Dagblaðið Vísir - DV - 26.09.2011, Page 4

4 | Fréttir 26. september 2011 Mánudagur
E
ru ekki allir eitthvað bilaðir?“
spyr Ólafur Bertelsson, rúm-
lega sjötugur fyrrverandi sjó-
maður, sem hefur verið met-
inn sakhæfur af geðlækni.
Ólafur er ákærður fyrir að hafa ver-
ið allsnakinn á svölum íbúðar sinn-
ar og fyrir framan óbyrgðan glugga
íbúðar sinnar í Trönuhjalla við litla
hrifningu einhverra nágranna sinna.
Við fyrirtöku málsins í Héraðsdómi
Reykjaness á miðvikudag var lagt
fram mat geðlæknis sem úrskurðaði
að Ólafur væri sakhæfur þrátt fyrir
áhyggjur dómara málsins hvað það
varðaði. Ólafur var ekki par hrifinn
af geðmatinu sem hann var látinn
gangast undir.
Sendur í geðmat
Dómari málsins hafði óskað eftir
geðmati þegar aðalmeðferð máls-
ins átti að hefjast í apríl síðastliðn-
um. Fram kom í máli dómara þá
að Ólafur hefði í aðdraganda aðal-
meðferðar málsins ítrekað ónáðað
dómarann með símhringingum.
Þá greip hann fram í fyrir dómar-
anum og lögmönnum fyrir dómi
og mátti heyra hann muldra tals-
vert og ræskja sig. Dómari frestaði
aðalmeðferð málsins þar til Ólafur
hefði gengist undir geðmat.
Við fyrirtöku málsins á miðviku-
dag var lagt fram mat geðlæknis á
sakhæfi hans og komst hann að
þeirri niðurstöðu að Ólafur væri
sakhæfur. Ólafur veltir fyrir sér í
samhengi hlutanna hvort það sé
honum í hag að vera ekki álitinn
„klikkaður“, eins og hann orðar
það. Hann hafði ekki heyrt af þess-
ari niðurstöðu þegar DV hafði sam-
band við hann á föstudag. Hann
segir hins vegar geðmatið hafa ver-
ið niðurlægjandi upplifun að ganga
í gegnum.
Niðurlægjandi
„Ég hefði kannski ekki átt að mæta
hjá þessum manni. Ég hef aldrei
lent í öðru eins rugli. Það mátti
halda að þetta væri fyrir barn sem
er nýbyrjað að tala. Spyrja mig í
hvaða borg við séum. Það var ein
spurningin. Hvað hét amma þín
var önnur, hvað var hún gömul
þegar hún lést? Þetta er bara fífla-
háttur, svona spurningar. Ef þetta
er svona almennt þá lýst mér ekki
á það,“ segir Ólafur sem stóðst geð-
matið að því er fram kom í héraðs-
dómi í síðustu viku.
Tittlingaskítur
Hvað ákæruna varðar viðurkenn-
ir Ólafur fúslega að hann hafi farið
út á svalir og sofnað í stólnum þar
nakinn. „En ég kalla þetta tittlinga-
skít og ekkert annað. Ég er ekkert
að neita þessu því þetta er sann-
leikurinn en aldrei færi ég að kæra
nokkurn mann ef ég sæi hann ber-
an úti á svölum. Ef þú ferð í sund,
ertu þá í sturtu í fötunum?“
Hvað ásakanir um líflátshótanir
vísar Ólafur þeim alfarið á bug. „Ég
hef ekki verið með neinar hótanir
eða nektarsýningar fyrir almenn-
ing. Ég hef ekki gert þessu fólki
neitt. Ekki nokkrum manni.“
„Hef aldrei lent
í öðru eins rugli“
n Nakti sjómaðurinn á svölunum metinn sakhæfur n Segir geðmatið
hafa verið niðurlægjandi n Segist ekki hafa gert nokkrum manni neitt„Ég hef ekki verið
með neinar hótanir.Sigurður Mikael Jónsson
blaðamaður skrifar mikael@dv.is
Nakinn á svölunum
Ólafur viðurkennir að hafa
sofnað nakinn á svölunum
heima hjá sér en skilur ekki
í nokkrum manni að kæra
slíkt. MyNd RóbeRT ReyNiSSoN
Ættingjar lögreglumanna hafa margir
hverjir lýst yfir reiði sinni í kjölfar
niðurstöðu gerðardóms um kjör lög-
reglumanna og sýna nú lögreglu-
mönnum stuðning sinn með því að
lýsa aðstæðum þeirra og biðja um
skilning og úrbætur. Meðal þeirra er
Harpa Rut Heiðarsdóttir, dóttir Heið-
ars Bjarndal, varðstjóra á Selfossi.
„Ég er dóttir lögreglumanns og tek
nærri mér hversu illa fór í kjaravið-
ræðum. Þeir hafa setið lengi á hakan-
um. Nú er komið nóg af því. Það eru
þeir sem eru grýttir og niðurlægðir
fyrir utan Alþingi og til viðbótar eru
þeir einnig niðurlægðir af ríkisvald-
inu,“ segir Harpa Rut í samtali við
DV. Hún birti Facebook-færslu um
helgina sem vakti víðtæka athygli og
var svohljóðandi:
„Ég er dóttir lögreglumanns og
miðað við hvað ég veit, hef heyrt og
séð hvað pabbi minn hefur þurft að
ganga í gegnum í sínu starfi síðustu
35 ár þá finnst mér að hann eigi hafa
hærri laun en allir!
Sem betur fer er til fólk, karlar og
konur, sem leggja þetta starf á sig fyrir
okkur og lætur ýmislegt yfir sig ganga
fyrir laun sem eru ekki sanngjörn.
