Dagblaðið Vísir - DV - 21.09.2011, Síða 10

R
áðgjafinn Jóhanna Magnús­
dóttir hefur birt ferilskrá
sína á heimasíðu sinni í
kjölfar þess að DV greindi
frá því á sunnudag að hún
íhugaði forsetaframboð á næsta ári.
Margir spurðu hins vegar: Hver er
þessi Jóhanna? Sjálf viðurkennir
hún fúslega að vera ekki þekkt kona
í samfélaginu og skiljanlega hafi því
vaknað spurningar meðal almenn­
ings í athugasemdakerfi DV.is vegna
fréttarinnar. Til að bregðast við þessu
hefur Jóhanna birt ferilskrá sína á
vefnum til að svara þessari spurn­
ingu og jafnvel því háði sem hún hef­
ur orðið fyrir.
Fréttin var sprengja
Jóhanna segir í færslu sinni að hún
þurfi að biðja fjölskyldu sína afsök­
unar á að hafa ekki undirbúið hana
almennilega fyrir þá „sprengju“
sem fréttin um helgina var. „Ég veit
að mínir nánustu, fjölskylda og vin­
ir, taka það nærri sér þegar fólk er
að hæðast að þessu framboði, en ég
sjálf hef breitt bak og veit fyrir hvað
ég stend,“ segir Jóhanna sem kveðst
lengi hafa gælt við þá hugmynd að
fara í forsetaframboð. Jóhanna seg­
ir fullt af fólki hafa hvatt sig áfram
og sagt fallega hluti. Niðurbrjótandi
ummæli leiði hún hjá sér.
„Auðvitað bregður fólki þegar
einhver kona úti í bæ er kynnt til sög­
unnar, kona sem er ekki „celeb rity“
og fólk þekkir hvorki haus né sporð
á! Alls konar spurningar hafa vaknað
hjá fólki, bæði því sem skrifar at­
hugasemdir og eflaust því sem heima
situr.“
Ekki systir Ástþórs
Meðal spurninga sem kastað hefur
verið fram í háði í athugasemdakerfi
DV er hvort Jóhanna sé systir Ást­
þórs Magnússonar sem líkt og flest­
ir vita hefur boðið sig fram til forseta
áður. „Nei, ég er ekki systir Ástþórs,
það eru mörg Magnúsbörn á Íslandi,“
svarar forsetaframbjóðandinn til­
vonandi á vef sínum, naflaskodun.
blog.is.
Eva Hauksdóttir, sem oft er köll­
uð norn, spyr hvar Jóhanna standi
í pólitík. Sjálf segist hún ekki tengd
neinu stjórnmálaafli. Hún hafi kosið
Hreyfinguna í síðustu kosningum og
eitt sinn næstum orðið þátttakandi í
nýju stjórnmálaafli, Miðflokknum,
en vegna anna hafi hún ekki getað
haldið áfram í því verkefni. Eins og
sjá má á meðfylgjandi ferilskrá, sem
DV birtir að hluta, er Jóhanna afar
nákvæm og veitir allar helstu upp­
lýsingar um sjálfa sig. Þar kemur
fram að hún er með embættispróf
í guðfræði frá Háskóla Íslands og
kennsluréttindi frá Kennaraháskóla
Íslands. Þá hefur hún meðal annars
verið aðstoðarskólastjóri Mennta­
skólans Hraðbrautar og nú síðast
unnið sem ráðgjafi hjá Lausninni,
grasrótarsamtökum um bætt mann­
leg samskipti. Jóhanna býr ein, á þrjú
uppkomin börn og þrjú barnabörn.
Lífsgildi hennar eru víðsýni, hófsemi
og jafnrétti.
10 | Fréttir 21. september 2011 Miðvikudagur
Eldgos af svipaðri stærðargráðu og
þess sem varð árið 1783 í Lakagíg­
um, oftast nefnt Skaftáreldar, gæti
valdið því að eitraðar lofttegundir
bærust í suðvestur átt yfir Evrópu og
valdið dauða tugþúsunda manna í
álfunni. Það gæti enn fremur valdið
miklum skaða hvað varðar flugum­
ferð, alþjóðaviðskipti og atvinnulíf
í Evrópu, fyrir utan framleiðslu og
innflutning á matvælum sem gæti
orðið fyrir miklum skakkaföllum.
Ef flugumferð stöðvast í lengri tíma
stöðvast einnig milliríkjaviðskipti á
matvælum. Þetta er meðal niður­
staðna rannsóknar sem greint er frá í
vísindavefritinu Science Now.
Öskufall í gosinu í Lakagígum
árið 1783 var lítið. Hins vegar steig
mikið magn af brennisteinsdíoxíði
til himins; svo mikið magn að það
jafnast á við allt það magn sem fer út
í andrúmsloftið frá iðnaði á heilu ári
nú til dags.
