Dagblaðið Vísir - DV - 11.07.2011, Qupperneq 24
24 | Sport Umsjón: Tómas Þór Þórðarson tomas@dv.is 11. júlí 2011 Mánudagur
Fallslagur í Laugardal
n Tíunda umferðin í Pepsi-deild
karla klárast með þremur leikjum í
kvöld, mánudag. Leikur kvöldsins er
fallslagur Fram
og Grindavíkur
á Laugardals-
vellinum.
Grindavík tapaði
7-2 fyrir FH í
síðasta leik og
Fram hefur ekki
enn unnið leik.
Hinir leikirnir
eru viðureign Keflavíkur og Víkings
á Nettó-vellinum í Keflavík en þessir
tveir leikir hefjast klukkan 19.15.
Klukkan 20 hefst svo leikur Vals og
Stjörnunnar á Vodafone-vellinum að
Hlíðarenda.
Þrír leikir hjá konunum
n Níunda umferðin í Pepsi-deild
kvenna hefst á þriðjudagskvöld
með þremur leikjum. Nágrannarnir
Breiðablik og
Stjarnan eigast
við á Kópavogs-
velli klukkan
19.15 en jafnan
er mikill hiti
þegar þessi tvö
lið mætast. Þá er
einnig stórleikur
í Eyjum þar sem
nýliðarnir og spútniklið ÍBV tekur
á móti Íslands- og bikarmeisturum
Vals en sá leikur hefst klukkan 18.
Þá fara Fylkiskonur í heimsókn til
Grindavíkur og hefst sá leikur einnig
klukkan 19.15.
Erfitt hjá Leikni
n Heil umferð fer fram í 1. deild
karla á þriðjudagskvöldið þegar
ellefta umferðin verður leikin í heild
sinni. Leiknir,
sem enn á eftir
að vinna leik í
sumar, heldur
upp á Skaga
og mætir þar
liði ÍA sem enn
hefur ekki tapað
leik í deildinni.
Margir aðrir
áhugaverðir leikir eru á dagskránni
en ÍR-ingar taka á móti Ólafs-
víkingum, í Grafarvogi verður boðið
upp á Reykjavíkurslag Fjölnis og
Þróttar, Grótta tekur á móti HK, KA
fer í heimsókn vestur og mætir þar
BÍ/Bolungarvík og þá taka Haukar
á móti Selfyssingum. Skagamenn
tróna á toppi deildarinnar með 28
stig en Selfoss er í öðru með 22 stig.
Neðst eru Leiknir og HK með 4 stig
en hvorugt lið hefur unnið leik.
Molar
S
pánverjinn Fernando Alonso
á Ferrari kom fyrstur í mark
á Silverstone-brautinni í
Bretlandi á sunnudaginn en
þetta var fyrsti sigur kapp-
ans á tímabilinu. Red Bull-mennirn-
ir Sebastian Vettel og Mark Webber
skipuðu svo annað og þriðja sæt-
ið. Vettel komst snemma í forystu í
keppninni og virtist sem svo að hann
ætlaði að vinna enn eina keppnina
með fáheyrðum yfirburðum. Alonso
sótti þó stíft að honum og þegar Red
Bull gerði mistök í þjónustuhléi var
Alonso allt í einu orðinn fremstur og
þeirri stöðu hélt hann með glæsibrag
allt til loka.
Þar sem Lewis Hamilton náði að-
eins fjórða sætinu og Jenson Button
þurfti að draga sig úr keppni vegna
mistaka í þjónustuhléi náði Vettel
að auka forskot sitt í keppni öku-
þóra upp í 80 stig. Það er þó allavega
huggun harmi gegn fyrir aðdáendur
Formúlunnar að í það minnsta virð-
ist Ferrari vera að ná hinum ótrúlega
Red Bull-bíl sem hefur virkað ósigr-
andi hingað til.
