Dagblaðið Vísir - DV - 27.01.2012, Blaðsíða 14

14 Fréttir 27.–29. janúar 2012 Helgarblað
Bílaverkstæði
Varahlutaverslun
Smurstöð
Dekkjaverkstæði
Bremsur,
spindilkúlur,
stýrisendar,
o.fl., o.fl.
Allar gerðir
bætiefna fyrir
vél, drif
og gírkassa
www.bilaattan.is
Allt á einum stað
S
túlkan sem kærði Egil Einars­
son fyrir kynferðisbrot síð­
astliðinn mánudag er sam­
kvæmt heimildum 23 ára
Reykjavíkurmær sem stundar
nám við háskóla. Hún sakar Egil um
að hafa brotið gegn sér kynferðislega
árið 2004, þegar hún var aðeins fimm­
tán ára. Hann var þá 24 ára og orð­
inn þekktur fyrir skrif sín á kallarnir.
is. Tveimur árum síðar gaf hann út
sitt fyrsta leiðbeiningarit fyrir íslenska
karlmenn varðandi útlit og fram­
komu, Biblíu fallega fólksins.
Þekktust ekkert fyrir
Stúlkan og Egill þekktust ekki áður en
þetta gerðist. Málið er nú í rannsókn
hjá lögreglunni en samkvæmt heim­
ildum DV eru ekki til áverkavottorð
eða annað slíkt. Hins vegar verður lík­
lega hægt að kalla til vitni sem getur
greint frá ástandi stúlkunnar eftir at­
vikið.
Á þessum tíma var nauðgunar­
ákvæði hegningarlaganna annað en
það er í dag, en nauðgunarhugtak­
ið var túlkað þrengra en gert er í nú­
gildandi lögum og tók fyrst og fremst
mið af því hvort ofbeldi eða hótunum
um ofbeldi hefði verið beitt. Þessu var
seinna breytt þannig að hver sá sem
hefur samræði eða önnur kynferðis­
mök við mann með því að beita of­
beldi, hótunum eða annars konar
ólögmætri nauðung gerist sekur um
nauðgun. Það er því óvíst undir hvaða
ákvæði almennra hegningarlaga þetta
meint brot fellur fari svo að gefin verði
út ákæra í málinu.
Almennt er nauðgun þó skilgreind
sem kynferðisofbeldi þar sem sjálfs­
ákvörðunarréttur er virtur að vettugi
og réttur einstaklingsins er brotinn á
bak aftur. Samkvæmt skilgreiningu á
kynfrelsi eiga allir einstaklingar rétt
á því að velja og hafna kynferðislegu
samneyti, hvar sem er, með hverjum
sem er og hvenær sem er.
Segist ekki vita hver hún er
Egill sendi frá sér yfirlýsingu á mið­
vikudag þar sem hann sagðist saklaus
af þessum ásökunum og sagði að ætla
mætti að óvildarmenn hans stæðu að
baki þessum kærum. Í raun sagðist
hann ekki vita hver stúlkan væri. „Eftir
að hafa verið kynnt kæran af lögreglu
er ég engu nær um hver þessi kona
er eða hvert brot mitt er, enda átti sú
atvikalýsing sem mér var kynnt ekk­
ert skylt við nauðgun. Er hún því enn
óskiljanlegri en fyrri kæran.“
Yfirlýsingin var birt í heild sinni á
DV.is en þetta er í annað skiptið sem
Egill er kærður fyrir kynferðisbrot og í
annað skiptið sem hann sendir frá sér
yfirlýsingu vegna þess. Það er óvenju­
legt fyrir menn í þessari stöðu en Egill
hefur ekki viljað tjá sig að öðru leyti
um kærurnar. Sjálfur tók hann það
fram í yfirlýsingunni að hann sendi
hana nauðugur frá sér þar sem sú að­
för sem gerð hefði verið að honum og
kærustunni væri ekki eðlileg.
„Aldrei leið til árangurs“
DV fékk almannatengilinn Björn S.
Lárusson til að rýna í yfirlýsingarn­
ar frá Agli. „Það er vandmeðfarið að
reyna að rétta við orðstír með yfirlýs­
ingum. Það eru almenn orð og gerð­
ir sem geta orðið til þess að við fáum
orðstír til baka. Sannleikurinn er þar
sterkasta vopnið, og reyndar taka al­
mannatenglar sem taka sig alvarlega
ekki að sér svona mál, nema vera
sannfærðir um að skjólstæðingurinn
sé að segja satt og rétt frá. Sönn frá­
sögn af atvikalýsingu þess sem gerðist
er vænlegust til árangurs,“ sagði Björn.
