Dagblaðið Vísir - DV - 21.01.2014, Qupperneq 31

Vikublað 21.–23. janúar 2014 Sport 31

TENNIS
er skemmtileg hreyfing

Nú er rétti tíminn til að
panta fastan tíma í tennis.
Eigum nokkra tíma lausa.
Skemmtilegu byrjendanámskeiðin
fyrir fullorðna eru að hefjast.
Skráning og upplýsingar í síma 564 4030 eða á tennishollin.is
Gætu farið í fangelsi
Réttarhöld yfir frönskum landsliðsmönnum hafin
T
veir franskir landsliðs­
menn í knattspyrnu, tveir
af bestu leikmönnum
heims, eiga yfir höfði sér
allt að þriggja ára fangels­
isvist, verði þeir fundnir sekir um
að hafa vitandi vits haft samræði
við ólögráða vændiskonu. Réttar­
höld yfir knattspyrnumönnunum
hófust í París í Frakklandi á mánu­
dag. Leikmennirnir hafa báð­
ir neitað því að hafa sængað með
Zahia Dehar; Benzema þegar hún
á að hafa verið 16 ára og Ribery
þegar hún á að hafa verið 17 ára.
Hvorki leikmennirnir né stúlk­
an, sem nú starfar sem tísku­
hönnuður fyrir Þjóðverjann Karl
Lagerfield, mættu fyrir réttinn.
„Við erum mjög bjartsýnir og ætl­
um að verjast af fullri hörku,“ sagði
Carlo Alberto Brusa, lögmaður
Ribery við fjölmiðla. Í Frakklandi
mega ungmenni hafa kynferðis­
mök við 15 ára aldur en óheimilt er
að greiða einstaklingi sem er yngri
en 18 ára fyrir kynlíf. Hæstiréttur
í Frakklandi úrskurðaði nýlega að
ekki sé hægt að dæma einstak­
ling fyrir samræði við barnungar
vændiskonur nema hann viti að
hún sé undir lögaldri.
Dehar hefur makað krókinn
eftir að málið komst í hámæli.
Hún er nú 21 árs og er orðin mjög
þekkt í heimalandinu, og jafnvel
víðar. Hún ber að hún hafi sofið
hjá báðum mönnunum – og logið
til um aldur. n
baldur@dv.is
Í bobba Ribery og
Benzema segjast
saklausir.
Dehar Segist hafa logið til um aldur.
Þ
etta voru æðisleg tvö stig
en varð aðeins erfiðara en
það átti að verða. Við vorum
kannski aðeins of lengi að
mæta í vinnuna,“ sagði Guð­
jón Valur Sigurðsson, fyrirliði ís­
lenska landsliðsins í handknattleik,
eftir leik Íslands og Makedóníu í
milliriðlum Evrópumótsins í hand­
bolta. Íslendingar unnu að lokum
fínan sigur, 29–27. Makedóníumenn
veittu íslenska liðinu harða keppni
og má segja að íslenska liðið hafi
unnið með herkjum. Sigurinn þýð­
ir að Íslendingar eygja enn von um
sæti í undanúrslitum keppninnar,
en ef það á að ganga eftir verður ís­
lenska liðið að vinna það danska á
miðvikudag en einnig treysta á að
Spánverjar tapi fyrir Makedóníu.
Vonin er lítil en þó enn til staðar.
Guðjón Valur Sigurðsson og Ásgeir
Örn Hallgrímsson voru markahæst­
ir í íslenska liðinu með sex mörk
hvor. Þá varði Björgvin Páll Gústavs­
son sextán skot í íslenska markinu.
Slæm byrjun
Íslenska landsliðið hefur oft byrjað
betur en það gerði í leiknum á móti
Makedóníu í öðrum leik milliriðils­
ins. Fyrsta korterið í leiknum skor­
aði liðið ekki nema þrjú mörk og
sóknarleikurinn var stirðbusalegur.