Einstakt að keyra hér
„Ég veit ekki hvort ég hafi fengið
þetta gefins en vissulega var ég orð-
inn fremstur eftir mistök Red Bull,“
sagði Fernando Alonso á blaða-
mannafundi eftir keppnina.
„Eftir að ég náði fyrsta sætinu
byrjaði ég að auka forystuna jafnt
og þétt. Lykilatriðið var bara að
gera engin mistök í dag og halda
bílnum á brautinni því grasið var
blautt og þangað vildi maður ekki
fara. Ég var bara rólegur alla keppn-
ina, meira að segja þegar Vettel fór
fram úr mér í byrjun, því ég vissi að
ég fengi aftur tækifæri sem ég síðan
nýtti mér,“ sagði Spánverjinn sem
vann þarna sína 27. keppni á ferl-
inum.
Fyrsta Formúlumótið fór fram á
Silverstone fyrir 61 ári og er keppnin
því mjög sérstök fyrir ökumenn. „Það
er auðvitað stórkostlegt að vinna á
Silverstone. Sagan er svo rík hér. Í
gær fékk ég líka að keyra fyrsta Ferr-
ari-bílinn sem vann Formúlumót en
það var einmitt hér fyrir 60 árum síð-
an. Ég vann keppnina í gær á honum
og svo í dag á nýja Ferrari-bílnum.
Þetta er það magnaða við Ferrari,
ákafinn og ástin fyrir þessari íþrótt
er svo mögnuð. Þetta er ótrúlegt lið,“
sagði sigurreifur Alonso.
Búist við góðu gengi Ferrari
Ekki var rætt meira um neitt um
helgina á Silverstone en reglubreyt-
ingar sem alþjóðaakstursíþrótta-
sambandið, FIA, vildi gera rétt fyr-
ir keppnina á afturvængnum sem
vinnur með loftið er bílarnir vinna úr
og verður til þess að þeir haldast nær
jörðinni. Banna átti að hægt væri að
opna afturvænginn og loka að vild.
Sú reglubreyting hentaði Ferrari
afskaplega vel þar sem bíllinn þeirra
er ekki með slíkan búnað. Aftur á
móti hafa heimsmeistarar Red Bull
notað þennan væng óspart en sam-
þykkti liðið samt að nota hann ekki í
þessari keppni, vitandi það að önnur
lið hefðu þá klárlega forskot.
Gríðarlega mikið umstang og reiði
var á meðal liðanna alla helgina, ekki
síst vegna tímasetningar FIA. Vana-
lega hafa reglur sem settar eru fyrir
tímabilin verið látnar standa og ekki
hægt að breyta þeim fyrr en árið á
eftir. Í ár virðast öll svoleiðis lögmál
vera fokin út í buskann því ekki má
gleyma reglubreytingum í miðjum
keppnum, bæði í Mónakó og í Kan-
ada.
Hörmung hjá heimamönnum
Gríðarlegar endurbætur hafa verið
gerðar á Silverstone-brautinni síð-
astliðin misseri enda höfðu staðar-
haldarar þar lofað að bæta aðstöð-
una til þess að fá áframhaldandi
samning. Kom til greina áður en ráð-
ist var í endurbætur að hætta keppn-
um á fæðingarstað íþróttarinnar.
Nýtt hús hefur verið byggt sem
skartar mögnuðu þaki en það er í
laginu eins og vængur á sprengju-
flugvél. Í seinni heimsstyrjöldinni
var Silverstone flugvöllur breska
flughersins en þar voru geymdar
sprengjuflugvélar.
Því miður fyrir Bretana náðu þeir
engum árangri á heimavelli að þessu
sinni. Lewis Hamilton á McLar-
en endaði í fjórða sæti en hann hóf
keppnina tíundi og keyrði ótrúlega
vel. Það dugði þó ekki til. Hinir Bret-
arnir, Paul di Resta á Force India og
Jenson Button á McLaren, lentu þó
verr í því.