„Þegar Egill (eða sá sem aðstoðar
hann) velur að leika fórnarlamb fjöl­
miðla, opinberrar aðfarar eða óskil­
greindra afla, þá hefur vænisýkin náð
tökum. Menn sjá fjandmenn í öllum
hornum þar sem þeir átta sig ekki á
því hvernig og hvers vegna þeir eru
umfjöllunarefni. Það hefur aldrei ver­
ið leið til árangurs að saka aðra um
hvernig komið er.“
Málið til meðferðar
Í sömu yfirlýsingu sagði Egill einnig
að rannsókn á fyrri kærunni væri lok­
ið og honum hefði verið kynnt rann­
sóknargögn málsins. „Þau staðfesta
svo ekki verður um villst að kæra um
nauðgun á ekki við rök að styðjast og
mun ég því óska eftir með formlegum
hætti að rannsakað verði hvort um
vísvitandi rangar sakargiftir á hendur
mér geti verið að ræða.“
Samkvæmt heimildum DV er
ekkert í gögnum málsins sem gefur
til kynna með eins afgerandi hætti
og Egill gefur til kynna að kæra um
nauðgun eigi ekki við rök að styðj­
ast. Lögreglan vísar málum frá ef hún
metur það sem svo að það sé ekki á
rökum reist eða það þykir ekki grund­
völlur til að halda rannsókn málsins
áfram. Og eins og fyrr segir er málið
nú komið til ríkissaksóknara sem tek­
ur væntanlega ákvörðun fyrir þann
17. febrúar hvort gefin verði út ákæra
í málinu eða ekki.
Hins vegar er ljóst að í rannsóknar­
gögnin má lesa á ýmsa vegu. Það er
ekki óhugsandi að Egill og lögmenn
hans telji sig hafa sterkt mál í hönd­
unum og að stúlkan og lögmaður
hennar séu á sömu skoðun varðandi
sitt mál. Ýmislegt þykir styðja frásögn
stúlkunnar, eins og áverkavottorð og
vitni sem lýsa ástandi hennar eftir at­
vikið.
Það er þó ljóst að þau eru aðeins
þrjú sem vita fyrir víst hvað gerðist
heima hjá Agli umrætt kvöld.
Handrukkanir og fjárkúgun
Í fyrri yfirlýsingu Egils, sem hann
sendi frá sér í byrjun desember, segir
meðal annars: „Það er refsivert að
saka fólk ranglega um lögbrot. Það er
jafnframt refsivert að hafa samband
við handrukkara í þeim tilgangi að
kúga fé út úr fólki. Þær ásakanir sem
á mig hafa verið bornar eru fráleitar
og engar líkur á að þær muni leiða til
opinberrar ákæru. Tilgangurinn með
þessum ásökunum er því augljóslega
ekki að ná fram ákæru heldur ein­
vörðungu að sverta mannorð mitt.“
Ekki hefur tekist að færa sönnur
á að stúlkan hafi sent á hann hand­
rukkara. DV hafði samband við menn
í undirheimunum sem könnuðust
ekki við málið. Lögmaður stúlkunnar
gaf það einnig út á sínum tíma að það
væri af og frá að nokkuð slíkt gæti átt
sér stað á vegum hennar.
Auðmýkt passar ekki ímyndinni
Björn bendir hins vegar á að Egill hafi
ákveðna ímynd í augum þjóðarinnar
„…sem byggist á karlmennsku, styrk
og að sumu leyti hroka. Auðmýkt, sem
stundum er notuð, t.d. að lýsa því sem
gerðist og viðurkenna hluta sakarinn­
ar eins og í þessu tilfelli að hafa boðið
stúlkunni heim og biðjast afsökunar á
því er ekki í samræmi við ímyndina.
Vegna ímyndarinnar verður Agli ekki
trúað ef hann setur sig í þær stellingar
að vera auðmjúkur og iðrast þó ekki
væri nema þess að hafa boðið henni
heim.
Ég hefði ráðlagt honum að koma
fram með sína hlið málsins og draga
ekkert undan og leggja traust sitt á
rannsakendur málsins og eftir atvik­
um þá sem endanlega dæma.“
„Velur að leika
fórnarlamb“
n Almannatengill rýnir í yfirlýsingar Egils
Ingibjörg Dögg Kjartansdóttir
blaðamaður skrifar ingibjorg@dv.is
„Ég hefði ráðlagt
honum að koma
fram með sína hlið máls-
ins og draga ekkert undan.
Sló í gegn
Árið 2004 var
frægðarsól Egils
að rísa en hann var
orðinn þekktur fyrir
skrif sín á kallarnir.
is. Hann gaf síðan
út Biblíu fallega
fólksins fyrir jólin
2006. Eftir það sló
hann í gegn hjá
stórum hópi fólks.