Dagblaðið Vísir - DV - 13.02.2012, Síða 6

6 Fréttir 13. febrúar 2012 Mánudagur
„Gífurlega svekkjandi“
n Sigruðu í símakosningunni með yfirburðum
Þ
etta er gífurlega svekkjandi,“
segir tónlistarmaður Agnar
Birgir Gunnarsson úr hljóm­
sveitinni Bláum Ópal sem
hafnaði í öðru sæti í Söngvakeppi
Sjónvarpsins á laugardagskvöld­
ið með lagið Stattu Upp. „Við erum
samt mjög ánægðir með árangurinn
sem við náðum en það er leiðinlegt
að þjóðin skuli ekki hafa haft sitt í
gegn.“
Greint var frá því í kvöldfréttum
Ríkisútvarpsins að strákarnir hrein­
lega burstuðu símakosningu söngva­
keppninnar og munaði um 700 at­
kvæðum á þeim og sigurlaginu.
Dómnefnd á vegum RÚV vegur hins
vegar jafn mikið og símakosningin
gerir í heild sinni og var það í raun
hún sem réð úrslitum í keppninni.
Hljómsveitina skipa þeir Franz
Ploder Ottósson, Pétur Finnboga­
son, Kristmundur Axel Kristmunds­
son auk Agnars Birgis. Salurinn tók
vel á móti þeim í Hörpu þegar þeir
fluttu lagið og nú liggur ljóst fyrir að
það gerðu áhorfendur heima í stofu
líka.
„Við töluðum saman lauslega
í gær en við ætlum að hittast all­
ur hópurinn seinna í vikunni,“ segir
Agnar Birgir. Strákarnir og höfundar
lagsins, Ingólfur Þórarinsson og Axel
Árnason, fengu að vita af úrslitum
símakosningarinnar í gærkvöldi eft­
ir keppnina. „Það er leiðinlegt að sjö
manna dómnefnd fái að ráða meiru
en 700 manns,“ segir Agnar.
S N Y R T I S T O F A N
Alhliða snyrting
fyrir konur og karla
Dekur á Valentínusardaginn
Hamraborg 10
Sími 554 4414
Tryggvagötu 28
Sími 552 5005
www.snyrtistofa.is
Þ
að er því nauðsynlegt að
neyta StemEnhance til að
viðhalda heilbrigðum lík­
ama og fyrirbyggja hugsan­
lega sjúkdóma, eða jafnvel
að snúa þeim við til heilbrigðis,“ seg­
ir á heimasíðunni stofnfrumur.net
þar sem töflur frá fyrirtækinu Stem­
Tech eru kynntar. Ekki er hægt að
skilja setninguna öðruvísi en að því
sé haldið fram að StemEnhance geti
komið í veg fyrir eða læknað sjúk­
dóma. Á síðunni er einnig fullyrt að
töflurnar auki framleiðslu líkamans
á stofnfrumum um 25 til 30 prósent.
DV leitaði eftir áliti nokkurra lækna
sem allir efuðust um virkni tafln­
anna.
StemEnhance er enn ekki fáan­
legt hér á landi en samkvæmt síð­
unni er hægt að kaupa vöruna í átj­
án ríkjum heims. Fólk er hins vegar
hvatt til að skrá sig á lista hjá þessum
íslensku aðilum til þrýsta á að varan
verði seld á Íslandi. Í þeim tilgangi
er varan kynnt fyrir neytendum sem
einhvers konar töfralyf, án þess þó að
það orð sé nákvæmlega notað. Ein­
hver fjöldi hefur fengið tölvupóst
með kynningum á þessari StemEn­
hance vöru þar sem svipuð kynn­
ingargögn fylgja með. Fullyrt er að
fullorðinsstofnfrumum fjölgi við inn­
töku taflnanna.
Hefur reynslu af vörunum
Agnar Agnarsson er sjálfstæður sölu­
fulltrúi hjá StemTech en hann kynnt­
ist efninu erlendis. Í fyrstu neitaði
hann í samtali við blaðamann að vera
sjálfstæður dreifingaraðili taflnanna
en þegar blaðamaður benti honum
á gögn sem sýndu fram á annað við­
urkenndi hann að dreifa efninu. „Já,
en það er ekki hér á Íslandi, það er
ekki búið að hleypa vörunni hing­
að inn. Við ætluðum að reyna að fá
þetta hingað inn því þetta er spenn­
andi mál,“ segir Agnar sem játaði því
að tengjast vefsíðu þar sem efnið er
kynnt. Agnar segist sjálfur hafa notað
vöruna og að hann hafi fundið mik­
inn mun á sér við það.
„Já, það er það sem þeir segja,“
segir hann aðspurður um fullyrð­
ingar um að stofnfrumur aukist um
allt að 30 prósent við inntöku tafln­
anna. „Þetta eru bláþörungar og það
sem þeir uppgötvuðu fyrir nokkuð
löngu síðan er að efnið sem þetta
er unnið úr gerir það að verkum að
strax á fyrsta klukkutímanum eykur
þetta framleiðslu í beinmergnum
á þessum stofnfrumum og losun
þeirra út í blóðflæðið,“ segir Agnar
og bætir við að það sé „kannski allt­
af þunn lína en þessu er bara hald­
ið á lofti alls staðar þar sem er boðið
upp á þetta“.
