Dagblaðið Vísir - DV - 11.07.2011, Qupperneq 20
20 | Fókus 11. júlí 2011 Mánudagur
Þýður gangur Reiðmannanna
Þetta er þriðja plata Helga Björns-sonar og Reiðmanna vindanna. Platan heitir Ég vil fara upp í sveit,
sem er meginþema plötunnar. Flótti
nútímamannsins frá daglegu amstri
þar sem hann skilar sinni vinnuviku
en þráir ekkert heitara en að skreppa í
jeppa upp í sveit og ríða til fjalla. Þessi
formúla hefur svínvirkað hjá Helga og
Reiðmönnunum hingað til og hafa þeir
hitt á uppskrift sem selst nærri því bet-
ur en heitu lummurnar á Landsmóti
hestamanna.
Þessari plötu er ekki ætlað það
hlutverk að marka tímamót í íslenskri
plötuútgáfu. Takmark plötunnar hlýtur
að vera að skemmta fólki og viðhalda
vinsældum Helga og hans tryggu Reið-
manna sem eru gífurlegar. Ég hugsa að
platan muni ekki verða til þess að bæt-
ist í aðdáendahóp Helga og Reiðmann-
anna því það er róið á nánast sömu mið
og á fyrri plötum.
Teknir eru fyrir gamlir og góðir
smellir sem hafa heyrst misoft á öld-
um ljósvakans. Platan byrjar á flutningi
Helga á laginu sem Ellý Vilhjálms gerði
svo frægt, Ég vil fara upp í sveit. Þetta
er ekki neitt rosalega flókið lag en engu
að síður þykir íslensku þjóðinni svo
vænt um hana Ellý og bróður hennar
Vilhjálm að það þarf að vanda sig ein-
staklega vel svo fólki verði ekki um og ó.
Helgi kemst þó klakklaust frá þessu og
er lagið ágætt í hans flutningi.
Lagið setur tóninn fyrir plötuna og er
því fylgt eftir með Rhinestone Cowboy,
sem í flutningi Helga verður Einn ég
ríð til fjalla. Helgi er nokkuð lunkinn í
textagerðinni og segir frá manni sem
þráir ekkert heitara en að ríða til fjalla
á milli þess sem hann sinnir sinni níu
til fimm vinnu og skutlar börnunum í
skólann. Best heppnuðu lögin að mínu
mati á plötunni eru Ég skal bíða þín og
Sprettur (Ég berst á fáki fráum).
Maður heyrir ekki þetta svakalega
fína lag, Ég skal bíða þín, svo oft í út-
varpi í dag og finnst mér Helga hrein-
lega takast best upp í því. Lagið fær
mann virkilega til að staldra við og
hlusta aðeins betur og grípur Helgi
mann alveg með flutningnum.
Öll lögin eru afskaplega vel flutt af
Helga og hljómsveit en bæta nú ekki
sérstaklega miklu við upprunalegar út-
gáfur þeirra laga sem flutt eru á plöt-
unni. Helgi hefur nefnilega gert margt
helvíti gott þegar kemur að því að taka
lög eftir aðra. Platan þar sem hann
tók lög eftir Magga Eiríks var mjög vel
heppnuð og svo fannst mér hann eiga
stórleik þegar hann tók Ég fer í nótt á
plötunni Söknuður, sem var gefin út
árið 1998 í minningu söngvarans Vil-
hjálms Vilhjálmssonar.
Ég hugsa að það sé hægt að segja að
þessi plata sé alveg á pari við það sem
Helgi og Reiðmennirnir hafa gert áður
en hún bætir rosalega litlu við það.
Aðdáendur fyrri platna þeirra verða
ekki sviknir og fólk á örugglega eftir að
skemmta sér einstaklega vel áfram á
knapaböllum með Helga í broddi fylk-
ingar.