Frábær frammistaða Björgvins Páls
Gústavssonar í markinu hélt liðinu
á floti.
Eftir að Makedóníumenn
komust í 4–0 rönkuðu strákarnir við
sér. Þeir minnkuðu muninn hægt og
bítandi og Björgvin hélt áfram að
verja í markinu.
Varnarmaðurinn Bjarki Már
Gunnarsson jafnaði metin í 7–7 og
í kjölfarið tóku Íslendingar forystu
í leiknum. Þegar yfir lauk leiddu Ís­
lendingar 14–11 í hálfleik. Björgvin
Páll varði heil 14 skot í fyrri hálfleik,
þar sem Ásgeir Örn Hallgrímsson
var fyrirferðarmestur í sóknarleikn­
um. Stórskyttan Aron Pálmarsson
fann sig alls ekki og fór út af eftir
þrjár misheppnaðar marktilraunir.
Aftur slæm byrjun
Síðari hálfleikur byrjaði jafn illa og
sá fyrri. Íslendingar fundu ekki takt­
inn og Makedóníumenn jöfnuðu
leikinn. Íslendingar héldu frum­
kvæðinu í leiknum en Makedóníu­
menn fylgdu þeim eins og skugginn.
Markvarslan datt svolítið niður og
leikurinn var í járnum. Ísland náði
þriggja marka forystu þegar Björg­
vin Páll átti magnaða sendingu fram
á Guðjón Val, sem skoraði af öryggi.
Ólafur Guðmundsson, sem átti ann­
an flottan leikinn í röð, kom liðinu
fjórum mörkum yfir í næstu sókn.
Vörnin þarf að batna
Íslendingar héldu tveggja til fjögurra
marka forystu þar til Makedóníu­
menn minnkuðu muninn í eitt
mark þegar rúmar fjórar mínútur
voru eftir. Ásgeir Örn skoraði mikil­
vægt mark þegar hálf fjórða mínúta
var eftir. Flottur leikur hjá honum.
Í kjölfarið varði Björgvin Páll, besti
maður íslenska liðsins í leiknum, og
Ísland var á auðum sjó. Guðjón Val­
ur misnotaði vítakast í næstu sókn
en það kom ekki að sök. Íslendingar
sigldu sigrinum heim, með flottu
marki Gunnars Steins Jónssonar.
Liðið hefur oftast spilað betur.
Vörn íslenska liðsins var ekki
nógu sannfærandi í leiknum og þarf
að vera heilsteyptari í næsta leik
gegn ógnarsterkum Dönum.
Aron Kristjánsson, þjálfari ís­
lenska liðsins, sagði við RÚV eftir
leikinn að leikurinn hafi reynt á ís­
lenska liðið. „Makedónarnir eru
þannig að ef þeir fá blóð á tennur nar
þá er erfitt að eiga við þá. Við kom­
um illa inn í leikinn en sköpum okk­
ur að vísu fín færi. Við vissum að
þetta gæti orðið svona en við börðu­
mst allan tímann og náðum þriggja
marka forystu undir lok fyrri hálf­
leiks. Svo byrjuðum við seinni hálf­
leikinn illa og þetta varð ströggl eft­
ir það,“ sagði Aron en tók þó skýrt
fram að hann væri mjög ánægður
með sigurinn. Næsti leikur Íslands
er sem fyrr segir gegn Dönum á
miðvikudagskvöld klukkan 19.30. n
Björgvin bestur
Baráttuglaðir Makedóníumenn létu strákana okkar hafa fyrir hlutunum
Baldur Guðmundsson
Einar Þór Sigurðsson
baldur@dv.is / einar@dv.is
Bestur Björgvin Páll
átti enn einn stórleik-
inn. MynD EPA
„Makedónarnir eru
þannig að ef þeir
fá blóð á tennurnar þá er
erfitt að eiga við þá.
Hart tekist á Makedóníumenn gáfu íslensku strákunum ekkert eftir og hefðu með smá
heppni getað unnið.