Dagblaðið Vísir - DV - 07.08.2013, Blaðsíða 18

18 Sport 7. ágúst 2013 Miðvikudagur
n Nýir og efnilegir leikmenn sem munu láta til sín taka í enska boltanum sem byrjar aftur fljótlega
Fylgstu með
þessum í vetur
Nathan Redmond
Félag: Norwich
Staða: Vængmaður
Þjóðerni: England
Aldur: 19 ára
n Nathan Redmond var keyptur til Norwich
í sumar frá fyrstu deildarliðinu Birmingham.
Þrátt fyrir ungan aldur lék Redmond 82 leiki
með Birmingham og var besti maður enska
U21 árs landsliðsins sem fór sneypuför á
Evrópumótið í sumar. Redmond er fljótur og
tæknilega góður leikmaður sem mun gefa
Norwich-liðinu skemmtilega vídd. Ef þú
spilar í Fantasy Premier League ættirðu að
íhuga að kaupa hann í liðið þitt.
Gerard Deulofeu
Félag: Everton
Staða: Vængmaður/framherji
Þjóðerni: Spánn
Aldur: 19 ára
n Deulofeu er í eigu Barcelona en var lánað-
ur til Everton til að öðast meiri reynslu. Það
segir margt um gæði þessa leikmanns að
hann er talinn einn sá efnilegasti sem kemur
upp úr akademíu Barcelona í áraraðir. Í fyrra
lék hann með B-liði Barcelona í B-deild
Spánar þar sem hann skoraði 18 mörk í 33
leikjum. Algjörlega framúrskarandi með
boltann og með gott auga fyrir samspili.
Raheem Sterling
Félag: Liverpool
Staða: Vængmaður
Þjóðerni: England
Aldur: 18 ára
n Raheem Sterling skaust fram á sjónarsviðið
síðastliðið haust og átti frábæra leiki í byrjun
tímabils. Hann byrjaði flesta leiki og spilaði
mikið. Eins og oft vill verða með unga leikmenn
átti hann erfitt með að halda dampi og var
notaður sparlega eftir áramót. Brendan Rod-
gers hefur mikla trú á stráknum og tók hárrétta
ákvörðun með því að kippa honum úr liðinu.
Nú mun Sterling mæta reynslunni ríkari á nýju
tímabili og halda áfram að gera bakvörðum
lífið leitt með hraða sínum og tækni.
Leroy Fer
Félag: Norwich
Staða: Miðjumaður
Þjóðerni: Holland
Aldur: 23 ára
n Fer var nálægt því að ganga í raðir
Everton í janúar en féll á læknisskoðun. Fer
er vinnusamur miðjumaður, algjört tröll að
burðum og hefur verið borinn saman við
Patrick Vieira. Þessi leikmaður mun eflaust
láta til sín taka í vetur og verður spennandi
að fylgjast með honum í Norwich-liðinu.
Philippe Coutinho
Félag: Liverpool
Staða: Sóknarsinnaður miðjumaður
Þjóðerni: Brasilía
Aldur: 21 árs
n Liverpool datt í lukkupottinn þegar það
landaði Coutinho frá Inter í janúar. Þessi
snaggaralegi Brassi átti frábæra leiki með
Liverpool og virðist smellpassa inn í ensku
úrvalsdeildina. Hann er leikmaður sem
er óhræddur við að vera með boltann og
getur tætt upp varnir andstæðinga með
einstaklingsframtaki eða sendingum. Þar
sem Coutinho er aðeins 21 árs á hann aðeins
eftir að verða betri.
Jores Okore
Félag: Aston Villa
Staða: Varnarmaður
Þjóðerni: Danmörk
Aldur: 20 ára
n Okore er fæddur á Fílabeinsströndinni en
leikur fyrir landslið Danmerkur. Hann gekk
í raðir Villa frá Nordsjælland í Danmörku í
sumar fyrir fjórar milljónir punda. Okore er
talinn vera einn efnilegasti varnarmaður
Evrópu og voru fjölmörg félög sem vildu fá
hann í sínar raðir. Daninn er nautsterkur og
mjög fljótur og gæti orðið einn athyglisverð-
asti varnarmaður deildarinnar.
Wilfried Zaha
Félag: Manchester United
Staða: Vængmaður
Þjóðerni: England
Aldur: 21 árs
n Wilfried Zaha hefur þegar sýnt að hann
mun reynast Manchester United vel. Zaha
var besti maður United á æfingaferðalagi
liðsins um Asíu í júlímánuði og nokkuð ljóst
þykir að hann mun fá fullt af leikjum í vetur
til að láta ljós sitt skína. Fljótur, sterkur og
tæknilega góður leikmaður sem einnig getur
gefið afbragðsgóðar fyrirgjafir.
Kevin De Bruyne
Félag: Chelsea
Staða: Sóknarsinnaður miðjumaður
Þjóðerni: England
Aldur: 22 ára
n Kevin De Bruyne var keyptur til Chelsea
frá Genk í janúar 2012 en var lánaður strax
aftur til belgíska liðsins. Í fyrra lék hann svo
sem lánsmaður með Werder Bremen þar
sem hann var besti leikmaður félagsins. De
Bruyne átti fína leiki í æfingaferð Chelsea
á dögunum áður en hann meiddist. Hann
verður þó tilbúinn fyrir átökin í ensku
deildinni og gæti orðið frábær viðbót við
Chelsea-liðið.
Andreas Weimann
Félag: Aston Villa
Staða: Framherji
Þjóðerni: Austurríki
Aldur: 21 árs
n Paul Lambert er að setja saman
spennandi lið á Villa Park og er Weimann
einn mest spennandi leikmaður liðsins.
Austurríkismaðurinn myndaði sterkt
sóknarpar með Christian Benteke síðasta
vetur. Þeir félagar hafa báðir skrifað undir
nýjan samning við Villa-liðið og munu halda
áfram að valda usla í vörn andstæðinganna
í vetur. Weimann er eldfjótur og lunkinn við
að koma sér í færi.
James Ward-Prowse
Félag: Southampton
Staða: Miðjumaður
Þjóðerni: England
Aldur: 18 ára
n Southampton hefur framleitt hágæðaleik-
menn á færibandi á undanförnum árum og
nýjasta afurðin er James Ward-Prowse. Þessi
18 ára strákur lék 15 leiki í úrvalsdeildinni í
vetur og sýndi oftar en ekki flott tilþrif. Hann
á vafalítið eftir að fá fleiri tækifæri í vetur
en þarf að berjast fyrir sæti sínu í sterku liði
South ampton. Ward-Prowse býr yfir frábær-
um sendingum og er flinkur með boltann –
leikmaður sem vert er að fylgjast með í vetur.