Anja Schmidt, loftslagssérfræð­
ingur við háskólann í Leeds á Bret­
landi, hefur unnið að rannsókn á
afleiðingum slíks eldgoss í dag. Hún,
ásamt samstarfsfólki sínu, hefur gert
tölvulíkan til að meta áhrif slíkra
eldgosa á Evrópu og meðal þeirra
áhrifa sem tekið mið er af er veður­
far og heilsufar.
Samkvæmt niðurstöðum þeirra
myndi mengunin í loftrýminu
aukast um 120 prósent á fyrstu
þremur mánuðunum. Ástandið yrði
verst á Íslandi og í norðvesturhluta
Evrópu. 
Á fyrsta árinu eftir að gos hæfist
gætu allt að 142 þúsund manns látið
lífið úr hjarta­ og lungnasjúkdóm­
um í álfunni. Það eru helmingi fleiri
en þeir sem deyja árlega úr flensu í
Evrópu.
Bandarískir vísindamenn, þar
á meðal Brian Toon hjá háskólan­
um í Colorado, segja að hægt sé að
treysta útreikningum vísindamann­
anna við Leeds­háskóla. Hann segir
að ekki sé alls ólíklegt að stórt gos,
sem yrði þá margfalt stærra en gosið
í Eyjafjallajökli, gæti valdið slíkum
áhrifum á Evrópu. Hann segir slíkt
gos geta haft alvarleg áhrif á íbúa
Evrópu, enda þyrftu þeir sem eru
með viðkvæm öndunarfæri að halda
sig innandyra til að verjast brenni­
steinsdíoxíðinu.
Í Móðuharðindunum sem fylgdu
Skaftáreldum létust allt að tíu þús­
und Íslendingar, eða fimmtungur
íbúa landsins. Þá er einnig talið að
allt að þrír fjórðu hlutar búfjár hafi
drepist. Sagnfræðileg gögn benda
einnig til þess að dánartíðni á Eng­
landi hafi aukist töluvert, um allt að
20 prósent. Í Hollandi, Svíþjóð og á
Ítalíu kvörtuðu menn yfir öndunar­
erfiðleikum og slæmu skyggni og
ekki er hægt að útiloka að margir
hafi látist vegna brennisteinsdíox­
íðsins.
140 þúsund
gætu látist
Afleiðingar annarra Skaftárelda:
Ætlar að leggja
Ólaf Ragnar
Sigurður Mikael Jónsson
blaðamaður skrifar mikael@dv.is
n Jóhanna íhugar forsetaframboð n Svarar háði og niðrandi ummælum
með því að segja frá sjálfri sér n Birti ítarlega ferilskrá á vefsíðu sinni
Menntun
2006–2007 Kennaraháskóli Íslands: Nám
til kennsluréttinda. Einkunn: I. 8,37
1998–2003 Háskóli Íslands, guð-
fræðideild: Embættispróf í guðfræði (auk
starfsþjálfunar). Einkunn: I. 7,42
Kjörsviðsritgerð: Betra ljós? Hvíldar-
dagurinn í Gamla testamentinu og upphaf
sögulegra biblíurannsókna á Íslandi.
Störf
2011 Lausnin, grasrótarsamtök um bætt
mannleg samskipti, ráðgjafarhlutverk.
2011 Reykjavíkurborg: Vann við sam-
starfsverkefnið Vesturbæjarvinir á
vegum þjónustumiðstöðvar Vesturbæjar
og Hagaskóla. Sinnti þar hópi fimmtán
ára nemenda, veitti þeim hvatningu og
stuðning í námi. Markmið verkefnisins var
forvörn gegn brottfalli úr framhaldsskóla.
Var önnur af tveimur Vesturbæjarvinum,
en samstarfsmaður hennar var Elvar Geir
Sævarsson, sem er í hljómsveitinni Hellvar.
2010 Atvinnulaus frá september til
desember. Það var mikil lífsreynsla og skóli
fyrir mig að vera atvinnulaus og áttaði ég
mig á því hversu mikil hætta er á að missa
dampinn, það hvatti mig þó áfram til að
leita leiða, horfa í eigin barm, spyrja mig
hvað ég gæti gert sjálf, en ekki hvað aðrir
gætu gert fyrir mig.
2005–2010 Menntaskólinn Hraðbraut,
aðstoðarskólastjóri.
Starfið fólst meðal annars í stjórnun,
daglegum rekstri, umsjón með innra
neti skólans, uppsetningu námskeiða og
gagna, viðtölum og utanumhaldi um nem-
endur og kennara. Einnig kenndi ég félags-
fræði og tjáningu. Hélt utan um hönnun og
uppsetningu á bæklingi skólans.