Ég elska ekki að sjá pabba minn
grýttan, úthúðaðan og koma heim
niðurbrotinn eftir erfiðan vinnudag,
vegna þess að hann var að sinna sín-
um skyldum og horfa jafnvel á ljótari
hluti en sjást í bíómyndum.
Pabbi minn, Heiðar Bjarndal, fær
fullan stuðning frá mér og fjölskyldu
sinni, því hann á það skilið! Laun lög-
reglumanna eru ekki sanngjörn!
Auðvitað eiga fleiri stéttir rétt á
launahækkun en núna er kominn
tími til að sinna lögreglumönnunum.
Þeir eru búnir að sitja nógu lengi á
hakanum.“
Harpa Rut er fangavörður og fetar
því að nokkru í fótspor föður síns. Hún
getur hugsað sér að verða lögreglu-
maður einhvern tímann í framtíðinni.
„Það er áhugavert að segja frá því að
sem ófaglærður fangavörður fengi ég
meira en nýútskrifuð lögreglukona
úr skóla. Í dag hef ég fyrst og fremst
áhuga á því að starfa sem fangavörður
en mér finnst áhugavert að verða lög-
reglumaður þótt að ég þekki til að-
stæðna þeirra. Ég ber mikla virðingu
fyrir störfum þeirra.“  kristjana@dv.is
Harpa Rut Heiðarsdóttir er dóttir lögreglumanns:
Lögreglumenn grýttir og niðurlægðir
Lögreglumenn í varðstöðu fyrir utan Alþingi „Það eru þeir sem eru grýttir og
niðurlægðir fyrir utan Alþingi og til viðbótar eru þeir einnig niðurlægðir af ríkisvaldinu,“ segir
Harpa Rut Heiðarsdóttir í samtali við DV.
Lausaganga katta á egilsstöðum:
Fordæmir orð
kattaóvina
Anna Kristine Magnúsdóttir, for-
maður Kattavinafélags Íslands, for-
dæmir orð sem kattaóvinir létu falla
í Fréttablaðinu um helgina í frétt þar
sem greint er frá því að bæjarstjórn
Fljótsdalshéraðs boði átak gegn
meintri kattaplágu sem sögð er geisa
á Egilsstöðum.
Í fréttinni segir að lausaganga
katta á Egilsstöðum sé orðið svo
mikið vandamál að bæjarstjórnin
ætli að grípa til sérstakra mótvæg-
isaðgerða, kettir verði til að mynda
veiddir í gildru.
Anna Kristine, formaður Katta-
vinafélags Íslands, mótmælir harð-
lega öllum fyrirhuguðum aðgerð-
um sveitarstjórnar Egilsstaða gegn
köttum. Segir í tilkynningu frá Önnu
Kristine að þessar aðgerðir stang-
ist á við dýraverndarlög, reglugerð
um gæludýrahald og dýrahald í at-
vinnuskyni og samþykkt um katta-
hald og gærudýrahald annarra dýra
en hunda í Seyðisfjarðarkaupstað,
á Fljótsdalshéraði, í Fjarðabyggð og
Vopnafjarðarhreppi.
Þá furðar Anna sig á orðum bæj-
arfulltrúans Páls Sigvaldasonar um
kattagildrur og bendir á að engar
slíkar gildur hafi verið viðurkenndar
til veiða á villiköttum á Íslandi.
„Kattavinafélagið skorar á sveit-
arstjórn Egilsstaða að fylgja í einu
og öllu gildandi réttarheimildum,
einkum hvað varðar dýravelferð,
varðandi fyrirhugaðar aðgerðir ef sú
ábending á annað borð reynist rétt
sem henni hefur borist um óviðun-
andi ástand í málefnum katta í sveit-
arfélaginu. Jafnframt skorar félagið
á sveitarstjórnina að kynna sér hvort
um raunverulegt vandamál er að
ræða áður en farið er út í aðgerðir.“
Kattahald á Egilsstöðum hefur
um nokkurt skeið verið umdeilt og
ljóst er að nokkrum þar í bæ hugnast
það ekki. Þaðan hafa einnig fréttir
borist af ljótu dýraníði en fyrir ári
var köttur stunginn með eggvopni til
dauða á miskunnarlausan máta.
Anna Kristine segir margar aðrar
leiðir vera til þess að stuðla á friði í
samfélagi þar sem ekki öllum hugn-
ast kattahald. „Fyrst og fremst bið
ég ykkur um að bjarga þeim dýrum
sem þið getið og koma þeim í skjól,“
segir Anna Kristine. kristjana@dv.is
Kærir líkamsárás
til lögreglu
„Ég gekk út og læsti hurðinni. Þá
á heyrði ég fótatak fyrir aftan mig
og snéri mér við og var þá sleginn
í andlitið. Ég veit ekki hvort ég var
kýldur eða laminn með barefli. Þeir
voru alla vega þrír til fjórir talsins,“
segir pítsusendill sem varð fyrir lík-
amsárás fyrir utan vinnustað sinn,
Pizzuna í Núpalind í Kópavogi.
Sendillinn var að ljúka vakt en
árásin átti sér stað við bakdyr staðar-
ins, þar sem er gengið út og læst.
Eftir árásina reyndi sendillinn að
flýja en þá var honum hent í jörðina
og sparkað í hann. Árásarmennirnir
stálu þá lyklum sendilsins og hlupu
í burtu. Það voru lyklar að bíl hans,
vinnustaðnum og að heimahúsum.
Pítsusendillinn hefur kært árásina til
lögreglu.