Getur verið hættulegt
Landlæknisembættið kannaðist ekki
við StemEnhance töflurnar en emb­
ættinu berst fjöldi ábendinga um hin
ýmsu lyf og töflur. Starfsmaður Lyfja­
stofnunar sem DV ræddi við vildi
ekki svara fyrirspurn blaðamanns
öðruvísi en skriflega en sagði þó að
þrátt fyrir að fræðilega væri hægt að
auka stofnfrumur mikið væri ekki
hægt að fullyrða að það kæmi í veg
fyrir sjúkdóma. Enn hefur ekki borist
svar við skriflegri fyrirspurn blaðs­
ins. DV leitaði álits nokkurra lækna
um hvaða áhrif það hefur á starfsemi
líkamans að fjölga stofnfrumum jafn
mikið og fólkið á bak við töflurn­
ar lofar. Allir sögðust þeir efast um
virkni taflnanna og bentu á að ef ekki
væri haft eftirlit með stofnfrumu­
meðferðum sem þessum gæti skaði
hlotist af.
Fullorðinsstofnfrumur, eða vefja­
sértækar stofnfrumur, eru ósérhæfð­
ar frumur sem finnast innan um sér­
hæfðar frumur í vef eða líffæri og
meginhlutverk þeirra sé að viðhalda
og gera við vefina sem þær eru í.
Stofnfrumur eru hins vegar flokkaðar
í undirflokka og geta frumurnar að­
eins viðhaldið þeim vefjum sem þær
tilheyra. Það er því erfitt að fullyrða
að það að fjölga stofnfrumum þýði
sjálfkrafa að líkaminn hafi myndað
vörn gegn hinum ýmsu sjúkdómum.
Ef ekki er höfð stjórn á fjölgun stofn­
fruma gæti það hugsanlega leitt til
myndunar annarra sjúkdóma.
Bjóða stofnfrumu-
meðferð í pilluformi
n Segjast auka stofnfrumur um allt að 30 prósent n Læknar efast um virknina„Þessu er bara
haldið á lofti alls
staðar þar sem er boðið
upp á þetta.
Aðalsteinn Kjartansson
blaðamaður skrifar adalsteinn@dv.is
Hefur trú á töflunum Agnar Agnarsson,
sjálfstæður dreifingaraðili StemEnhance,
segist hafa góða reynslu af efninu.
Mynd Fréttablaðið / 365
Meirihlutinn
vill Ólaf áfram
Meirihluti þjóðarinnar vill að
Ólafur Ragnar Grímsson forseti
gefi aftur kost á sér í forsetakosn­
ingum sem fram fara síðar á árinu.
Þetta kemur fram í niðurstöðum
könnunnar sem gerð var fyrir Stöð
2 og Fréttablaðið. Ólafur Ragnar
hefur sjálfur gefið í skyn að hann
ætli sér ekki að fara aftur í fram­
boð en hann er nú að ljúka sínu
fjórða kjörtímabili í embætti for­
seta. Hann hefur þó ekki útilokað
neitt.
Í könnuninni sögðust 54 pró­
sent vilja að Ólafur Ragnar gæfi
aftur kost á sér í embættið en 46
prósent voru þeirrar skoðunar að
forsetinn ætti að draga sig í hlé að
loknu kjörtímabilinu. Lítill munur
er á afstöðu kynjanna en Ólafur
virðist eiga fleiri stuðningsmenn
á landsbyggðinni. Úrtakið í könn­
unni var átta hundruð manns og
voru um níutíu prósent sem tóku
afstöðu til spurningarinnar.
Talsverður munur er á afstöðu
fólks til spurningarinnar eftir því
hvaða stjórnmálaflokk það styður.
Flestir stuðningsmenn þess að
Ólafur bjóði sig aftur fram koma
úr röðum stuðningsmanna Fram­
sóknarflokksins. Af þeim sem
sögðust myndu kjósa flokkinn
voru 63 prósent sem studdu Ólaf.
Aðeins 32 prósent af þeim sem
sögðust styðja Samfylkinguna
sögðust styðja Ólaf til að bjóða sig
aftur fram.
Hundur
í háska
Lögreglan á höfuðborgarsvæðinu
fékk tilkynningu á sunnudags­
morgun um hund sem var fastur
í netadræsum við Ægisgarð. Lög­
regla og tækjabíll frá slökkviliði
fór á vettvang. Búið var að bjarga
hundinum úr netunum og var
hundurinn sem er Border Collie,
svartur/hvítur, frekar þjakaður
en björguninni feginn. Hann var
fluttur á dýraspítalann í Víðidal til
skoðunar og ætlaði læknirinn að
hafa samband við eiganda.
blár Ópal Áttu ekki upp á pallborðið
hjá dómnefndinni þó að þjóðin hafi
viljað senda þá í Eurovision.