Dagblaðið Vísir - DV - 08.05.2013, Blaðsíða 10

„Nú bít ég frá mér“
10 Fréttir 8. maí 2013 Miðvikudagur
É
g var bara orðinn heiladauður,
segir Guðjón Egilsson sem
smitaðist af Lyme-sjúkdómi
eftir að hann var bitinn af
skógarmítli í Danmörku árið
2006. „Ég gat verið vakandi svona
tvo tíma á dag og árið 2010 var ég
orðinn stólfastur.“ Líkt og Guðjón
lýsir dró sjúkdómurinn úr honum
allt þrek á skömmum tíma og hann
varð undirlagður af verkjum. Hann
þjáðist einnig af hjartsláttartruflun-
um, átti erfitt með gang og lamaðist
um tíma. Skordýrabitið gerði Guð-
jón að öryrkja og hann neyddist til
að hætta að vinna.
„Ég átti erfitt með að fara á kló-
settið. Ef mér var mál að pissa þá
náði ég ekki að hugsa að ég þyrfti
að fara á klósettið,“ segir hann til að
undirstrika hve slæmur hann var
orðinn.
Fór að taka náttúrulyfið
kattarkló
Í lok árs 2010 kynntist Guðjón hins
vegar náttúrulyfinu „Cat‘s Claw“,
eða kattarkló, sem hann segir hafa
breytt lífi sínu. Lyfið er ekki fáanlegt
á Íslandi en Guðjón hefur smyglað
því til landsins í rúm tvö ár til að
halda sér gangandi. „Heilinn bara
opnaðist aftur,“ útskýrir hann. „Ég
fékk fyrsta skammtinn í gegnum
grasalækni á Íslandi, hún bjó þetta
til fyrir mig.“ Þrátt fyrir að lyfið hafi
gert kraftaverk fyrir andlegt þrek
Guðjóns þjáist hann enn af miklum
verkjum og þeir eru sérlega slæmir
þegar kalt er í veðri. Þá á hann erfitt
með gang, en það er dagamunur
á honum. Suma daga er hann það
góður að hann getur gengið hátt í
kílómetra, en það gerist ekki oft.
Sérfróður um Lyme-sjúkdóminn
Eftir að Guðjón fór að geta hugsað
skýrt á ný hefur hann einbeitt sér að
því að hjálpa öðrum sem hafa verið
bitnir af skógarmítli til að koma
í veg fyrir að þeir veikist eins og
hann. Guðjón hefur meðal annars
haldið úti Facebook-síðu þar sem
hann birtir allar upplýsingar sem
hann finnur um Lyme-sjúkdóminn.
„Ég les allt sem ég finn um þetta
og kann allt orðið utanbókar. Þetta
er það eina sem ég kann orðið,“
segir Guðjón hlæjandi. Hann segist
vera einn af þeim virkari í heimin-
um í að deila greinum og margir í
svipuðum sporum og hafa sett sig
í samband við hann, bæði til að fá
frekari upplýsingar og til að deila
reynslu sinni.
Síðustu mánuði hefur hann
skipulagt alþjóðleg mótmæli til
að gagnrýna vinnubrögð lækna
við meðhöndlun skógarmítilsbits.
Guðjón segir að mótmælin fari
fram í 38 löndum dagana 10. og 11.
maí næstkomandi. Hér landi verð-
ur mótmælt fyrir utan landlæknis-
embættið 10. maí á milli 11.00 og
14.00.
„Ég er svo sár út í lækna“
Guðjón vill meina að íslenskir
læknar hafi bæði lítinn áhuga og
þekkingu á sjúkdómnum og kenn-
ir hann rangri læknismeðferð um
hve illa fór fyrir honum. Hann segir
lækna hér á landi í fjórgang hafa
sett hann í ranga lyfjameðferð. „Ég
er svo sár út í lækna, hvernig var
farið með mig, en ég á fern mistök
að baki. Ég sótti endalaust í lækna
en þeir höfðu engan áhuga á mér.
Ég er illa bitinn og nú bít ég frá
mér.“
Guðjón fór í fyrstu lyfja-
meðferðina um leið og hann
uppgötvaði bitið þegar hann
kom heim frá Danmörku árið
2006. Hann var strax greindur
með borrelia-sýkingu, sem veld-
ur Lyme-sjúkdómnum, en fékk
rangan skammt af sýklalyfjum, að
eigin sögn.
