Dagblaðið Vísir - DV - 21.01.2014, Blaðsíða 15

Vikublað 21.–23. janúar 2014 Fréttir Viðskipti 15
Stofnaðu
fyrirtæki á
netinu
Skúli Eggert Þórðarson ríkisskatt-
stjóri hélt tölu á Skattadegi Félags
löggiltra endurskoðenda á Grand
hóteli þar sem hann greindi frá
fyrirhuguðum breytingum þess
efnis að í framtíðinni verði hægt
að stofna fyrirtæki í gegnum ver-
aldarvefinn. Það mun taka aðeins
einn sólarhring að stofna félag
með því að fylla út upplýsingar,
greiða stofngjald til ríkissjóðs og
skrifa undir skjölin með rafræn-
um hætti. Hægt er að skrifa undir
með notkun farsíma í stað raf-
rænna skilríkja á greiðslukortum
á vefsíðu ríkisskattstjóra.
Netið prófað
hjá Icelandair
Þráðlaust net hefur verið sett upp
í nokkrum flugvélum Icelandair
og verður búnaðurinn prófaður
á næstu vikum. Að sögn Guðjóns
Arngrímssonar, upplýsingafull-
trúa fyrirtækisins, ganga prófan-
ir vel.
Í fyrrahaust kom tilkynning
þess efnis að netvæðingu
Icelandair hafi seinkað vegna
tafa með vottun, en samningur
við bandaríska félagið Row 44
var undirritaður um mitt sumar
2012. Við undirritun samningsins
var tilkynnt að flugfloti félagsins
yrði netvæddur á haustmánuð-
um 2013.
Icelandair hefur ekki gefið
upp hvenær kerfið verði komið í
almenna notkun.
Fundað um
samfélags-
ábyrgð
Á fimmtudaginn halda Festa,
miðstöð um samfélagsábyrgð, og
Samtök atvinnulífsins ráðstefnu
um sameiginlegan ávinning fyr-
irtækis og samfélagsins. Festa
lýsir hugtakinu samfélagsábyrgð
fyrir tækja þegar fyrirtæki ákveður
að leggja sitt af mörkum til upp-
byggingar samfélagsins.
Fundurinn verður haldinn
á Hilton Reykjavík Nordica og
munu stjórnendur fyrirtækja lýsa
ávinningi og áskorunum við að
innleiða ábyrga starfshætti. Meðal
þeirra sem koma fram eru Sæv-
ar Freyr Þráinsson, forstjóri Sím-
ans, Steinþór Pálsson, bankastjóri
Landsbankans, og Hörður Arnar-
son, forstjóri Landsvirkjunar.
Fundarstjóri verður Kristrún
Heimisdóttir, framkvæmdastjóri
Samtaka iðnaðarins.
G
löggir gestir Subway, hinn-
ar geysivinsælu skyndi-
bitakeðju, hafa eflaust tek-
ið eftir að Coca-Cola hefur
verið skipt út úr ísskápnum
fyrir Pepsi Cola. Subway er einn
mest sótti skyndibitastaður lands-
ins og telja þeir 23 alls og eru stað-
settir á víð og dreif um hringveg-
inn. Heimasíða Subway hefur ekki
enn tekið út auglýsingar frá Vífil-
felli, framleiðanda Coca-Cola á Ís-
landi.
Brengluð samkeppni
„Þessar breytingar staðfesta að það
er mjög virk samkeppni á drykkj-
arvörumarkaði á Íslandi,“ seg-
ir Jón Viðar Stefánsson, markaðs-
stjóri Vífilfells, við blaðamann.
„Vífilfell var í þeirri stöðu að vera
úrskurðað markaðsráðandi fyrir-
tæki á gosdrykkjamarkaði á Ís-
landi. Héraðsdómur Reykjavíkur
ógilti þann úrskurð 18. nóvember
síðastliðinn stuttu eftir að þessir
fyrrverandi samstarfsaðilar Vífil-
fells til margra ára gerðu samninga
við okkar helsta samkeppnisaðila.
Vífilfelli voru settar skorður laga-
lega hvað varðaði samkeppnislög
og gat Vífilfell á þessum tíma ekki
komið til móts við óskir þessara
fyrirtækja.“
Jón Viðar segir dyrnar ávallt
standa opnar vilji fyrirtækin
endurskoða sína samninga.
„Markaðsráðandi fyrirtæki
sæta miklum takmörkunum við
gerð viðskiptasamninga,“ útskýrir
Jón Viðar. „Augljóst er að á með-
an ekki giltu sambærilegar reglur
í þessum efnum um Vífilfell og Öl-
gerðina var samkeppni á markaðn-
um brengluð.“
Vífilfell bauð ekki nóg
„Þetta var gert um áramótin,“ seg-
ir Gunnar Guðjónsson, fráfar-
andi framkvæmdastjóri Subway,
um innleiðingu Ölgerðarinnar
en samningur þeirra við Vífilfell
rann út á nýju ári. Gunnar seg-
ir ákvörðunina vera tekna á við-
skiptalegum grundvelli.
„Við fengum samningstilboð frá
báðum aðilum,“ útskýrir Gunnar.
„Ölgerðin var með betra tilboð og
er með góðar vörur. Þeir eru miklu
sterkari í diet- og vatnsdrykkjun-
um. Þó að þetta rauða kók sé alltaf
mjög vinsælt, þá eru þeir sterkari í
öðrum drykkjum.“
Samningurinn nær til þriggja
ára og segir Gunnar að viðtökur
viðskiptavina hafi verið góðar en
það séu alltaf einhverjir ósáttir,
eins og gengur.