Viðgerðarmenn Force India
gleymdu að koma með rétt dekk
fyrir di Resta í einu viðgerðar-
hléinu en á þeim tíma var nýliðinn
í sjöunda sæti. Hann endaði fimm-
tándi. Þegar lítið var eftir af keppn-
inni var Button svo hleypt af stað úr
þjónustuhléi áður en var búið að
festa hægra framdekkið. Hann gat
keyrt á því út af þjónustusvæðinu
en stoppaði þar og þurfti að draga
sig úr keppni.
Vettel passar sig á Ferrari
„Á sumum stöðum í brautinni átti
ég möguleika á að ná Alonso en
það bara gekk ekki. Eftir það fór ég
inn á þjónustusvæðið og þar var ég
of lengi. Keppnin var samt góð. Ég
byrjaði vel, náði góðu forskoti en við
vorum of lengi á sömu dekkjunum
og sóttum sigurinn ekki nægilega
hart. Við gerðum of mikið af litlum
mistökum þannig að það má alveg
segja að Ferrari hafi unnið okkur
heiðarlega,“ sagði heimsmeistar-
inn Sebastian Vettel á blaðamanna-
fundi eftir keppnina en hann horfir
nú á Ferrari sem sinn helsta keppi-
naut.
„Það hefur verið að gerast að
undanförnu að Ferrari hefur verið
að bæta sig. Alonso hefur átt góða
sunnudaga þannig við þurfum klár-
lega að passa okkur. Fyrst og fremst
þurfum við samt að horfa í eigin
barm og reyna að halda þessu for-
skoti sem við höfum verið með,“
sagði Sebastian Vettel.
Vonbrigði Bretanna
n Fernando Alonso vann fyrsta sigur sinn á árinu á Silverstone n Tómt vesen á heima-
mönnum sem komust ekki á verðlaunapall n Sigur Alonsos jók forystu Vettels á toppnum
Formúla 1
Silverstone-kappaksturinn
Nafn Lið Tími
1. Alonso Ferrari 1:28:41.196
2. Vettel RBR-Renault +16.5 sek.
3. Webber RBR-Renault +16.9 sek.
4. Hamilton McLaren-Mercedes +28.9 sek.
5. Massa Ferrari +29.0 sek.
6. Rosberg Mercedes +60.6 sek.
7. Perez Sauber-Ferrari +65.5 sek.
8. Heidfeld Renault +75.5 sek.
9. Schumacher Mercedes +77.9 sek.
10. Alguersuari STR-Ferrari +79.1 sek.
Staðan í stigakeppni ökumanna
Nafn Lið Stig
1. Sebastian Vettel Red Bull 204
2. Mark Webber Red Bull 124
3. Fernando Alonso Ferrari 112
4. Jenson Button McLaren 109
5. Lewis Hamilton McLaren 109
6. Felipe Massa Ferrari 52
7. Nico Rosberg Mercedes 40
8. Nick Heidfeld Renault 34
9. Vitaly Petrov Renault 31
10. Michael Schumacher Mercedes 28
Staðan í stigakeppni bílasmiða
Lið Stig
1. Red Bull 328
2. McLaren 218
3. Ferrari 164
4. Mercedes 68
5. Renault 65
6. Sauber 33
7. Toro Rosso 17
8. Force India 12
9. Williams 4
10. Lotus 0
Úrslit
Tómas Þór Þórðarson
blaðamaður skrifar tomas@dv.is
„Ég var bara ró-
legur alla keppn-
ina, meira að segja þegar
Vettel fór fram úr mér í
byrjun, því ég vissi að ég
fengi aftur tækifæri sem
ég síðan nýtti mér.
Fernando Alonso
Fyrsti sigurinn í ár Alonso fagnaði vel á Silverstone. MyNd rEuTErS
Glæsilegt mannvirki Nýja
húsið á Silverstone er tilvísun í
söguna, en sprengjuvélar voru
þar í seinni heimsstyrjöldinni.
MyNd rEuTErS