Dagblaðið Vísir - DV - 08.05.2013, Blaðsíða 14

Sandkorn
F
átt getur komið í veg fyrir að
Krónustjórn Bjarna Benedikts­
sonar og Sigmundar Davíðs
Gunnlaugssonar verði að
veruleika. Margir ala með sér
þá von að með þeirri stjórn verði kom­
ið til móts við heimili landsins og fólki
gert kleift að komast betur af. Og það er
ástæða til að ætla að Sjálfstæðisflokkur
og Framsóknarflokkur muni standa við
stóru kosningaloforðin.
Stærsta mál þeirra félaga verður að
efla hag einstaklinga og vinda ofan af
stjórnlausu bruðli í ríkisrekstrinum.
Ótal mörg tækifæri eru til þess að
taka til hendinni í stofnunum ríkisins
þar sem hver silkihúfan trónir upp af
annarri. Um áratugaskeið hefur spill­
ing grafið um sig hjá hinu opinbera.
Vinstristjórnin ber þar minnsta sök.
Það eru flokkarnir sem voru á und­
an. Stærsta ábyrgð á óráðsíu í ríkis­
rekstrinum ber Sjálfstæðisflokkurinn af
þeirri ástæðu að hann hefur boðað allt
annað. Sem dæmi má nefna Ríkisút­
varpið sem blómstraði við ríkisjötuna
undir stjórn menntamálaráðherra
Sjálfstæðis flokksins. Í stað þess að taka
RÚV af auglýsingamarkaði og marka
stofnunianni takmarkað svið var hlaðið
undir hana á kostnað fjölmiðla á frjáls­
um markaði. Tilgangurinn með því að
efla fjölmiðlarisann var augljóslega
sá að koma flokknum upp valdatæki.
Og þessi hugsun gegnsýrði ríkiskerfið.
Dómarar, flokknum þóknanlegir, voru
skipaðir og dómskerfið þannig eyði­
lagt. Vinir flokksins fengu vinnu.
Siðvæðing Íslands þarf að eiga sér
stað. Bjarni og Sigmundur Davíð hafa
tækifæri til að brjóta upp spillinguna
sem ríkt hefur í íslenskum stjórnmál­
um. Það gerist með því að gera ráðn­
ingu starfsmanna ríkisins faglega en
ekki byggja á annarlegum sjónarmið­
um. Grundvallarhugsunin þarf að vera
byggð á virðingu fyrir fjármunum al­
mennings. Þá er ekki síður tækifæri til
að breyta umræðuhefðinni í íslenskum
stjórnmálum þar sem hnefar hafa
verið á lofti. Sigmundur hefur boðað
breytta tíma með samráði við pólitíska
andstæðinga. Nú er tækifærið til að
skapa stjórnmálunum trúverðugleika
með nýrri hugsun og heilindum. Það
er beinlínis skylda Bjarna að fara að
yfir lýstri stefnu flokks síns og efla hag
einstaklinga og skera niður, sem kostur
er, í ríkisrekstri. Sumt er augljóst en
í öðrum tilvikum þurfa að koma til
kerfisbreytingar og samruni stofnana.
Tækifærin eru óþrjótandi.
Takist þeim félögum að koma skikk
á rekstur ríkisins eru líkur á því að þeim
takist að færa almenningi betri lífskjör
með lækkun skatta og skuldaniður­
fellingum. Jafnframt er augljóst að án
niðurskurðar hjá ríkinu er útilokað að
lækka skatta eins og lofað var. Og þá
hrynja loforðin eins og spilaborg og
fylgi flokkanna fer sömu leið og gerðist
hjá fráfarandi stjórnarflokkum. Næstu
mánuðir verða spennandi. Það verður
fylgst með hverju fótmáli félaganna
sem horfa til Krónustjórnar. Þeir hafa
næstu mánuði til að sanna einlægni
sína til að vinna að hag almennings og
bæta fyrir syndir forveranna.
Fegurð
formannsins
n Sigmundur Davíð Gunn-
laugsson, formaður Fram­
sóknarflokksins, er óðum
að vinna hug og hjörtu
landsmanna eftir stórkost­
legan kosningasigur. Nú er
svo komið að fólk speglar
gjarnan fegurðina í for­
manninum. Tannhvalur,
mjaldur nánar tiltekið, sem
heldur sig á Steingrímsfirði,
varð til þess að heimamað­
ur sagði að hann væri „þétt­
vaxinn, hvítur og sakleysis­
legur, og minni þannig
á formann Framsóknar­
flokksins“.