„Fólk á sér alltaf sinn uppá-
haldsdrykk,“ segir Gunnar sem rær
á önnur mið þegar Hrafn Stefáns-
son tekur fljótlega við starfi hans.
„Ölgerðin í sókn“
Vífilfell hefur verið einkaframleið-
andi Coca-Cola á Íslandi frá því
1. júní 1942 þegar Björn Ólafsson
stórkaupmaður gerði samning við
fyrirtækið um stofnun verksmiðju
á Íslandi. Aðeins tveir mánuðir
eru liðnir frá því að Vífilfell hætti
viðskiptum við Sambíóin og er
Laugarásbíó eina kvikmyndahúsið
á höfuðborgarsvæðinu sem selur
Coca-Cola. Ölgerðin, framleiðandi
Pepsi Cola, hefur tekið við keflinu
bæði á Subway og í kvikmyndahús-
unum og er ljóst að Vífilfell hefur
misst stóran markað.
„Þetta er góður viðskiptasamn-
ingur fyrir báða aðila og við sjá-
um Ölgerðina í mikilli sókn. Fyrir-
tækið býður upp á breytt og gott
vöruúrval og við hlökkum til sam-
starfsins,“ sagði Árni Samúelsson,
eigandi Sambíóa, við undirritun
viðskiptasamningsins sem fór
fram í Þjóðleikhúsinu í nóvember.
Andri Þór Guðmundsson, forstjóri
Ölgerðarinnar, sagði samninginn
marka tímamót fyrir fyrirtækið.
Blóðug barátta við eftirlitið
Það var í nóvember í fyrra sem ís-
lenska ríkinu var gert að endur-
greiða Vífilfelli 80 milljóna króna
stjórnvaldssekt sem Samkeppnis-
eftirlitið lagði á fyrirtækið í október
árið 2011. Samkeppniseftirlitið
taldi að Vífilfell væri með mark-
aðsráðandi stöðu á gosdrykkja-
markaði á landinu. Niðurstaða
eftir litsins var að Vífilfell hefði gert
713 einkakaupasamninga við við-
skiptavini sína á árunum 2005 til
2008 og hefðu flestir þeirra samn-
inga falið í sér að viðskiptavinir
keyptu eingöngu vörur Vífilfells.
Fyrirtækið mótmælti dómnum
harðlega og hafði ýmsar aðfinnsl-
ur við það hvernig Samkeppnis-
eftirlitið mat markaðsstöðu þess.
Dómurinn tók undir nokkrar af
aðfinnslum Vífilfells og sagði að
rannsókn eftirlitsins hefði verið
ábótavant. n
Vífilfell missir
líka Subway
n „Ölgerðin með betra tilboð“ n Dómurinn hafði áhrif á samningsstöðu
Alltaf einhverjir ósáttir hjá Subway segir viðtökurnar góðar yfirhöfuð.
Ingólfur Sigurðsson
ingolfur@dv.is
Veldi Vífilfells minnkar Sambíó og Subway þáðu samningstilboð Ölgerðarinnar.
„Við fengum samn-
ingstilboð frá báð-
um aðilum.
Ætla að skapa þekkingu í Vatnsmýri
Aðgerðaráætlun um að gera Vatnsmýrina að miðstöð nýsköpunar
Á
mánudag undirrituðu Reykja-
víkurborg, Háskóli Íslands, Há-
skólinn í Reykjavík, Samtök
sveitarfélaga á höfuðborgar-
svæðinu og Landspítalinn samkomu-
lag þess efnis að skapa miðstöð þekk-
ingargreina og nýsköpunar á Íslandi í
Vatnsmýri. Þessir aðilar mynda sam-
starfsvettvang um þekkingarsvæðið og
er mótun áætlunarinnar þegar hafin.
Þetta mun meðal annars vera skref
í átt að því að auka hlut þekkingar-
greina og hátækni á Íslandi. Þeir sem
að samkomulaginu koma vilja efla
hlutdeild þeirra í hagkerfinu og sjá
Vatnsmýrina fyrir sér sem miðlægan
punkt. Hún á að gegna lykilhlutverki
enda eru þar tveir stærstu háskólar
landsins og háskólasjúkrahús. Þá er
einnig horft til þess að staðsetning
Vatnsmýrarinnar í næsta nágrenni við
miðborg Reykjavíkur skapi mikilvæg
tækifæri til að byggja upp þekkingar-
svæði. „Nútímalegt skipulag þekk-
ingarsvæðisins getur laðað til sín og
fóstrað fyrirtæki, rannsóknarstofnanir
og starfsfólk í þekkingargreinum í al-
þjóðlegri samkeppni,“ segir í tilkynn-
ingu Reykjavíkurborgar.
Búist er við því að þessi geiri muni
gegna lykilhlutverki í útflutningi á
komandi árum. Að auki er greint frá
því í tillögum Samráðsvettvangs um
aukna hagsæld á vegum ríkisstjórnar
að alþjóðageirinn, sem eru alþjóð-
leg fyrirtæki sem byggjast á innlendri
þekkingu, þurfi að vaxa mun hraðar
en hagkerfið í heild, enda muni hann
skipta máli í téðum útflutningi.
Til að vinna að þessu á að greina
núverandi stöðu og helstu sóknarfæri
þekkingargreina í Vatnsmýri í alþjóð-
legu samhengi. Þá á að skapa sam-
eiginlega framtíðarsýn um þekkingar-
svæðið Vatnsmýri, en einnig undirbúa
kynningu á svæðinu og setja fram að-
gerðaráætlun um næstu skref. n
ritstjorn@dv.is
Lífæð nýsköpunar Í Vatnsmýri á nýsköpun að blómstra og mynda þekkingarsetur.
Mynd SIgtryggur ArI JóhAnnSSon