Dagblaðið Vísir - DV - 05.12.2011, Blaðsíða 4

4 Fréttir 5. desember 2011 Mánudagur
Dýrmæt búslóð ótryggð
n Ríkið greiðir 75 milljónir vegna ónýtar búslóðar
U
tanríkisráðuneytið segir að það
sé stefna ríkissjóðs „að kaupa
ekki aðrar tryggingar en þær
sem lögbundnar eru“ og því
hafi þurft að gefa leyfi fyrir 75 milljóna
króna fjárveitingu í fjáraukalögum
þessa árs til að standa straum af tjóni
sem varð á búslóð starfsmanns ráðu-
neytisins. DV greindi frá því á föstudag
að ríkið þyrfti að borga fyrir tjón á bú-
slóð sem var í gámi sem hafnaði í sjón-
um þegar verið var að flytja gáminn til
landsins.
„Þegar starfsmenn eru sendir til
starfa erlendis flytur utanríkisráðu-
neytið búslóðir starfsmanna á sinn
kostnað og tekur alla ábyrgð á þeim
á meðan flutningurinn stendur yfir,“
segir í svari Péturs Ásgeirssonar, sviðs-
stjóra hjá utanríkisráðuneytinu, við
fyrirspurn DV um gáminn. „Reglur
ráðuneytisins setja skorður við um-
fang slíkra flutninga en takmarkan-
ir eru ekki settar hvað varðar virði
þeirra.“
Pétur segir að matsfyrirtækið
Könnun hf. hafi verið fengið til að meta
tjónið sem starfsmaðurinn varð fyrir
þegar búslóðin í gámnum eyðilagðist.
Þá segir hann einnig að við afgreiðslu
málsins hafi fjármálaráðuneytið og
utanríkisráðuneytið notið aðstoðar
sjálfstætt starfandi lögmanns sem sér-
hæfir sig í bótarétti. Pétur vill þó ekki
svara öllum spurningum blaðamanns
um málið og sagði: „Þar sem um er að
ræða einkamálefni starfsmanns sér
ráðuneytið sér ekki fært að veita frek-
ari upplýsingar um málið.“
Samkvæmt upplýsingum sem DV
aflaði hjá tryggingafélögum er algengt
mat á búslóðum í kringum fimm til
fimmtán milljónir króna. Algjör und-
antekningartilfelli eru að búslóðir séu
metnar á í kringum 75 milljónir eins
og búslóðin sem ríkið hefur gengist
í ábyrgðir fyrir. Líklegasta skýringin
á því að búslóð kosti svo mikið er að
í henni séu dýr málverk og borðbún-
aður. adalsteinn@dv.is
Jólatilboð
Falleg olíumálverk í úrvali
á einstökum verðum
Allt orginal málverk
Búslóðin ónýt Búslóðin dýrmæta
eyðilagðist þegar gámurinn sem hún var í fór
í sjóinn við flutning hingað til lands.
Ólafur Þórðarson
er fallinn frá
Einn ástsælasti tónlistarmaður
þjóðarinnar, Ólafur Þórðarson,
lést á Grensásdeild Landspítala á
sunnudaginn. Sonur Ólafs, Þor-
varður Davíð, veitti honum al-
varlega áverka í árás í nóvember í
fyrra. Fyrir það var hann dæmdur í
14 ára fangelsi. Ólafur komst aldrei
til meðvitundar eftir árásina.
Ólafur Þórðarson fæddist á Ak-
ureyri árið 1949. Hann átti að baki
langan og glæstan feril með hinum
ýmsu hljómsveitum. Frægastur er
hann líklega fyrir að hafa spilað
um árabil með Ríó Tríói en hann
spilaði einnig með hljómsveitum á
borð við Kuran Swing og South Ri-
ver Band, svo dæmi séu tekin.
Þá vann Ólafur sem blaðamað-
ur, ljósmyndari og umbrotsmaður
á Vikublaðinu og Helgarpóstin-
um fyrir utan tónlistina. Hann var
dagskrárgerðarmaður og fram-
leiðslustjóri í tónlistardeild RÚV á
árunum 1982 til 1990 og dagskrár-
stjóri á Aðalstöðinni frá 1990 til
1992. Ólafur rak umboðsfyrirtækið
Þúsund þjalir síðasta áratuginn.