Hanna Birna velur
n Vangaveltur um hugs­
anlega ráðherra eru nú
einn helsti samkvæmisleik­
urinn. Hjá
Sjálfstæðis­
flokknum
er nokkuð
ljóst að Bjarni
formaður
Benedikts-
son verður
annaðhvort forsætisráð­
herra eða fjármálaráðherra.
Óljóst er hvaða ráðherrastól
Hanna Birna Kristjánsdóttir
tekur en hún á næsta val.
Þriðji ráðherra Sjálfstæðis­
flokksins verður væntan­
lega Illugi Gunnarsson, einn
helsti efnahagssérfræðingur
flokksins, og vopnabróðir
formannsins.
Árni Páll valtur
n Mjög hefur hitnað undir
Árna Páli Árnasyni, formanni
Samfylkingar, eftir stórtap í
nýafstöðn­
um kosn­
ingum. Það
styrkir ekki
stöðu hans
að svo virð­
ist sem lítill
áhugi sé á
að fá Samfylkinguna í ríkis­
stjórn. Menn eru þegar farn­
ir að ræða um mögulegan
arftaka hans. Beinast liggur
við að Katrín Júlíusdóttir vara­
formaður taki við. En menn
staldra einnig við nafn Sigríð-
ar Ingu Ingadóttur sem hefur
það fram yfir Katrínu að hafa
ekki setið í ríkisstjórn.
Andóf í Rituhólum
n Það ríkir seint friður í
kringum baráttujaxlinn Árna
Johnsen sem nú hefur látið
af þing­
mennsku.
Árni hefur
staðið í fjölda
deilumála til
dæmis um
byggingu Þor­
láksbúðar í
Skálholti. Mikið æsingamál er
komið upp í Breiðholti vegna
íbúa Rituhóla sem grisjuðu
skóg í leyfisleysi til að tryggja
útsýni. Árni býr í grennd við
átakasvæðið en er alsaklaus
af andófi að þessu sinni.
Þetta var
erfitt
Smælaði strax
framan í heiminn
Erla Bolladóttir sá verkið Hvörf sem er byggt á Guðmundar- og Geirfinnsmálunum. – DV Hrafn Guðlaugsson eignaðist sitt sjötta barn fyrir skömmu. – DV
Syndir forveranna„Og þá hrynja
loforðin eins
og spilaborg
É
g: Sæll. Maður sér þig ekki á
hverjum degi. Mér sýnist þú hafa
það fínt?
Kunningi: Blessaður. Ég er
fínn.
Ég: Hrunflokkarnir er að komast til
valda. Ertu sáttur?
Kunningi: Æ góði … Ég nenni ekki
að standa í því lengur að finna söku­
dólga. Þetta er svona „blame game“
sem hefur ekki lengur neina þýðingu.
Er ekki verið að draga einhverja
útrásarvíkinga fyrir dóm sem græddu
á daginn og grilluðu á kvöldin? Er ekki
búið að dæma Geir og Baldur og …?
Ég meina, þetta er kannski ekki full­
komið en hver nennir að vera með
harðlífi út af þessu um allan aldur?
Ekki ég. Hér er verk að vinna og ég
þarf að einbeita mér að því að ná
dampi eftir hrunið. Verst með þessi
helvítis gjaldeyrishöft og skuldir rík­
issjóðs. Þetta er hrikalegur dragbítur.
Níutíu milljarða króna vaxtakostnaður
á ári. Við gætum rekið Landspítalann
tvisvar sinnum í heilt ár og átt fyrir
rekstri framhaldsskólanna einnig.
Ég: Hvað með sambandið á milli
gjörða og ábyrgðar? Hverjir græddu og
vörpuðu tapinu yfir á herðar almenn­
ings? Voru það kannski einhverjir
sjallar og frammarar sem nú eru að
fara að taka við stjórn landsins?
Kunningi: Heyrðu. Ert þú einn af
þessum bitru og reiðu mönnum? Þetta
er alveg ferlega þreytt tugga. Hvernig
væri nú að allir væru bara vinir í skóg­
inum. Við breytum ekki fortíðinni.