Strandhögg
hjá Gerði
Kristnýju
Gerður Kristný gerir það gott um
þessar mundir en danska forlagið
Vandkunsten hefur fest sér útgáfurétt-
inn á ljóðabók hennar Blóðhófni og
barnabókinni Garðinum. Báðar eru
virtar verðlaunabækur en Blóðhófnir
hlaut Íslensku bókmenntaverðlaun-
in 2010 og Garðurinn fékk Barna- og
unglingabókaverðlaun Vestnorræna
ráðsins 2010. Garðurinn mun einnig
koma út hjá þýska forlaginu Blooms-
bury á næstunni en gengið var frá
samningum við það á dögunum.
Smásaga Gerðar Kristnýjar, Ísfólk-
ið, verður síðan birt í safnritinu Best
of European Literature sem Dalkey
Arch ive gefur út í Bandaríkjunum.
Um konur í
íslenskri tónlist
Boðið verður upp á íslenska tónlist
í Hörpu í allt sumar. Tónleikarnir
hafa að markmiði að kynna sígilda
íslenska tónlist.
Fluttar verða
perlur íslenskra
sönglaga, radd-
sett þjóðlög,
sálmar og ætt-
jarðarsöngvar og
verður um fimm
mismunandi
tónleikadagskrár
að ræða. Á þriðjudaginn verður
flutt dagskrá um konur og íslenska
tónlist.
Flytjendur koma úr röðum ungs
íslensks tónlistarfólks og hafa margir
þeirra fengið mikið lof fyrir flutn-
ing sinn, bæði innan lands og utan.
Kynningar eru á ensku til að auð-
velda erlendum gestum Hörpu að
kynnast sígildri, íslenskri tónlist.
Fertugs-
afmæli
og söngur
Bjarni Arason syngur trúarlega
söngva Elvis Presley ásamt einvalaliði
söngvara og tónlistarmanna í Guð-
ríðarkirkju í Grafarholti miðvikudag-
inn 13. júlí kl. 20.30. Bjarni verður
fertugur þennan dag og ætlar að
fagna þeim tímamótum með þessum
tónleikum. Á efnisskránni eru frábær
gospellög sem Elvis gerði ódauðleg
á sínum tíma. Lög eins og: Crying in
the chapel, Why me Lord?, How great
thou art, Put your hand in the hand,
Swing down sweet chariot (Gullvagn-
inn), You’ll never walk alone, Bridge
over troubled water, Lead me, guide
me og fjöldi annarra góðra laga sem
prýða gospelsöngbók rokkkóngsins.
Hljómplata
Birgir
Olgeirsson
Ég vil fara upp í sveit
Helgi Björnsson og Reiðmenn vindanna
Útgefandi: Sena
Ú
tvarpsmaðurinn hressi Andri
Freyr Viðarsson, sem hef-
ur verið í miklu stuði á Rás
2 ásamt Guðrúnu Dís Em-
ilsdóttur í þættinum Virk-
ir morgnar, frumsýnir nýjan þátt á
föstudag, Andri á flandri.
Andri verður hvert föstudagskvöld
á sínu flandri hjá RÚV. Í þáttunum
þvælist Andri um landið með bola-
bítnum Tómasi og kynnist landi og
þjóð á sinn eigin einlæga hátt.
Þættirnir eru sagðir vera nokkurs
konar Stiklur nýrra kynslóða en Andri
Freyr fetar að einhverju leyti í fótspor
vinar síns Ómars Ragnarssonar, sem á
hug og hjörtu landsmanna fyrir Stikl-
ur sínar þar sem hann leitaði að því
áhugaverða á ferðalögum sínum um
landið.
Andri Freyr segir ekki margt
líkt með honum sjálfum og Ómari.