Gefst ekki upp
Guðjón vill að verkreglum verði
breytt til að koma í veg fyrir að
svona mistök eigi sér stað. Hann
segist vita til þess að um þrjátíu
manns hér á landi séu smitaðir af
borrelia eftir bit skógarmítils. „Ég
veit um fólk sem hefur verið greint
með sjúkdóminn en fær samt
ranga meðferð. Það fá allir sömu
meðferð og ég, allt of væga sýkla-
lyfjameðferð.“ Þessu vill Guðjón
breyta og vonast til að vekja athygli
með mótmælunum.
Aðspurður hvort hann eigi von á
mörgum segist hann vonast til þess
að einhverjir sjái sér fært að mæta.
Hann bendir hins vegar á að ein-
hverjir þeirra sem myndu vilja mót-
mæla komist ekki vegna heilsuleys-
is. Guðjón lætur það þó ekki stoppa
sig og hann ætlar að mótmæla, þó
hann þurfi að gera það einn. „Það
ætla margir að reyna og ég læt búa
til tíu skilti, borða og slatta af bol-
um. Þetta skal vekja athygli. Ég er
búinn að berjast einn í fjögur ár og
ég gefst ekki upp,“ segir Guðjón að
lokum. n
n Guðjón mótmælir vinnubrögðum lækna við meðhöndlun skógarmítilsbits
Sólrún Lilja Ragnarsdóttir
blaðamaður skrifar solrun@dv.is
Gefst ekki upp Guðjón er
búinn að skipuleggja mót-
mæli fyrir utan landlæknis-
embættið. Hann vonast til
þess að vekja athygli þótt
hann mæti einn.
n Bakterían Borrelia burgdorferi veldur
sjúkdómnum borrelíósu, eða Lyme-sjúk-
dómi í mönnum. Bakterían berst í menn
eftir bit skógarmítils.
n Kjöraðstæður skógarmítils eru skógi-
vaxin svæði og dýralífið þar, sem sér
mítlinum fyrir blóði. Á undanförnum
þrjátíu árum hefur Lyme-sjúkdómurinn
breiðst talsvert út og tengist það aukinni
útbreiðslu skóglendis og villtra spendýra
þar ásamt loftslagsbreytingum og aukinni
útivist fólks með meiri frítíma.
Á síðustu árum hefur skógarmítils orðið
vart æ oftar á Íslandi en lifnaðarhættir
hans hér á landi eru þó lítt kannaðir.
n Eftir bit skógarmítils sem leiðir til
sýkingar getur myndast húðroði sem dreifir
sér í hring út frá bitinu, en það getur tekið 3
til 30 daga.
n Fljótlega getur farið að bera á þreytu,
hita, hrolli og höfuðverk ásamt vöðva- og
liðverkjum sem varað geta vikum saman.
Útbreidd sýki verður þegar bakterían dreifir
sér um líkamann og sest að í húð, mið-
taugakerfi, hjarta eða liðum. Þetta getur
gerst vikurnar eftir sýkingu ef ekki er veitt
meðferð. Venjulega gengur þó sýkingin yfir
eftir einhverjar vikur eða mánuði þótt engin
meðferð sé veitt. Fyrir kemur að sýkingin
valdi viðvarandi liðbólgum. Sjaldgæfir
fylgikvillar eru minnisleysi, síþreyta og
hjartsláttartruflanir sem haldast þótt
bakterían hafi verið upprætt.
n Sýklalyf eru gefin við Lyme-sjúkdómi.
Venjulega er gefið doxýsýklín, pensillín, am-
oxisíllín eða cefalósporín í 2 til 4 vikur eftir
alvarleika sjúkdómsins. Ef sýkingin svarar
ekki vel sýklalyfjameðferð þarf stundum að
veita bólgueyðandi lyfjameðferð.
n Á heimasíðu landlæknisembættisins er
tekið fram að grannt sé fylgst með sjúk-
dómum sem skógarmítlar geta borið.
(Upplýsingar af vef landlæknisembættisins)
Lyme-sjúkdómurinn
„Ég sótti
endalaust
í lækna en þeir
höfðu engan
áhuga á mér
Skógarmítill
Skordýrið getur borið
borrelia-bakteríuna
í menn en hún veldur
Lyme-sjúkdómnum.