilla 13 5 3 5 18:18 18
11 Valencia 13 5 3 5 16:18 18
12 R.Sociedad 13 5 2 6 16:16 17
13 R.Zaragoza 12 5 0 7 15:21 15
14 Ath.Bilbao 13 4 3 6 18:27 15
15 Mallorca 13 3 3 7 13:22 12
16 Celta 12 3 2 7 14:18 11
17 Granada 13 3 2 8 11:20 11
18 Dep. La Coruna 13 2 5 6 19:28 11
19 Osasuna 13 2 4 7 11:15 10
20 Espanyol 13 2 3 8 13:22 9