Í viðtali við DV í hitteðfyrra sagði
Ólafur frá því að hann væri með
yfir þúsund listamenn á skrá hjá
sér, allt frá manni í górillubúningi
upp í sinfóníuhljómsveit. Af lista-
mönnunum má nefna Diddú,
Stuðmenn, Milljónamæringana,
Jóhannes eftirhermu og marga
leikara, töframenn og djassmúsík-
anta.
E
igendur Íslenskra aðalverk-
taka greiddu að minnsta kosti
nærri 3,4 milljarða króna í arð
út úr félaginu á næstu þremur
árunum eftir einkavæðingu
fyrirtækisins árið 2003. Þetta kemur
fram í ársreikningum félagsins fyrir
árin 2004 til 2006.
Arðgreiðslurnar runnu til móður-
félagsins Draga ehf. sem nú er orðið
gjaldþrota, líkt og DV greindi frá á
föstudaginn var. Skuldir Draga ehf.
umfram eignir, sem að langmestu
leyti eru við Arion banka, nema
meira en 20 milljörðum króna. Arion
banki yfirtók félagið eftir bankahrun-
ið 2008.
Arðgreiðslubann eftir 2006
Ekki er hins vegar hægt að sjá hvort
eigendur Íslenskra aðalverktaka
greiddu sér þessa fjármuni sem arð
út úr móðurfélaginu þar sem Drög
ehf. skilaði ekki neinum ársreikningi
frá því eftir einkavæðingu fyrirtækis-
ins 2003 og þar til eftir bankahrunið
árið 2008. DV hefur hins vegar heim-
ildir fyrir því að eftir árið 2006, þegar
félagið var orðið verulega skuldsett
við Kaupþing, hafi arðgreiðslurnar
sem fóru út úr verktakafyrirtækinu
ekki getað runnið til eigenda fyrir-
tækisins nema með samþykki bank-
ans þar sem arðgreiðslubann hafi
verið sett á félagið.
Þetta á til dæmis við um árið
2008 þegar dótturfélag Draga ehf.,
Blikastaðir ehf., greiddi 4,2 millj-
arða króna arð til félagsins eftir sölu
á Blikastaðalandinu svokallaða,
150 hektara byggingarlandi í Mos-
fellsbæ, til verktakafyrirtækisins
Eyktar. Þetta var hæsta einstaka arð-
greiðslan út úr samstæðu Íslenskra
aðalverktaka á árunum fyrir hrunið
2008. Í ársreikningi Draga fyrir árið
2009 kemur fram að árið 2008 hafi
félagið tekið við 4,2 milljarða króna
arði frá Blikastöðum ehf. en að þessi
arður hafi ekki verið greiddur út
úr félaginu. Í stað þess var arður-
inn notaður til að grynnka á skuld-
um Draga við Arion banka – lækkun
skulda félagsins nam rúmlega 3,5
milljörðum króna á árinu.
Ekki liggur hins vegar fyrir hvað
varð um þessar 4,3 milljarða arð-
greiðslur sem greiddar voru út úr fé-
laginu á árunum frá einkavæðing-
unni 2003 og til ársins 2006. Engin
gögn liggja fyrir um þetta sem eru
opinber.
Eina ólögmæta einkavæðingin
DV hefur fjallað um einkavæðingu
Íslenskra aðalverktaka undanfarnar
vikur. Mikilvægt atriði í einkavæð-
ingunni var Blikastaðalandið sem
var vanmetið um 3,6 milljarða króna
þegar 40 prósenta hlutur ríkisins í Ís-
lenskum aðalverktökum var seldur
vorið 2003. Eignarhaldsfélagið AV,
sem var í eigu stjórnenda Íslenskra
aðalverktaka, keypti hlutinn á verð-
inu 3,69 þrátt fyrir að legið hafi fyrir
önnur tilboð sem voru hærri, bæði
frá JB Byggingarfélagi og Jarðbor-
unum. Kaupendurnir voru meðal
annars aðilar tengdir Framsóknar-
flokknum.