„Ómar ferðaðist einn á litlum bíl með
þrífótinn sinn. Ég er hins vegar með
þvílíkt fylgdarlið. Með mér í för voru
tökumaður, ljósmyndari, hljóðmaður
og framleiðandinn, Kristófer Dign-
us og svo auðvitað hundurinn hann
Tómas.“
Svaf með hundinum
Andri Freyr svaf í húsbílnum með
hundinum Tómasi sem hann seg-
ir hafa verið með eindæmum góðan
ferðafélaga. „Ég og Tómas erum orðn-
ir miklir vinir eftir ferðalagið. Ég svaf
með honum í húsbílnum, því ekki gat
hann verið einn. Strákarnir sváfu hins
vegar á sveitabæjum og gistiheimil-
um í grenndinni.“
Tómas er snyrtilegri en Ómar
Andri Freyr ferðaðist eitt sinn um
landið með Ómari Ragnarssyni. Þeir
félagar komust reyndar í fréttirnar
fyrir sóðaskap en bíllinn hans Ómars
þótti slá öll met. „Bruna úr beinum,
beina leið,“ sungu þeir félagar fyr-
ir hverja útsendingu á útvarpspistl-
unum sem þeir tóku saman þegar
þeir ferðuðust um á bílnum. Pistl-
arnir voru sendir út undir heitinu
„Á flandri, Ómar og Andri“. Þættirnir
voru sendir út alla föstudaga síðasta
sumar, en um klukkutímaþátt var að
ræða þar sem þeir félagar tóku púls-
inn á landanum. Ómar Ragnarsson
skrifaði um þáttinn á vefsíðu sína
áður en útsendingar hófust og sagði
þá: „Á milli okkar Andra eru tvær
kynslóðir svo það er líkt og afinn og
strákurinn hafi náð saman í stuðinu.“
Skemmst er frá því að segja að pistl-
arnir slógu í gegn. Draslið í bílnum
hafði engin áhrif á það.
„Tómas er ólíkt snyrtilegri, segir
Andri. Hann gengur vel um. Munur-
inn á Tómasi og Ómari er líka sá að
Ómar talaði linnulaust. Tómas þegir
bara og er alveg sama,“ segir Andri
Freyr og skellir upp úr.
Á langt í land
„Ég veit ekkert, þekki engan og skil
ekkert,“ segir Andri Freyr þegar
hann er spurður um það hvað hon-
um finnist um það að fylgja fordæmi
Ómars Ragnarssonar í Stiklum.
„Ómar Ragnarsson hefur verið
ólíkt þroskaðri og skarpari en ég þeg-
ar hann var 31 árs, ég sé það núna,“
segir Andri. „Svolítið pínlegt hvað ég
á langt í land,“ bætir hann við.
Andri var á ferðalagi frá 14. júní
í nokkrar vikur og ferðaðist um allt
land. Hann segist auðvitað sakna
síns góða ferðafélaga, Tómasar.
Hann haldi hins vegar að Tómas hafi
fengið alveg nóg. „Ég held að honum
langi ekki með mér í næsta ferðalag.“
Fann Gráa lónið
Andri Freyr segist vera kominn með
reglulega ferðabakteríu. „Það er
virkilega gaman að ferðast um land-
ið. Hitta fólk, finna fallega leynistaði
og svo framvegis. Ég hafði líka gam-
an af því að tefla fram íslenskri tónlist
við þáttagerðina. Tónlist spilar stóra
rullu í þáttunum. Hún er sérvalin af
mér.“
Andri Freyr segir heilmargt hafa
komið sér á óvart við ferðalagið. „Til
dæmis það að þurfa að keyra í gegn-
um þriggja kílómetra snjóskafl til að
komast til Vopnafjarðar og það í júní.
Það var með ólíkindum. Þá fannst
mér mannlífið á Bíladögum á Akur-
eyri áhugavert. Hver er meðalgreind-
arvísitalan þar? Ég segi ekki orð meir
um það. En gaman þótti mér síðan
að fara á sveitaball í Svarfaðardal og
finna Gráa lónið rétt við Hafnir. Það
kom á óvart.“
kristjana@dv.is
Tómas og Andri Freyr á flandri
Ferðuðust um landið í húsbílnum Litla Kút.
n Andri Freyr Viðarsson lendir í ævintýrum á flandri sínu um landið n Nýr sjón-
varpsþáttur í loftið á föstudaginn n Hundurinn snyrtilegri en Ómar Ragnarsson
Hundurinn snyrtilegri
en Ómar Ragnarsson
Fundu Gráa lónið Andri
Freyr og bolabíturinn Tómas
slaka á við Gráa lónið.
Félagar á flandri síðasta sumar
Þröngt mega sáttir sitja.
Snyrtilegt og fínt í húsbílnum
Bolabíturinn Tómas og Andri Freyr hafa það
gott í húsbílnum Litla Kút.