Dagblaðið Vísir - DV - 26.11.2012, Blaðsíða 22

22 Menning 26. nóvember 2012 Mánudagur
Íslensk hönnun í Hanaholmen
n Íslendingar og Finnar leiða saman hesta sína á skartgripasýningunni Water and Earth
Í
slensk-finnska skartgripasýningin
Water and Earth eða Láð og lög-
ur stendur nú yfir í Hanaholmen
í Helsinki. Skartið á sýningunni
á það allt sameiginlegt að vera nú-
tímaverk sem vísa sterkt í náttúr-
una. Á meðal þess efnis sem íslensku
hönnuðirnir nota í gripina sína eru
skeljar af kræklingum og lifandi
mosi.
Sýningin Láð og lögur leggur
áherslu á skartgripahönnun frá þess-
um tveimur Norðurlöndum sem
leggja mikla áherslu á samband sitt
og tengsl við náttúruna. Þar sem
löndin eiga ýmislegt sameiginlegt,
svo sem strjálbýl svæði og óútreikn-
anleg náttúruöfl sem móta umhverf-
ið og samfélagið eiga listamennirn-
ir ýmislegt sameiginlegt hvað varðar
efnisöflun og notkun hráefna.
Íslensku þátttakendurnir á sýn-
ingunni eru Aurum, Orr, Helga Moges-
son, Hildur Ýr Jónsdóttir og Hafsteinn
Júlíusson en finnsku þátttakendurnir
eru Helena Lehtinen, Sari Liimatta,
Eija Mustonen, Anu Peippo og Anna
Rikkinen og Nelli Tanner. Sýningar-
stjórinn er Päivi Ruutiainen. Er sýn-
ingin samstarfsverk efni Hönnunar-
miðstöðvar Íslands, Íslensk-finnska
menningarsjóðsins, íslenska sendi-
ráðsins í Finnlandi og Hanaholmen
Nordic Cultural Centre. Er sýningin
hluti af World Design Capital Helsinki
2012.
Samkvæmt heimasíðu Hönnunar-
miðstöðvar hefur sýningin vakið mikla
lukku hið ytra og fengið þó nokkra um-
fjöllum í fjölmiðlum þar í landi. Sýn-
ingin verður opin til 23. desember en
hún var opnuð í byrjun nóvember. n
S
tíll, hönnunarkeppni félags-
miðstöðva, fór fram í Hörpu
24. nóvember í tólfta sinn.
Í ár keppti 51 lið frá félags-
miðstöðvum af öllu landinu
en keppt er í hárgreiðslu, förðun og
fatahönnun út frá þema, sem í ár var
framtíðin.
Margmenni fylgdist með keppn-
inni í Hörpu. Jón Gnarr borgarstjóri
mætti á Stíl og fylgdist með keppn-
inni og veitti verðlaun. Í ræðu sinni
nefndi hann meðal annars hversu
stórkostleg sköpun væri í gangi hjá
unglingahópnum og hrósaði hann
þeim fyrir alla vinnuna og glæsilegan
afraksturinn.
Vildu blanda náttúru og tækni
Sigurvegarar keppninnar, þær Ingi-
björg Birta og Valbjörg Rúna, tóku
þátt fyrir hönd félagsmiðstöðvarinn-
ar Rauðagerðis í Vestmannaeyjum.
„Hugmyndin að kjólnum kom út
frá því að við vildum blanda nátt-
úru og tækni saman. Við höldum
að í framtíðinni verði mun minna
til af náttúrunni og það verður oft-
ast þannig að það sem er lítið til af,
það er í tísku, þannig að það verður
lítið af náttúru og hönnuðir munu
hugsa til fortíðar og reyna að hvetja
alla til að hugsa betur um náttúruna.
Þannig að við ákváðum að blanda
þessu svona saman.“ Stelpunum
sagðist hafa gengið mjög vel að vinna
saman í undirbúningnum og að þær
hafi ekki verið mjög stressaðar. Þær
eru mjög ánægðar með afrakstur-
inn og vilja hanna föt í framtíðinni.
„Við getum vel geta hugsað okkur að
halda áfram á sömu braut.“
Freyja, Svava og Stella Dögg tóku
þátt fyrir hönd félagsmiðstöðvar-
innar Hosilór í Borgarfirði. Sögðu
þær hugmyndina hafa þróast með
þeim á meðan þær unnu að kjóln-
um en hann táknar heiminn og tím-
ann sem líður. „Við föttuðum að það
væri engin framtíð án tímans og að
það er hann sem myndar framtíð-
ina.“ Hópurinn vann dag og nótt við
að sauma kjólinn og hanna útlitið og
vakti til fjögur eina nóttina. Stelpurn-
ar voru mjög ánægðar með útkom-
una hjá sér og sögðu að vinnan hefði
verið þess virði.