2004–2005 Menntaskólinn Hraðbraut,
yfirseta og skólaritari.
Starfið var tvískipt, annars vegar yfirseta
og umsjón með bekk tvo daga í viku, hins
vegar almenn ritarastörf og símvarsla.
2004 B. Magnússon, fatasölukona
Seldi kvenfatnað á kvöldin í heimahúsum,
fór á ýmis námskeið þessu tengd.
2003–2004 Steinsmiðjan S. Helgason,
sölustjóri legsteina.
Hafði yfirumsjón með sölu legsteina og
ferlinu þar til steinninn var kominn á leiðið.
Reikningagerð og pöntun á fylgihlutum
frá birgjum erlendis. Hannaði einnig
auglýsingabækling og auglýsingar.
2003 Hjúkrunarheimilið Eir, aðhlynning.
Starfið fólst í aðhlynningu aldraðra,
andlegri og líkamlegri.
2002–2003 Víðistaðakirkja, leiðtogi í
kirkjustarfi og námskeiðahald.
Starf með námi í guðfræði, hafði umsjón
með barnaguðþjónustum og réði mér
aðstoðarfólk. Var einnig með kennslu fyrir
7–9 ára börn einu sinni í viku. Aðstoðaði
einnig við fermingarfræðslu og hélt
námskeið fyrir konur í sjálfsstyrkingu og
hugleiðslu.
1991–1997 Innnes ehf, heildverslun, marg-
hliða starfsmaður.
Í starfinu fólust ýmis ábyrgðarstörf
varðandi fjármál, færsla á vskm. bókhaldi,
útsending reikninga, fjármála- og gjald-
kerastörf, ferðir í banka, sölu- og kynn-
ingarstörf.
Tungumál
Íslenskukunnátta ágæt. Ég tala og skrifa
ensku og dönsku mjög vel, hef einnig lært
þýsku og frönsku en kunnáttan er aðeins
sæmileg. Lærði forngrísku og hebresku í
guðfræðideild.
Áhugamál og félagsstörf
Mannrækt og mannleg samskipti eru mitt
stærsta áhugamál og þar er ég sterkust.
Finnst gaman að setja hugsanir mínar á
blað og hef skrifað smásögur fyrir sjálfa
mig. Held úti bloggi þar sem ég segi mínar
skoðanir á mbl.is og set þar inn ólíkt efni,
þar með talið hugvekjur um félagsleg mál.
Hef einnig prédikað og flutt hugvekjur í
kirkjum og fyrir félagasamtök. Ég les mikið
til dæmis um sjálfsrækt og vinnuanda.
Ég hef áhuga á rækt líkama og sálar og fer
í göngur á jafnsléttu sem á fjöll. Tók meðal
annars upp á því í starfi mínu sem að-
stoðarskólastjóri að fara með nemendur á
fjöll tvisvar á ári, en það var að sjálfsögðu
ekki í starfslýsingu.
Söng í Kirkjukór Hafnarfjarðarkirkju i tvö
ár. Smakka vín í hófi og hef aldrei reykt. Er
almennt mjög hraust
Ég hef lengi haft mikinn áhuga á félags-
málum og skipti mér af þar sem mér finnst
þörf á.
Meðan börnin mín þrjú voru í grunnskóla
(frá 1986–1998) var ég meðal annars:
n í stjórn og formaður Foreldrafélags
Flataskóla.
n í stjórn Foreldrafélags Garðaskóla.
n formaður og stofnandi Foreldrafélags
Skólakórs Garðabæjar.
n í stjórn Foreldrafélags Skíðadeildar
Breiðabliks.
n í launaðri nefnd á vegum Garðabæjar
um einsetningu grunnskóla.
Ég stofnaði Starfsmannafélag Innes ehf
um 1993 og stýrði starfsmannafundum.
Í guðfræðideild:
2000 Fulltrúi nemenda í námsnefnd og á
deildarfundum.
2000–2003 Stjórn félags guðfræðinema.
2003–2005 Stofnfélagi og í stjórn Félags
guðfræðinga.
Fjölskylduhagir
Ég bý ein, á þrjú uppkomin börn og þrjú
barnabörn.
Lífsgildi
Heiðarleiki, víðsýni, hófsemi, jafnrétti.
Ferilskrá: Jóhanna Magnúsdóttir
„Nei, ég er ekki systir Ástþórs,
það eru mörg Magnús-
börn á Íslandi
Svarar gagnrýni Jóhanna Magnúsdóttir
hefur birt ítarlega ferilskrá til að svara háð
i og
gagnrýnisröddum eftir að DV upplýsti að h
ún
væri að íhuga forsetaframboð.