Svo er þetta allt nýtt fólk á þingi með
hreina samvisku. Þetta virkaði ekki hjá
Jóhönnu og Steingrími og við eigum
að vera sátt um 300 milljarðana.
Ég: Þú sérð að þetta gengur allt í
hringi. Gamla settið er að ná sér á flug.
Hannes Hólmsteinn segir hrunið eng­
um að kenna og að gráðugir banka­
menn séu fínir ef þeir eru bara hafðir
í bandi. Björn Ingi er komin aftur á
skjáinn og Halldór Ásgríms vafalaust
kominn úr útlegð. Karamba! Eru ekki
sérhagsmunagæslumenn komnir að
kjötkötlunum í dulargervi saklausra
silfurskeiðunga? Hreiðra um sig með­
an tvær skýrslur á vegum Alþingis bíða
þess að verða birtar. Önnur um Íbúða­
lánasjóð og hin um fall sparisjóðanna?
Þær snerta nú aldeilis einhverja gæð­
inga og aðstöðubraskara ekki satt?
Eiga þeir enga ábyrgð að bera? Segðu
mér, ef allir eiga að vera vinir í skógin­
um verður þá um leið bannað að ræða
íslenska klíkuþjóðfélagið og spillingu?
Kunningi: Heyrðu ég nenni þessu
ekki. Ég hef fundið hvernig verð­
tryggðar skuldir mínar hækka þegar
krónan fellur eins og steinn. Ég finn
líka hvernig kaupmátturinn fer til
helvítis þegar krónan fellur. Sigmund­
ur Davíð og Frosti ætla að laga þetta
og rétta mér tékka eftir nokkra mánuði
og það dugar mér. Bjarni ætlar að
hjálpa til fyrir ekki neitt.
Ég: Nei, ekki alveg. Einar K. og
Bjarni ætla að afnema veiðigjaldið
sem nú er notað til stuðnings nýsköp­
un í atvinnulífinu og gangagerðar til
Norðfjarðar. Sjaldan hefur verið háð
jafn blóðug barátta í þágu almenn­
ings og þegar veiðigjaldinu var komið
á. Ert þú einn af þeim sem heldur að
Steingrímur J. beri ábyrgð á hruninu
og tómum buddum?
Kunningi: Ha, nei, nei … En
bíddu, hver á að borga göngin til
Norðfjarðar?
Ég: Peningarnir sem Sigmundur
Davíð og Bjarni ætla að taka af erlend­
um hrægömmum verða ekki notaðir
í þetta. Þeir eiga að renna til heim­
ilanna. Ég spái því að þegar búið er
að létta sköttum af útgerðinni og ríka
fólkinu verði hinir efnaminni látnir
borga, já heimilin almennt.
Kunningi: Ríkisstjórnin hefur verið
alveg hamslaus í þessum skattamál­
um. Sjáðu tryggingagjaldið. Og svo
átti að hækka vaskinn á hótelin bara
sísona … Annars er ég orðinn leiður
á þessari átakapólitík ykkar. Við verð­
um að gefa Sigmundi Davíð og Bjarna
séns jafnvel þótt þeir séu einhverjir
forréttindagaurar.
Ég: Verða allir vinir í skóginum eft­
ir nokkra mánuði ef tékkinn kemur
ekki frá Sigmundi? Má þá aftur hefja
upp gagnrýnisraust?
Kunningi: Tja … Blessaður, við
sjáumst.
Átökin á götuhorninu
Útgáfufélag: DV ehf. Stjórnarformaður: Ólafur M. Magnússon Ritstjóri: Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is) Umsjón helgarblaðs: Ingibjörg
Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri og vefstjóri DV.is: Jón Trausti Reynisson (jontrausti@dv.is)
Sölu- og markaðsstjóri: Heiða B. Heiðarsdóttir (heida@dv.is) Umbrot: DV Prentun: Landsprent Dreifing: Árvakur DV á netinu: www.dv.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
14 8. maí 2013 Miðvikudagur
Leiðari
Reynir Traustason
rt@dv.is
Kjallari
Jóhann Hauksson
„Heyrðu. Ert þú
einn af þessum
bitru og reiðu mönnum?