Í Hæstaréttardómi sem féll um
söluna á hlut ríkisins í verktakafyrir-
tækinu árið 2008 komst dómurinn
að þeirri niðurstöðu að salan á hlut
ríkisins í Íslenskum aðalverktökum
hefði verið ólögmæt þar sem stjórn-
endur verktakafyrirtækisins hefðu
búið yfir innherjaupplýsingum um
raunverulegt verðmæti vanmetinna
eigna félagsins, meðal annars Blika-
staðalandsins. Þar af leiðandi hafi
ekki verið jafnræði með þeim sem
lögðu fram tilboð í hlutinn. Eftir
einkavæðinguna gerði Eignarhalds-
félagið AV „sérstakt endurmat“, eins
og það var kallað, á Blikastaðaland-
inu en samkvæmt því var það 4,5
milljarða króna virði. Svo var landið
selt með miklum hagnaði árið 2008.
Orðrétt segir um ólögmæti söl-
unnar í Hæstaréttardómnum: „Verð-
ur því að fallast á með áfrýjendum
að framkvæmd útboðs stefnda á
nefndum eignarhlut í Íslenskum að-
alverktökum hf. hafi verið ólögmæt.“
Foringinn
Meðal þess sem DV hefur greint frá
að undanförnu er að Halldór Ás-
grímsson, fyrrverandi formaður
Framsóknarflokksins og forsætis-
ráðherra, hafi verið búinn að ákveða
hver fengi að kaupa hlut íslenska rík-
isins í verktakafyrirtækinu áður en
hluturinn var seldur.
DV hefur heimildir fyrir því að
framámaður í Framsóknarflokkn-
um hafi hringt í einn af þeim aðil-
um sem hugðist bjóða í hlutinn eft-
ir að hann var auglýstur til sölu þann
6. mars 2003 og reynt að fá hann til
að sleppa því að bjóða í hlutinn. Orð
framsóknarmannsins voru á þá leið
að hinn áhugasami aðili ætti að láta
það ógert að bjóða í hlutinn. Orðrétt
sagði hann að foringinn væri búinn
að ákveða hver fengi að kaupa þetta.
Með orðinu „foringinn“ var vísað til
Halldórs Ásgrímssonar.
Ekki náðist í Gunnar Sverrisson
eða Karl Þráinsson við vinnslu frétt-
arinnar en þeir voru stjórnarmenn í
Íslenskum aðalverktökum og Drög-
um ehf. eftir einkavæðinguna 2003.
Himinháar arð-
greiðslur úr ÍAV
n Eigendur Íslenskra aðalverktaka greiddu milljarða út úr félaginu
n Eina ólögmæta einkavæðingin n Arðgreiðslubann eftir árið 2006
„Verður því að fall-
ast á með áfrýj-
endum að framkvæmd
útboðs stefnda á nefnd-
um eignarhlut í Íslenskum
aðalverktökum hf. hafi
verið ólögmæt.
Ingi Freyr Vilhjálmsson
fréttastjóri skrifar ingi@dv.is
ÍAV selt Íslenska ríkið seldi hlut sinn í Íslenskum aðalverktökum til Eignarhaldsfélagsins AV í maí 2008. Ráðherrarnir Halldór Ásgrímsson og
Geir H. Haarde sjást hér skrifa undir kaupsamninginn ásamt Ólafi Davíðssyni, formanni einkavæðingarnefndar. Stefán Friðfinnsson, forstjóri
ÍAV, skrifaði undir fyrir hönd kaupenda. Jakob Möller lögmaður sést einnig á myndinni. Mynd SiguRðuR Jökull ÓlAFSSon
Brynja segir sig
úr Vinstri grænum
„[Ég] hef fullkomlega gefist upp
á því að reyna að breyta þeirri
stefnu sem flokksforystan virðist
hafa tekið,“ segir Brynja Halldórs-
dóttir sem skipaði 7. sæti á lista
VG í Reykjavíkurkjördæmi norður
í síðustu Alþingiskosningum. Hún
hefur sagt sig úr flokknum. Brynja
var meðal annars formaður VG
á höfuðborgarsvæðinu 2008 til
2009. Hún rökstyður úrsögn sína í
tilkynningu til flokksins en í niður-
laginu segir: „Er það álit undirrit-
aðrar að VG hefur svikið kjósend-
ur sína ítrekað og samræmist ekki
lengur hugsjónum sínum.“