Félagsmiðstöðin Laugó frá
Reykjavík, Margrét Erla, Helgi Al-
bert, Silja og Ylfa Rún: „Hugmyndina
fengum við eiginlega út frá Back to
the Future-myndunum í bland við
Hungurleikana og svo aðeins í fortíð-
ina bara, og svo mixuðum við þetta
saman.“ Þau sögðu að undirbún-
ingurinn hefði gengið vel og að þetta
hefði verið mjög skemmtilegt. Það
voru nokkrar andvökunætur sein-
ustu dagana fyrir keppni en þau voru
mjög ánægð með útkomuna hjá sér
og fannst gaman að taka þátt.
Vill fleiri stráka í keppnina
Margrét Hrönn Ægisdóttir hefur
skipulagt Stíl frá upphafi. „Það er
ótrúlega skemmtilegt að fylgjast
með því sem unglingunum dettur
í hug, ekki bara með hugmynda-
vinnunni og tengingunni við þemað
heldur líka hvað varðar efnisnotkun
og aukahluti sem eru margir hverjir
mjög óvenjulegir.“ Margrét segir að
keppnin verði sífellt frumlegri. „Ég
er einstaklega ánægð með keppnina
í ár og veit ekki hvernig hægt verður
að toppa hana að ári.“
Í ár voru allavega þrír keppendur
karlkyns, og hafa þeir aldrei verið
fleiri. „Það væri skemmtilegt að sjá
strákana sýna áhuga og taka þátt í
keppni sem þessari,“ segir Margrét.
„Ég vonast til þess að þeim fjölgi
verulega á næstu árum.“ n
Náttúru og tækni
blandað saman
n Rauðagerði frá Vestmannaeyjum sigraði í hönnunarkeppninni Stíl
Aðventuævin-
týri fyrir börn
Leitin að jólunum er árlegt að-
ventuævintýri Þjóðleikhússins og
verður sýnt í aðdraganda jólanna
nú í áttunda sinn. Sýningin hlaut
Grímuverðlaun sem barnasýning
ársins fyrsta árið sem hún var
sýnd og hefur selst upp á leikritið
á nærri allar sýningar síðustu sjö
árin. Tveir skrýtnir náungar taka
á móti börnunum í anddyri leik-
hússins ásamt hljóðfæraleikur-
um og leiða þeir hópinn um húsið
þar sem börnin fá að sjá leikþætti
um jólin þá og nú. Frumsýnt er 26.
nóvember.
Ný bók Rowling
þýdd á íslensku
Nýjasta bók J.K. Rowling, höfund
Harry Potter-bókanna er nú kom-
in út í íslenskri þýðingu. Bókin,
sem nefnist Hlaupið í skarðið, er
þýdd af þeim Arnari Mattíassyni
og Ingunni Snædal og gefin út af
Bjarti bókaforlagi. Hefur bókin nú
þegar selst í yfir milljón eintökum
um heim allan og verið gefin út
á 43 tungumálum. Skáldsagan er
ætluð fullorðnum, er hún hlaðin
svörtum húmor og tekur hún fyrir
stéttaskiptingu, vændi, eiturlyfja-
notkun og fleiri samfélagsmál.
Star Wars
í Eldborg
Sinfóníuhljómsveit Íslands heldur
tvenna Stjörnustríðstónleika í Eld-
borg í Hörpu 28. og 29. nóvember.
John Williams samdi tónlistina
fyrir myndirnar en hann er einn
þekktasti tónsmiður Bandaríkj-
anna. Hefur Williams hlotið til-
nefningar til Óskarsverðlauna
tæplega 50 sinnum og hlotið
Óskarinn fimm sinnum, fyrir tón-
listina úr Star Wars, Schindler‘s
List, E.T., Jaws og Fiddler on the
Roof.
Er þetta í fyrsta sinn sem Sin-
fóníuhljómsveitin heldur sérstaka
Stjörnustríðstónleika en árið 2009
hélt hún tónleika með samansafni
kvikmyndatónlistar Williams og
komust þá færri að en vildu.
Íslensk hönnun Rík áhersla er lögð á tengsl við náttúruna á skartgripasýningunni Water
and Earth í Helsinki í Finnlandi.
Skrautleg hönnun Birta og Valbjörg Rúna tóku þátt fyrir hönd félagsmiðstöðvarinnar í
Vestmannaeyjum. Óhætt er að segja að þær hafi farið ótroðnar slóðir í hönnun sinni.